Ovest

L'ovest al è un dai cuatri ponts cardinâi. Al è opuest al est e perpendicolâr a nord e sud.

Ovest al è la direzion viers l'amont dal soreli ai ecuinozis.

Il tiermit "Ovest" dispès si riferìs aes nazions ocidentâls. Cuant al ven doprât in chest mût, al po indicâ qualsiasi praticamentri dut con riferiment ae societât ocidentâl.

BrújulaO
Rose dai vints indicant l'ovest

Viôt ancje

Asie

La Asie e je il plui grant e il plui popolât dai continents, comprendint la part plui estese de cussì clamade Eurasie. E confine a Nord cul ocean Artic, a Est cul ocean Pacific, a Sud cul ocean Indian e a Ovest cul mâr Ros, l'istmi di Suez (che la divît de Afriche, il mâr Mediterani, il mâr di Marmara e il mâr Neri; a est separin la Asie de Europe i strets dai Dardanei e dal Bosfar, lis cjadenis dal Caucas e dai monts dal Ural e il mâr Caspi. Al estrem Nord-Est e je separade de Americhe dal stret di Bering.

Austrie

La Austrie e je un stât de Europe centrâl che e fâs part de Union Europeane dal 1995. La superficie de Austrie e je di cirche 83.858 km², cun 8 milions di abitants. La capitâl e je Viene.

E confine a ovest cun Svuizare e Liechtenstein, a sud cun Italie e Slovenie, a est cun Ongjarie e Slovachie e par finî a nord cun Gjermanie e Republiche Ceche.

Campanie

La Campanie e je une regjon de Italie meridionâl. E cunfine a Nord cun Abruç e Molise, a Nord-Est cun la Pulie, a Est cu la Lucanie e a Nord-Ovest cul Lazi. Il cjâf lûc al è Napul. E je bagnade a soreli bonât dal Mâr Tiren.

Europe

La Europe e je un continent avonde piçul (dome 10.400.000 km²), ma che e veve 729.000.000 di abitants intal 2000 (mancul dome di Afriche e Asie) e une grande impuartance economiche e politiche. Chest in graciis dal bon clime e dal mâr, che le bordize par trê lâts e e permet lis comunicazions tra lis diviersis areis.

I confins a son in gjenar considerâts lis monts dal Ural a Nord-Est, il Caucas a Sud-Est, par rivâ fin tal Ocean Atlantic a Ovest. A son includudis ancje un grum di isulis, come la Gran Bretagne, la Irlande, la Sicilie, la Sardegne, la Corsiche e la Islande.

Friûl

Il Friûl al è une regjon storiche inte bande plui a est des Alps, posizionât inte Italie nort-orientâl e Slovenie ocidentâl. Al dì di vuê e je comprendude te regjons talians Friûl-Vignesie Julie, Venit e te regjon slovene dal Litorâl (Goriška).

Il Friûl al à une culture principâl, chê furlane, ma a son presintis ancje chês taliane, slovene, venite e todescje; a si fevelin furlan, venit, sloven e todesc.

Friûl di Mieç

Il Friûl di Mieç o Friûl di ca dal clap al è chê zone mediane dal Friûl che e va dal ovest al est da la regjon e che e je logade tra lis monts e la planure.

In cheste zone e je impastanade ancje Udin.

Gjermanie

La Gjermanie e je un stât de Europe centrâl che e je stade un dai fondadôrs de Union Europeane. Vuê al è al stât plui popolât e indi un dai plui impuartants de Union, soredut tal ambit economic.

E confine a ovest cun France, Lussemburc, Olande e Belgjiche, a sud cun Svuizare e Austrie, a est cun Polonie e Republiche Ceche e a nord cun Danimarcje.

Grecie

La Grecie e je un stât de Europe meridionâl, jentrade inte Union Europeane il 1 di Zenâr 1981. E confine a Nord-Ovest cu la Albanie e a Nord cun Macedonie e Bulgarie e a Nord-Est cu la Turchie. E je bagnade dal Mâr Egeo e dal Mâr Ioni.

Italie

L'Italie e je un stât de Europe meridionâl che e fâs part de Union Europeane fin de sô fondazion. La superficie de Italie e je di cirche 300.000 km², cun scuasit 58 milions di abitants; e confine a nord ovest cu la France, a nord cu la Svuizare e l’Austrie, a nord est cu la Slovenie. La capitâl e je Rome.

Molîs

Il Molise al è une regjon de Italie centrâl. E confine a Nord cun l'Abruç, a Sud-Ovest cu la Pulie, a Sud cu la Campanie e a soreli bonât cul Lazi. A soreli jevât al è bagnât dal Mâr Adriatic. Il cjâf lûc al è Campobasso.

Ongjarie

La Ongjarie e je une republiche de Europe centrâl: e confine a Nord cun la Slovachie, a Est cun Ucraine e Romanie, a Sud cun Serbie e Cravuazie e a Ovest cun Austrie e Slovenie.

Polonie

La Polonie e je un stât de Europe centrâl che al fâs part de Union Europeane dal 1 di Mai dal 2004. La superficie de Polonie e je di cirche 300.000 km², cun plui di 38 milions di abitants. E confine cu l'enclave Ruse di Kaliningrad a Nord, cu la Lituanie a Nord Ovest, cu la Bielorussie e l'Ucraine a Est, cu la Slovachie e la Republiche Ceche a Sud e cu la Gjermanie a Ovest.

Provincie di Gurize

La provincie di Gurize e je la plui piçule des trê provinciis dal Friûl storic; e confine a ovest cu la provincie di Udin, a sud est cun chê di Triest, a est cun la Slovenie (Litorâl/Primorska), a sud e je bagnade dal mâr Adriatic. Il centri plui impuartant daspò dal cjaf lûc al è Monfalcon.

E cumprint dute le basse val dal Lusinç, la fôs dal Tamau e in part al Cuei.

Provincie di Udin

La provincie di Udin e je la plui grande e la plui popolade des trê provinciis dal Friûl storic e de regjon aministrative Friûl-Vignesie Julie.

Pulie

La Pulie e je une regjon de Italie meridionâl che e à cuatri milions di abitants. E confine a Sud-Ovest cu la Lucanie e con la Campanie e a Nord-Ovest cul Molise. Il cjâf lûc al è Bari. E je bagnade dal Mâr Adriatic e dal Mâr Joni.

Romanie

La Romanie e je un stât de Europe orientâl, jentrade inte Union Europeane il 1 di Zenâr 2007. Il paîs al fâs part de Penisule Balcaniche. Al confine a Nord cu l'Ucraine, a Ovest cun la Moldavie, a Sud cun la Bulgarie e a Ovest cun Ongjarie e Serbie. E je bagnade a Est dal Mâr Neri.

Slovenie

La Slovenie (par sloven Republika Slovenija) e je un stât de Europe centrâl che e fâs part de Union Europeane dal 1 di Mai dal 2004. E confine cun l'Italie a ovest, cun l'Austrie a nord, cul Ongjarie a nord est e cu la Cravuazie a sud e est. A Sud-Ovest e je ancje bagnade par pôcs chilometris dal Mâr Adriatic.

Spagne

La Spagne e je un stât de Europe ocidentâl che al fâs part de Union Europeane dal 1 di Zenâr dal 1986. E confine a Ovest col Portugal e a Nord cun le France. E je une monarchie parlamentâr, e il cjâf di stât al è il re Juan Carlos I.

Svuizare

La Svuizare (par todesc Schweiz, par francês Suisse, par talian Svizzera e par romanç Svizra) al è un stât de Europe centrâl. E cunfine a nord cu la Gjermanie, a est cul Liechtenstein e la Austrie, a sud cun la Italie e a ovest cu la France.

Il non ufiziâl al è par latin Confoederatio Helvetica, di dulà che al ven la sigle CH; par talian al devente Confederazione Svizzera, par todesc Schweizerische Eidgenossenschaft, par francês Confédération Helvétique, par romanç Cunfederaziun Svizra. La Svuizare e je une republiche federâl, dividude in cjantons; la capitâl e je Berna, capitâl ancje dal omonim cjanton.

Udin

Se tu cirivis la scuadre di balon viôt Udinese Calcio

Udin (Weiden in Friaul par todesc,Videm par sloven,Udine par talian) e je la capitâl dal Friûl. E je logade intal Friûl centrâl, intune posizion strategjiche: e je une citât di plui di 99.000 abitants e po, ancje un centri di atrazion pai paîs ator ator. E je ancje cjâf lûc de omonime provincie, la plui grant par dimensions inte regjon Friûl-Vignesie Julie.

Altris lenghis

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.