Península Ibérica

La Península Ibérica está sitiá nel suloesti Uropa, arroeá pol Mari Mediterráneu, el oceanu Alánticu i polos Pirineus, que la deseparan del restu del continenti uropeu. Pol sul, la Península está desepará d'África (Marruecus) por el Estrechu Gibraltal, qu'es la lindi entri el mari Mediterráneu i el oceanu Alánticu.

La Península cuenta con 582.925 km2 i drentu los sus arrayus geográficus s'atopan España, Portugal, Andorra i Gibraltal. El su centru geográficu está nel Cerro de los Ángeles, en Getafe. El puntu mas cimeru es el Mulhacén, en Graná, con 3.478 m de zimbra. El riu con mas longol es Taju, con una largura de 1.007 km (731 km en España i 275 km en Portugal).

El su nombri provién del riu Iber, quiziás el atual Ebru, anque tamién puyera sel el Guadalquivil u algotru riu la región Güelva, andi testus mu antíguus citan un riu Iberus i un puebru al que llaman iberus. Dende tiempus remotus los griegus mentavan Iberia a la Península.

El geógrafu griegu Estrabón, palrandu de la Península Ibérica, la compara con un pelleju güe[1]:

Cquote1.png ἔοικε γὰρ βύρσῃ τεταμένη κατὰ μῆκος μέν ἀπὸ τῆς ἑσπέρας ἐπὶ τῆν ἕω τὰ πρόσθα ἔχουσῃ μέρη πρὸς τῇ ἕω κατὰ πλάτος δ' ἀπὸ τῶν ἄρκτων πρὸς νότον

Ibéria se paici a un cueru güe destendia a lo largu de Ponienti a Salienti, conos miembrus lanterus apuntandu a Salienti, i a lo anchu de Norti a Sul

Cquote2.png
Estrabón, Geografia.

Geologicamenti tien comu caraiterística especial que la huerça la su supifícii continental está confegurá comu una meseta, con una altura meya de 600 metrus pol cima el nivel el mari; el su litoral norti, noroesti oesti es rocosu i con acantilaus, huendu el litoral esti, sulesti i sul mas suavi. Dalcuerdu a la situación geográfica, la Península Ibérica tamién horma parti de Fráncia, ya qu'ésta s'entra házia el sul.

Devisión política la Península Ibérica[2]
País u dependéncia Puebración Longol (km²) Capital
Flag of Andorra.svg Andorra 71.800 467,76 Andorra la Vieja
Flag of Spain.svg España 44.000.000 aprox. 504.798 Mairil
Flag of Gibraltar.svg Gibraltal 27.714 6,50 Gibraltal
Flag of Portugal.svg Portugal 10.045.212 89.261,00 Lisboa
Flag of France.svg Fráncia Sul de Fráncia Sul de Fráncia París
Península Ibérica 51.426.301 581.908,26
Iberian peninsula
Afotu la Península Ibérica enda satélite

Notas

  1. Strab., II 1 30, 5 27; III 1 3
  2. No se encluin Açoris, Madeira, Balearis, Canárias, Ceuta i Melilla pol no hormal parti de la Península Ibérica
Andaluzia

Andaluzia (Andalucía, en castellanu) es una comunidá autónoma d'España que s'alcuentra assitiá ena parti sul la Península Ibérica, hiziendu arrayu con Portugal al oesti, mentris que pol norti linda con Estremaúra i Castilla-La Mancha i pol esti con la Región de Múrcia, pol sul da pal mari Mediterráneu i el Océanu Atlánticu, tuviendu una costa dunus 910 km.

Es la segundera Comunidá Autónoma por destension i la primel en puebración.

La su capital ejecutiva i legislativa es Sevilla, i la su capital juicial es Graná.

Se devii en ochu províncias: Güerva, Sevilla, Cai,Córduba, Málaga, Jaén, Graná i Almeria.

Aragón

Aragón es una comuniá autúnoma d'España, resultanti el réinu estóricu del mesmu nombri. S'alcuentra assitiá ena parti norti la Península Ibérica, hiziendu arrayu con Navarra al oesti, mentris que pol norti linda con Fráncia, pol esti con Cataluña i pol sul con Comuniá Valenciana i Castilla-La Mancha.

La su capital ejecutiva, judicial i legislativa es Çaragoça.

Se devii en tres províncias: Güesca, Çaragoça i Teruel.

Badajós (Monicípiu)

Badajós (IPA [bɑːˈɦɔ], Badajó en bajuestremeñu, Badajoz en castellanu i oficialmenti) es una ciá española assitiá nel suroesti la Península Ibérica, a orillas de Guadiana, unta Portugal. Es la capital de la província omónima, i al mesmu tiempu, el mayol i mas puebrau núcliu urbanu d'Estremaura, con 145.257 abitantis (2007). El su climi es oceánicu continental con ibielnus frescus (cona meya 13,9° de máissima i 3,2° de ménima en Eneru), i vranus calurosus (entri 34,3° i 17,0° de meya en Húliu), con máissimas asolutas que superan los 40° tolos añus (45,0° el 1 Agostu de 2003). La su economia se sostriba nel setol selvícius, en huendu gran enlaci comercial pal suroesti la Península Ibérica.

Cantabria

Cantabria es una comunidá autónoma uniprovincial d'España, comunidá hestórica sigún l'Estatutu d'Autonomía, assitiá ena parti norti la Península Ibérica, hiziendu arrayu con el Prencipau d'Astúrias al oesti, mentris que pol esti linda con el Pais Vascu, pol sul con Castilla i Lión i por norti con el Mari Cantábricu. La su capital es Santandel (Sanander en cántabru)

Castilla

Castilla es una region estórica assitiá ena península ibérica, holmandu ogañu parti d'España. Ai descutíniu a tentu los sus arrayus, que varian sigún los utoris. La huerça las versionis consieran que pretenecin a la Castilla estórica las províncias de Ávila, Segóvia, Burgus, Sória, Valladolís i Paléncia assitiás ena comuniá autónoma de Castilla i Lión, i Guadalajara, Toleu, Ciá Real i Cuenca en Castilla-La Mancha. Tamien s'encluin las comuniais de Mairil, Cantábria i La Rioja, assín comu angunas comarcas assitiás ogañoti ena Comuniá Valenciana. Ai descutíniu a tentu la pretenecia la provínicia de Albaceti, ogañu en Castilla-La Mancha, pero que tamien á preteneciu a Múrcia. Tamien por parti d'angunus se consiera que las partis del antíguu réinu de Lión son castellanas (ogañu sonin las províncias castellanulionesas de Lión, Salamanca i Çamora).

Castilla passó por una volución estórica dende el chiquininu Condalgu de Castilla (sigrus IX a XI), ata el Réinu de Castilla (sigrus XI a XIII) aportandu finalmenti a la estensa Corona de Castilla (sigrus XIII a XIX).

Castilla i Lión

Castilla i Lión (oficialmenti en castellanu: Castilla y León) es una Comunidá Autónoma española costituia en 1983, que'l su territoriu s'alcuentra assitiau ena parti norti la meseta la península Ibérica, i se correspondi mayoritariamenti cola parti española la cuenca e Duero. Está holmá polas províncias d'Ávila, Burgus, Lión, Paléncia, Salamanca, Segóvia, Sória, Valladolís i Çamora. Es la comuniá autúnoma con mayol estensión d'España. Tal i cumu el Estatutu d'Autunomia de Castilla i Lión arrecohi nel su preámbulu (2007):

El Estatutu d'Autunomia nu estableci esplícitamenti una capital. Nun prencípiu las Cortis s'assitiarun de holma provisional en Burgus; tamién se palró al tentu d'assitial la capital en Tordesillas, inque la ecisión final hue assitial las Cortis de mó provisional nel castillu de Fuensaldaña. Finalmenti, pol mé una Lei Orgánica aprebá en 1987, se eciió establecel que la Hunta e Castilla i Lión —el gobielnu la Comuniá— i las Cortis —el ólganu lehislativu— tuvieran la su sé definitiva ena ciá e Valladolís. Al igual que otras Comuniais Autúnomas españolas, cumu Pais Vascu, se considera la capital a la ciá ena que s'alcuentran las estitucionis básicas de la Comuniá.

El Estatutu d'Autunomia defini una seri de valoris esencialis i símbolus de los abitantis de Castilla i Lión, cumu el su patrimoñu luengüísticu (aludiendu a la luenga castellana i al restu de luengas palrás ena Comuniá: el lionés i el gallegu) u el su patrimoñu estóricu, artísticu i natural. Entri los símbolus s'alcuentran el blasón, la bandera, el pendón, el inu (inque nu dessisti), al tiempu qu'el 23 d'Abril quea definiu cumu Dia de Castilla i Lión, en conmemoración de la derrota sufria polos ehércitus de las Comuniais de Villa i Tierra castellanas ena batalla de Villalar duranti la Guerra las Comuniais, en 1521.

Caçris

Caçris (Cáciris en fala de Xálima, Cáceres en castellanu) es una ciá assitiá al oesti la Península Ibérica, capital de la província omónima i mayol ciá d'ella. Es la segundera ciá en puebración d'Estremaúra i una las cuatru mas emportantis.

Ena ciá vivin el 21,58% la puebración total de la província, i las temperaturas meias en iviernu no son mayoris de 10º, llegandu a unas ménimas de -5º, con emportantis helás. En vranu la temperatura meya son de 35º de máissima i ménimas de 20º. Las llúvias son abundantis enus mesis de Otubri, Noviembri, Marçu, Abril i Mayu, peru mu entermitentis.

La su superfici es de 1.768 km², huendu el mayol términu municipal d'España.

A 2 km pal SE s'alcuentra el antigu municipiu d'Aldea Moret, ogañu barriá el mesmu nombri integrá endrentu la ciá, alreol el cual puein vél-se dos yacimientus arqueológicus romanus: "Cuartu Robli" i "El Hunquillu".

La Vía la Prata passa por sul de la ciá (un tramu descurri nu lejus el "Centru d´Istrución i Movilidación" (CIMOV) Santa Ana en direción sul; ai un tramu escavau ena cercana puebración de Valdesalol, ondi la carçá cruza una puenti romana.

A 40 km pal sul, cerca el límiti las dos províncias, está el barriu mas alejau la capital, Rincón de Ballesterus, encorporau en 1952 a la ciá Caçris.

España

España, o Réinu d'España, es un estau soberanu biembru de la Unión Uropea costituiu en monalquia palramentária que ocupa argu más de los cincu sestus de la península Ibérica, tamién dos archipélagus assitiaus unu nel mari Mediterráneu (Islas Balearis) i otru nel océanu Atlánticu (Islas Canárias), assina comu las praças de soberania el norti del continenti africanu i el encravi de Llívia enos Pirineus francesis.

Preteneci a la Unión Uropea con otrus 27 paisis.

Tien una superficie de 504.645 km². La su capital es Mairil.

Arraya al norti conos paisis de Fráncia i Andorra, al sul cona colónia ingresa de Gibraltar i Marruecus, i al oesti con Portugal.

Galicia

Galícia (tamien en gallegu se gasta la holma Galiza) es una comuniá autónoma española, assitiá nel noroesti de la Península Ibérica. Arraya al norti con el mari Cantábricu, al sul con Portugal, al oesti con el océanu Alánticu i al esti con Astúrias i Castilla i Lión (províncias de Çamora i de Lión).

Hesa

Se llama hesa a un prau arbulau de propieá comunal (heneralmenti el municipiu) o privá, destinau al mantenimientu el ganau i nel que se puein arrecohel otrus produtus forestalis comu caça, cugumelus, leña, ec.

Islas Balearis

Las Islas Balearis (en castellanu, Islas Baleares,en catalán i oficialmenti Illes Balears) son una comuniá autónoma d'España, compuesta polas islas el archipiélagu balear, assitiau nel Mari Mediterráneu, unta la costa esti la Península Ibérica. La su capital es Palma de Mallorca.

Luenga latina

La luenga latina (en latín lingua Latina [ˈlɪŋɡwa laˈtiːna] es una lengua que se palró ogañazu nel Láciu i destendia pol tol Mari Mediterráneu ociental pol empériu romanu. Ena alta eá meya se rompió enas distintas luenguas romancis ena Península Ibérica, Fráncia, Itália i Rumania. Estava coificá con el alfabetu latinu que hue una adatacion del etruscu que era tamien una varianti del alfabetu griegu. Se Caraiterizava pol usu las declinacionis, qu'ogañu se perdierun en quasi tolas luenguas romancis. El latín s'á manteniu comu luenga de cultu ena Elésia i eno que se denomina oi latín vivu o contemporániu.

Ogañu es una las luengas oficialis de la Ciá del Vaticanu.

Melilla

Melilla (en bereber: Mritch o Mrič;) es una ciá autónoma española. Está assitiá nel norti d'África ena región el Rif en vera el mari Mediterráneu, frenti a la costa sul la península Ibérica, haziendu arrayu con Marruecus.

Murcia

Murcia es la capital la Región de Múrcia, assitiá en España, nel sulesti la Península Ibérica, en vera el riu Segura. Con 436.870 abitantis (INE 2009) es la setima ciá mas pueblá del país.

Navarra

La Comuniá Foral de Navarra (Comunidad foral de Navarra, en castellanu, Nafarroako Foru Komunitatea, en euskera) es una comuniá autónoma d'España, i una província estórica d'Euskal Herria, assitiá ena parti norti la Península Ibérica. La su capital es Pamplona. Hazi arrayu al norti con Fráncia, al esti con Aragón, al sul con La Rioja, i al oesti con el País Vascu.

Portugal

Portugal, oficialmenti la Repúbrica Portuguesa (en portugués: República Portuguesa) es un país uropeu assitiáu ena península Ibérica, arrayandu namás con España (comuniais autónomas de Galícia, Castilla i Lión, Estremaúra i Andaluzia). El territóriu Portugal comprendi tamién los archipiélagus autónomus de las Açoris i de Madeira, nel emisfériu norti el oceanu Alánticu.

Sevilla

Sevilla [seˈviʎa] es la capital d'Andaluzia i la província omónima. Está assitiá al suloesti la Península Ibérica, en vera el riu Guadalquivil. Es la quarta mayol ciá d'España, al atrás de Mairil, Barcelona i Valéncia.

Taju

Taju (en castellanu, Tajo, i en purtugués, Tejo) es el riu mas largu la Península Ibérica. El su nombri provini del latín taliāre, cortal.

La su nacéncia s'alcuentra enos Montes Universalis, ena rama ociental del Sistema Ibéricu, i, aluspués d'acorrel 1.008 qm, llega al océanu Alánticu, pol Lisboa. Ena su desembocaura holma el estuáriu el Mari la Paha, nel que cai un caudal meyu e 444 hm³ pol segundu.

Enos sus primerus 816 qm atraviesa España, ondi ahila pol cuatru Comuniais Autúnomas (Aragón, Castilla-La Mancha, Madril i Estremaura) i un total de seis províncias (Teruel, Cuenca, Guadalahara, Toleu, Mairil i Caçris).

Aluspues de sel el arrayu entri España i Purtugal duranti 47 qm, entra nesti úrtimo pais. Aquí acorri 145 qm, a través de las rehionis traicionalis de Artu Alentehu, Ribatehu i Estremaura purtuguesa, enas que s'entegran los distritus de Portalegre, Santarém i Lisboa.

Las ciais mas emportantis polas que pasa son Aranjuez, Toleu i Talavera la Reina, en España, i Abrantes, Santarém i Lisboa, en Purtugal.

La su cuenca tini una superfici total de 80.600 qm². Es la de mayol puebración la Península Ibérica, con mas de dies millonis d'abitantis. Cabi destacal que nella s'alcuentran las árias metrupolitanas de Mairil i Lisboa.

La cuenca e Taju arcança una capaciá total d'embalsi d'alreol los 14.500 hm³. En referéncia al territoriu español, s'alcuentra regulá pola Confeeración Idrugráfica e Tahu, olganismu dependiente el Ministériu e Meyu Ambienti. El trasvasi "Tahu-Segura" deriva parti el caudal del riu a la zona suroriental d'España.

El su cursu artu está incluiu endrentu el Parqui Natural del Artu Tahu, ena província e Guadalahara. Tamién el su cursu meyu-bahu está protehiu legalmenti, meyanti el Parqui Nacional de Monfragüi, assitiau ena província e Caçris. Ena su desembocaura s'alcuentra la Reserva Natural del Estuariu el Tahu.

Valéncia

Valéncia (en valencianu València, en castellanu Valencia) es la capital la Comuniá Valenciana i de la província Valéncia, assitiá ena costa mediterránea la Península Ibérica,en vera el riu Túria. Es la tercera ciá más emportanti d'España, al atrás de Mairil i Barcelona.

En otras palras

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.