Economia

La economia es la céncia social qu'estudia las relacionis socialis que tienin que vel conos procesus de produción, intercambiu, distribución i consumu de bienis i servícius, entendius estus comu medius de satisfación de necesidais umanas i resultau endividual i colectivu la sociedá.

Avissu
Esti endilgui ebi sel revissau por un corretol.

Ramas dela Economia

Teoría económica
Microeconomía -- Macroeconomía -- Estoria el pensaeru económicu
Economia cuantitativa
Estaística -- Econometría
Economia apricá
Economía laboral
Economía i direción d'empresas
Alemaña

La Repúbrica Federal d'Alemaña (Bundesrepublik Deutschland en alemán) es un país d'Uropa.

Hazi arrayu al norti con Dinamarca, al esti con Poloña i la Repúbrica Checa, al sul con Áustria i Suiça i al oesti con Francia, Lussemburgu, Bélgica i los Paisis Baxus.

Alemaña senifica «tierra de los alamanis» —no es lo mesmu qu'alemanis—, en referencia a unu de los puebrus bárbarus que cruzun el riu Rin i envadirun la Galia romana duranti el siglu V. Amás d'alemán, está tamien estendiu el usu del gentiliciu germanu, derivau del nombri con que los romanus conocían a la zona i ondi s'alcontraban algotrus puebrus a los cualis se tenia conocencia comu germanus, Germania.

Duranti la mayol parte de la su estória, Alemaña hue un términu geográficu gastau pa desinal un área ocupá por varius Estaus, la huerça de los cualis pretencierun al llamau Sacru Empériu Romanu Germánicu. Alemaña se conviltió en un Estau uniu duranti 74 añus (1871-1945 -el llamau Empériu alemán, la conocia comu Repúbrica de Weimar i l'Alemaña nazi.), peru hue dividiu al términu de la Segundera Guerra Mundial ena República Federal d'Alemaña (RFA), conocia comu Alemaña Ociental i la Repúbrica Democrática Alemana (RDA), conocia comu Alemaña Oriental. El 3 d'otubri e 1990, la RDA pasó a holmal parti dela RFA, polo qu'Alemaña golvió a sel un Estau unificau.

Austrália

Austrália, oficialmenti Mancomuniá d'Austrália (en luenga ingresa: Commonwealth of Australia), es una nación assitiá nel emisferiu sul, que ocupa toa palti continental d'Oceanía, el continenti mas chicu del mundu, amás de várias islas enus océanus Pacíficu, Índicu i Antárticu. Los paisis cercanus a Austrália son Indonésia, Timol Oriental i Papúa Nueva Guinea al norti, las Islas Salomón, Vanuatu i la dependéncia francesa de Nueva Caledonia al noresti, i Nueva Zelanda al sulesti. Austrália es el sestu país mas grandi del mundu i el mas grandi d'Oceania.

La ciá capital es Camberra.

Badajós (Monicípiu)

Badajós (IPA [bɑːˈɦɔ], Badajó en bajuestremeñu, Badajoz en castellanu i oficialmenti) es una ciá española assitiá nel suroesti la Península Ibérica, a orillas de Guadiana, unta Portugal. Es la capital de la província omónima, i al mesmu tiempu, el mayol i mas puebrau núcliu urbanu d'Estremaura, con 145.257 abitantis (2007). El su climi es oceánicu continental con ibielnus frescus (cona meya 13,9° de máissima i 3,2° de ménima en Eneru), i vranus calurosus (entri 34,3° i 17,0° de meya en Húliu), con máissimas asolutas que superan los 40° tolos añus (45,0° el 1 Agostu de 2003). La su economia se sostriba nel setol selvícius, en huendu gran enlaci comercial pal suroesti la Península Ibérica.

Brasil

La Repúbrica Federativa del Brasil es el país mas grandi i mas puebrau d'América del Sul. Los sus arrayus son al norti con Venezuela, Guyana, Surinam i cona Guayana Francesa; tien costas al nordesti, esti i sulesti nel Alánticu. Al sul hazi arrayu con Uruguai; al suloesti con Argentina i Paraguai; al oesti con Bolívia i Perú i al noroesti con Colómbia. Los únicus paisis del sucontinenti sudamericanu conos que no linda son Chili i Equadol. Amás del territóriu continental, Brasil tamien tien angunas islinas e islotis nel Alánticu, veloquilos: Penedos de São Pedro e São Paulo, Fernando de Noroña i la Isla de Trindade i Martín Vaz. Ai tamien una balburda d'islinas i coralis llamá Atol das Rocas.

Capital

El términu capital (del latín caput, "cabeça") senifica:

En derechu i finanças, el 'capital' es una cantiá e dineru que se presta u s'emponi, de la cual se destingui el enterés cobrau pol préstamu;

En economia, el 'capital' es unu los fatoris la proución, huntu con el labutu i la tierra;

En pulítica i alministración, la capital es la sé los órganus de gobielnu duna entiá pulítica; pol estensión, se palra a vezis de la capital d'otra crasi d'eventus u organismus.

En sociulohia, la noción económica el capital cumu patrimoñu se gasta mas u menus fegurativamenti pa palral de capital social, capital curtural u capital simbólicu.

En cuentabiliá, la cuenta e capital arrecohi la obligación que la impresa mantieni colos sus dueñus, sócius u acionistas, polas aportacionis qu'estus án realiçau u s'án comprometiu a realiçal a la mesma. Esta cantiá es fiha i ebi sel escreturá nel chascu e socieais, mentris qu'es de naturaleça variabri nel chascu d'impresas endividualis. La Cuenta e Capital horma parti, polo tantu, del Pasivu Nu Desihibri.

Amás:

"El Capital": (en alemán Das Kapital) es un famosu libru e Karl Marx, que contieni l'esposición mas detallada e la toria económica marxista;

La "pena capital" es la pena e muerti;

Los pecaus capitalis ena relihión católica, son los sieti vícius del espíritu sobri los cualis los restantis pecaus se sostriban.

Caçris

Caçris (Cáciris en fala de Xálima, Cáceres en castellanu) es una ciá assitiá al oesti la Península Ibérica, capital de la província omónima i mayol ciá d'ella. Es la segundera ciá en puebración d'Estremaúra i una las cuatru mas emportantis.

Ena ciá vivin el 21,58% la puebración total de la província, i las temperaturas meias en iviernu no son mayoris de 10º, llegandu a unas ménimas de -5º, con emportantis helás. En vranu la temperatura meya son de 35º de máissima i ménimas de 20º. Las llúvias son abundantis enus mesis de Otubri, Noviembri, Marçu, Abril i Mayu, peru mu entermitentis.

La su superfici es de 1.768 km², huendu el mayol términu municipal d'España.

A 2 km pal SE s'alcuentra el antigu municipiu d'Aldea Moret, ogañu barriá el mesmu nombri integrá endrentu la ciá, alreol el cual puein vél-se dos yacimientus arqueológicus romanus: "Cuartu Robli" i "El Hunquillu".

La Vía la Prata passa por sul de la ciá (un tramu descurri nu lejus el "Centru d´Istrución i Movilidación" (CIMOV) Santa Ana en direción sul; ai un tramu escavau ena cercana puebración de Valdesalol, ondi la carçá cruza una puenti romana.

A 40 km pal sul, cerca el límiti las dos províncias, está el barriu mas alejau la capital, Rincón de Ballesterus, encorporau en 1952 a la ciá Caçris.

Dinamarca

Dinamarca, oficialmenti Reinu de Dinamarca (en danés Kongeriget Danmark), el su senificau literal es "la tierra o marca de los danesis", es el mas chiquininu en estensión d'entri los paisis nórdicus i tamién el mas meridional. Dinamarca holma parti d'Escandinavia i sólu tien arrayu terrestri con Alemaña. Dendi 1999 está unia por carretera i ferrocarril con Suécia por la Puenti d'Oresund al sulesti i arraya al norti con Noruega. Dinamarca cuenta con dos territórius d'ultramar o territórius dependientis, Groenlandia i las Islas Feroes, que disfrutan dun elevau nivel d'autonomia.

España

España, o Réinu d'España, es un estau soberanu biembru de la Unión Uropea costituiu en monalquia palramentária que ocupa argu más de los cincu sestus de la península Ibérica, tamién dos archipélagus assitiaus unu nel mari Mediterráneu (Islas Balearis) i otru nel océanu Atlánticu (Islas Canárias), assina comu las praças de soberania el norti del continenti africanu i el encravi de Llívia enos Pirineus francesis.

Preteneci a la Unión Uropea con otrus 27 paisis.

Tien una superficie de 504.645 km². La su capital es Mairil.

Arraya al norti conos paisis de Fráncia i Andorra, al sul cona colónia ingresa de Gibraltar i Marruecus, i al oesti con Portugal.

Francia

Francia (en francés: la France), conocia oficialmenti cumu Repúbrica Francesa (en francés: République française), es un país que'l su territoriu metropolitanu s'assitia en Uropa Ocidental, peru que amás encluyi regionis, islas i archipiélagus en diversas partis del mundu.

La Francia metropolitana hazi arrayu al suloesti con España (623 km) i Andorra (56,6 km), al oesti con el océanu Atlánticu; al norti con el Canal de la Mancha, que la desapartan del Réinu Uniu; al noresti con Bélgica (620 km), Lussembulgu (73 km), Alemaña (451 km) i Suiça (573 km); al esti con Mónacu (4,4 km) e Itália (488 km); i al suresti con el Mari Mediterráneu. En América del sul la Guayana francesa arraya con Brasil (el su mayol arrayu con un pais vecinu: 673 km) i Surinam (510 km). Los francesis se refierin comúnmenti al territóriu metropolitanu comu "l'Hexagone" (l'eságonu) pola su holma geométrica.

La República Francesa es una democrácia organizá cumu repúbrica semiprisidencial. Es un pais albondu desarrollau con la sesta economia mayol el mundu i tamién es una potencia uropea assina cumu mundial.

Los sus idealis mas emportantis están plasmaus ena Declaración e los Derechus del Hombri i del Ciadanu.

Galicia

Galícia (tamien en gallegu se gasta la holma Galiza) es una comuniá autónoma española, assitiá nel noroesti de la Península Ibérica. Arraya al norti con el mari Cantábricu, al sul con Portugal, al oesti con el océanu Alánticu i al esti con Astúrias i Castilla i Lión (províncias de Çamora i de Lión).

Irlanda

Irlanda (Ireland, en ingrés; Éire [ˈeːrʲə], en irlandés), es un país del noroesti d'Uropa que holma parti de la Unión Uropea (UU).

El su territóriu abada aprosimamenti cincu sestus de la isla d'Irlanda. El algotru sestu restanti preteneci a Irlanda del Norti, una región almenistrativa del Réinu Uniu i parti de la província estórica del Ulster.

Islándia

La República d'Islándia (en islandés Lýðveldið Ísland [ˈliðvɛltɪð ˈislant]) es un estau insulal que holma parti d'Uropa i que s'alcuentra assitiau al norti del océanu Atlánticu, cerquina de la parti bajera del círculu polal árticu.

Italia

La República Italiana o namás que Italia, es un país d'Uropa assitiau nel sul del contienti, que holma parti de la Unión Uropea (UE).

El su territóriu es prencipalmenti una peninsula alargá i dos grandis islas nel Mari Mediterráneu: Sicília i Cerdeña. Por el norti está arrodeá polos Alpis. Hazi arrayu con Fráncia, Suiça, Áustria i Eslovénia. Los estaus endependientis de San Marinu i Ciá del Vaticanu son enclavaus por dentru del su territóriu.

Mairil

Mairil (en castellanu Madrid IPA:maˈðɾið) es la capital d'España i dela Comunidá de Mairil, ena que se configuró l'antígua "Província Mairil". Es conocia cumu Villa i Corti. Con una puebración sigún el censu 2009 de 3.255.944 abitantis i 3.273.006 sigún el padrón monicipal de 2009 (5.843.031 cuentandu el su ária metrupolitana), es la mayol ciá el pais i la tercel ária urbana la Uñón Uropea.

Cumu capital de la nación, en Mairil s'alcuentran las sés del Goviernu, Cortis, prencipalis centrus de l'Alministración púbrica central, Estitucionis i Organismus del Estau, assín cumu la resiéncia oficial de los reis d'España. Nel pranu económicu, destaca cumu emportanti centru financieru i endustrial, sé d'una tupa impresas nacionalis i de várias de las mas grandis corporacionis del mundu, mentris que nel pranu entrinacional, acohi la sé mundial de la Olganiçación Mundial del Turismu (OMT) i olganiça la féria FITUR. Mairil es un enfruenti centru curtural nacional i cuenta con museus de referéncia entrinacional entri los que destacan el Museo del Prado, el Museo Thyssen-Bornemisza i el Museo Nacional Reina Sofía.

Nacia a partil dun encravi hortificau musulmán (Mayrīt, مجريط; llamau en castillanu antigu Magrit, Magerit i Matrit, que angunus autoris, basándu-se en restus arqueolóhicus, crein criau sobri un vicus visigó el sigru VII llamau Matrice u 'regachu'), conquistau pol Alfonso VI de Lión i Castilla en 1083, la villa hue lihia en 1561 cumu sé la Corti pol Felipe II, siendu la primel capital remanenti la monarquia ispánica. Dendi antonci, ecetu nun brevi entervalu e tiempu entri 1601 i 1606 nel que la capitaliá pasó temporalmenti a Valladolís, Mairil á siu la capital d'España i sé el Goviernu la nación (ecetu duranti la Guerra Cevil, en qu'el goviernu se muó primeru a Valéncia i aluspués a Barcelona).

Monea

Monea es la pieça dun material resistenti, normalmenti un metal acuñau en holma e discu, que se emplea cumu miia e cambiu (perras) pol su valol legal u entrínsecu.

Tamién se llama monea a la divisa e cursu legal dun Estau.

La ciéncia qu'estudia las moneas se denomina Numismática.

Portugal

Portugal, oficialmenti la Repúbrica Portuguesa (en portugués: República Portuguesa) es un país uropeu assitiáu ena península Ibérica, arrayandu namás con España (comuniais autónomas de Galícia, Castilla i Lión, Estremaúra i Andaluzia). El territóriu Portugal comprendi tamién los archipiélagus autónomus de las Açoris i de Madeira, nel emisfériu norti el oceanu Alánticu.

Produtu interiol brutu

El productu interol brutu (PIB) apresenta la suma (en valoris monetárius) de tolos bienis i servicius finalis producius nuna determiná rehión (bien sea paisis, estaus, cidais…), duranti un periou determinau (mes, trimestri, añu, etc.). El PIB es unu delos indicaoris mas usaus ena macroeconomia con el objetu e mesural a atividai económica duna rehión.

Nel cómputu ’el PIB, se consiera namás que bienis i servicius finalis, excusandu dela cuenta tolos bienis e consumu intermediáriu. Estu se hazi cona idea d’evital el problema de conta-lus dos vezis cuandu los valoris heneraus ena caena e produción aparecin contaus dos vezis ena suma ’el PIB.

Esi cáculu podi hazel-si sigún el costi delos fatoris o delos precius e mercau. La relación entri dambus s’obtieni restandu al PIB valorau a preciu e mercau, los arbitrius indirectus ligaus a la produción (Ti) i quitándo-le las sunvencionis a la explotación (Su). Aleatoriamente se puedi agregal, sigún algunus economistas, los royalties.


Reinu Uníu

El Reinu Uníu de Gran Bretaña i Irlanda del Norti, mas conociu por Reinu Uníu, es un estau insulal nel norti d'Uropa, biembru dela Unión Uropea (UE), qu'está holmau polas nacionis constituyentis d'Ingalaterra, Escocia, Galis (ena isla de Gran Bretaña) i Irlanda del Norti (ena isla d'Irlanda), hiziendu arrayu cona Repúbrica d'Irlanda. Al sul del país s'assítia el Canal de la Mancha, andi bicha l'Urotuni, que conparti con Francia.

Áustria

Áustria (en alemán, Österreich; nombri oficial: Repúbrica d'Áustria, Republik Österreich) es un país d'Uropa Central, organizau comu una repúbrica federal parlamentária, es mienbru de la Unión Uropea dendi 1995. Non tien arrayus marítimus, comparti arrayus terrestris con Alemaña, Repúbrica Checa, Eslováquia, Ungria,Eslovénia, Itália, Suiça i Lístestain. La su capital es la ciá de Viena.

En otras palras

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.