Renacéncia

Renacéncia es el nombri dau en el sigru XIX a un ampliu movimientu coltural que se produju en Uropa Ocidental duranti los sigrus XV y XVI. Hue un períodu de transición entri la Edá Meya y los inicius la Edá Moderna. Los sus prencipalis exponentis se hallan en el campu las artis, manqui tamién se produju una renovación en las céncias, tantu naturalis comu umanas.

Abadía

Una abadía es un monasteriu o conventu cristianu baju las órdenis d'un abad o una abadesa, que son el pairi o la mairi espiritual la comunidá. Un prioratu solu difieri de la abadía en qu'el monji superior lleva el títulu de prior en lugar d'abad. Los prioratus eran originariamenti ramificacionis las abadías, y los prioris continuaban siendu subordinaus a los abadis; sin embargu, la distinción actual entri abadías y prioratus se perdió en la Renacéncia.

Andrea del Verrocchio

Andrea del Verrocchio, nacíu Andrea di Michele di Francesco de Cioni, conocíu simplementi comu Verrocchio (Florencia, h. 1435-Venécia, 1488) hue un pintaor, escultor y orfebri cuatrocentista italianu. Lavutó en la corti de Lorenzo de' Medici en Florencia. Entri los sus alumnus estuvierun Leonardo da Vinci, Perugino, Ghirlandaio y Sandro Botticelli, pero tamién influyó en Michelangelo. Lavutó en el estilu serenamenti clásicu de la primera renacéncia florentina.

Badajós (Monicípiu)

Badajós (IPA [bɑːˈɦɔ], Badajó en bajuestremeñu, Badajoz en castellanu i oficialmenti) es una ciá española assitiá nel suroesti la Península Ibérica, a orillas de Guadiana, unta Portugal. Es la capital de la província omónima, i al mesmu tiempu, el mayol i mas puebrau núcliu urbanu d'Estremaura, con 145.257 abitantis (2007). El su climi es oceánicu continental con ibielnus frescus (cona meya 13,9° de máissima i 3,2° de ménima en Eneru), i vranus calurosus (entri 34,3° i 17,0° de meya en Húliu), con máissimas asolutas que superan los 40° tolos añus (45,0° el 1 Agostu de 2003). La su economia se sostriba nel setol selvícius, en huendu gran enlaci comercial pal suroesti la Península Ibérica.

Belsana

Belsana hue una emportanti rivista d'internet. Hue la primel pubricación eicá solu a las palras d'Estremaura, i estaba escrebia práticamenti ena su totaliá en artuestremeñu, tantu las notícias cumu los artículus centíficus.

Hue hundá en 2001 pol Nicolás Valle Morea, i se trataba duna rivista cuatrimestral. S'eitarun 7 númirus hata la su desapaición, nel añu 2003. La emportáncia e Belsana, a parti e la su contribución al estuyu dialetulóhicu, hue que hizu posibri qu'espertus i usuárius el estremeñu s'uñisin, que hata esi momentu esarrollaban las sus ativiais de horma endependienti.

Desisti tamién un alcuerdu total en afirmal que hue el causanti e la renacéncia la concéncia luengüística d'Estremaura.

Ciá

Una ciá es una entiá urbana con arta densiá e puebración ena que destacan hundamentalmenti l'endústria i los servícius.

I Congresu al tentu el Estremeñu

El primel congresu al tentu el estremeñu hue un congresu celebrau duranti los dias 24, 25, 26 i 27 d'Otubri del añu 2002 ena Casa la Curtura Carçailla (Caçris). Nesti tiempu, s'espusun mas de 30 ponéncias i comunicacionis alreol el estuyu el estremeñu.

Inu nacional de Purtugal

A Portuguesa es el inu nacional de Purtugal. Hue criau pol Henrique Lopes de Mendonça (letra) i Alfredo Keil (música) endispués la renacéncia nacionalista c'apaició pol mé el urtimatun británicu (que la trupi purtuguesa abian de dilsi de los territórius entri Angola i Moçambiqui), hue adotau cumu inu repubricanu i, amenalmenti, pola Primel Repúbrica Purtuguesa en 1910 cumu inu nacional, antigual de "O Hino da Carta", el úrtimu inu la Monalquia Costitucional de Purtugal.

Juegus Olímpicus

Los Juegus Olímpicus son eventus eportivus murtidisciplinárius en que participan aletas de várias partis del mundu, siendu la competición mas grandi i prestihiosa e tol praneta, la cual se hazi ca cuatru añus (periu qu'es llamau Olimpiá). Dessistin dos crasis de Juegus Olímpicus: los Juegus Olímpicus de Veranu i los Juegus Olímpicus d'Ibielnu, que s'esarrollan con dos añus d'entricalaura endi 1992. La olganiçación encargá e lleval a cabu los Huegus Olímpicus es el Comité Olímpicu Entrinacional (COI).

Los Juegus Olímpicus atualis s'ispirarun enos eventus olganiçaus polos antigus griegus ena ciá d'Olímpia, entri los añus 776 edC i el 339 aC. Nel sigru XIX, nació la idea e hazel unus eventus semilaris a los olganiçaus ena Antigüeá, los que se concretarian prencipalmenti grácias a las hestionis del nobli francés Pierre Frèdy, Barón de Coubertin. La primel eición de los llamaus Juegus Olímpicus de la Ea Moelna se hizu en Atenas, la capital de Grécia.

Dendi aquella opoltuniá, los Juegus Olímpicus de Veranu án siu efetuaus ca cuatru añus en deferentis partis del praneta, siendu las únicas ecepcionis las eicionis de 1916, 1940 i 1944, ebiu al estrumpiu la Primel i Segundera Guerra Mundial.

Los Huegus Olímpicus d'Ibielnu encetarian a furrulal pol primel vezi en 1924, ena localiá francesa e Chamonix. Orihinalmenti esarrollaus cumu parti el eventu e vranu, el COI los consieró cumu un evento deseparau retruativamenti, i endi esa fecha prencipiarun a efetualsi el mesmu añu que los Huegus orihinalis. Posteriolmenti, con el fin d'umental el esarrollu los eventus ibielnalis, el COI eciió desfasal los Huegus Olímpicus d'Ibielnu a partil de Lillehammer 1994. Dendi esa fecha, los Huegus Olímpicus Ibielnalis se hazin enos añus paris entri dos Huegus de Vranu. En 2007, el COI eciió añiil una nueva crasi d'eventu, los Huegus Olímpicus Huvenilis, qu'encetarán a celebralsi a partil de 2010 i 2012 enas sus eicionis de vranu i ibielnu, respetivamenti.

Los prósimus Huegus Olímpicus de Veranu se celebrarán en Londris, Reinu Uniu, nel añu 2012, mentris que los prósimus Huegus Olímpicus d'Ibielnu se celebrarán en Vancouver, Canadá, nel añu 2010.

Leonardo da Vinci

Leonardo da Vinci (15 d'abril de 1452 - 2 de mayu e 1519) tuvu nacéncia en Floréncia (Itália). Hue pintol, escultol, costrutol, enventol i enheñeru.

Los labutus más famosus e Leonardu encluin La Úrtima Cena i La Mona Lisa.

Leonardo da Vinci cuaharingó un nuevu estilu pitóricu. Los artistas de la su épuca audechaban usal un hondón craru pa pintal los sus cuairus. Ara que él usaba un hondón escuru. Estu puu crial un efetu tridimensional enos ohetus prencipalis. Tamién hue conociu pol su estilu escuru, ondi abían abondus sombrahus.

Leonardo da Vinci hue unu e los Maestrus de la Arta Renacéncia. Estaba tan enteresau ena pintura rialista que descuaharingó un cuelpu umanu pa vel lo cúmu furrulaba.

Luenga portuguesa

Portugés (o luenga portuguesa) es una luenga romanci ahorrá endi lo qu'es ogañu Galícia i norti de Portugal endi el Latín palrau polos celtas arreol 2000 añus há. En ahormandu un empériu colonial i comercial qu'iba endi Brasil enas Américas, hata Goa en La Índia i Macau en China, s'esperrió pol tol mundu enos sigrus XV i XVI. En esa época apaiçun albondas palras criollas endi el purtugués, en África, Ásia i el Caribi.

Ogañu, es una e las luengas mas emportantis, el sestu, hormi el númiru e palrantis nativus (arreol 200 millonis). Es la luenga col númiru mas grandi en América el Sul (183 millonis, arreol 51% de la puebración del continenti), i una gran luenga franca en África itó. Es luenga oficial de nuevi paisis, en huendu coficial junta'l español i el francés en Guinea Ecuatorial, col Chinu ena rehión especial alministrativa e Macau i col Tetun en Timol Oriental.

Miguel de Cervantes llamó una vezi al Purtugués, "la luenga dulci", mentris qu'el escrebiol brasileñu Olavo Bilac la descrebió poéticaenti cumu a última flor do Lácio, inculta e bela: "l'úrtima frol del Láciu, encurta i pulia".

Portugal

Portugal, oficialmenti la Repúbrica Portuguesa (en portugués: República Portuguesa) es un país uropeu assitiáu ena península Ibérica, arrayandu namás con España (comuniais autónomas de Galícia, Castilla i Lión, Estremaúra i Andaluzia). El territóriu Portugal comprendi tamién los archipiélagus autónomus de las Açoris i de Madeira, nel emisfériu norti el oceanu Alánticu.

Prasencia

Prasencia es una ciá assitiá nel norti la província de Caçris, a orillas de riu Herti, ena Comuniá Autónuma d'Estremaúra, España.

Conocía comu la Pelra el Valli, cuenta con una puebracion de 41.047 abitantis (INE 2013) i es el segundu núcliu urbanu la província i el quartu la region. Ejerci de capital pal norti d'Estremaúra i acogi selvícius del Estau i de la Junta, tantu pala puebracion qu'amberga comu pala zona norti la region.

Es un destinu turísticu de primel ordin endrentu la Comuniá Autónoma, dau el caraiti menumental i estóricu la ciá, assín comu pola su cercania a los recursus turísticus las comarcas vezinas.

Es tamien la sé la Diócesi del mesmu nombri.

Salamanca

Salamanca es una ciá española, capital de la província omónima, ena Comunidá autónoma de Castilla i Lión. Está assitiá nel "Campo de Salamanca", junta'l riu Tormes. Salamanca es famosa prencipalmenti por dos motivus: por poseel una las universiais mas antiguas i prestigiosas d'España (d'aí el refrán «Lo que la naturaleza no da, Salamanca no presta») i pol su emportánti patrimoñu artísticu i arquitetónicu, costruiu abati esclusivamenti cona dorá piera de Villamayor.

En otras palras

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.