Economie

La economie e je une sience sociâl che e studie l'insiemit dai fenomens economics, ven a stâi la ativitât economiche des comunitâts umanis cu la produzion, la distribuzion e il consum di bens e di servizis.

I studis di economie a doprin in lunc e in larc sei modei matematics e statistics, sei modei empirics par elaborâ lis lôr teoriis, par descrivi lis realtâts economichis e proviodi il lôr davuelziment.

Problemis centrâi de economie a son cemût rivâ a dâ un valôr just a lis robis e cemût distribuî lis risorsis che a son disponibilis fra diviers mûts alternatîfs di doprâlis.

AdamSmith
Il pari de economie moderne Adam Smith

Storie dal pensîr economic

Il pensîr economic moderni al nâs tal periodi che al va de fin dal feudalesim a l'inizi de rivoluzion industriâl.

In prin al è il pensîr dai marcjatiliscj a lâ di mode. Par lôr la ricjece e nas dal cumierç e no de produzion. Un stât al à di difindi il cumierç e al à di meti adun plui metai preziôs che al pues.

Une evoluzion indenant si à cui fisiocratics francês e in particolâr cun Quesnay e la sô Tableau Economique. Al nas la idee di soreplui che al ven fûr de produzion e no dal cumierç. Il limit dai fisiocratics al è chel di no vê une teorie dal valôr par cui la uniche ativitât che e fâs des cuantitâts in soreplui e je la agriculture.

La economie moderne e ven tradizionalmentri fate nassi durant la rivoluzion industriâl cu la opare dal prin economist de scuele classiche ven a stâi Adam Smith e cu la sô opare “The Wealth of Nations” (La ricjece des nazions).

Fra i altris economiscj classics a si puedin ricuardâ David Ricardo, John Stuart Mill, Leon Walras e Karl Marx.

Tal secul stât, dopo la grande crisi dal 1929, e je stade fondamentâl la figure di John Maynard Keynes e des sôs teoriis su cemût che il stât al pues sburtâ la economie doprant la spese publiche.

Dai agns ’70 si son davuelzudis lis teoriis monedaristis di Milton Friedman e de scuele di Chicago, che a àn vût tal president american Reagan un sostenidôr.

Dopo la fin de vuere frede e dal comunisim rus si son difondudis lis teoriis neoliberistis che a vegnin dopradis une vore te etât de globalizazion dal dì di vuê.

Dissiplinis economichis

  • Microeconomie
  • Macroeconomie
  • Economie politiche
  • Politiche economiche
  • Economie aziendâl
  • Economie bancjarie
  • Economie agrarie
  • Economie finanziarie
  • Economie dal lavôr
  • Economie industriâl
  • Economie monetarie
  • Finance
  • Sience des financis
  • Econometrie
  • Statistiche economiche

Robis che a si studiin

  • Domande
  • Ufierte
  • Marcjât
  • Scjarsetât
  • Margjnalism
  • Valôr
  • Monede
  • Presit

Teoriis economichis

  • Capitalisim
  • Comunisim
  • Marcjantilisim
  • Pensîr fisiocratic
  • Pensîr Keynesian
  • Liberisim
  • Neoliberisim
  • Monedarisim
  • Teorie dai zûcs
  • Globalizazion
2001

2000 < 2001 < 2002

2002

2001 < 2002 < 2003

2005

2004 < 2005 < 2006

An mondiâl de fisiche

Alte Austrie

La Alte Austrie e je un dai stâts federâts austriacs (tod. Bundesländer). E je logade tal nord dal paîs e e confine a jevât cun la Basse Austrie, a sud cun la Stirie, a bonât cun il Salisburghês e tal nord cun la Gjermanie (Baviere) e cun la Republiche Ceche (Boemie meridionâl). La capitâl e je Linz (197.283 ab. ce.); altris citâts importantis a son: Ansfelden, Bad Hall, Bad Ischl, Braunau am Inn, Enns, Eferding, Gmunden, Freistadt, Leonding, Marchtrenk, Mattighofen, Ried im Innkreis, Rohrbach, Schärding, Traun, Steyr, Vöcklabruck, Wels.

Austrie

La Austrie e je un stât de Europe centrâl che e fâs part de Union Europeane dal 1995. La superficie de Austrie e je di cirche 83.858 km², cun 8 milions di abitants. La capitâl e je Viene.

E confine a ovest cun Svuizare e Liechtenstein, a sud cun Italie e Slovenie, a est cun Ongjarie e Slovachie e par finî a nord cun Gjermanie e Republiche Ceche.

Carintie

La Carintie o Carinzie (par todesc Kärnten, par sloven Koroška) e je un dai stâts federâts de Austrie (tod. Bundesländer, sing. Bundesland), logade te part meridionâl dal paîs. La so capitâl (tod. Landeshauptstadt) e je Clanfurt (tod. Klagenfurt am Wörthersee, slov. Celovec ob Vrbskem jezeru - 94.000 ab. ce.); altris centris importants ai son Sankt Veit an der Glan, Spittal an der Drau, Vilac (tod. Villach, slov. Beljak), Völkermarkt (slov. Velikovec) e Wolfsberg (slov. Volšperk).

France

La France e je un stât de Europe ocidentâl che e confine cun Belgjiche, Lussemburc, Gjermanie, Svuizare, Italie, Monaco, Andore e Spagne. E je un dai membris fondatôrs de Union Europeane.

Oltri a la France metropolitane, a son part dal stât ancje i teritoris di oltri mâr come par esempli Guadalupe in Americhe e la Gnove Caledonie in Oceanie. Il non France al ven fûr de tribù gjermaniche dai Francs, che a ocuparin la regjon daspò de colade dal Imperi Roman.

Friûl-Vignesie Julie

Il Friûl-Vignesie Julie e je une regjon de Republiche Taliane cuntun 1,2 milions di abitants cun cjâf lûc Triest.

Il Friûl-Vignesie Julie e je une regjon autonome a statût speciâl, formade dal Friûl (che al'è su par ju il 95% dal teritori), e dal toc de Vignesie Julie (UTI Giuliana) restade sot de Italie dopo la seconde vuere mondiâl.

E confine a soreli jevât cu la Slovenie, a nord cu la Austrie a soreli bonât cun il Venit, e a sud al è bagnât dal Mâr Adriatic.

Gjermanie

La Gjermanie e je un stât de Europe centrâl che e je stade un dai fondadôrs de Union Europeane. Vuê al è al stât plui popolât e indi un dai plui impuartants de Union, soredut tal ambit economic.

E confine a ovest cun France, Lussemburc, Olande e Belgjiche, a sud cun Svuizare e Austrie, a est cun Polonie e Republiche Ceche e a nord cun Danimarcje.

Italie

L'Italie e je un stât de Europe meridionâl che e fâs part de Union Europeane fin de sô fondazion. La superficie de Italie e je di cirche 300.000 km², cun scuasit 58 milions di abitants; e confine a nord ovest cu la France, a nord cu la Svuizare e l’Austrie, a nord est cu la Slovenie. La capitâl e je Rome.

Ongjarie

La Ongjarie e je une republiche de Europe centrâl: e confine a Nord cun la Slovachie, a Est cun Ucraine e Romanie, a Sud cun Serbie e Cravuazie e a Ovest cun Austrie e Slovenie.

Popolazion

La popolazion al è un grop di personis o organisims di une cierte specie che a vivin intune stesse zone o intun spazi determinât.

Il studi des popolazions umanis, dal lôr numar e dal disvilup tal timp al ven fat de demografie. Il compuartament des popolazions al è un argoment studiât de sociologjie, de economie e de gjeografie.

Il studi des popolazions animâls o vegjetâls al ven fat de biologjie.

Pal studi dal disvilup des popolazions tal timp, dal lôr tas di cressite e di mortalitât e ven doprade une vore la statistiche.

Provincie di Gurize

La provincie di Gurize e je la plui piçule des trê provinciis dal Friûl storic; e confine a ovest cu la provincie di Udin, a sud est cun chê di Triest, a est cun la Slovenie (Litorâl/Primorska), a sud e je bagnade dal mâr Adriatic. Il centri plui impuartant daspò dal cjaf lûc al è Monfalcon.

E cumprint dute le basse val dal Lusinç, la fôs dal Tamau e in part al Cuei.

Provincie di Udin

La provincie di Udin e je la plui grande e la plui popolade des trê provinciis dal Friûl storic e de regjon aministrative Friûl-Vignesie Julie.

Sardegne

La Sardegne e je une regjon autonome a statût speciâl de Italie. E je la seconde plui grande isule dal Mâr Mediterani. E je bagnade dal Mâr Tiren, dal Mâr Mediterani e dal Canâl di Sardegne.

Udin

Se tu cirivis la scuadre di balon viôt Udinese Calcio

Udin (Weiden in Friaul par todesc,Videm par sloven,Udine par talian) e je la capitâl dal Friûl. E je logade intal Friûl centrâl, intune posizion strategjiche: e je une citât di plui di 99.000 abitants e po, ancje un centri di atrazion pai paîs ator ator. E je ancje cjâf lûc de omonime provincie, la plui grant par dimensions inte regjon Friûl-Vignesie Julie.

Union Europeane

La Union Europeane (UE in curt) e je une organizazion sorenazionâl che al dì di vuê e cjape dentri 28 stâts. L'an de nassude de Union al è il 1992, cuant che al fo fat bon il Tratât di Maastricht, che al cjape il non de citât olandese dulà che al è stât firmât. Prime di cheste date a si cjatin putropis organizazions, come la Comunitât Europeane e prime ancjemò la Comunitât Economiche Europeane, nassude uficialmentri ai 1 di Zenâr 1958.

Lis ativitâts de Union Europeane a cuvierzin dutis lis areis, de salût ae protezion dal ambient, de difese ae economie, ma lis sôs competencis a gambiin une vore: par esempli pe agriculture, la Union e à une politiche comun, ma par la difese spes lis opinions dai stâts a son diviersis e chest al causione problemis.

Venit

Il Venit al è une regjon da la Italie dal Nord-Est che al dì di vuê al à in plui di 4,5 milions di abitants. E confine a soreli jevât cul Friûl-Vignesie Julie, a Nord cun l'Austrie, a soreli bonât cul Trentin-Sud Tirôl e cun la Lombardie, a Sud cun l'Emilie-Romagne. Il cjâf lûc regjonâl al è Vignesie. Lis altris citâts a son: Verone, Padue, Vicense, Trevîs, Ruvì e Belun.

Vorarlberg

Il Vorarlberg al è il stât federât austriac (tod. Bundesland) che al si cjate plui a Jevât. La so capitâl (tod. Landeshauptstadt) e je Bregenz (26.700 ab. ce.). Al confine a Jevât cun il Tirol, a sud cun la Svuizare (Cjanton Grisons e Cjanton St. Gallen), a Bonât cun il Liechtenstein e a nord cun la Gjermanie (Baviere).

Altris lenghis

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.