Culture

La culture e je l'insiemit des cognossincis, des crodincis, des tradizions dai ategjaments e dai ideâi di un popul, di un grup di personis o de interie umanitât.

La peraule e ven dal latin colere ven a stâi coltâ, par cui la culture e sarès fate des cognossincis che un popul al à coltât tal timp.

La culture orâl e je che che si tramande di pari in fi in chês societâts che no doprin la scriture, al contrari une des carateristichis des culturis modernis e je la peraule scrite e i libris tant e je vere che specialmentri une volte si pensave che cui che al veve let tancj libris al jere une persone di grande culture.

Vôs leadis

Minorancis lenghistichis storichis talianis

  • Culture catalane
  • Culture furlane
  • Culture ladine
  • Culture ocitane
  • Culture provenzâl
  • Culture sardegnûle

Culturis tal mont

  • Culture arabe
  • Culture cinese
  • Culture francese
  • Culture japonêse
  • Culture inglese
  • Culture merecane
  • Culture spagnole
  • Culture taliane
  • Culture todescje

Culturis classichis

  • Culture greche
  • Culture romane
2003

2002 < 2003 < 2004

Antropologjie

La Antropologjie e je la sience sociâl che e studie l'om in ducj i soi aspiets, sociâi, culturâi e fisics. Il concet di culture al è a la fonde de Antropologjie parcè che la culture e je considerade un element fondamentâl de nature umane e de capacitât dal om di pensâ il mont in maniere simboliche, di imparà e insegnâ i simbui e di gambiâ il mont doprant chescj simbui.

Si use dividi la Antropologjie in:

Antropologjie fisiche, che si ocupe de evoluzion fisiche dai oms, de gjenetiche des popolazions e des fondis biologjichis ai mûts di fâ umans.

Antropologjie culturâl, che studie i compuartaments sociâi, i ordenaments politics, la religjon, e i schemis compuartamentâi des variis comunitâts umanis.

Bologne

Bologne (Bulåggna par bolognês) al è un comun di 387.554 abitants, cjâflûc de omonime Citât metropolitane (BO) e de regjon Emilie-Romagne.

E fo la sede di une des primis universitâts (za dal XI secul), e je ancjemò vuê la mete di un grum di students, che a crein une ricjece culturâl e di ideis gnovis e alternativis, fra lis plui amiradis vie pal mont. Bologne e je cognossude ancje pai siei tors e i puartins (che a rivin a 38 km dome tal centri storic, câs unic tal mont), comprindût il plui lunc dal mont, il Portico di San Luca, che cun 3.500 m e 666 arcs al lee il centri storic dentri lis muris cun la basiliche di San Luche, logade parsore di un cuel e ancjemò vuê obietîf di une vore di pelegrinaçs.

Il patron de citât al è San Petroni, che al cole ai 4 di Otubar.

Cjasarse

Cjasarse (loc. Cjasarsa) al è un comun di 8.608 abitants e al fâs part de provincie di Pordenon.

Cristianesim

Il Cristianesim al è une religjon monoteistiche basade sore la vite e i insegnaments di Gesù di Nazareth, cjapade sù dai siei prins fidêi in tal Gnûf Testament. E je la plui grant religjon dal mont, cun pressapôc 2,1 miliarts di fidêi, un tierç da la popolazion dal mont. E spartìs cul Ebraisim i libris da la Torah (cjapade dentri il Vieri Testament), e par chest e je a voltis clamade religjon abramitiche.

Il Cristianesim al cjape dentri tantis tradizions religjosis che e cambiin une vore cun la culture, e tantis diviersis glesiis e setis. Di solit e je divise in trê ramaçs principâls, plui altris.

Catolicisim (difondude soredut tai paîs di culture latine in Europe, tes Americhis e in Australie).

Ortodossie(difondude soredut tai paîs dal Est Europe)

Protestantesim o Evangjelisim (dividût in glesiis nazionâls e di pinzîr scu Valdisim, Metodisime, Luteranisim, anglicanisim, Pentecostalisim).

Altris confessions come Glesie di Crist, Testemonis di Jeova, Mormons.Cierts ramaçs a no son grups uniforms.

For Davôtri

For Davôtri (la variant locâl e dîs lu For oben For Davùatri, par antîc cognossût ancje come cure di Sorepuints) al è un comun inte Cjargne, che al dì di vuê al fâs part de provincie di Udin e al à 732 abitants.

Friûl

Il Friûl al è une regjon storiche inte bande plui a est des Alps, posizionât inte Italie nort-orientâl e Slovenie ocidentâl. Al dì di vuê e je comprendude te regjons talians Friûl-Vignesie Julie, Venit e te regjon slovene dal Litorâl (Goriška).

Il Friûl al à une culture principâl, chê furlane, ma a son presintis ancje chês taliane, slovene, venite e todescje; a si fevelin furlan, venit, sloven e todesc.

Gurize

Gurize (loc. Guriza, Gorizia par talian, Goríca par sloven, Görz par todesc) e je une citât di 34.844 abitants, che e je just sul confin cu la Slovenie; di chê altre bande dal confin si cjate la citât di Gnove Gurize, nassude intal 1947 subit daspò de fin de Seconde Vuere Mondiâl.

E je la citât plui a jevât dulà che si fevele par furlan (tes zonis di Lucinîs, Stracis, Monsante, Plaçute e San Roc).

Al è il cjâf lûc dal Friûl Orientâl; il so non al ven dal sloven gorica (pronunzie "gorìtza") che al vûl dî cuel, cun riferiment probabilmentri a chel dal cjastiel.

Citât cun plui animis, partignint par istorie sedi al Friûl, sedi a la Vignesie Julie, sedi a la culture slovene.

Lenghe furlane

Il furlan ( (talian) friulano, (todesc) friaulisch/friulanisch/furlanisch, (inglês) Friulian, (sloven) furlanščina) e je une lenghe romanze de famee des lenghis retichis, che e je fevelade soredut intal Friûl, ma ancje vie pal mont. Cualchi volte al ven clamât Ladin orientâl, parcè che al à diviers ponts in comun cul ladin, ma si è svilupât in un altri mût cul passâ dal timp, sot de influence des lenghis ator dal Friûl (talian, todesc, sloven, dialets venits).

Leterature furlane

Ancje se lis primis formis poetichis a son stadis datadis al XIV secul (poesiis anonimis come Piruç myò doç inculurît e Soneto furlan, che vegnin di Cividât e a son dongje ai argoments e a lis ideis dal Dolce Stil Novo), la nassude di une vere leterature furlane si pues viodi dome tal XIX secul, cuant che il Friûl, daspò dal congrès di Viene, al passà par intîr sot dal control dal Imperi Asburgjic. Lis causis di cheste floridure cussì ritardade a son diviersis: pe prime robe, la lenghe de culture e de aministrazion no fo mai il furlan, ma prime il latin e parzialmentri il todesc tal Patriarcjât di Acuilee, dopo il talian messedât cul venit sot dal domini de Serenissime; cun di plui, in Friûl no si formà mai une borghesie, che i plasès la leterature e metès bêçs pal so disvilup, che varès judât ancje chel de lenghe. Tal XVI secul, par esempli, a forin dome pocjis oparis par furlan, pi che altri ispiradis ai lavôrs di Francesco Petrarca; di chescj periodi, a son di ricuardâ Nicolò Morlupin di Vençon (1528-1570) e Girolamo Biancone di Tumieç. Si scugne ancje visâsi che fintremai il Votcent a no forin lavôrs par furlan stampâts, par cui la circolazion e jere limitade a une piçule clape di nobii.

Mitologjie

La mitologjie e je la dissipline che si ocupe de racuelte, dal studi e de interpretazion dai mîts – storiis che une particolâr culture e crôt che a sedin veris e che doprin events o personaçs sorenaturâi par esplicâ la nature dal univiers e de umanitât.

Cul tiermin mitologjie si pues ancje intindi il cuarp di mîts di une particolâr culture o religjon (come inte mitologjie greghe, egjizie o vichinghe).

Intal fevelâ comun, un mît e je ancje une robe che tancj i crodin, ma che no je vere. Inte mitologjie però, no si dopre cheste definizion.

Rome antighe

Cuant che si fevele di Rome Antighe ,si intint fevelâ de civiltât che a puartât ae fondazion de citât-stât di Rome ,fondade te penisole taliane tal XI p.d.C.In tai dodis secui de sô esistence,le civiltât romane e scomence de monarchie, par divignî une republiche, par deventâ l'imperi plui grant che vedi dominât la Europe.

Une serie di aveniments socio-politics,e puarte ae colade dal imperi,che si divît in doi.

Le bande ocidentâl,che e tignive dentri la Spagne , le Gallie (la France di vuê,e la Italie ,si disfe in tal V secul d.d.C par dâ origjin a tancj reams indipendents. La bande orientâl,che e veve a cjâf la citât di Costantinopoli , la citât di Istambul di vuê, e sarà la capitâl dal Imperi Bizantin ,daspò dal 476 d.C.

La civiltât romane,e je mitude inte Antichitât classiche cun civiltâts come chês dal Antîc Egjit e chê de Antighe Grecie ,civiltât che e à ispirât une vore chê romane.

De culture di Rome Antighe e ven buine part de culture dal mont ocidentâl di vuê,in fat di art , leteradure , lenghis e architeture ,e lis sôs influencis si cjatin ancje te culture e tal mont di vuê.

Scritôr

Un scritôr al è une persone che al scrîf par contâ des storiis o par pandi lis sôs ideis. I scritôrs plui brâfs a àn une grande abilitât tal doprâ la lenghe.

I scritôrs a fasin diviers tips di documents: prose, poesie, saçs, teatri e a dan un grant contribût ae cressite de culture di une societât, l'insiemit de lôr opare e je la leterature.

Model:Commonscat

Slovenie

La Slovenie (par sloven Republika Slovenija) e je un stât de Europe centrâl che e fâs part de Union Europeane dal 1 di Mai dal 2004. E confine cun l'Italie a ovest, cun l'Austrie a nord, cul Ongjarie a nord est e cu la Cravuazie a sud e est. A Sud-Ovest e je ancje bagnade par pôcs chilometris dal Mâr Adriatic.

Teatri furlan

Il teatri in lenghe furlane al nas avonde tart rispiet aes altris formis artistichis de marilenghe. Dut cas di lunc dal XX secul al si svilupe simpri di plui e al dì di vuê o vin ancje des compagniis profesionistichis.

Toponims dal Friûl

L’Oservatori de Lenghe Furlane (OLF) tal 2002 al à butât fûr une liste dai toponims in lenghe furlane in grafie uficiâl, notant sei la forme in furlan comun che chê in variant locâl.

La liste e je stade metude adun da une comission che e veve dentri: Francesco Micelli e Donato Toffoli pal OLF, Enos Costantini e Franco Finco nomenâts de Societât Filologjiche Furlane, Sergio Fantini e Paolo Roseano nomenâts de Clape di Culture "Patrie dal Friûl".

Udin

Se tu cirivis la scuadre di balon viôt Udinese Calcio

Udin (Weiden in Friaul par todesc,Videm par sloven,Udine par talian) e je la capitâl dal Friûl. E je logade intal Friûl centrâl, intune posizion strategjiche: e je une citât di plui di 99.000 abitants e po, ancje un centri di atrazion pai paîs ator ator. E je ancje cjâf lûc de omonime provincie, la plui grant par dimensions inte regjon Friûl-Vignesie Julie.

Vilote

La vilote e je une forme di cjant a trê o plui vôs nassude tal XV secul in Friûl. Formis di cjant derivadis de vilote si son pandudis intes regjon convicinis, in Austrie, in Slovenie e in Venit.

Altris lenghis

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.