係一疊有嗰紙,上下加上書皮,佢其中一條邊拕釘到。通常書裡頭一張紙嗰一面叫一版,又或者一頁。不過有時間「一頁」話係「一張」。

部件】:

  • 書面
  • 書底
  • 內頁
  • 中間大頁
  • 目錄
  • 書脊
  • 書皮
Uncut book p1190369
Notting Hill

《Notting Hill》係1999年5月21號上映嗰一部英國浪漫喜劇電影,係嘚倫敦嗰羅町侯(Notting Hill)拍嗰。佢嗰劇編係Richard Curtis,製片係Duncan Kenworthy,導演係Roger Michell,主演係Hugh Grant、Julia Roberts、Rhys Ifans、Emma Chambers、Tim McInnerny、Gina McKee跟到Hugh Bonneville。

箇部電影得到蠻多嗰好評,係英國電影史上最賣座嗰發行影片。佢贏得英國影視藝術學院獎(BAFTA)、英國喜劇獎(British Comedy Awards)、英國音樂獎(Brit Awards)等等。

人骨子頭畫

人骨子頭畫、小人書係話搦滴子圖畫去話故事嗰美術作品集。

畫嗰通常係人相,故係叫人骨子頭畫;看嗰人時常係細鬼,故係叫「小人書」。

利瑪竇住嘚南昌嗰經歷

利瑪竇住嘚南昌嗰經歷係話意大利傳教士、學者利瑪竇到公元1595年6月-1598年6月嗰箇段時間裡頭住嘚南昌嗰經過歷程。居昌嗰期間,佢通過兵部侍郎石星嗰好友王繼樓醫生,結識到許時間江西嗰社會名流,像建安王朱多㸅、樂安王朱多焿、江西巡撫陸萬垓、南昌知府王佐、文學家李日華、理學家章潢箇滴子南昌嗰上流人物。佢也短得機會就刊發關於西方宗教知識嗰書冊,末後佢都拕邀請到江西第一學府——白鹿洞書院進行講學活動,做起中國嗰第三間教堂——「聖堂」。

唐朝(618年—907年),係中國史上最要緊嗰朝代之一,唐朝皇室姓李,故係也叫「李唐」,係李淵等隋滅吥之後建嗰國。一般都公認唐朝係中國史上最興旺嗰朝代之一,也與漢朝並稱「漢唐」。佢到7世紀嗰最盛期間,中亞嗰砂漠地帯都拕大帝國支配,朝鮮半島嗰渤海國,日本等國到政制、文化等嗰方面都多大受佢嗰影響。唐王李淵到618年逼隋恭帝讓位,仰上改國號為唐(尊稱「大唐」),建立唐朝,以長安(今陝西西安)為京城(後又改叫西京、中京、上都等),接到設洛陽為東都(後改叫東京),太原為北都(後改叫北京),同長安合稱「三都」,接到還先後做嘞兮陪都就像成都、鳳翔、江陵等,但吖子就做銷嘞。唐朝鼎盛時期嗰西元7世紀嗰時間,中亞等地也受唐支配。690年,武則天改國號為周,遷都到神都(洛陽),史稱武周。一徑到705年,唐中宗復辟稱帝,咁才改回「唐」箇隻國號,搦首都遷回長安。唐朝嗰國力到唐玄宗開元年間到達頂點。天寶十四載(755年)嗰安史之亂係轉捩點,國力仰上風快敗落。到唐末民變後中央政府實際拕梁王朱全忠把到,首都遷到洛陽。907年朱全忠逼唐哀帝禪位,唐朝箇就告亡嘞,拕朱全忠建嗰新朝——後梁替代,箇也就係五代十國時期嗰起頭。唐朝攏共289年,傳22個皇帝(包括武則天)。唐帝國嗰文化、政治、經濟、外交等方面都非常喫價,係許時間全世界最嗱嗰國家之一。

唐朝時間江西嗰行政規劃

唐朝時間江西嗰行政規劃係話唐朝到江西設置嗰行政規劃。箇時間江西攏共設立八隻州。編制上話,州嗰戶口有4萬以上嗰叫「上州」,州嗰戶口有2萬以上嗰叫「中州」,州嗰戶口不到2萬嗰叫「下州」,故係江西八州同到佢俚嗰級別係:

洪州,上都督府

饒州,下州

吉州,上州

撫州,中州

袁州,下州

信州,上州

江州,中州

虔州,中州

地理學

地理學主要研究嗰係地球表面嗰各種自然現象或者係人文現象,跟佢俚之間嗰相互關係。中文嗰「地理」得自《易經》。英文嗰「Geography」得自希臘文嗰γεωγραφία(geographia),geo就係「地球」,graphia就係「寫」)。

中國最早嗰地理方面嗰書有《禹貢》同得《山海經》等。

天工開物

《天工開物》係宋應星到1637年5月正式出版嗰一本百科全書。箇本書含到非常闊嗰範圍嗰科學知識,像各種嗰火藥武器等。但等到清朝嗰時間,官府壟斷《天工開物》裡頭嗰蠻多嗰技術,故係箇本書嗰清朝印本冇有幾多,戲得佢嗰原本哈拕保留到日本。

字或漢字,係中國嗰一隻書寫系統。傳說裡頭話佢係黃帝嗰下臣倉頡舞出來嗰,但今下尋到嗰漢字文物光係商朝嗰甲骨文,有三千多年嗰歷史。話係咁話,疑似嗰古文字符號也拕尋到過,像「賈湖符號」等等。

宋應星

宋應星(1587年—1666年?),字長庚,南昌府奉新縣北鄉雅溪牌坊村(今下嗰宋埠鄉牌樓村)人。佢係明朝好有名嗰科學家。佢寫嗰《天工開物》箇本17世紀嗰百科全書容得許時間大量嗰科學技術門類,裡頭就有火藥武器箇滴子尖端武器、技術嗰介紹。佢到歷史上舞出嗰巨大成就,𠵹佢有時間會拕人跟法國嗰科學家狄德羅比得一起,話宋應星係「中國嗰狄德羅」。

張道陵

張道陵(34年-156年),字輔漢,早先叫張陵,原籍東漢沛國豐(今下嗰江蘇豐縣)人。孝和皇帝嗰時間來到鄱陽,登上貴溪嗰龍虎山開始煉丹修道。

孝順皇帝嗰時間帶得弟子到四川鶴鳴山修道。到141年,寫正24篇道書,同時間哈用符水咒法為人治病,建立道教。末后佢拕道徒尊為天師,故係佢就係第一代天師。佢嗰後代承襲道法,世居龍虎山,咁就係「天師世系」。

朱奠培

寧靖王 朱奠培(1418年-1491年),號竹林嬾仙,佢係寧獻王朱權嗰嫡長孫。朱權嗰崽朱磐烒,也就係朱奠培嗰爺,死得脫早,故係1449年,朱奠培就直接頂嘍佢公公朱權嗰王位。

1491年,在位四十三年嗰朱奠培過身,諡號係「靖王」。生前寫有《畫史會要》、《書史會要》等書。

李姓

【李】係江西嗰第二大姓。

江西李氏老早就拕記錄到史書裡頭。《後漢書》就話到李淑,《三國志》嗰李玉等等。西晉鄱陽郡嗰李達係有資料嗰頭隻卒葬外境嗰江西人。江蘇嗰鎮江燕子山有「收鄱陽葛陽縣李達」磚地券。《梁書》哈記載哩梁朝大通年間,鄱陽郡嗰李、彭兩隻大姓「先因忿爭,遂相誣告」,末後爭鬥得結,「李睍等四百二十人詣闕拜表,陳襄德化」。箇係江西有資料嗰最早嗰宗姓爭鬥。

宋朝時間,江西嗰李姓人口係宋朝李姓總人口嗰8.2%。到明朝嗰時間猛增到13.3%,係許時間嗰李姓第一多。

江西嗰民居

江西嗰民居主要拕分做贛派建築、徽派建築、客家圍屋三隻主要嗰組成形式,也係江西嗰傳統文化裡頭嗰重要內容。江西三面環山、北首臨江嗰獨特地理環境舞得江西嗰本地建築有鮮明嗰自身特色,佢到居住嗰編制等級、建築嗰大細規模、選址嗰風水觀念也都形成自簡嗰一套文化屬性。

白鹿洞書院

白鹿洞書院位到九江廬山五老峰嗰南首,係中國最老嗰學院,有「海內第一書院」嗰叫法。首建於南唐升元年間(940年),係中國首處完備嗰書院;南唐時間還建正「廬山國學」(又叫「白鹿國學」),係中國歷史箇隻由中央政府到京都外頭設嗰國學;宋代理學家朱熹任南康(今下星子)太守嗰時間,重修書院,親身講學,白鹿洞書院一吖成為宋末清初幾百年之間中國嗰文化聖地。

朱熹立下嗰《白鹿洞書院學規》:

百科全書

百科全書係人類對某隻領域或全部領域嗰知識嗰總結,咁寫出來嗰一種工具書。

明朝時間,宋應星寫嗰《天工開物》就係本好有名嗰百科全書。

老南昌

南昌城自西漢建嗰豫章城算來,已經有二千多年嗰歷史,記錄南昌嗰歷史、地理、經濟、文化、風土人情嗰各類地方志同得雜籍有上百喇種。

聖經

《聖經》(拉丁話:Biblia;希伯來話:ביבליה‎,)係基督教嗰一本經典經書。

鄉試

鄉試係早以江西最高級別嗰科舉考試,佢係到南昌貢院裡頭舉行嗰,考生來自各地縣學。

唐宋嗰時間,鄉試又叫「鄉貢」、「解試」。明清嗰時間哈有「大比」嗰話法。鄉試嗰主要內容係《四書》、《五經》、策問、八股文等形式,由正、副兩隻主考官監考。

根據1384年頒布嗰《科舉程式》法令,鄉試每三年舉行一回,考期位到子、午、卯、酉年嗰秋八月,故係叫「秋闈」,係正科。有時間也會逢到「恩科」嗰加試。

陳弘緒

陳弘緒(1597年—1665年),明·新建人,佢係陳道亨嗰大崽。

陳弘緒最歡喜藏書,係許時間江西有名嗰藏書大家。佢弆嘚書有《西陽山房藏書記》(1622年)、《續藏書記》同嘚《塞崖藏書記》 (1644年)等等。佢自簡都話:「予束髮(1616年)好觀書,迄今逾不惑且八載(1644年),殆將老矣,而嗜之尤甚。」

1687年,陳弘緒嗰友人搦佢嗰生平著作匯攏,刊行《陳士業先生集》。

雷次宗

雷次宗(386年-448年),字仲倫,南朝·宋·豫章郡南昌人。

佢精通《三禮》、《毛詩》咁兮書。佢到公元491年嗰樣子入廬山慧遠嗰門下。公元438年拕應徵到許時間嗰京師(今下嗰江蘇南京),佢到雞籠山開館講學,收徒幾百人。末後去還廬山,接得又拕征旨入京,晉武帝到鐘山做起「招隱館」,讓雷次宗教太子同到諸王講經。佢一生寫有《豫章記》、《豫章古今記》、《雷次宗集》等書。

別嗰話

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.