Union Europeane

La Union Europeane (UE in curt) e je une organizazion sorenazionâl che al dì di vuê e cjape dentri 28 stâts. L'an de nassude de Union al è il 1992, cuant che al fo fat bon il Tratât di Maastricht, che al cjape il non de citât olandese dulà che al è stât firmât. Prime di cheste date a si cjatin putropis organizazions, come la Comunitât Europeane e prime ancjemò la Comunitât Economiche Europeane, nassude uficialmentri ai 1 di Zenâr 1958.

Lis ativitâts de Union Europeane a cuvierzin dutis lis areis, de salût ae protezion dal ambient, de difese ae economie, ma lis sôs competencis a gambiin une vore: par esempli pe agriculture, la Union e à une politiche comun, ma par la difese spes lis opinions dai stâts a son diviersis e chest al causione problemis.

Union Europeane
Flag of Europe
EU27 as a single entity in the world

Istituzions

La Union e à une vore di istituzions:

  • il Parlament European, cun 732 membris;
  • il Concili de Union Europeane (o Concili dai ministris), 25 membris;
  • la Comission Europeane, 25 membris;
  • la Cort di Justizie, 25 membris;
  • la Cort dai Conts, 25 membris.dullio

A chestis a van zontadis chês economichis, come la Bancje Centrâl Europeane, e lis agjenziis che a àn di puartâ indevant politichis par setôrs specifics.

Paîs membris

La Union Europeane e à 28 paîs membris, une superficie di 4.326.253 km² e cirche 495 milions di citadins tal 2006. Se e fos un stât unic, al sarès il setim par dimension e il tierç daûr a Indie e Cine pe popolazion.

Dai sîs paîs dal inizi, par mieç di putrops slargjaments si è rivâts a 28 paîs membris.

UE-EU-ISO 3166-1
I paîs membris e chei che a volaressin jentrâ
An Stât
1952 Belgjiche, France, Gjermanie Ocidentâl, Italie, Lussemburc, Paîs Bas
(membris fondadôrs)
1973 Danimarcje, Irlande, Ream Unît
1981 Grecie
1986 Portugal, Spagne
1990 Gjermanie Orientâl, cu la riunificazion
1995 Austrie, Finlande, Svezie
2004 Cipri, Republiche Ceche, Estonie, Ongjarie, Letonie, Lituanie, Malte,
Polonie, Slovachie, Slovenie
2007 Bulgarie, Romanie
2013 Cravuazie

Note:

  • La Groenlande e à lassât la Union tal 1985, decision cjapade cuntun referendum.

Membris futûrs e altris paîs

European-parliament-strasbourg-inside
Quai d'Orsay
Eurotower in Frankfurt

Lenghis

Crystal Clear app xmag.png Par aprofondî l'argoment viôt la vôs Lenghis de Union Europeane.


Inte Union Europeane a esistin 23 lenghis uficiâls, e ducj i documents presentâts dai citadins aes istituzions Europeanis a puedin jessi scrits in une des lenghis uficiâls. Inte Comission Europeane, purpûr, dome 3 (inglês, francês e todesc) a son dopradis come lenghis di lavôr.

Leams esternis

2004

2003 < 2004 < 2005

An internazionâl pal rîs pes Nazions Unidis

An bisest

Austrie

La Austrie e je un stât de Europe centrâl che e fâs part de Union Europeane dal 1995. La superficie de Austrie e je di cirche 83.858 km², cun 8 milions di abitants. La capitâl e je Viene.

E confine a ovest cun Svuizare e Liechtenstein, a sud cun Italie e Slovenie, a est cun Ongjarie e Slovachie e par finî a nord cun Gjermanie e Republiche Ceche.

Bulgarie

La Bulgarie e je un stât de Europe orientâl, jentrade inte Union Europeane il 1 di Zenâr 2007. Il paîs al fâs part de Penisule Balcaniche. E confine a Nord cu la Romanie, a Sud cun Grecie e Turchie e a Ovest cun Serbie e Macedonie. E je bagnade a Est dal Mâr Neri.

Euro

L'Euro (al plurâl pues jessi sicu Euro sicu Euros) e je la monede uficiâl dai stâts de Zone dal Euro (Eurozone), che comprint 15 paîs de Union Europeane. E je componude di minûts di 1, 2, 5, 10, 20, 50 centesims, 1 e 2 euros, e di biliets di 5, 10, 20, 50, 100, 200 e 500 euros.

Al è stât introdot tal 1999, ma lis monedis e i bêçs di cjarte a son in circolazion cun valôr legâl dome dal 1 di Zenâr 2002.

France

La France e je un stât de Europe ocidentâl che e confine cun Belgjiche, Lussemburc, Gjermanie, Svuizare, Italie, Monaco, Andore e Spagne. E je un dai membris fondatôrs de Union Europeane.

Oltri a la France metropolitane, a son part dal stât ancje i teritoris di oltri mâr come par esempli Guadalupe in Americhe e la Gnove Caledonie in Oceanie. Il non France al ven fûr de tribù gjermaniche dai Francs, che a ocuparin la regjon daspò de colade dal Imperi Roman.

Gjermanie

La Gjermanie e je un stât de Europe centrâl che e je stade un dai fondadôrs de Union Europeane. Vuê al è al stât plui popolât e indi un dai plui impuartants de Union, soredut tal ambit economic.

E confine a ovest cun France, Lussemburc, Olande e Belgjiche, a sud cun Svuizare e Austrie, a est cun Polonie e Republiche Ceche e a nord cun Danimarcje.

Grecie

La Grecie e je un stât de Europe meridionâl, jentrade inte Union Europeane il 1 di Zenâr 1981. E confine a Nord-Ovest cu la Albanie e a Nord cun Macedonie e Bulgarie e a Nord-Est cu la Turchie. E je bagnade dal Mâr Egeo e dal Mâr Ioni.

Irlande

La Irlande al è un stât de Europe ocidentâl, jentrât inte Union Europeane il 1 di Zenâr 1973. Al è formât da uns 5/6 de Isule d'Irlande. Al confine cu la Irlande dal Nord, che e fâs part dal Ream Unît.

Italie

L'Italie e je un stât de Europe meridionâl che e fâs part de Union Europeane fin de sô fondazion. La superficie de Italie e je di cirche 300.000 km², cun scuasit 58 milions di abitants; e confine a nord ovest cu la France, a nord cu la Svuizare e l’Austrie, a nord est cu la Slovenie. La capitâl e je Rome.

Lenghe spagnole

Il spagnûl (español) al è une lenghe romanze ocidentâl. E je la lenghe romanze plui fevelade tal mont, doprade come lenghe ufiziâl in Spagne, in diviersis stâts de Americhe Centrâl e in ducj i paîs de Americhe Meridionâl, infûr dal Brasîl, Guyane e Suriname (par une liste complete dai paîs, cjale la tabele in bande). Al è une des lenghis uficiâls de Union Europeane e des Nazions Unidis. La lenghe e je ancje une vore fevelade, cence jessi ufiziâl, tai Stâts Unîts di Americhe e te zone dal Sahara Ocidentâl.

Lenghe taliane

La lenghe taliane e fâs part des lenghis romanzis e e jê fevelade di cirche setante milions di personis.

E je la lenghe nazionâl de Italie e di San Marin, e je une des lenghis nazionâls de Svuizare e dal Vatican, e je tutelade tant che minorance lenghistiche in Slovenie e in Cravuazie.

Il talian al nas dal fiorentin come lenghe leterarie doprade da Dante Alighieri, Francesco Petrarca e Giovanni Boccaccio.

Dopo la unitât de Italie dal 1861 il talian al è planc planc deventât la lenghe plui fevelade de int de penisule. Il servizi militâr obligatori, la scuele e sore dut i mass media e in particolâr la television a àn pandût il moderni talian standard.

Lenghe todescje

Il todesc () al è une des lenghis gjermanichis ocidentâls de famee da lis lenghis indoeuropeanis, e une des plui pandudis ator pal mont, ancje se no al nivel di altris lenghis coloniâls. E je fevelade di plui di 120 milions di personis in 38 paîs, i plui impuartants di lôr a son la Gjermanie, la Austrie e la Svuizare.

A nivel mondiâl, si segnale come la lenghe che si fasin plui traduzions di jê e viers di jê; e je intai prins trê puescj tra lis lenghis plui imparadis, e intai prins dîs puescj di chês plui feveladis.

Lituanie

La Lituanie, (Lietuva) e je un stât de Europe orientâl che e je jentrade te Union Europeane e te NATO tal 2004. Al è un dai 3 stâts baltics che e fasevin part une volte de Union Sovietiche.

Malte

Malte e je une isule e un stât de Europe meridionâl che e je jentrade te Union Europeane tal 2004. E je logade fra Sicilie e Libie.

Portugal

Il Portugal al è un stât de Europe ocidentâl che al fâs part de Union Europeane dal 1 di Zenâr 1986. La superficie e je di cirche 92 mil chilometris cuadris, cun oltri dîs milions di abitants. La capitâl e je Lisbone.

Slovachie

La Slovachie e je un stât de Europe centrâl che al fâs part de Union Europeane dal 1 di Mai dal 2004. La superficie de Slovachie e je di cirche 50.000 km², cun plui di 5 milions di abitants. E confine cu la Polonie a Nord, la Ucraine a Est, la Ongjarie a Sud, la Austrie e la Republiche Ceche a Ovest.

Slovenie

La Slovenie (par sloven Republika Slovenija) e je un stât de Europe centrâl che e fâs part de Union Europeane dal 1 di Mai dal 2004. E confine cun l'Italie a ovest, cun l'Austrie a nord, cul Ongjarie a nord est e cu la Cravuazie a sud e est. A Sud-Ovest e je ancje bagnade par pôcs chilometris dal Mâr Adriatic.

Spagne

La Spagne e je un stât de Europe ocidentâl che al fâs part de Union Europeane dal 1 di Zenâr dal 1986. E confine a Ovest col Portugal e a Nord cun le France. E je une monarchie parlamentâr, e il cjâf di stât al è il re Juan Carlos I.

Altris lenghis

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.