Lengaç

Il Lengaç al è chel insiemit di segnâi e simbui che cun lôr l'om e i animâi a rivin a comunicâ fra di lôr. Carateristiche dal om e je la capacitât si doprâ il lengaç verbâl e rivà cussì a esprimi ancje sintiments e concets astrats. Il Lengaç al à condizionât la evoluzion dai prins oms che àn vût dai cambiaments fisiologjics in bocje, tes cuardis vocâls e te part dal çurviel che covente par fevelâ, che i àn permetût di miorâ la capacitât e la abilitât di emeti suns.

Caratteristichis dal lengaç

Il lengaç nol è dome un sisteme di simbui ma al à ancje un sisteme di regulis par doprâju che si clame gramatiche. La sience che e studie il lengaç dal om si clame lenghistiche. Ancje i animâi a doprin dai lengaçs par comunicâ fra di lôr. Par cualchi gjenar di animâl plui evolût, come ciertis simiis, si à une semantiche e une sintassi avonde complesse.

Lengaçs artificiâi

I lengaçs artificiâi a son stâts inventâts dal om par particolârs necessitâts. O vin tant lengaçs che varessin voie di deventâ lenghis internazionâls sicu l’esperant, che lengaçs inventâts in ambit matematic o informatic. In ducj i câs si àn dai sistemis di simbui e des regulis di gramatiche.

Vôs leadis

Karen Ellemann Venstre (V) miljo- och nordisk samarbetsminister Danmark. Nordiska radets session 2010
Lengaç
Artiliarie

Tal lengaç militâr di vuê artiliarie a son dutis lis armis cun calibri plui grant di 0,20 mm. L'artiliarie e je une component une vore impuartante di ducj i esercits.

C

Il C(ci) al è il tierç segn dal alfabet furlan. Al ven dal alfabet latin che lu à cjapât di chel etrusc.

Catarine Percude

Catarine Percude (Caterina Percoto, San Lurinç di Solescjan, Manzan, Udin 1812 - 1887) e je stade une des plui famosis scritoris furlanis.

Di famee nobil, tal 1844 e veve scomençât a scrivi sul gjornâl "Favilla" sei furlan sei par talian, prime dome cun critichis di altris oparis, daspò scrivint novelis. Lis sôs oparis plui cognossudis a son "L'anno della fame", "L'album della suocera", "Il bastone", "Il contrabbando", "Il Licôf", "La malata", "Il refrattario"; e je ancje autore di vincj novelis racueltis tal volum "Scritti friulani". La sô maniere di contâ cjape un pôc di Alessandro Manzoni (soredut intai principis morâi) e intal stes timp e ven prin di Verga. Dopre un lengaç fresc e sut dal sô mont furlan. Secont un grum di critics leteraris dal dì di vuê, lis sôs contis sui contadins dal Friûl dal XIX secul a presentin descrizions ogjetivis e realistichis, che nus puedin fâ imagjinâ la vite di chei timps e che no si cjatin in tantis altris oparis di chel timp.

E je sepulide a Udin dongje di Pieri Çorut.

Claut

Claut al è un comun di 1.180 abitants e al fâs part de provincie di Pordenon. Al si cjate inte Alte Val Celine. A Claut si cjacare il Clautan, che al è un lengaç miscliçât jenfri il furlan e il ladin. Il vocabolari Clautan-Talian al è disponibil in dutis lis bibliotechis da la Val Celina.

Par agnorums da Claut e da dute la Val Celina a son partîs ator pal mont. Ma i Clautans e chei di Celino son famôs par jessi deventâts mestris gjelatârs in Gjermanie. Podopo, famosis a jerin lis feminis di Claut e da la Val Celina, che par secui a àn zirât il mont a pîy cul cos e il caret, par vendi sedons, riscjei e altris robis fatis in len. Li "sedonêris", a partivin a pît e stavin vie di cjase par mês. Si conte che tantis di lôr a son rivadis fintremai a Rome, o ancje tal forest, in France, par esempli.

Tal di di vuê gran part dai clautans a va a vore a Manià, cualchidun tal belunàt e altris in val.

Il museu da la Cjasa Clautana, al è un dai plui organizâts etnomuseos da lis Alps e si cjate in tal paîs di Claut.

Claut al è famôs par lis ativitâts di mont e alpinistichis che ca si podin fâ: rimpinâ su crets e glaç, cjaminâ par trois salvadis, sbrissâ tal glaç di un modernissim palaç dal glaç apene inviât, cori cun la bici da mont par la lungje Val Settimana e vie indenant.

Il parc da lis Dolomitis Furlanis al à metût a puest dutis lis vecjis caseris da li malghis clautanis che al di di vuê a son dopradis dai turiscj di mont. A Claut, in zona Lesis, dongja casera Casavento, si podin viodi lis olmis dal dinosaur, cjatadis da un rûc dongje la malghe. Ator pa li monts si viodin dispès nemâi di ogni sorte: stambecs, cjamoçs, cjavriûi, marmotis, acuilis, sghirats e vie indenant.

Un dai aspiets pi interessants di Claut e da la Alta Val Celina al è però chel dai lengaçs. Chi, come a Cimolais (Thimolei) e a Nert (Erto) no si cjacare par furlan ma lengaçs ca misclicin furlan, ladin e peraulis dal puest; chest fat al è ancjemò pôc scognossût e no je nissune forme di studi ni di protezion par chestis varietâts.

Cope dal mont di balon

La Cope dal mont di balon (tal lengaç comun ancje il Mondiâl o i Mondiâi di balon) e je la competizion uficiâl plui impuartant dal balon, dulà che zuin cuintri dutis lis scuadris nazionâls che a fasin part de Federation International de Football Association (FIFA), il cuarp di regolazion plui grant di ducj i sports. Chest campionât al cole ogni 4 agns de prime competizion intal 1930 (fûr che tai agns 1942 e 1946, cuant che e fo sospindude par vie de Seconde vuere mondiâl). Purpûr, si pues considerâlu un event continui, parcè che tai trê agns prime de fase finâl si zuin lis partidis di cualificazion, dividudis par continent.

Ae fase finâl de competizion a partecipin 32 scuadris nazionâls che a si scuintrin intun periodi di cirche cuatri setemanis intun paîs che al organize dut (o in doi dongje, come intal 2002), sielzût in precedence. Intes 17 fasis finâls fin cumò, dome siet nazions a'nd àn vinçût il titul. Chê plui vitoriose di simpri e je il Brasîl (5 voltis) dopo le Italie e le Gjermanie (4 voltis)

Eusebi Stele

Eusebi Stele (1602-1671), poete furlan no cuiet e "dopli", al nassè a Spilimberc ai 21 di Avost dal 1671 di missêr Faustin e di done Marcoline, siôrs e nobii. Dopo dai studiis in leç al deventà cancelîr dai siôrs di Spilimberc e al tignì che cjarie fintremai a la sô muart ai 18 di Dicembar dal 1671.

Cul so erotisim cjalcjât e cul so esprimisi in furlan, al marche il so jessi disubidient e al segne la sô individualitât. A Spilimberc, se pûr intun mût clandestin, si faseve cognossi la opare di Eusebi Stele che, forsit ancje in graciis di cheste difusion controlade, al podeve permetisi un lengaç une vore realistic e disinibît, riferît soredut ae sfere sessuâl. No si à di dismenteâ, a chest rivuart, che tal Sîscent al jere atîf il control de Cuintririforme, cu la liste dai libri proibîts e la lôr leture clandestine. I componiments di Stele, cuasi tresinte tescj metûts adun intun codiç autograf conservât te Biblioteche Civiche di Udin, a presentin une varietât grandonone di argoments, che a van de laude al scherç, cuntune preference pe conte licenziose, e a mostrin un inzen versatil e une mancjance di prejudizis che no si jere mai viodude prime. I tescj in furlan a son vincj, a son datâts si pense (seont il studiôs Liruti) tra il 1637 e il 1652, par un totâl di 1500 viers. In chel moment storic dulà si poetave par imitazion dal Petrarche, cu la sô elegante e sofisticade teorie dal amôr, Eusebi Stele al da une rapresentazion dal mont e des umanis passions par cemût che a jerin in dute la lôr crudece. Par di plui al à cussience di doprâ un lengaç inferiôr che lui al clame il corot lengaç spilimberghês, un stîl sclet che i permet di tirâ fûr il miôr di se. Il so motîf al è il plasê e la voie di divertisi, il gust di maraveâ i soi amîs inteletuâi e nobii. Ma la sô grandece e sta tal pierdi la scomesse di jessi ad implen un poete dal disimpegn: pe strade al cuiste une dimension alte viodint che l’om al à une sô dimension finide e chest lu jeve a une posizion buine di tignî tal timp cence patî chel fruiâsi dai poetis de sô ete. I soi modei ideâi a son Menot (il zovin contadin che al viôt te femine chê sole buine a dâ sens a lis sôs zornadis) e Jacuma (fantate graziose, galant, lassive e nete). Ce che al cîr tant Menot che la Jacuma al è il rivâ a compiment dal at sessuâl. Il Menot, poete o contadin che al sedi, al mene ator la sô vite cence rivâ simpri tal so intent. La Jacuma, fie di comerciant o contadins, no je tant crudêl (cuant che no si plee alis costumancis dal Menot) pe morâl, ma tant par mostrâ ai parons che je finide la ete des lôr prepotencis. Cussì e nas la malincunie dal no podê fâ, il vaiotâ pal timp che al scjampe vie, la voie di cjapâ tes mans chel che al covente e chel che si vûl cence pensâi parsore dôs voltis. (Se al ti ven cualchi cjossa pes mans, o zovinut, no la lassâ scjampâ) Chestis carateristichis a àn fat di Eusebi Stele un dai poetis furlans plui preseâts.

Filologjie

La filologjie e je la sience che e studie i tescj par ricostruì il lôr aspiet origjinari mediant de analisi critiche e comparative des fonts storichis che ju testemoniin.

Il procediment filologjic consist intal provâ a cjatâ la forme origjinarie di un test cun criteris mecanic-probabilistics e linguistic-formâi. Il test al è inevitabilmentri corot de schirie di copis che lu àn tramandât de antighitât a vuê.

Il tiermin al derive dal grêc: philéō ("amà"/"ve cure") e lógos ("peraule"/"discors"), o ben "amôr pe peraule, pal lengaç"

HTML

HTML al è l'acronim di HyperText Markup Language, lengaç pal marcament iper-testuâl. Al è un lengaç che al serf a preparâ testis par presentâju intune forme ipertestuâl, il formât standard des pagjinis web.

Lenghe

se tu cirivis l'orghin de bocje viôt lengheUne lenghe o ancje idiome al è un sisteme di comunicazion verbâl propi di une comunitât umane. Ancje se dispès si doprin come sinonims, lenghe no je la stesse robe di lengaç; cun chest ultin tiermin si riferìn ae capacitât umane gjenerâl.

La lenghe e à il fin di rapresentâ il mont doprant lis peraulis e la lôr combinazion in frasis. Lis regulis di combinazion, la formazion di gnovis peraulis e il lôr significât a son l'ogjet di studi de lenghistiche. Lis lenghis naturâls, a diference di chês artificiâls o dai lengaç formâi, a presentin spes ambiguitâts, parcè che a rifletin il mût di viodi il mont di un grup di fevelants.

No je une definizion acetade universalmentri par decidi ce che e je un lenghe e ce che no je (e je une variant o dialet). Par chest la tassonomie des lenghis e je tantis voltis un motîf di conflits e polemichis. Par esempli lis relazions tra danês e il norvegjês, tra galizian e il portughês; a voltis i conflits a àn dome motivazions politichis, no lenghistic, par esempli tal câs dal valenzian e dal catalan, dulà che sul sfont a son cuestions di identificazion de lenghe e di sentiment nazionâl.

A son in totâl plui di 6000 lenghis difarentis tal mont, ma si calcole che scuasit la metât a sparirà intal XXI secul, par mancjance di trasmission tra lis gjenerazions e pe pression politiche di altris lenghis plui fuartis. Tal mont a son diviersis grandis fameis di lenghis come la indoeuropee, la camitiche, la semitiche, la dravidiche, la boscimane, la bantu e v.i. A son des lenghis che no si rive a capì ben di dulà che son derivadis par esempli il basc, il tasmanian o il corean.

Lenghe uficiâl

Une lenghe ufiziâl e jè une lenghe che ven riconossude da un stât al nivel di leç e che da chel ven doprade par ducj i documents ufiziâls.

Lenghistiche

La lenghistiche o linguistiche e jê la sience che a studie il lengaç dal om. E je fate di diviersis dissiplinis che a studiin diviers aspiets dal lengaç come par esempli la fonologjie, la morfologjie, la sintassi, la metriche, la semantiche e la lessicografie e la glotologjie.

Masse atomiche

La masse atomiche (clamade ancje pês atomic pe confusion tal lengaç comun tra lis peraulis "pês" e "masse") di un isotop di un element chimic e je la masse di un atom di chel isotop, esprimût in unitâts di masse atomiche, (uma), che a si fondin sul isotop Carboni-12, che al à par convenzion un pês atomic di 12. Il pês atomic di un element chimic al ven definît come il pês medi dei siei isotops, tignint ancje cont di trop che i isotops a son presints in nature, in mût di belançâ il calcul.

Par esempli, si pues calcolâ la masse atomiche dal liti partint dai dâts ca sot;

Il liti al à doi isotops stabii;
  • Il Li-6 (7,59% di presince in nature) cun masse atomiche 6,015 uma
  • Il Li-7 (92,41% di presince in nature) cun masse atomiche 7,016 uma
Duncje il calcul al sarà chest:
Il valôr che al ven fûr, 6,94 uma, e je la masse atomiche dal Liti, e ae fin e je avonde dongje di chê dal isotop Li-7, parcè che al è chel plui abondant in nature (su 100 atoms che si cjatin in nature, 92 a son difat di Li-7).

Une definizion simil si apliche ancje a lis moleculis, cjapant il non di masse moleculâr. Si pues calcolâ la masse molecolâr di un component sumant lis massis dai atoms che la componin, tignint cont des corrispondintis moltiplicazions. Cheste tecniche no ten cont de energjie chimiche di leam, che e je però par solit trascurabil.

Musiche classiche

Te etimologjie, la peraule classic al vûl dî alc che al è di model, che al è fondamentâl.

Intal lengaç di ogni dì il tiermin musiche classiche al è indicatîf in gjenar de musiche culte europeane.

Par periodi classic si intint in mût vonde precîs chê stagjon creative de musiche culte, che e scomence de seonde metât dal Sietcent, fin ai prins agns dal Votcent. I pricipâi compositôrs di cheste epoche a forin Haydn, Mozart e Beethoven. Beethoven al fo il compositôr di mieç, jenfri la epoche classiche e il periodi romantic dai compositôrs come Schubert, Schumann, Chopin, Liszt, Wagner e Brahms.

Omp

L'om, tal sens di specie umane, al è un mamifar bipet. Il non sientific dal om al è Homo sapiens sapiens. E je une specie che e je vîf in ducj i continents dal planet Tiere, e - par periodis curts di timp - ancje tal spazi, tes cussì clamadis stazions spaziâls. La popolazion totâl e je di passe 6,5 miliarts di individuis.

L'om al à un cerviel ben disvilupât, bon di produsi resonaments e di comunicâ cui altris individuis graciis al lengaç. Al è ancje un animâl sociâl, che al si da dongje in grups par cooperâ e par competi.

I oms a manifestin il desideri di capî e influençâ il mont difûr, cirint di comprendi, spiegâ e manipolâ i fenomens naturâi midiant de sience, filosofie, mitologje e religjon. Cheste curiositât naturâl e à puartât al disvilup di instruments e abilitâts avanzadis; i oms a son la uniche specie ancjemò vivente che e dopre il fûc, e cusine il mangjâ, e met sù vistîts, e e dopre plusoris altris tecnologjis.

Premi San Simon

Il premi San Simon dal Comun di Codroip al è il plui impuartant premi leterari pai scrits in marilenghe. La prime edizion e je stade fate tal 1980. La proclamazion dai vincidôrs e ven fate ducj i agns durant la fieste di Sant Simon.

Dal finì dai agns ’90 il premi si divît intune sezion pe narative e intune pe sagjistiche.

La edizion 2006 è je stade speciâl parcè che e à previodût la traduzion par furlan de conte Il Varmo di Ippolito Nievo.

Il prin premi al jere di 1.500 euros.

Sience

La sience (dal latin scientia) e je dal pont di viste etimologjic un insiemi di cognossincis. Purpûr, soredut daspò de rivoluzion copernicane, cun cheste peraule si riferìn a la ativitât di discuvierte di cognossincis. Dal XIX secul in ca, la sience e je simpri plui stade leade al metodi sientific, ven a stâi a un procès di discuvierte rigorôs e riprodusibil in diviersis condizions, separant cussì lis siencis esatis e sperimentâls de filosofie, che fin chê volte e influençave un grum la idee di sience.

Il concet di sience al pues jessi dividût in doi grancj grups:

lis siencis puris (che a pontin al svilup di teoriis) e lis siencis aplicadis (che a pontin a aplicazions pratichis, pe vite di ogni dì)

lis siencis naturâls (il studi dal nestri ambient) e lis siencis sociâls (il studi dal compuartament dal om e de societât umane)

Vocabolari furlan

Il Vocabolari furlan (par talian Vocabolario friulano) di Jacum Pirona al è un dizionari bilengâl furlan-talian. Al è un dai plui impuartants vocabolaris de storie dal furlan. E je ancjetant impuartante la seconde edizion, Il gnûf Pirona: vocabolari furlan.

Wiki

La peraule wiki o wikiwiki e ven doprade par clamâ un particolâr tipologjie di ipertescj fats in mût colaboratîf da un grup di autôrs. Lis web wiki a son un mût par creâ dai documents in modalitât colaborative doprant un sgarfadôr (browser) e un lengaç di formatazion facil di doprâ.

Wiki wiki al vûl disi veloç in hawaian, la velocitât e la facilitât a son une des principâls carateristichis dal sisteme che al permet a plui personis di colaborâ par scrivi alc. Une vore di progjets tant che la vichipedie, e son vierts a ducj chei che a àn voie di colaborâ par mieç di un colegament a Internet.

Ward Cunningham al à creât intal 1995 la prime wiki, clamade WikiWikiWeb. Il non al ven dal wiki wiki bus che al fâs la spuele viers l’aeropuart di Honolulu.

Wikimedia Commons

Wikimedia Commons (in curt ancje Commons o Wikicommons) al è un archivi di figuris, suns e altris files multimediâi cun licence libare. Al è un progjet de Wikimedia Foundation. I files cjamâts sù in chest archivi a puedin jessi doprâts cence altri lavôr intai altris progjets disponibii sui servidôrs Wikimedia, includudis dutis lis edizions de Vichipedie.

Il progjet al nas ai 7 di Setembar dal 2004. Ai 24 di Mai dal 2005 al rive al numar significât di 100.000 files multimediâi; al fo ancje il prin progjet Wikimedia a doprâ il software MediaWiki inte version 1.4. Il lengaç predeterminât jentri di Commons al è l'inglês, ma i utents a puedin sielzi intes preferencis la lenghe di doprâ pai messaçs dal sisteme (ancje par furlan) e diviersis pagjinis, par esempli chê principâl, a son stadis voltadis in altris lenghis.

Dal 2005 Wikimedia Commons no lasse cjamâ sù files che no vedin licencis libaris, come chês che a limitin l'ûs comerciâl dai materiâi o che a son dadis fûr secont dal dal fair use, un grum doprât tai Stâts Unîts. Lis unichis licencis che si puedin sielzi al moment a son la GFDL, lis variants de Creative Commons cence restrizions su l'ûs comerciâl e il domini public.

Dal Mai 2005 in ca a son stâts metûts plui di 10.000 riproduzions di pituris, di chês antighis a chês modernis, pluui di 7.000 files cun pronunciis e tescj lets in variis lenghis, regjistrazions di musiche classiche e filmâts di discors storics.

Dal Jugn 2006 no si puedin plui cjamâ sù files in formâts cuvierts dai dirits, come MP3; il formât conseât pai files audio al è chel libar OGG.

Intal Avrîl 2007, Commons al conten plui di 1.300.000 files multimediâi.

Altris lenghis

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.