Pasche cristiane

La Pasche e je la plui impuartante fieste dal calendari liturgjic de Glesie catoliche e ancje di altris Glesiis cristianis, ma no di ducj chei che a si definissin cristians; e ricuarde la resurezion di Gjesù di Nazareth, avignude secont de Bibie, trê diis daspò de sô muart in crôs.

Matthias Grünewald Isenheimer Altar Auferstehung

La date dal dì di Pasche

La fieste de Pasche cristiane no cole simpri intune zornade definide, ma e ven fissade ogni an te domenie dopo dal prin pleniluni ch'al seguìs l'Ecuinozi de vierte (ai 21 di Març). Chest sisteme al è doprât dal IV secul, parcè che prime e esistevin diviers sistemis basâts su la date de Pasche ebraiche; in particolâr, ciertis glesiis asiatichis e celebravin la Pasche inte stesse zornade dai Ebreus, cence tignî cont de Domenie, e chest al fo origjin di une controversie (controversie cuartodecimane) cu la glesie di Rome. Ė Duncje la Pasche e colarà tra i 22 di Març e i 25 di Avrîl. Difat, se la lune plene e je ai 21 di Març, e cheste zornade e je un sabide, Pasche sarà la zornade dopo. Se invezit il pleniluni al fos ai 20 di Març, chel dopo al sarà ai 18 di Avrîl, che se fos di domenie al fasarès lâ la Pasche ai 25 di Avrîl.

La liturgjie

Vee di Pasche

La sere dal Sabide sant si ten la celebrazion de Vee pascâl dividude in cuatri fâs:

  • La benedizion dal fûc
  • La celebrazion de Peraule, cun siet leturis che contin la storie de salvece
  • I batisims e la rinovazion da lis promessis batisimâls
  • La Eucaristie

La Pasche in altris lenghis

Peraulis derivadis di Eostremonat o dal mês di Eostre:

Dal ebraic Pesach:

  • Latin Pascha o Festa Paschalia
  • Grêc Πάσχα (Paskha)
  • Arap عيد الفصح (ʿĪdu l-Fiṣḥ)
  • Bulgar Пасха (Paskha)
  • Catalan Pasqua
  • Danês Påske
  • Olandês Pasen
  • Esperanto Pasko
  • Finlandês Pääsiäinen
  • Francês Pâques
  • Islandês Páskar
  • Indonesian Paskah
  • Irlandês Cáisg
  • Bas todesc Paisken
  • Norvegjês Påske
  • Tagalog Pasko ng Muling Pagkabuhay (leteralmentri "la Pasche di Resurezion")
  • Portughês Páscoa
  • Rumen Paşti
  • Rus Пасха (Paskha)
  • Gaelic scozês Casca
  • Servian-crovat Uskrs
  • Spagnûl Pascua
  • Sloven Velika noč
  • Svedês Påsk
  • Turc Paskalya
  • Galês Pasg

Cjale ancje

  • Glesie catoliche
  • Dolçs pascâi
  • Calcul de date de Pasche
La Pasche cristiane

Coresime | Domenie des Palmis | Joibe Sante | Vinars Sant | Sabide Sante | Domenie di Pasche | Lunis di Pasche

Leams esternis

Model:Commonscat

Domenie des Palmis

La domenie des palmis a celebre la jentrade di Gjesù Crist in Gjerusalem clamât de int come il Messie fi di David. La int par saludâlu a tignive in man un ram di palme.

Par tradizion te messe si benedìs un ram di ulîf ca si puarte e a si ten a cjase come simbul di pâs.

Joibe Sante

La Joibe Sante e je la zornade de setemane sante che a ricuarde la ultime cene di Gjesù Crist cui apuestui.

Si fasin dôs celebrazions, la matine tes catedrâls, il vescul cun ducj i plevans e i diacuns al consacre i vuelins sants ca si dopraran par i batisims, par vescolâ, pes consacrazions e pes unzions dai malâts. La sere tes parochiis si celebre la messe de Cene dal Signôr in cui si fâs la cerimonie dal lavaç dai pîts in memorie di chel cal veve fât Gjesù ai soi apuestui.

La messe a finìs cun la procession fin tal altâr dulà che a vignarà mitude la eucarestie pe adorazion. Finide la messe lis cjampanis a staran cidinis fin a Pasche.

Lunis di Pasche

Il lunis di Pasche al è il dì dopo la Pasche.

A si ricuarde cuant che lis feminis, Marie Madelene, Marie mari di Jacum e Josef, e Salome, ca jerin ladis tal sepulcri di Gjesù Crist e a àn cjatât l’Agnul ca i à dite che Crist al jere resurît.

No je une zornade di precet par i catolics. Par tradizion in tancj a fasin dai ghiringhei tai prats.

Pasche ebraiche

La peraule Pasche e derive dal ebraic pèsach che al significhe "passà oltri" e e je stade istituide la sere prime che i ebreus a marcjassin da presonie dal Egjit.

A fo osservade il 14° dì dal mês ebraic di "nisan" in coincidence de lune plene.

E jere une celebrazion memoreative, partant a veve di jessi ripetude an par an.

La Pasche a sovignive la liberazion dai ebreus dal Egjit e il "passâ oltri" i lôr primariûls cuant che Idiu al disterminà i primariûls dal Egjit cu la ultime plaie. E consisteve intal sacrifici di un cjastron o di un cjavron che al vignive mangjât la sere dopo il tramont, in pins, come un cuasi pront a partî.

Chel che al vanzave al veve di jessi brusât prime de matine.

Cul passâ dal timp a vignirin fatis des zontis ae cerimonie. No si mangjave plui in pins, ma distirâts suntun flanc e al vignì introdusût il vin come bevande.

Ancje Jesus prime di murî al celebrà la Pasche cun i siei apuestui in cheste maniere.

Sabide Sante

La Sabide Sante e je la sabide de setemane sante prime de domenie di Pasche.

Par tradizion no je liturgjie. No si celebre la eucarestie ca ven dade dome ai malâts ca stan par murì. La gnot si celebre la Vee di Pasche ca e je dividude in cuatri fasis:

La benedizion dal fûc

La celebrazion de Peraule, cun siet leturis che contin la storie de salvece

I batisims e la rinovazion da lis promessis batisimâls

La EucarestieIl colôr liturgjic al è il blanc.

Vinars Sant

Il Vinars Sant al è il vinars prime di Pasche e e je la zornade ca ricuarde la passion e la muart di Gjesù Crist.

In chest dì i cristians a àn di dizunâ, no si fâs la Eucarestie, no si sunin lis cjampanis. Tes varis parochiis si ten la Via Crucis.

A Rome il pape la fâs atôr dal Colosseo.

Altris lenghis

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.