Cumierç

Il cumierç e je la ativitât economiche di compre e vendite di bens o servizis.

La ativitât che e fâs sì che un prodot al ledi da chel che lu fâs al consumadôr finâl si clame comercializazion. Il puest dulà che al ven fat il cumierç si clame marcjât. A son marcjâts tal viert, buteghis, supermarcjâts e centris comerciâi.

Il cumierç eletronic al ven fat tal spazi virtuâl di Internet.

Wojciech Gerson - Gdańsk in the XVII century
Gdańsk

Tips di cumierç

Il cumierç di bens si divît in cumierç al in grues e al detai.

Il prin par solit al è fat di grandis aziendis che a comprin grandis cuantitâts par distribuîlis ai vendidôrs sul teritori.

Il secont al vent diretementri ai consumadôrs finâi.

A secont che il cumierç al sedi fat dentri un stât o fra diferents stâts si à il cumierç nazionâl e il cumierç internazionâl.

Storie

Amber.pendants.800pix.050203
Golainis di ambre

Il cumierç al nâs za te etât neolitiche cun scambis di manufats e minerâi (barat) e al divente simpri plui impuartant ancje par vie dal spandisi e dal disvilup de agriculture.

Lis comunitâts umanis a vevin cun facilitât dai bens in plui (surplus) di scambiâsi. Jere cussì nassude la bisugne di un alc par rivà a misurâ il valôr des robis. In prin si dopravin metai di valôr e al fin si è inventade la monede.

In etât storiche si pues dì che lis grandis potencis des variis epochis a son stadis chês che a àn comandât il cumierç. Si pensi a chel che al jere il Mediterani par i Fenicis, pai Grêcs, pai Romans e pai Araps. Il cumierç des droghis e de sede cu la Cine, començât za in etât romane e che te etât di mieç al jere comandât dai Venezians, al à puartât a la discuvierte des Americhis e a lis grandis potencis coloniâls dai ultins secui.

Il Friûl si cjate in une particolâr posizion gjeografiche parcè che al è il pont des Alps plui facil di passà par lâ te Europe orientâl. Te antighitât al jere une des viis de ambre. Di sigûr cualchidune des dominazions che si son vudis tai secui, par esempli che romane e che veneziane, a vevin come obietîf strategjic ancje il control di chestis stradis di cumierç.

Viôt ancje

  • Barat
  • Cumierç nazionâl
  • Cumierç internazionâl
  • Cumierç eletronic
  • Distribuzion
  • Traspuarts
  • Rotis comerciâls
  • Cumierç just e solidâl
  • Globalizazion
  • Protezionisim
  • Liberisim
  • WTO o Organizazion Internazionâl dal Cumierç
10 di Otubar

Il 10 di Otubar e je la 283° zornade dal Calendari Gregorian, (la 284° se l'an al è bisest). A mancjin 82 zornadis pe fin dal an.

119 p.d.C.

120_p.d.C. < 119_p.d.C. < 118_p.d.C.

Amsterdam

Amsterdam e je la capitâl dai Paîs Bas (ancje se la sede dal guvier si cjate a Den Haag). E je logade tal Ovest dal paîs, a 20 km dal Mâr dal Nord e su lis rivis dal IJ. Dal pont di viste aministratîf, e fâs part de provincie de Olande setentrionâl.

E je la citât plui grande dal paîs, impuartant centri culturâl e finanziari; e costituìs il nucli nord dal Randstad.

Il non al ven di Amstel dam, ven a stâi dighe sul flum Amsterdam. Nassude come paisut di pescjadôrs tal XII secul, e deventà un centri impuartant pe finance, il cumierç e i diamants. Vuê e je ancje une mete turistiche, pai siei museus (Rijksmuseum, Van Gogh museum), il distret a lûs rossis, i coffee shop e i tancj cjanâi, tant che e ven clamade "la Vignesie dal nord".

Artesanât

L'artesanât al è chel mût di lavorâ cal dopre sore dut il lavôr dal om par produsi dai bens finîts. Cuant ca si doprin soredut machinis e un grant numar di operaris si à invezit la industrie.

L'artesan al met di spes tal so lavôr une grande passion, a voltis lis sôs oparis a puedin someâ des veris oparis di art.

In Italie cirche un tierç des impresis à son impresis artesanis e a dan lavôr a cirche un cuint dai lavoradôrs. Viodude la lôr impuartance a son dai canai di finanziament particolârs che a spietin a chestis impresis. La legjislazion taliane a proviôt l'oblic de iscrizion al AIA (liste des impresis artesanis) dal 1985 cuant che la legjislazion regjonâl furlane lu proviodeve dal 1970, in chest mût si puedin vê des agjevolazion finanziariis specifichis.

Basse furlane

La Basse furlane (o ancje in curt dome Basse o Bassa in cualchi varietât dal furlan) e je une regjon dal Friûl che e je par solit delimitade de Mar Adriatic a sud, a nord da la linie des risultivis, a ovest la Livence e est il confin il Cjars e la bocje dal Timau. In chestis zonis lis aghis filtradis inte plane plui alte a vegnin fûr, creant un grum di roiis e di torents; par vie de pendence basse, spes la aghe e reste ferme, e si formin cussì palûts e sfueis; tal mieç, graziis al teren ric di arzile e savalon, a cressin boscs.

Canadà

Il Canadà al è une monarchie costituzionâl de Americhe setentrionâl. Al è tocjât a Est dal Ocean Atlantic, a Ovest dal Ocean Pacific e dal stât statunitens dal Alaska, a Nord dal Mâr Glaciâl Artic e a Sud dai Stâts Unîts di Americhe. Dopo la Russie, il Canadà al è il secont stât plui vast dal mont. Il so confin cui Stâts Unîts di Americhe (8.893 km) al è il plui lunc dal mont dividint doi stâts. Il Canadà al è formât di dîs provinciis e trê teritoris. La sô capitâl e je Ottawa.

Abitât par milenis di popolazions aborigjenis, il stât al fo colonizât dai francês e inglês sul imprin dal secul XVII dongje de cueste atlantiche. La France e cedè la plui part dai siei teritoris al Ream Unît tal 1763 daspò de sconfite patite intant de Vuere Franco-Indiane, il front nordamerican de Vuere dai Siet Agns. Al 1 di Lui dal 1867 e nassè la confederazion canadese cu l'union de trê coloniis dal Nord Americhe Britanic di Gnove Scozie, Gnûf Brunswick e Provincie dal Canadà, che daspò a deventarin cuatri par vie de division de Provincie dal Canadà in Ontario e Québec. Cul timp si zontarin simpri plui provinciis par formâ il stât nordamerican di vuê.

Il Canadà al è un stât federâl guviernât cuntun sisteme parlamentâr te suaze di une monarchie costituzionâl. Elisabete II e je il so cjâf dal stât. Il prin ministri invezit al è Justin Trudeau, dal Partît Liberâl dal Canadà. Il Canadà al à dôs lenghis uficiâls, ven a dî l'inglês e il francês, e une popolazion di 35 milions cirche. L'economie avanzade dal Canadà e puarte il stât a plaçâsi al decim puest al mont in rivuart al so Prodot interni sporc (PIS) nominâl, par vie che la sô economie si base in mût principâl su lis sôs tantis risorsis naturâls e su lis sôs rêts comerciâls, ben svilupadis, soredut cui Stâts Unîts di Americhe.

Il Canadà al fâs part di numerosis organizazions internazionâls, par esempli il Commonwealth des Nazions (CN), l'Organizazion Internazionâl de Francofonie (OIF), il Grup dai Siet (G7), il Grup dai Vincj (G20), l'Organizazion des Nazions Unidis (ONU), l'Acuardi Nordamerican par il Libar Scambi (NAFTA), l'Organizazion dal Tratât dal Atlantic dal Nord (NATO) e l'Organizazion Mondiâl dal Cumierç (WTO).

Comunicazions

La comunicazion e je il scambi di informazions fra dai sogjets (o ogjets). La comunicazion a cjape dentri dai argoments tecnics (par esempli lis telecomunicazions) e sociâi (par esempli i gjornâi, la publicitât, i audiovisîfs e i mieçs di comunicazion di masse (massmedia).

La peraule comunicazion a ven di spes ancje doprade par i traspuarts.

Diplomazie

La diplomazie e je l'art e la pratiche di puartâ indevant tratativis cun personis acreditadis (ven a stâi che àn il diplome dal diplomatic). Di solit a si riferìs aes tratativis internazionâls, discussions tra i diviers stâts dal mont su cuistions economichis, politichis, cumierç, vueris e acuarts di pâs. I tratâts internazionâi a son difat inmaneâts dai diplomatichis prime di jessi firmâts dai politics.

In sens informâl, la diplomazie e je ancje l'ûs di tatichis par vuadagnâ un vantaç strategjic in cualchi cjamp.

Economie

La economie e je une sience sociâl che e studie l'insiemit dai fenomens economics, ven a stâi la ativitât economiche des comunitâts umanis cu la produzion, la distribuzion e il consum di bens e di servizis.

I studis di economie a doprin in lunc e in larc sei modei matematics e statistics, sei modei empirics par elaborâ lis lôr teoriis, par descrivi lis realtâts economichis e proviodi il lôr davuelziment.

Problemis centrâi de economie a son cemût rivâ a dâ un valôr just a lis robis e cemût distribuî lis risorsis che a son disponibilis fra diviers mûts alternatîfs di doprâlis.

Elio Morpurgo

Elio Morpurgo Hoffman (Udin 10 di Otubar 1858 – Polonie 1944) al fo economist, politic e mecenat furlan di religjon ebraiche.

Al studià a Udin in tal istitût tecnic, (al jere te stesse classe dal economist Bonaldo Stringher), al fo president de Bancje di Udin e al fasè il sindic di Udin dal 1889 al 1895. Daspò al fo parlamentâr par trê mandâts di file. Dal 1903 al 1937 al fo president de Cjamare di Cumierç di Udin.

Fo grant mecenat e al sburtà ancje par une schirie di compris di cuadris di art pe Cjamare di Cumierç fra cui oparis de Avanguardie Furlane come chês di Dino Basaldella, di Angilotto Modotto e di Fred Pitt (Gilfredo Pittino).

Fo vitime des leçs raziâlis e a otantesîs agns al fo depuartât in Polonie murint durant il viaç.

Liste toponims furlan-talian

Liste dai Toponims furlan-talian in grafie uficiâl publicade dal OLF tal 2002.

NOTE: loc. al è il non dal toponim scrit seont la variant locâl dal furlan

Maian

Maian al è un comun inte Friûl di Mieç, che al dì di vuê al fâs part de provincie di Udin e al à 6.025 abitants.

Negozi

Il Negozi o ben la Buteghe a son dai locâi dulà che a si vendin o si mostrin des marcjanziis che a si puedin comprâ.

Tes buteghis si fâs il cumierç al detai, ven a stâi chel che al vent diretementri al consumadôr ultin.

A son ancje des buteghis dulà che si puartin des robis a comedâ, a lavâ o a fâ des manutenzions.

Lis buteghis si puedin classificâ seont la grandece o seont il tip di ativitât e di marcjanzie che e ven vendude.

Pieri Savorgnan di Braçà

Pieri Savorgnan di Braçà (Pietro Paolo Savorgnan di Brazzà, plui cognossût sicu Pierre Paul François Camille Savorgnan de Brazza) (26 di Zenâr 1852 - 14 di Setembar 1905) al fo un esploradôr talian di famee furlane nobile, naturalizât francês. Lui al fo il prin a vierzi lis esplorazions de rive di drete dal Flum Congo, che a saran la base pes coloniis francesis inte Afriche ocidentâl. Il sô segn distintîf e jerin lis buinis manieris, la amabilitât, il fasin fisic e la ricercje di un contat pacific cu lis popolazions africanis.

Salisburghês

Il Salisburghês al è un dai stâts federâts (tod. Bundesländer) austriacs, logât tal nord dal paîs. Al confine a Jevât cule Stirie, a sud Jevât cun la Carintie, a sud cul Tirôl, a sud Bonât cule Italie (Provincie di Bolzan, te regjon Trentin-Sud Tirôl), a Bonât cul Tirôl, tal nord cun la Gjermanie (Baviere) e a nord Jevât cule Alte Austrie. Al rientre te euroregjon Salzburg-Berchtesgadener Land-Traunstein.

La capitâl (tod. Landeshauptstadt) e je Solsburc (tod. Salzburg - 150.000 ab. ce.). Altris citâts rilevantis a son: Bischofshofen, Hallein, Saalfelden, Sankt Johann im Pongau e Zell am See.

Sydney

Sydney e je la capitâl dal stât Gnûf Gales dal Sud, logade tal sud-est australian e ancje la citât plui grande e vecje dal paîs (e je stade fondade intal 1788).

Tra i siei edificis famôs al è la Opare di Sydney pal so disen spetacolâr. Cuntune popolazion de aree metropolitane di cirche 4,9 milions di abitants (2015), di cui uns 146.297 inte citât vere e propie (cognossude come la City of Sydney), la metropoli d Sydney e je la plui grande dai doi principâi nuclis finanziaris, di traspuart, dal cumierç e de culture de Australie (la seconde e je Melbourne).

Sydney e je une destinazion turistiche une vore cognossude ator pal mont, e a voltis e ven considerade une des citâts plui bielis e cu la miôr cualitât de vite, graziis al puart, ae sô impressionant cueste o ae culture cosmopolite. A livel mondiâl e je deventade impuartante soredut par vie de organizazion dai Zûcs Olimpics Estîfs 2000. A Sydney e vignarà ancje organizade la Zornade mondiâl de zoventût 2008. Il non de citât si pronuncie /ˈsɪd.niː/.

Toponims Furlan Talian C Ç

Liste dai Toponims talian-furlan in grafie uficiâl publicade dal OLF tal 2002

NOTE: loc. al è il non dal toponim scrit seont la variant locâl dal furlan

Toponims Talian Furlan C

Liste dai Toponims talian-furlan in grafie uficiâl publicade dal OLF tal 2002

NOTE: loc. al è il non dal toponim scrit seont la variant locâl dal furlan

Altris lenghis

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.