Lión

Lión (León en castellanu i Llión en lionés) es una ciá española, assitiá al noroesti la península Ibérica, capital la província omónima, ena comuniá autónoma de Castilla i Lión.

La ciá hue hundá comu campamentu melital romanu en 29 e.c. En 910 se convirtió en la capital el Reinu de Lión.

Lión

Bandera Lión Escú armas Lión
Nombri oficial {{{nombri_oficial}}}
País Flag of Spain.svg España
Comuniá Autónoma Castilla i Lión
Provincia Lión
Provincia Lión
Comarca {{{Comarca}}}
Ciá {{{monicípiu}}}
Códigu postal 24001 - 24010
Superfícii 39.06 km²
Altitú 838 msnm.
Largol 330 km a Mairil
Puebración 135.119 ab. (2008)
Gentiliciu lionés
Ríus
Página web
Leon, Spain location

Atijus

Almarza

Almarza es un monicípiu assitiau ena província e Sória, en Castilla i Lión, España. Tini 637 abitantis nun ária e 101,13 qm² i una densiá e puebración de 6,03 ab./qm².

Burgus

Burgus (Burgos oficialmente i en castellanu) es una ciá española, capital de la província el mesmu nombri, assitiá al noresti dela Comunidá autónoma de Castilla i Lión.

Tien nel su escú los entítulus de Caput Castellae (Cabeça de Castilla), Camera regia (Cámara rial), Prima voce et fide (Primera en palral i en fieliá). La su bandera tien dos bandas orizontalis el mesmu anchón, la superiol roxa i la inferiol parda, con el escú dela ciá centrau ena bandera. Desisti tamién el Inu a Burgus.

En Burgus s'alcuentra:

la sé del Tribunal Superiol de Hustícia e Castilla i Lión.

la sé del Estitutu e la luenga e Castilla i Lión (assitiá nel Paláciu la Isla).

Cantabria

Cantabria es una comunidá autónoma uniprovincial d'España, comunidá hestórica sigún l'Estatutu d'Autonomía, assitiá ena parti norti la Península Ibérica, hiziendu arrayu con el Prencipau d'Astúrias al oesti, mentris que pol esti linda con el Pais Vascu, pol sul con Castilla i Lión i por norti con el Mari Cantábricu. La su capital es Santandel (Sanander en cántabru)

Castellanu

Castellanu es una parabra que puei senifical:

cualisquiá presona u chascu orihináriu de Castilla;

cualisquiá presona u chascu orihináriu de Castilla i Lión;

cualisquiá presona u chascu orihináriu de Castilla-La Mancha;

la luenga española.

Castilla i Lión

Castilla i Lión (oficialmenti en castellanu: Castilla y León) es una Comunidá Autónoma española costituia en 1983, que'l su territoriu s'alcuentra assitiau ena parti norti la meseta la península Ibérica, i se correspondi mayoritariamenti cola parti española la cuenca e Duero. Está holmá polas províncias d'Ávila, Burgus, Lión, Paléncia, Salamanca, Segóvia, Sória, Valladolís i Çamora. Es la comuniá autúnoma con mayol estensión d'España. Tal i cumu el Estatutu d'Autunomia de Castilla i Lión arrecohi nel su preámbulu (2007):

El Estatutu d'Autunomia nu estableci esplícitamenti una capital. Nun prencípiu las Cortis s'assitiarun de holma provisional en Burgus; tamién se palró al tentu d'assitial la capital en Tordesillas, inque la ecisión final hue assitial las Cortis de mó provisional nel castillu de Fuensaldaña. Finalmenti, pol mé una Lei Orgánica aprebá en 1987, se eciió establecel que la Hunta e Castilla i Lión —el gobielnu la Comuniá— i las Cortis —el ólganu lehislativu— tuvieran la su sé definitiva ena ciá e Valladolís. Al igual que otras Comuniais Autúnomas españolas, cumu Pais Vascu, se considera la capital a la ciá ena que s'alcuentran las estitucionis básicas de la Comuniá.

El Estatutu d'Autunomia defini una seri de valoris esencialis i símbolus de los abitantis de Castilla i Lión, cumu el su patrimoñu luengüísticu (aludiendu a la luenga castellana i al restu de luengas palrás ena Comuniá: el lionés i el gallegu) u el su patrimoñu estóricu, artísticu i natural. Entri los símbolus s'alcuentran el blasón, la bandera, el pendón, el inu (inque nu dessisti), al tiempu qu'el 23 d'Abril quea definiu cumu Dia de Castilla i Lión, en conmemoración de la derrota sufria polos ehércitus de las Comuniais de Villa i Tierra castellanas ena batalla de Villalar duranti la Guerra las Comuniais, en 1521.

Comarca de Pinares

La Comarca de Pinares es una comarca la província e Sória, en Castilla i Lión, España.

Comunidá autónoma

Una Comunidá Autónoma es una entiá territorial que, endretu la ordenança constitucional el Estau Español, está dotá d'autonomia legislativa i competéncias executivas, assina cumu dela facultá d'almenistral-si por mó delos sus propius representantis. La devisión el Estau Español en comunidais autónomas s'estableci ena Costitución Española en 1978.

España

España, o Réinu d'España, es un estau soberanu biembru de la Unión Uropea costituiu en monalquia palramentária que ocupa argu más de los cincu sestus de la península Ibérica, tamién dos archipélagus assitiaus unu nel mari Mediterráneu (Islas Balearis) i otru nel océanu Atlánticu (Islas Canárias), assina comu las praças de soberania el norti del continenti africanu i el encravi de Llívia enos Pirineus francesis.

Preteneci a la Unión Uropea con otrus 27 paisis.

Tien una superficie de 504.645 km². La su capital es Mairil.

Arraya al norti conos paisis de Fráncia i Andorra, al sul cona colónia ingresa de Gibraltar i Marruecus, i al oesti con Portugal.

Estremaúra

Estremaúra (Extremaúra en a Fala i Extremadura en castellanu) es una comunidá autónoma d'España. Arraya al norti con Castilla i Lión (províncias de Salamanca i Ávila); al sul, con Andaluzia (províncias de Güerva, Sevilla i Córdoba); al esti con Castilla-La Mancha (províncias de Toleu i Ciá Rial); i al oesti, con Portugal.

S'alcuentra deviia en dos províncias: Caçris (al norti) i Badajós (al sul), huendu la su capital Méria.

Galicia

Galícia (tamien en gallegu se gasta la holma Galiza) es una comuniá autónoma española, assitiá nel noroesti de la Península Ibérica. Arraya al norti con el mari Cantábricu, al sul con Portugal, al oesti con el océanu Alánticu i al esti con Astúrias i Castilla i Lión (províncias de Çamora i de Lión).

Luenga estremeña

El estremeñu es una lengua del grupu íberu-ocidental palrá ena Comuniá Autónoma d'Estremaúra, sul de la província de Salamanca, norti dela provincia de Uelva i comarcas vezinas dela parti de León, normalmenti encassullau endrentu las palras d'España por organizacionis entrenacionalis i nacionalis, enque no es oficial enas comuniais enas que entovía se palra.

Tamién le dizin castúu, enque esti nombri puei abarullal.

Se palra alo largu de toa Estremaúra con un grau diversu de conservación geográfica i social, siendu los mayoris los verdaerus conservantis dela lengua, mentris que las nuevas generacionis entiendin la lengua peru no la gastan.

Las estadísticas que se tien a tentu del númiru de palrantis están antiguás. Quiciá que sean unus pocus de milis los mayoris que entovía conservan más fielmenti la lengua.

Mairil

Mairil (en castellanu Madrid IPA:maˈðɾið) es la capital d'España i dela Comunidá de Mairil, ena que se configuró l'antígua "Província Mairil". Es conocia cumu Villa i Corti. Con una puebración sigún el censu 2009 de 3.255.944 abitantis i 3.273.006 sigún el padrón monicipal de 2009 (5.843.031 cuentandu el su ária metrupolitana), es la mayol ciá el pais i la tercel ária urbana la Uñón Uropea.

Cumu capital de la nación, en Mairil s'alcuentran las sés del Goviernu, Cortis, prencipalis centrus de l'Alministración púbrica central, Estitucionis i Organismus del Estau, assín cumu la resiéncia oficial de los reis d'España. Nel pranu económicu, destaca cumu emportanti centru financieru i endustrial, sé d'una tupa impresas nacionalis i de várias de las mas grandis corporacionis del mundu, mentris que nel pranu entrinacional, acohi la sé mundial de la Olganiçación Mundial del Turismu (OMT) i olganiça la féria FITUR. Mairil es un enfruenti centru curtural nacional i cuenta con museus de referéncia entrinacional entri los que destacan el Museo del Prado, el Museo Thyssen-Bornemisza i el Museo Nacional Reina Sofía.

Nacia a partil dun encravi hortificau musulmán (Mayrīt, مجريط; llamau en castillanu antigu Magrit, Magerit i Matrit, que angunus autoris, basándu-se en restus arqueolóhicus, crein criau sobri un vicus visigó el sigru VII llamau Matrice u 'regachu'), conquistau pol Alfonso VI de Lión i Castilla en 1083, la villa hue lihia en 1561 cumu sé la Corti pol Felipe II, siendu la primel capital remanenti la monarquia ispánica. Dendi antonci, ecetu nun brevi entervalu e tiempu entri 1601 i 1606 nel que la capitaliá pasó temporalmenti a Valladolís, Mairil á siu la capital d'España i sé el Goviernu la nación (ecetu duranti la Guerra Cevil, en qu'el goviernu se muó primeru a Valéncia i aluspués a Barcelona).

Portugal

Portugal, oficialmenti la Repúbrica Portuguesa (en portugués: República Portuguesa) es un país uropeu assitiáu ena península Ibérica, arrayandu namás con España (comuniais autónomas de Galícia, Castilla i Lión, Estremaúra i Andaluzia). El territóriu Portugal comprendi tamién los archipiélagus autónomus de las Açoris i de Madeira, nel emisfériu norti el oceanu Alánticu.

Provincias d'España

La província es una devisión territorial d'España, d'alcuerdu cola Costitución española.

Ogañu, en España ai 50 províncias, que comprendin la totaliá el territóriu español, i las ciais autúnomas de Ceuta i Melilla.

Província de Salamanca

Salamanca es una província española assitiá nel sudoesti la Comunidá Autónoma de Castilla i Lión.

Es una las nuevi províncias que holman Castilla i Lión. Arraya al norti cola província e Çamora, al noresti cola de Valladolís, al esti cola província d'Ávila, al sul cola de Caçris i al oesti con Purtugal. Ena devisión provincial de 1833, hue ascrita a la rehión del Reinu de Lión.

La su estensión heográfica es de 12.336 qm², lo que la convierti ena tercel província e Castilla i Lión, aluspués de Lión i Burgus. L'artitú meya la província es de 830 m sobri el nivel del mari.

El climi es de tipu continental, con ibielnus frius i secus, i vranus calurosus. La temperatura meya es de 3,7°C en Eneru (puyendu bahal, en dias de huertis helás, a várius graus bahu ceru). En vranu la temperatura meya es de 24,2°C, anque puei subil hata los 35° u 40°C en chascus puntualis.

Uguañoti (INE 2005), la província cuenta con 352.414 abitantis, de los cualis 160.331 (un 45%) vivi ena capital, Salamanca, assitiá a orillas de riu Tormes. Ai 362 monicípius ena província, de los cualis mas de la metá tiinin una puebración menol a los trescientus abitantis (es la segundera província española con respetu al númiru e monicípius, alatrás de Burgus). Los monicípius mas puebraus de la província son, aparti de la capital, Behal, Ciudad Rodrigo, Santa Marta de Tormes, Peñaranda de Bracamonte, Guijuelo, Carbajosa de La Sagrada, Alba de Tormes, Vitigudino i Villoria.

Província de Sória

Sória es una província assitiá nel centru d'España, ena parti esti la Comuniá Autónuma e Castilla i Lión.

Arraya colas províncias de La Rioja, Çaragoça, Guadalajara, Segovia i Burgus. La su superfici es de 10.287 qm².

Sória es la província española menus puebrá, con una densiá s'alreol los 9 abitantis/qm²: una las minoris la Uñón Uropea. La puebración total la província es de 93.503 ab. (2006), de los cualis el 40% vivin ena capital, Sória.

La província tien 183 municipius, de los cualis cerca la metá son puebrus con menus de 100 vizinus, solu 12 dellus tienin mas de 1.000 abitantis i solu Almazán, El Burgo de Osma-Ciudad de Osma, i Sória capital superan los 5.000 abitantis.

Se deferéncian nella dos grandis comarcas: la Tierra de Ágreda, con capital en Ágreda, al esti arrayandu con Aragón i presiia pol Moncayo, zona e güertas i esboçus, i la Meseta Soriana, tierra e cerealis i remolacha ena vega e Dueru.

Es mestel resartal la zona norti, enos arrayus con La Rioha, zona probi i escabriosa, inque con emportantis recursus d'initas, i la Zona de Pinares, onde están assitiaus los Picos de Urbión, lugal de nacéncia el Dueru i la mítica Laguna Negra, que sirvió d'ispiración a Antonio Machado pal su puema La tierra de Alvar González.

Sória

Sória es una ciá española, capital dela província omónima ena comunidá autónoma de Castilla i Lión. Es la segunda capital de provícia d'España con menus puebración, solo superandu a Teruel.

Tierra de Medinaceli

Tierra de Medinaceli es una comarca e la província e Sória, en Castilla i Lión, España.

Tierras Altas (Sória)

Tierras Altas es una comarca la província e Sória, en Castilla i Lión, España.

En otras palras

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.