Unión Uropea

La Unión Uropea (UU) es una organiçación internacional holmá por vintiochu Estaus miembrus que, mesmamenti comu el su nombri indica, s'alcuentran en Uropa, anque algunus de los sus territórius s'estiendin más p'allá del continenti. Hue estabelecia el 1 Noviembri de 1993, quandu entró en vigol el Tratau dela Unión Uropea, huendu entoncis la sucesora de la Comunidá Económica Uropea, criá en 1957.

Flag of Europe
Bandera
UE-EU-ISO 3166-1
2015
EC-EU-enlargement animation
Procesu d'ampliación dela UU.

Paisis biembrus

Estus son los biembrus que ogañu conholman esta unión:

  1. Alemaña
  2. Fráncia
  3. Bélgica
  4. Paisis Baxus
  5. Lussembulgu
  6. Itália
  7. Réinu Uniu
  8. Irlanda
  9. Dinamarca
  10. Grécia
  11. España
  12. Portugal
  13. Áustria
  14. Suécia
  15. Finlándia
  16. Poloña
  17. Letónia
  18. Lituánia
  19. Estónia
  20. Ungria
  21. Repúbrica Checa
  22. Eslováquia
  23. Eslovénia
  24. Malta
  25. Chipri
  26. Rumania
  27. Bulgaria
  28. Croácia

Ain angunus paisis que son candidatus pa entral nesta unión, comu Macedónia del Norti i Turquia.

Bulgária

Bulgária (България) es un país el suloesti d'Uropa que horma parti de la Unión Uropea dendi 2007. La su capital es Sofia. Los sus arrayus son al esti con el Mari Negru al sul con Grécia i Turquia, al norti con Rumanía i al esti con Sérbia i Macedónia.

Bélgica

Bélgica (Koninkrijk België en neerlandés, Royaume de Belgique en francés i Königreich Belgien en alemán) es un estau uropeu. Es biembru la Unión Uropea i la su capital es Bruselas. Los sus arrayus son al noroesti con Paisis Baxus, al sulesti con Fráncia al sul con Lussemburgu al esti con Alemaña, i al norti con el Mari del Norti.

Chipri

La Repúbrica de Chipri (griegu: Κύπρος, Kýpros) es un país uroasiáticu assitiau ena isla el mesmu nombri, qu'es miembru la Unión Uropea (UE).

Esta repúbrica es un estau internacionalmenti reconociu, peru solu controla los dos tercius el sul la isla. El terciu norti hue ocupau pola Repúbrica de Turquia en 1974, instaurandu la Repúbrica Turca el Norti de Chipri. Esti úrtimu territoriu solu está reconociu pol Turquia. Ena isla tamién s'alcuentran los enclavis el Réinu Uniu d'Acrotiri i Dhekelia.

La isla de Chipri está assitiá nel Mari Mediterráneu, a 113 km al sul de Turquia, 120 km al oesti de Síria i 150 km al esti de Grécia (isla Kastellorizo). Chipri entró comu miembru las Nacionis Unias el 20 de setiembri de 1960.

Croacia

Croacia (en Luenga croata: Republika Hrvatska) es un país d'Uropa central. Hazi arrayu con Eslovénia i Ungria pol norti, Sérbia pol noresti, Bósnia Ercegovina pol esti i Montenegru pol sul, i pol suloesti con el Mari Adriáticu. La su capital es Zagreb. Horma parti dela Unión Uropea.

Eslováquia

Eslováquia es un país d'Uropa central. Hazi arrayu con Ucránia al esti, Poloña al norti, Repúbrica Checa al oesti Ungria al sul i Áustria al suloesti. La su capital es Bratislava.

Eslovénia

La Repúbrica d'Eslovénia (en eslovenu Republika Slovenija) es un país d'Uropa central. Hazi arrayu con Itália al oesti, Áustria al norti, Croácia al sul, con Ungria al noresti i al suloesti con el mari Adriáticu. Es endependienti dendi 1991 (Anteriolmenti holmaba parti de Yugoslavia) i preteneci a la Unión Uropea dendi 2004. La su capital es Liubliana.

España

España, o Réinu d'España, es un estau soberanu biembru de la Unión Uropea costituiu en monalquia palramentária que ocupa argu más de los cincu sestus de la península Ibérica, tamién dos archipélagus assitiaus unu nel mari Mediterráneu (Islas Balearis) i otru nel océanu Atlánticu (Islas Canárias), assina comu las praças de soberania el norti del continenti africanu i el encravi de Llívia enos Pirineus francesis.

Preteneci a la Unión Uropea con otrus 27 paisis.

Tien una superficie de 504.645 km². La su capital es Mairil.

Arraya al norti conos paisis de Fráncia i Andorra, al sul cona colónia ingresa de Gibraltar i Marruecus, i al oesti con Portugal.

Estónia

La Repúbrica d'Estónia (en estoniu: Eesti Vabariik) es un país assitiau nel noresti d'Uropa. Endi 2004 holma parti la Unión Uropea (UE) i la OTAN. Hazi arrayu al sul con Letónia, al esti con Rússia, al norti con el golfu de Finlándia i al oesti con el mari Bálticu. La su capital es Tallín.

Finlándia

La Repúbrica de Finlándia (en finés, Suomen tasavalta; en suecu Republiken Finland) es un país assitiau nel norti d'Uropa. Los sus arrayus son al oesti con Suécia, al esti con Rússia, i al norti con Noruega. Al sul i al oesti está bañau pol el Mari Bálticu. La su capital i ciá más pueblá es Helsinki.

Grecia

Grecia, oficialmenti Repúbrica Elénica, (en gregu: Ελληνική Δημοκρατία) es un país del sulesti d'Uropa que holma parti la Unión Uropea (UU).

Assitiau nel costau sul la Península Balcánica, hazi arrayu pol tierra con Bulgária, la Repúbrica de Macedónia i Albánia al norti, al esti con Turquia i al oesti i sul con el Jónicu i el Mediterráneu.

Irlanda

Irlanda (Ireland, en ingrés; Éire [ˈeːrʲə], en irlandés), es un país del noroesti d'Uropa que holma parti de la Unión Uropea (UU).

El su territóriu abada aprosimamenti cincu sestus de la isla d'Irlanda. El algotru sestu restanti preteneci a Irlanda del Norti, una región almenistrativa del Réinu Uniu i parti de la província estórica del Ulster.

Letonia

Letónia, oficialmenti Repúbrica de Letonia, es un país assitiau al noresti d'Uropa. Es unu los paisis Bálticus juntu con Estónia, al norti, i Lituánia, al sul. Al esti hazi arrayu con Rússia i Bielorrússia.

Letónia es una repúbrica democrática parlamentaria diviia en 26 destritus. La su capital i ciá más pueblá es Riga. Holma parti la ONU dendi 1991 i la Unión Uropea (UE) i la OTAN dendi 2004.

Lituania

Lituania (en Lituanu Lietuva o, de holma oficial, Lietuvos Respublika), es un país del noroesti d'Uropa que holma parti la Unión Uropea. Es unu los paisis bálticus. Hazi arrayu al norti con Letonia, al esti con Bielorrússia, al oesti con el Mari Bálticu al sul con Polonia i al suloesti cona ciá russa Kaliningrado.

Lussembulgu

Lussembulgu (Luxembourg en francés, Luxemburg en alemán, Lëtzebuerg en lussembulgués), nombri oficial Gran Ducau de Lussembulgu, es un país que'l su territoriu s'assitia en Uropa Ociental, entri Alemaña al esti, Bélgica al norti i oesti i Francia al sul.

El país tien 3 lenguas oficialis: francés, alemán i lengua lussembulguesa.

Malta

La Repúbrica de Malta (en maltés Repubblika ta' Malta) es un pais insulal compuestu pol un archipiélagu assitiau nel centru el Mari Mediterráneu cuyas islas prencipalis son las de Malta i Gozo. La su capital es La Valeta. Es endependienti endi 1964 i en 2004 entró ena Unión Uropea.

Poloña

Poloña (en polacu Polska; oficialmenti, Repúbrica de Poloña, en polacu Rzeczpospolita Polska) es un país d'Uropa, que holma parti la Unión Uropea. Los sus arrayus son al oesti con Alemaña, al esti con Bielorrússia i Ucránia, al norti con el Mari Bálticu, i con la ciá russa de Kaliningradu, al noresti con Lituánia, i al sul con la Repúbrica Checa i Eslováquia. La su capital es Varsóvia.

Repúbrica Checa

La Repúbrica Checa (en checu Česká republika), Chequia (en checu Česko) es un pais d'Uropa. Los sus arrayus son al oesti i al noroesti con Alemaña, al noresti con Poloña, al esti con Eslováquia i al sul con Áustria. La su capital es la ciá de Praga.

Rumania

Rumania (en rumanu, România) es un país assitiau nel sulesti d'Uropa. Los sus arrayus son al sul con Bulgária, al esti con Ungria i Sérbia, al noresti i norti con Ucránia, al noresti con Moldávia, i al esti con el mari Negru. Es biembru la OTAN dendi el 29 de marçu de 2004, i la Unión Uropea dendi el 1 d'eneru de 2007. La su capital es Bucarest

Ungria

La Repúbrica d'Ungria (en ungaru, Magyar Köztársaság) es un país d'Uropa Central, que holma parti la Unión Uropea. Hazi arrayu con Áustria, Eslováquia, Ucránia, Rumania, Sérbia, Croácia i Eslovénia. La su capital es Budapest.

En otras palras

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.