Salomon

In non al salte fûr da un tiermin che al significhe "pâs"

Fi dal re Davide e di Betsaide, al fo sucessôr al tron di so pari ator dal 1000 p.d.C.

Al è lui che al fasè edificâ il templi che al jere stât programât di so pari.

In contrast cul ream di so pari Davide, un ream plen di vueris, chel di Salomon al fo un periodi di pâs. Salomon a si impegnave une vore intal cumierç. Al veve une flote e al impuartave grandis cuantitâts di aur e di gjemis.

Tancj re da tiere a puartavin ogni an regâi dal rispetîfs pais. Il visitadôr plui ilustri e je stade sigurementri la regjine di Saba, le cuâl dopo vê smirât il sflandôr dal templi e de cjase di Salomon e dè fûr: "Ve, no mi è stade riferide la metât. Tu âs superât in sapience e prosperitât lis robis scoltadis a lis cuâl o ai prestât scolte".

Intal cuart an dal so ream, Salomon al començà a tirâ sù la cjase dal Idiu sul mont Moria. La edificazion dal templi a fo pacifiche e cidine. A vignirin dopradis tantis pieris scuadradis e legnam di cedri e zenevrâr. A lavorarin a turni trente mil oms, setante mil fachins e otante mil pichepieres. L'opare e domandà cirche siet ains e mieç di lavôr.

Salomon purpûr al è cognossût pe so sapience. Lui al è il scritôr dal libri di Proverbis, dal libri di Eclesiaste e de Grande Cjante des Sacris Scrituris, palesant une profonde cognossince des plantis, dai nemâi e de nature umane.

O ricuardin la nomenade situazion inte cuâl dôs feminis a reclamarin di jessi ognidune le mari dal stes frutin. Salomon al discrosâ le cuestion disint: "Taiait il frutin a metât e dait un toc paron a lis feminis".

Le vere mari e saltà sù disint: "Daitlu pûr a che altre, baste che il frutin al resti vîf".

Magari cussì no, cul timp il cûr di Salomon a si ingaluçà, forsi ancje straviât das tantis feminis che al veve (cualchidun al dîs che tra feminis e concubinis a 'ndi jerin plui di mil), al bandonà le adorazion dal vêr Idiu, il cuâl no i acordà plui le so benedizion e il so ream al le in sbrui.

Arcje dal Pat

Arcje dal pat.

E je definide ancje "arcje de testemoneance".

E jere une casse fate sul comant dal Idiu e secont lis sôs istruzions.

Si cjatave intal Santissim dal tabernacul e plui tart intal templi di Salomon.

Forme e misuris.

E jere lungje cirche 110 centimetrots, largje 65 e alte 65.

E jere fate di len di agace e sfodrade dentri e fûr di aur rût.

Il tapon al jere di aur massiç e su di lui a si cjatavin dôs statuis a forme di agnul (cherubins), ancje chescj ducj di aur.

Ai lâts, la cassele a veve doi anei par bande dulà che a jerin impiradis dôs stangjies di agace sfodradis di aur che a servivin par traspuartâle.

Contignût.

L'Arcje e servive come archivi par conservâ i memoreadôrs sacris.

Intal so interni a si cjatavin lis dôs tauletis de testemoneance o Dîs Comandaments.

A 'ndi jere ancje une ceste che e contignive la mane e la vergje di Arone.

Significât.

L'Arcje e veve relazion cu la presince dal Idiu, e chest al puartave benedizions al popul di Israêl, come che si po lei in varijes bandis dal Vecjo Testament.

Il fat che e figuràs la presince dal Idiu al comandave che i vignissin mostrâts debit rispiet e une vore di rivuart.

No jere però un magheç. La benedizion dal Idiu e dipendeve de spiritualitât e de fedêl obedience di chei che a 'ndi vevin paronance.

L'Arcje no si cjate plui e no si sa cuant e in cualis circostancis e je sparide.

Australie

La Australie, uficialmentri Commonwealth of Australia, al è un paîs dal emisferi meridionâl che al inclût la part plui grande dal continent plui piçul dal mont, la Oceanie, la isule de Tasmanie e un ciert numar di altris isulis minôrs intal Ocean Indian e Pacific. I paîs plui dongje a son la Indonesie, Timor orientâl e Papue Gnove Guinee al nord, lis Isulis Salomon, Vanuatu e la Gnove Caledonie a nord-est e la Gnove Zelande a sud-est.

La tiere ferme australiane e je stade abitade di plui di 42.000 agns dai aborigjens australians. Dopo di visitis sporadichis di pescjadôrs dal nord e la discuvierte europeane, fate di esploradôrs olandês intal 1606, la metât orientâl de Australie e fo daspò rivendicade dai britanics intal 1770 e al inizi doprade come colonie penâl, come part de colonie dal Gnûf Gales dal Sud, fondade ai 26 di Zenâr dal 1788. Cun la incressite de popolazion e la esplorazion di gnovis areis, intal XIX secul a forin creadis altris cinc colonis de corone, un grum autonomis.

Il 1 di Zenâr dal 1901, lis sîs coloniis a deventarin une federazion, e nassè cussì il Commonwealth of Australia. Di in chê volte, la Australie e à tignût un sisteme politic liberâl democratic stabil e e reste un Paîs dal Commonwealth. La capitâl e je la citât di Canberra, logade intal Teritori Capitâl Australian (ACT). La popolazion e je sui 21 milions di abitants, concentrâts intes capitâls dai diviers stâts federâi de tiere, ven a stâi Sydney, Melbourne, Brisbane, Perth e Adelaide.

Cavalîrs templârs

Chel dai ' Pauperes commiltones Christi templique Salomonis ' ( puars compagns armâts di Jesu Christ e dal templi di Salomon ) pui cognossûs come cavalîrs templars o ancje nome templârs fo un dai prins e pûi cognossûs ordins religjôs di cavalîrs cristians de Etât di Mieç

Le nascite dal ordin si coloche in te Tiiare sante, tal mieç des vueris jenfri lis fuarcis cristianis e islamichis sclopadis daspo la prime Crosade dal 1096 .

In te epoche, lis stradis de Tiaresante jerin parcorudis dai pelerins che vignivin di dute Europe.Simpri pui frecuent al jere il pericul di laris e brigants.Par difindi i lûcs sants e i pelerins vegnin fondâts ordins religjôs di cavalîrs.

Atôr dal 1118 - 1119 , un puin di cavalîrs decît di fondâ l'Ordin Templâr , cun il compit di difindi i tancj pelerins europeans che levin a Gjerusalemme .

L'Ordin al ven uficializât tal 1129, cjapant la regule monastiche e cul jutori di San Bernart di Clairvaux

Il fât di jess religjôs e ancje vuerîrs , carateristiche che a simpri segnât chest Ordin , al fo simpri viodût cun une certe perplessitât tal ambient cristian.

L'Ordin Templâr, tal cors dal timp, si dediche ancje al lavôr tai cjamps , creant un gran sisteme di produzion , e ancje a la gjestion finanziarie dai bens dai pelerins, rivant a meti su il pui avanzât sisteme bancari dal timp.

Cul passa dai secui, la cressite finanziarie e dal podê dei Templârs, no ven viodude di bon voli de bande dal re di France Filip il Biel, che une volte decidût, al cîr cun dutis lis sôs fuarcis di meti fin al Ordin Templâr jenfri il 1312 e il 1314.

Cun la Bole di Pape Clement V, l'Ordin ven scomunicât par no jessi pui ricostituît.

I Templârs vegnivin ricognossûs par vie de lôr veste, blancje o nere, parsore di cheste veste ven zontade la crôs rosse a çampe.

Cheste crôs jere vonde piçule e no grande tal pet o daûr de schene, come sin usâs a viodile tai libris o al cine.

Ebraisim

L'Ebraisim e je la religjon dal popul ebraic, cun plui di 15 milions di crodints (dâts dal 2006). Secont il sô pinsîr, daspò de creazion dal mont, Diu al à stabilît un pat cul popul ebraic e ur à rivelât i siei comandaments cun lis taulis da la Torah (Leç). Lis pratichis religjosis ebraichis a son leadis al studi e a la osservance di chei comandaments.

I Ebreus a considerin come libris sacris cualchidun jenfri chei dal Vieri Testament dai cristians: lôr a àn tignût bon dome i libris che a son scrits par intîr par ebraic; par chest ta chel cristian (catolic) a son libris - come par esempli "Judite", in part tramandât par grec - che tal ebraic a no son.

I valôrs dal Ebraisim a son in part i fondaments di altris religjons: par chest il Cristianisim (e no dome par il Vieri Testament) al è in part leât ai Ebreus; e a àn similitudinis cui Ebreus altris religjons, come l'Islam e il Samaritanisim.

Ebraisim, Islam e Cristianisim a son lis trê grandis religjons monoteistichis.

Oceanie

Oceanie e je une peraule doprade in sens stret par indicâ l'insiemit de Polinesie, Melanesie e Micronesie, une division pôc sientifiche, tirade fûr di Jules Dumont d'Urville intal 1831.

Intal fevelâ comun, e in gjenar in sens plui larc, cun Oceanie si intint il continent che al inclût ancje la Australie e la Gnove Zelande.

Templi di Jerusalem

Al jere un desideri dal re Davide che l'Arcje dal Pat, che e vignive tignude sot dai telots di tende, e podès vê dimore intune cjase tirade sù a pueste par jê.

L'Idiu a si complasè des buinis intenzions di Davide, pûr al disè che il privilegjio di tirâ sù il templi al sarès stât concedût a so fi Salomon.

Davide, purpûr al fasè ducj i preparatîfs dai progjets in base a lis indicazions dal Idiu e al començà ancje a meti vie i carantans.

Si lei che al à ingrumât plui di cent mil talents e dîs mil darici daur e plui di un milion di talents di arint (1 Cronachis 22:14). Cheste cifre al dì di vuê e podarès ecuivali a trentesîs miliarts di euros.

Salomon nol à doprât ducj chei carantans e chel che i restà lu metè intal tesaur dal templi (2 Cronachis 5:1).

Salomon al començà a tirâ sù il templi intal cuart an dal so ream. I lavôrs a durarin cirche siet ains.

Hiram re di Tiro, i proviodè in cambi di forment, vuardi, vueli e vin, legnam provignût dal Liban e ancje lavoradôrs specializâts inte lavorazion dal legnam e des pieris.

Intal inmaneâ il lavôr, Salomon al tirâ dongje trente mil oms di Israêl. Ju scompartì in trê turnis di dîs mil oms e ju mandave un mês in Liban a lavorâ, po dopo a tornavin a cjase doi mês fra un turni e chel altri.

A vignirin doprâts tancj fachins e pichepieres. A assistevin ai lavôrs plui di cinc cent e cincuante soreintendents.

Le costruzion e jere imponent. E jere dividude in une bande clamade "Sant" di cirche 18 metrots lungje par nûf largje e tredis alte, e di une altre bande clamade "Santissim", che e jere un cubi di cirche 9 metrots di lât.

Ator dal templi su trê lâts a 'ndi jere une costruzion che a contignive dipuesits e altris locâi.

I paviments a jerin fodrâts di len di zenevre, mentri lis parêts a jerin di cedri e a 'ndi jerin sculpidis figuris di cherubins, palmis e rosis.

Lis parêts e il sofit a jerin interementri sfodrâts daur.

Intal Santissim e jere metude l'arcje dal pat, e in chest lûc al jentrave dome il Predi Sovran une volte al an.

L'inaugurazion e à durât siet dîs a le cuâl e je vignude daûr la fieste des staipis, ancje che di siet dîs.

Viers il 600 p.d.C. il templi al vignì sdrumât dal esercit babiloniis comandât dal re Nabucodonosor che al puartà in esili tancj dal popul di Israêl.

Dopo setante ains di maluserie, i Israêlits a vignirin sfrancjâts da Cîr re di Persie.

Tornâts in patrie, il popul vuidâts di Zorobabele, a si messedarin par tornâ a tirâ sù il templi. Si sa ben pôc dai particolârs di cheste costruzion. Une robe e je sigure, no jere plui l'arcje dal pat, scomparide da chel che al somee, prime che Nabucodonosor al sdrumàs il templi di Salomon.

Il templi po dopo, al vignì ricostruît intal periodi di Erode. Testemoneancis scritis che a dan i particolârs de costruzion a si cjatin inte opare "Vueris Judaichis" di Gieseppe Flavio.

Chest templi al fo slargjât e a forin fatis diviersis zontis ancje cun muralons.

Intal 70 d.C., dilunc l'assedi di Jerusalem de bande dai romans, un soldât, cuintri la volontât dal gjenerâl Tît, al brusà il templi, adempint cussì lis peraulis di Jesus. "No restarà achì piere sore piere che no sedi smuraçade" (Mateu 24:2).

Vuê no reste che cualchi toc di che maestose costruzion, chel che al ven clamât: Mûr de vaiude.

Su le largjure dal templi, vuê e àn tirât sù une moschee.

Zuan Batiste Tiepolo

Zuan Batiste Tiepolo (Gianbattista Tiepolo par talian) (Vignesie, 15 di Març 1696 - Madrid, 27 di Març 1770), al è stât un pitôr venezian, cognossût a Udin, pai frescs tal Domo, tal Palaç Patriarcjâl, tal Cjistiel e te Glesie de Puritât. I siei frescs udinês a son tes primis comissions de maturitât.

Pâr chest motîf, Udin e je cognossude come la Citât dal Tiepolo.

Altris lenghis

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.