Lenguagi

Un lenguagi (del provenzal lenguatge[1] y del latín lingua) es un sistema de comunicación estructurau pal que existi un contestu d'usu y ciertus prencipius combinatorius formalis. Existin contestus tantu naturalis com'artificialis.

Dendi un puntu vista más ampliu, el lenguagi indica una característica común a los umanus y a otrus animalis (animalis no simbólicus) pa espresal las sus experencias y comunicaglas a otrus meyanti el usu de símbolus, señalis y soníus registraus por los órganus los sentíus. Los seris umanus desarrollan un lenguagi compleju que s'espresa con secuencias sonoras y signus gráficus. Pola su parti, los animalis desarrollan una comunicación a través e signus sonorus, olfativus y corporalis que en una hartá casus distan e sel sencillus.

  • El lenguagi umanu se basa en la capaciá los seris umanus pa comunicalsi por meyu de signus lingüísticus (usualmenti secuencias sonoras, peru tamién gestus y señas, así comu signus gráficus). Prencipalmenti, lo hazemus utilizandu el signu lingüísticu. Aun asina, ain diversus tipus e lenguagi. En cuanto al su desarrollu, el lenguagi umanu pué estudialsi dendi dos puntus e vista complementarius: la ontogenia y la filogenia. La primera analiza el procesu pol cual el sel umanu adquieri el lenguagi, mientras que la segunda s'encarga d'estudial la volución histórica d'una luenga.[2]
  • El lenguagi animal se basa en el usu de señalis visualis, sonoras y olfativas, a modu de signus, pa señalal a un referenti o un significau diferenti de dichas señalis. Primatis y otras especis construyin proposicionis simplis (sustantivu, verbu y adjetivu).[3] Drentu del lenguagi animal están los gritus d'alarma, el lenguagi las abejas, etc.
  • Los lenguagis formalis son construcionis artificialis humanas que s'usan en matemática y otras disciplinas formalis, incluyendu lenguagis de programación. Estas construzionis tién estructuras internas que compartin con el lenguagi umanu natural, polo que puén sel en parti analizaus con los mesmus conceptus qu'ésti.

Manqui el antropocentrismu casi jata finalis e siglu XX establecía taxativamenti una diferencia absoluta enti el lenguagi umanu y el e los endenantis llamaus «animalis irracionalis», la acumulación e gran cantidá estudius (especialmenti ethológicus) demuestra que una hartá animalis no umanus, especialmenti con áreas cerebralis corticalis mu o bastanti desarrollás (bonobus, chimpancés y otrus primatis, así comu cetáceus -especialmenti delfinidus-, avis -especialmenti lorus, cuervus, palomas, elefantis, perrus, gatus, equinus etc. posein lenguagis bastanti más complejus (y más cercanus al umanu) qu'el supuestu por Pávlov y los reflejus condicionaus o los conductistas anglosajonis que toïtu lo reducían las actividáis psíquicas a un meru circuitu refleju mecanicista d'estímulo-respuesta. En rigor Pávlov no era tan mecanicista peru suponía al lenguagi los animalis no umanus comu correspondienti a un primer sistema de señalis (basau prencipalmenti en el estímulu respuesta tras la reiteración d'un estímulu que s'asocia una "recompensa" [qu'implica al circuitu de premiu-recompensa ] o a la ausencia la mesma que genera un hábitu o habitus) mientras que pal sel umanu Pávlov suponi un segundu sistema de señalis qu'es un saltu cualitativu respectu al primeru y qu'es el lenguagi umanu qu'es heurísticu al estal abiertu respectu al ciclu d'estímulu-respuesta.[4]

La facultá del lenguagi no es el resultau d'un aprendizaji, sinu qu'es congénita, es izil, naci con el sel umanu.[5] Además, se presenta de igual manera en tós los seris umanus, independientementi del momentu históricu y del lugar geográficu, es izil, es universal.[5] Las luengas puein aprendelsi y orvialsi, peru la capacidá del lenguagi no.[5]

Islands samarbetsminister och forsknings- och hogskoleminister Katrin Jakobsdottir vid Nordiska Radets session i Stockholm
Lenguagi

Guípise tamién

  • Palra
  • Sociolingüística
  • Lenguagi natural
  • Lenguagi visual

Huentis

Referéncias

  1. [1] DRAE. Consultau el 14 de setiembri de 2012.
  2. Cfr.: Ludwig Wittgenstein; en el su Tractatus logico-philosophicus comenta qu'el lenguagi es un mapa la realiá.
  3. http://www.discoverymax.marca.com/actualidad/la-gorila-koko-desarrolla-capacidades-vocales/
  4. Jean-François Le Ny:La Sémantique psychologique, PUF (Presses universitaires de France), 1979 ISBN 978-2130358725
  5. 5,0 5,1 5,2 Arroyo Cantón, Carlos; Berlato Rodríguez (2012) Lengua castellana y Literatura. Página 408, "La comunicación". Oxford University Press. ISBN 9788467367966

Bibliografía

  • Ávila, R. La luenga y los palrantis. Méxicu: Trillas, 1977.
  • Quilis, A. y Fernández, J. Cursu de fonética y fonología españolas. Madrid: Conseju Superior e Investigacionis Centíficas, 1992.

Atijus

Alvedrial

Alvedrial [ɑlβeˈðɾjɑl] (de la parabra vídriu, mas el prefiju al-), nel lenguagi el cacharreru, es barnizal el cacharru con una solución sulfuru promu rebajá pa torgali un espetu melosu con un colol caniju.

El alvedriu u alvedriau se compón hundamentalmenti de sulfuru promu que se puei alquiril en porvu u en torruscus. Estus tienin que sel desfarrugaus en cuencus con machaera u nun molinu. Pa empiil qu’el cacharru s’apostilli nel cozieru, es prehisu refinalu junta una parti sílici u arzilla i otra de harina trigu a las quatru promu. Al congullu se l’añii áugua i se rebulli hata tenel prefeta solución. Alogu s’emprenan los cacharrus enantis d’entralus al hornu, margulléndulus ena engüerta promu si se quiel alvedrial enterus.

Anacrusi

L’anacrusi (del griegu ἀνάκρουσις [anákroːsis] “desaculagi") es en Música la sucessión de notas debis que precein al tiempu huerti i dan la sensación d’arremetia. La parabra anacrousis en origin se gastava en el lenguagi marineru pa nombral al aculagi en ramandu patrás.

En Métrica, l’anacrusi es el nombri que tien en el velsu procéfalu la sílaba que está demás i qu’es cona que s’arranca.

Comunicación

La comunicación (del latín communicatĭo, -onis) se refieri a l'ación conscienti de compartil enhormación entri dos o más personas participantis con el fin de transmitil o recibil significaus a través d'un sistema compartíu de signus y normas semánticas. Los pasus básicus la comunicación son la formación d'una intención de comunicarl, la composición del mensaji, la codificación del mensaji, la transmisión la señal, la recepción la señal, la decodificación del mensaji y finalmenti, l'interpretación del mensaji por parti d'un receptor.

La comunicación en general toma lugar entri tres categorías de sujetus prencipalis: los seris umanus (lenguagi), los organismus vivus (biosemiótica) y los dispositivus de comunicación habilitaus (cibernética).

En un sentíu general, la comunicación es l'unión, el contactu con otrus seris, y se puei definil comu'l procesu meyanti el cual se transmiti una enhormación d'un puntu a otru.

Su propósitu u objetivu se puei denominal baju l'ación d'informal, general acionis, crial un entendimientu o transmitil cierta idea.

Enhormación

L'enhormación es un conjuntu organizau de datus procesaus, que constituyin un mensaji que cambia el estau de conocimientu del sujetu o sistema que recibi ichu mensaji. Existin diversus enfoquis pal estudiu l'enhormación:

En biología, l'enhormación se considera com'estímulu sensorial qu'afecta al comportamientu los individus.

En computación y teoría l'enhormación, com'una midía la complejidá d'un conjuntu de datus.

En comunicación social y periodismu, com'un conjuntu de mensajis intercambiaus por individus d'una sociedá con finis organizativus concretus.Los datos sensorialis una vezi percibíus y procesaus constituyin una enhormación que cambia el estau de conocimientu, esu permiti a los individus o sistemas que posein ichu estau nuevu de conocimientu tomal decisionis pertinentis acordis a ichu conocimientu.

Desdi el puntu de vista la céncia la computación, l'enhormación es un conocimientu explícitu extraíu por seris vivus o sistemas expertus comu resultau d'interación con el entornu o percepcionis sensiblis del mesmu entornu. En prencipiu l'enhormación, a diferencia los datus o las percepcionis sensiblis, tién estructura útil que modificará las sucesivas interacionis del que posei icha enhormación con su entornu.

Escreviura

La escreviura es un sistema representacion gráfica duna luenga, por mé de sinus traçaus o grabaus sobre un soporti pranu.

Comu meyu representacion, la escreviura se deferéncia de los pictogramas en qu'es una codificacion sistemática que premiti registral con toa prejision el lenguagi palrau por mé de sinus visualis regulalmenti dispuestus. Amás, los pictogramas no tienin, polo general, una estrutura seqüencial linial, como sí bichan la palra o la escreviura.

Esferu

Esferu [ɛˈɸːeɾu] (en griegu Σφαῖρος, [sphairos]) hue un filósofu estoicu del sigru III e. C., discípulu de Cleanti i Zenón.

Esquilu

Esquilu o Ésquilu [ɛhkkˈhilu], [ˈɛhkkhilu] (en griegu Αἰσχύλος [ajsˈkhýlos]; Eleusi 525 a. C. - † Gela, 456 a. C.). Dramaturgu, consierau el criaol la tragédia griega.

Glúcidu

Los glúcidus, mal llamaus idratus de carbonu u carboidratus, son un tipu biomoléculas olgánicas. Químicamenti se definin cumu polialcolis con una hunción aldeidu i una hunción cetona i un númiru variabri d'átomus carbonu. Están holmaus pol carbonu (C), idrógenu (H) i ossígenu (O) i, a vezis, nitrógenu (N) açufri (S) i fósforu (P). Estus átomus se juntan pol mé dunus enlacis mu huertis deficis de rompel llamaus enlacis covalentis, i que quandu lo hazin liberan una gran cantiá d'enelgía, la quala es utlizá polos olganismus pa mantenel las sus huncionis vitalis.

Gobernal (alfareria)

Gobernal (del latín gubernare, IPA [gubeɾˈnaːɾe]), nel lenguagi el cacharreru, es pegal los gobiernus al cacharru. Cona parabra gobiernus se denomia al conjuntu del pitochu, boca i asas que llevan los destintus tipus barrilis comu el pichi u el piporru.

Ismael Carmona Garcia

Ismael Carmona García (Badajós 1986), es un filólogu provinciu de Val-dela-Calçá (Badajós). Es unu los defensoris prencipalis del estremeñu.

Java

Java es un lenguagi enhormáticu pa programar.

Kinésica

La kinésica, cinésica, o lenguagi corporal estudia el significau expresivu, apelativu o comunicativu los movimientus corporalis y los gestus aprendíus o somatogénicus, no oral, de percepción visual, auditiva o táctil y solus o en relación con l'estructura lingüística y paralingüística y con la situación comunicativa. Tamién es conocía con el nombri de comportamientu kinésicu o lenguagi corporal.

Los movimientus la cara y el cuerpu brindan datus sobri la personalidá y el estau emocional los individus: el rostru, por ejemplu, puei expresal alegría, miedu, asombru, tristeza, etc.

Lista endilguis que toa Wikipedia deviera de tenel

(Tradución dende meta:List of articles every Wikipedia should have)

Ai un númiru de proyetus en creceeras ena Güiquipedia, angunus mu activus i algotrus descaecíus. Propongu que los reforcemus tuviendu la segurança de que ca unu contién una cantidá mínima, básica i uti d'enhormación. D'esti mó i manera, la genti estará mas enteresá en participal en estus proyetus i ayúi en el su crecimientu.

Propongu amás que hagamus un listau de alreol 1.000 artículus básicus i que cedamus tenel en ca Wikipedia. Estus artículus devieran de sel mu básicus i encluil l'enhormación mas essencial. En angunus casus, sedrá namás un quairu, mentris que en otrus casus un borraol. Estu hadrá, que entrin mas huerça paque los proyetus mas chiquinus pulin.

Amás d'esta lista, esti proyeutu aspera crial con el tiempu unas versionis traduziblis d'estus artículus, a lo mejol contuviendu enhormación básica en List of articles all languages should have.

Por mé de que esta s'á vueltu un listau, en ogañu la partimus en dos andaris de prioridá. Los endilguis de prioridá alta, los qualis son especialmenti nesseçarius paque toa Wikipedia essista, están endilgaus en negrinu; comu tola lista mesma, esti froreal no deviera de sel vístu comu una lista los endilguis mas emportantis, sinu namás cumu una utilidá pa encetal las Güiquipedias achicás.

Pérsiu

Pérsiu [ˈpɛɾsju] (en latín Aules Persius Flaccus [ˈɑu̯leːs ˈpersɪʊs ˈflakːʊs]) hue un satíricu latinu el sigru I.

En otras palras

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.