Popolazion

La popolazion al è un grop di personis o organisims di une cierte specie che a vivin intune stesse zone o intun spazi determinât.

Il studi des popolazions umanis, dal lôr numar e dal disvilup tal timp al ven fat de demografie. Il compuartament des popolazions al è un argoment studiât de sociologjie, de economie e de gjeografie.

Il studi des popolazions animâls o vegjetâls al ven fat de biologjie. Pal studi dal disvilup des popolazions tal timp, dal lôr tas di cressite e di mortalitât e ven doprade une vore la statistiche.

World population
Mape de popolazion dai stâts
Alte Austrie

La Alte Austrie e je un dai stâts federâts austriacs (tod. Bundesländer). E je logade tal nord dal paîs e e confine a jevât cun la Basse Austrie, a sud cun la Stirie, a bonât cun il Salisburghês e tal nord cun la Gjermanie (Baviere) e cun la Republiche Ceche (Boemie meridionâl). La capitâl e je Linz (197.283 ab. ce.); altris citâts importantis a son: Ansfelden, Bad Hall, Bad Ischl, Braunau am Inn, Enns, Eferding, Gmunden, Freistadt, Leonding, Marchtrenk, Mattighofen, Ried im Innkreis, Rohrbach, Schärding, Traun, Steyr, Vöcklabruck, Wels.

Austrie

La Austrie e je un stât de Europe centrâl che e fâs part de Union Europeane dal 1995. La superficie de Austrie e je di cirche 83.858 km², cun 8 milions di abitants. La capitâl e je Viene.

E confine a ovest cun Svuizare e Liechtenstein, a sud cun Italie e Slovenie, a est cun Ongjarie e Slovachie e par finî a nord cun Gjermanie e Republiche Ceche.

Calendari nazionâl indian

Il calendari nazionâl indian (clamât ancje calendari Saka) al è, adun al calendari gregorian, il calendari uficiâl doprât in Indie. Al ven doprât de Gazette of India e des comunicazions governativis ma inte realtât nol è tant doprât de popolazion.

Carintie

La Carintie o Carinzie (par todesc Kärnten, par sloven Koroška) e je un dai stâts federâts de Austrie (tod. Bundesländer, sing. Bundesland), logade te part meridionâl dal paîs. La so capitâl (tod. Landeshauptstadt) e je Clanfurt (tod. Klagenfurt am Wörthersee, slov. Celovec ob Vrbskem jezeru - 94.000 ab. ce.); altris centris importants ai son Sankt Veit an der Glan, Spittal an der Drau, Vilac (tod. Villach, slov. Beljak), Völkermarkt (slov. Velikovec) e Wolfsberg (slov. Volšperk).

Cjargne

La Cjargne e je une regjon storiche dal Friûl, tes Alps Orientâls; i siei confins a son la Cjadene Cjargnele Principâl, che e segne il confin cun l'Austrie a nord, il confin cun la provincie di Pordenon e po la confluence de Fele tal Tiliment a sud, il cjanâl d'Aupe a jevât e il confin cul Venit a bonât, par une superficie totâl di 1220 km2. Il cjaulûc de Cjargne al è Tumieç, che cui siei 10.500 abitants e jè la citât plui grande e plui impuartant di cheste regjon. Fuarts rapuarts storics a lein la Cjargne cu lis areis confinantis de Provincie di Belun e ancje cun il Friûl culinâr.

Distret

La peraule distret (dal latín medievâl districtus) e ven dal "marcâ un teritori o une popolazion" e e definis une forme di aministrazion locâl in plui cjamps. La motivazion de esistence dai distrets e je solitamentri che chestis entitâts a distribuissin miôr i servizis.

France

La France e je un stât de Europe ocidentâl che e confine cun Belgjiche, Lussemburc, Gjermanie, Svuizare, Italie, Monaco, Andore e Spagne. E je un dai membris fondatôrs de Union Europeane.

Oltri a la France metropolitane, a son part dal stât ancje i teritoris di oltri mâr come par esempli Guadalupe in Americhe e la Gnove Caledonie in Oceanie. Il non France al ven fûr de tribù gjermaniche dai Francs, che a ocuparin la regjon daspò de colade dal Imperi Roman.

Gjermanie

La Gjermanie e je un stât de Europe centrâl che e je stade un dai fondadôrs de Union Europeane. Vuê al è al stât plui popolât e indi un dai plui impuartants de Union, soredut tal ambit economic.

E confine a ovest cun France, Lussemburc, Olande e Belgjiche, a sud cun Svuizare e Austrie, a est cun Polonie e Republiche Ceche e a nord cun Danimarcje.

Italie

L'Italie e je un stât de Europe meridionâl che e fâs part de Union Europeane fin de sô fondazion. La superficie de Italie e je di cirche 300.000 km², cun scuasit 58 milions di abitants; e confine a nord ovest cu la France, a nord cu la Svuizare e l’Austrie, a nord est cu la Slovenie. La capitâl e je Rome.

Länder austriacs

L'Austrie e je une republiche federâl dividude in nûf stâts federâts.

A nivel uficiâl - daûr dal art. 2 par. 2 de Leç di constituzion federâl austriache (tod. Bundes-Verfassungsgesetz o B-VG) - un Land (plurâl Länder) al è tal ambit de Seconde republiche d'Austrie un stât component e une unitât aministrative. Considerât che Land al pues volê dî sei stât sei tiere, teritori o campagne, al esist ancje il tiermin plui precîs Bundesland (plurâl Bundesländer). Par furlan al podarès valê par ducj e doi i tiermins la traduzion di "stât federât".

I 9 stâts federâts che a componin l'Austrie a son dividûts in 84 distrets (Bezirk, plurâl Bezirke) e 15 citâts a statût autonom (Statutarstadt, plurâl Statutarstädte). I 84 distrets a son dividûts in 2.381 comuns (Gemeinde, plurâl Gemeinden).

Polonie

La Polonie e je un stât de Europe centrâl che al fâs part de Union Europeane dal 1 di Mai dal 2004. La superficie de Polonie e je di cirche 300.000 km², cun plui di 38 milions di abitants. E confine cu l'enclave Ruse di Kaliningrad a Nord, cu la Lituanie a Nord Ovest, cu la Bielorussie e l'Ucraine a Est, cu la Slovachie e la Republiche Ceche a Sud e cu la Gjermanie a Ovest.

Provincie di Udin

La provincie di Udin e je la plui grande e la plui popolade des trê provinciis dal Friûl storic e de regjon aministrative Friûl-Vignesie Julie.

Russie

La Federazion Russe (rus , trasliterat Rossijskaja Fjedjeratsija), o ancje dome Russie, e je il stât dal mont cun la superficie plui grande, che e va de Europe fin te Asie, confinant cuntun grum di paîs. E je nassude tal moment de dissoluzion de URSS, che e jere la sô republiche plui impuartante; ancjemò vuê e à une alte influence su lis altris republichis nassudis dal URSS, riunidis inte Comunitât dai Stâts Indipendents.

Intai ultins agns, la popolazion inte federazion e je calade a fuart, ancje se e reste un dai paîs dal mont che al ospite il plui grant numar di imigrâts. Dal pont di viste aministratîv, la Russie e je dividude in 88 sogjets minôrs, ognidun cuntun grât plui o mancul alt di autonomie.

Seconde vuere mondiâl

Par Seconde Vuere Mondiâl si intint il conflit scomençât cu la invasion de Polonie par opare de Gjermanie naziste tal 1939 e concludût il 8 di Mai dal 1945 in Europe e il 15 di Avost dal stes an tai Stâts Unîts e tal Gjapon.

La Seconde Vuere Mondiâl e fo il plui grant conflit armât de storie dal mont; al si davuelzè intune vore di nazions (plui di ogni altre vuere), cu la introduzion di gnovis armis, come la bombe atomiche.

E fo ancje il conflit dulà che a pierderin la vite il maiôr numar di civîi: scuasit undis milions di personis a forin vitimis dal Olocaust, milions di cinesis e coreans a pierderin la vite par vie dai massacris dai gjaponesis. Un grant numar di vitimis a forin çoncjadis pai bombardaments de citâts europeanis, sei de Gjermanie, sei dai aleâts. In dut, la vuere e contà cirche 50 milions di vitimis (il 2 par cent de popolazion mondiâl dal timp.

Spagne

La Spagne e je un stât de Europe ocidentâl che al fâs part de Union Europeane dal 1 di Zenâr dal 1986. E confine a Ovest col Portugal e a Nord cun le France. E je une monarchie parlamentâr, e il cjâf di stât al è il re Juan Carlos I.

Stâts Unîts di Americhe

I Stâts Unîts di Americhe (in curt Stâts Unîts o USA o ancje States) a son une republiche federâl logade inte Americhe setentrionâl e formade di 50 stâts. E confine a nord cul Canadà e sud cul Messic e si slargje dal Ocean Pacific al Ocean Atlantic.

In origjin i Stâts Unîts a jerin une colonie britaniche, deventade indipendente tal 1776 daspò di une vuere cui Inglês. Il stât a manten fin al dì di vuê un ordenament liberâl.

Udin

Se tu cirivis la scuadre di balon viôt Udinese Calcio

Udin (Weiden in Friaul par todesc,Videm par sloven,Udine par talian) e je la capitâl dal Friûl. E je logade intal Friûl centrâl, intune posizion strategjiche: e je une citât di plui di 99.000 abitants e po, ancje un centri di atrazion pai paîs ator ator. E je ancje cjâf lûc de omonime provincie, la plui grant par dimensions inte regjon Friûl-Vignesie Julie.

Vorarlberg

Il Vorarlberg al è il stât federât austriac (tod. Bundesland) che al si cjate plui a Jevât. La so capitâl (tod. Landeshauptstadt) e je Bregenz (26.700 ab. ce.). Al confine a Jevât cun il Tirol, a sud cun la Svuizare (Cjanton Grisons e Cjanton St. Gallen), a Bonât cun il Liechtenstein e a nord cun la Gjermanie (Baviere).

Altris lenghis

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.