Luenga árabi

El árabi es la luenga semítica palrá en paisis del norti d'África i del suloesti d'Ásia. Es la luenga el Corán i es de usiu letúrhicu pa los palrantis dotras luengas. Tien las siguientis variantis: árabi magrebín, árabi saharianu (Sáhara Ociental i Mauritania), maltés, árabi ehíciu, árabi levantinu (Síria, Palestina, Jordania i Líbanu), árabi iraquín i el árabi la península arábiga. Se llama árabi dialeutal a la haci varieais coloquialis localis el árabi. La luengua oficial i literária es namás una, peru las varieais palrás son mu destintas entri ellas i ellas, de mou que la entricomprensión resurta difici en albondus chascus. Ogañu el árabi estanda es comprendiu heneralmenti i la huerça los árabis es escapás de palralu con mayol u menol correición.

Árabi (?)
 (العربية')
{{{Imagin}}}
Otras denominacionis:
Palrau en: Mauritania, Sáhara Ociental, Marruecus, Argélia, Túnis, Libia, Egitu, España (Ceuta), Chad, Sudán, Eritrea, Somalia, Israel, Jordania, Síria, Arabia Saudita, Omán, Yemen, Iraq, Yibutí, Emiratus Árabis Unius
Territórius:
Palrantis:
  • Nativus:
  • Algotrus:
225 millones
  • -
Crassificación:
Filiación: Afru-asiática
  Semítica
     Miriyonal;       
        Árabi
Estatu oficial
Luenga oficial en: Arabia Saudíta, Argélia, Baréin, Ehitu, Emiratus Árabis Uñíus, Iraq, Hordania, Cubái, Líbanu, Libia, Marruecus, Mauritania, Omán, Palestina, Catal, Siria, Suán, Túnis, Yemen

Cuoficial en: Chad, Comoris, Israel, Sáhara Ociental, Somália, Yibutí

Regulau pol:
Coigus la luenga
ISO 639-1 ar
ISO 639-2 ara
SIL ara
Wikipedia
Dispersión lengua árabe

Muestra testual

العربية أكبر لغات المجموعة السامية من حيث عدد المتحدثين، وإحدى أكثر اللغات انتشارا في العالم، يتحدثها أكثر من 422 مليون نسمة،1 ويتوزع متحدثوها في المنطقة المعروفة باسم الوطن العربي، بالإضافة إلى العديد من المناطق الأخرى المجاورة كالأحواز وتركيا وتشاد ومالي والسنغال. وللغة العربية أهمية قصوى لدى أتباع الديانة الإسلامية، فهي لغة مصدري التشريع الأساسيين في الإسلام: القرآن، والأحاديث النبوية المروية عن النبي محمد، ولا تتم الصلاة في الإسلام (وعبادات أخرى) إلا بإتقان بعض من كلمات هذه اللغة. والعربية هي أيضاً لغة طقسية رئيسية لدى عدد من الكنائس المسيحية في العالم العربي، كما كتبت بها الكثير من أهم الأعمال الدينية والفكرية اليهودية في العصور الوسطى. وإثر انتشار الإسلام، وتأسيسه دولا، ارتفعت مكانة اللغة العربية، وأصبحت لغة السياسة والعلم والأدب لقرون طويلة في الأراضي التي حكمها المسلمون، وأثرت العربية، تأثيرا مباشرا أو غير مباشر على كثير من اللغات الأخرى في العالم الإسلامي، كالتركية والفارسية والأردية مثلا.

Atijus

Argélia

La Repúbrica Argelina Democrática i Populal (en árabi: الجمهورية الجزائرية الديمقراطي , en bereber: ⵟⴰⴳⴷⵓⴷⴰ ⵜⴰⵎⴻⴳⴷⴰⵢⵜ ⵜⴰⵖⴻⵔⴼⴰⵏⵜ ⵜⴰⵣⵣⴰⵢⵔⵉⵜ ) es un país del norti d'África pretenecienti al Magreb. Huendu el segunderu país en superfici d'África, hazi arrayu con el Mari Mediterráneu al norti, Túnis al noresti, Líbia al esti, Nigi al sulesti, Mali i Mauritánia al suloesti, i Marruecus i la Sáhara Ociental al oesti.

Argélia es miembru la Unión Africana i la Liga Árabi dendi prácticamenti la su endependéncia, i contribuyó a la creación de la Unión del Magreb Árabi (UMA) en 1988.

Constitucionalmenti, Argélia se defini comu país árabi, bereber (amazigh) i musulmán.

Corán

El Corán (arabi: القرآن‎ Al-Qur’ān) es el libru considerau sagrau polos musulmanis. Tamién se lo conoci, en luenga árabi, Al Qur'an Al Karim o nobli Corán. Hue rebelau por Dios al profeta Mahoma (Muhammad, محمد) por meiu del ángel Gabriel (Yibrail o Yibril, جبريل). Duranti la via el profeta Mahoma, las revelacionis huerun trasmitías oralmenti o escrevías en ojas de palmeras, trozus de cueru o uesus. A la muerti el profeta, en 632, los sus siguioris escomençarun a reunil estas revelacionis, que duranti el Califatu d'Utman ibn Affan (عثمان بن عفان) tomarun la horma que tien ogañu, 114 capítulus (azoras, سورة), ca unu deviiu en versículus (aleyas, آيات).

El Corán toma muchus pressonajis que aparecin enos librus sagraus del judaísmu i el cristianismu (Tanaj i Biblia) i ena literatura devota (por ejemplu, los librus apócrifus), con muchas deferencias en detalli. Pressonajis del mundu ebreu i cristianu comu Adán, Noé, Abraham, Moisés, Jesús de Nazaret i Juan Bautista aparecin mencionaus comu profetas islámicus.

Islam

El Islán o Islam (en árabi الإسلام‎ al-’islām) es una religión monoteísta basá nel libru sagrau el Corán. Ésti estableci comu premissa hundamental pa los sus creyentis que «No dessisti más Dios qu'Alá i que Mahoma es el mensajeru d'Alá» Los musulmanis crein que Dios (Alá) muestró el Corán al profeta Mahoma pol mé dun angi, llamau Grabiel (Yibrail جبريل). El Islam considera que Mahoma es el úrtimu profeta, que comprementa las enseñáncias de Jesús i Moisés. Está deviiu pencipalmenti en dos ramas: chiies i suníis.

El Islam es la segunda religión con mayol númiru de creyentis, alatrás el Cristianismu. Es mayoritária en tolos paísis d'étnia i luenga árabi (menus Malta), Turquia, Irán, Afganistán, Paquistán, Ásia central i sulesti asiáticu. En Uropa es mayoritária en Albánia i en Bósnia Ercegovina. Áin abondas minorias islámicas tamién en Macedónia, Bulgária, Sérbia , Montenegru, Fráncia i Alemaña.

Luenga portuguesa

Portugés (o luenga portuguesa) es una luenga romanci ahorrá endi lo qu'es ogañu Galícia i norti de Portugal endi el Latín palrau polos celtas arreol 2000 añus há. En ahormandu un empériu colonial i comercial qu'iba endi Brasil enas Américas, hata Goa en La Índia i Macau en China, s'esperrió pol tol mundu enos sigrus XV i XVI. En esa época apaiçun albondas palras criollas endi el purtugués, en África, Ásia i el Caribi.

Ogañu, es una e las luengas mas emportantis, el sestu, hormi el númiru e palrantis nativus (arreol 200 millonis). Es la luenga col númiru mas grandi en América el Sul (183 millonis, arreol 51% de la puebración del continenti), i una gran luenga franca en África itó. Es luenga oficial de nuevi paisis, en huendu coficial junta'l español i el francés en Guinea Ecuatorial, col Chinu ena rehión especial alministrativa e Macau i col Tetun en Timol Oriental.

Miguel de Cervantes llamó una vezi al Purtugués, "la luenga dulci", mentris qu'el escrebiol brasileñu Olavo Bilac la descrebió poéticaenti cumu a última flor do Lácio, inculta e bela: "l'úrtima frol del Láciu, encurta i pulia".

Wikipedia en árabi

La Güiquipeya en árabi (‎Wīkībīdyā al-ʿArabiyya u ويكيبيديا، الموسوعة الحرة Wīkībīdyā, al-Mawsūʿa al-Ḥurra) es la eición de Wikipedia en luenga árabi. En Marçu de 2009, con 89.620 artículus, era la Güiquipeya 27ª sigún el númiru d'artículus.

En otras palras

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.