Coltura

La coltura se puei difinil de divelsas maeras, peru generalmenti se refierin a:

  • Alabán de conocéncia que premitin cuajaringal un juíciu críticu.
  • Alabán de los mós de vía i costumbris, endigual que de la conocéncia i grau de cuajaringui artísticu, centíficu, endustrial, nuna epoca atelminá.

Crassificación

En holma mas detallá la coltura se suzalacha, dalcuerdu conas difinicionis en:

  • Tópica: La coltura es una lista tópicus o categorias, talis comu organizacion social, religion i economia.
  • Estórica: La coltura es una eréncia social, la traición, que s'esperria a las huturas generacionis.
  • Comportamental: La coltura es el comportamientu umanu deprendiu, un mó de vía.
  • Nolmativa: La coltura sonin idealis i reglas pa vivil.
  • Huncional: La coltura es la maera que los seris umanus arregran los pobremas d'adatacion al ambienti i la vía en común.
  • Mental: La coltura es una balburda ideas, ábitus deprendius.
  • Estrutural: La coltura consisti en ideas, símbolos i comportamientus, modelaus i entrerelacionaus.
  • Simbólicu: La coltura se basa enos senificaus albritráriaenti asinaus que son gastaus puna socieá.

Colturas del mundu

Colturas americanas

Mesoamericanas

  • Coltura olmeca
  • Coltura azteca
  • Coltura maya
  • Coltura Tolteca
  • Coltura Huasteca
  • Coltura Purepecha
  • Coltura Misteca
  • Coltura Zapoteca

Suamericanas

  • Coltura inca
  • Coltura chibcha
  • Coltura Mochica

Colturas uropeas

Colturas asiáticas

Meiu Orienti

  • Coltura Persa
  • Mesopotámia
  • Ebreus
  • Fenícius
  • Árabis

Colturas africanas

  • Coltura Egícia

Algotras Colturas

  • Goticu

Atijus

Alimentu

Un Alimentu es qualquiel sustancia normalmenti ingeria polos seris vivus con finis nutricionalis, socialis i psicológicus:

Nutricionalis: Proporciona materia i energía pal anabolismu i mantenimientu delas huncionis fisiológicas, comu el calentamientu corporal.

Socialis: favoreci la comunicación, el establecimientu de lazus afectivus, las conexionis socialis i la transmisión dela coltura.

Psicológicus: Mejora la salú emocional i proporciona satisfación i obtención de sensacionis gratificantis.

Argélia

La Repúbrica Argelina Democrática i Populal (en árabi: الجمهورية الجزائرية الديمقراطي , en bereber: ⵟⴰⴳⴷⵓⴷⴰ ⵜⴰⵎⴻⴳⴷⴰⵢⵜ ⵜⴰⵖⴻⵔⴼⴰⵏⵜ ⵜⴰⵣⵣⴰⵢⵔⵉⵜ ) es un país del norti d'África pretenecienti al Magreb. Huendu el segunderu país en superfici d'África, hazi arrayu con el Mari Mediterráneu al norti, Túnis al noresti, Líbia al esti, Nigi al sulesti, Mali i Mauritánia al suloesti, i Marruecus i la Sáhara Ociental al oesti.

Argélia es miembru la Unión Africana i la Liga Árabi dendi prácticamenti la su endependéncia, i contribuyó a la creación de la Unión del Magreb Árabi (UMA) en 1988.

Constitucionalmenti, Argélia se defini comu país árabi, bereber (amazigh) i musulmán.

Bilbau

Bilbau (en euskera Bilbo, oficial Bilbao) es una ciá española, capital de la província e Viscaya (Pais Vascu). Possei el entítulu onoríficu de "La mu leal, nobri i envita villa e Bilbau". Los Reis Católicus le dierun el entítulu de nobri en 1475 i Felipe III el de mu nobri i mu leal nel añu 1603. La reina María Cristina le dió el d'envita en 1837 pol bel aguantau el sítiu de las tropas carlistas.

La ciá s'alcuentra assitiá nel valli el cursu bahu el Nervión, arrayandu con Erandio, Barakaldo, Sondika i Etxebarri, es un emportanti centru comercial, financieru i endustrial.

Hue hundá pol D. Diego Lopez de Haro nel añu 1300.

Ceclavín

Ceclavín es un monicipiu d'estremaura, provincia de Caçris. Nel mapa se puei vel al suroesti dela comarca natural delas Vegas del Alagón i siempri ha destacau por sel el monicipio con más ermitas dela su comarca. Los pueblus linderus son L'Aceúchi i Zarza la Mayol.

Con 1957 habitantis en 2014, Ceclavín es el cuartu monicipiu más pueblau delas Vegas del Alagón.

Coltura el Valli el Indu

En 1921 los arqueúlogus s'atoparun con los restus d'una zivilidazión esconozía que surhiú pal 2500 a.e.C..Enas ciáis indias e Harappa i Mohenjo-Daro vivían en casas d'adobi, con bañus, grandis granerus i alcantarillau. Abían una escribiura pistugráfica qu'apaecin en sellus, peru que n'a poíu sel eszifrá.

España

España, o Réinu d'España, es un estau soberanu biembru de la Unión Uropea costituiu en monalquia palramentária que ocupa argu más de los cincu sestus de la península Ibérica, tamién dos archipélagus assitiaus unu nel mari Mediterráneu (Islas Balearis) i otru nel océanu Atlánticu (Islas Canárias), assina comu las praças de soberania el norti del continenti africanu i el encravi de Llívia enos Pirineus francesis.

Preteneci a la Unión Uropea con otrus 27 paisis.

Tien una superficie de 504.645 km². La su capital es Mairil.

Arraya al norti conos paisis de Fráncia i Andorra, al sul cona colónia ingresa de Gibraltar i Marruecus, i al oesti con Portugal.

Estremaúra

Estremaúra (Extremaúra en a Fala i Extremadura en castellanu) es una comunidá autónoma d'España. Arraya al norti con Castilla i Lión (províncias de Salamanca i Ávila); al sul, con Andaluzia (províncias de Güerva, Sevilla i Córdoba); al esti con Castilla-La Mancha (províncias de Toleu i Ciá Rial); i al oesti, con Portugal.

S'alcuentra deviia en dos províncias: Caçris (al norti) i Badajós (al sul), huendu la su capital Méria.

Ismael Carmona Garcia

Ismael Carmona García (Badajós 1986), es un filólogu provinciu de Val-dela-Calçá (Badajós). Es unu los defensoris prencipalis del estremeñu.

Italia

La República Italiana o namás que Italia, es un país d'Uropa assitiau nel sul del contienti, que holma parti de la Unión Uropea (UE).

El su territóriu es prencipalmenti una peninsula alargá i dos grandis islas nel Mari Mediterráneu: Sicília i Cerdeña. Por el norti está arrodeá polos Alpis. Hazi arrayu con Fráncia, Suiça, Áustria i Eslovénia. Los estaus endependientis de San Marinu i Ciá del Vaticanu son enclavaus por dentru del su territóriu.

Junta d'Estremaúra

La Junta d'Estremaúra (oficialmenti en castellanu: Junta de Extremadura) es el órganu colejiau qu'ejerci las huncionis propias el Gobielnu la Comuniá Autónoma d'Estremaúra. Amás, dalcuerdu conas diretricis generalis el Presienti, estableci la política general, deriji l'almenistracion la Comuniá Autónuma i ejerci la hunción ehecutiva i la potestá regramentária nel marcu la Costitución Española i el Estatutu d'Estremaura.

La Junta d'Estremaura la componin el Presienti, el Vicepresienti u Vicepresientis i los Conseherus (ministrus rehionalis). Ca Conseheru está al frenti duna Conseheria i son nombraus i separaus librementi pol Presienti, dandu cuenta a la Asamblea d'Estremaura.

Ogañu el Presienti la Junta d'Estremaura es Guillermo Fernández Vara (dendi las elecionis el 27 de Mayu e 2007). El atual gobielnu estremeñu cuenta colos siguientes conseherus (Lista escrita el 18 de Huliu e 2007).

Presidenti: Guillermo Fernández Vara

Vicepresiencia Primera i Portavós: María Dolores Pallero Espadero

Vicepresiencia Segundera i Conseheria d´Economia, Comerciu i Enovación: María Dolores Aguilar

Conseheria d'Amenistracion Púbrica i Hacienda: Ángel Franco

Conseheria de Homentu: José Luis Quintana Álvarez

Conseheria d'Endustria, Nirgía i Meyu Ambienti: José Luis Navarro

Conseheria d'Agricurtura i Desenroamientu Roal: Juan María Vázquez

Conseheria d'Igualdá i Empreu: Pilar Lucio

Conseheria d'Educancia: Eva María Pérez López

Conseheria e Sanidá i Dependencia: María Jesús Mejuto

Conseheria e Coltura i Turismu: Leonor Flores Rabazo

Conseheria e los Jóvenis i Deporti: Carlos Javier Rodríguez

La Serraílla

La Serraílla (Serradilla en castellanu i oficialmenti) es un monicipiu d'Estremaúra, ena provincia Caçris. Tien 1766 abitantis (2009).

Luenga estremeña

El estremeñu es una lengua del grupu íberu-ocidental palrá ena Comuniá Autónoma d'Estremaúra, sul de la província de Salamanca, norti dela provincia de Uelva i comarcas vezinas dela parti de León, normalmenti encassullau endrentu las palras d'España por organizacionis entrenacionalis i nacionalis, enque no es oficial enas comuniais enas que entovía se palra.

Tamién le dizin castúu, enque esti nombri puei abarullal.

Se palra alo largu de toa Estremaúra con un grau diversu de conservación geográfica i social, siendu los mayoris los verdaerus conservantis dela lengua, mentris que las nuevas generacionis entiendin la lengua peru no la gastan.

Las estadísticas que se tien a tentu del númiru de palrantis están antiguás. Quiciá que sean unus pocus de milis los mayoris que entovía conservan más fielmenti la lengua.

Mairil

Mairil (en castellanu Madrid IPA:maˈðɾið) es la capital d'España i dela Comunidá de Mairil, ena que se configuró l'antígua "Província Mairil". Es conocia cumu Villa i Corti. Con una puebración sigún el censu 2009 de 3.255.944 abitantis i 3.273.006 sigún el padrón monicipal de 2009 (5.843.031 cuentandu el su ária metrupolitana), es la mayol ciá el pais i la tercel ária urbana la Uñón Uropea.

Cumu capital de la nación, en Mairil s'alcuentran las sés del Goviernu, Cortis, prencipalis centrus de l'Alministración púbrica central, Estitucionis i Organismus del Estau, assín cumu la resiéncia oficial de los reis d'España. Nel pranu económicu, destaca cumu emportanti centru financieru i endustrial, sé d'una tupa impresas nacionalis i de várias de las mas grandis corporacionis del mundu, mentris que nel pranu entrinacional, acohi la sé mundial de la Olganiçación Mundial del Turismu (OMT) i olganiça la féria FITUR. Mairil es un enfruenti centru curtural nacional i cuenta con museus de referéncia entrinacional entri los que destacan el Museo del Prado, el Museo Thyssen-Bornemisza i el Museo Nacional Reina Sofía.

Nacia a partil dun encravi hortificau musulmán (Mayrīt, مجريط; llamau en castillanu antigu Magrit, Magerit i Matrit, que angunus autoris, basándu-se en restus arqueolóhicus, crein criau sobri un vicus visigó el sigru VII llamau Matrice u 'regachu'), conquistau pol Alfonso VI de Lión i Castilla en 1083, la villa hue lihia en 1561 cumu sé la Corti pol Felipe II, siendu la primel capital remanenti la monarquia ispánica. Dendi antonci, ecetu nun brevi entervalu e tiempu entri 1601 i 1606 nel que la capitaliá pasó temporalmenti a Valladolís, Mairil á siu la capital d'España i sé el Goviernu la nación (ecetu duranti la Guerra Cevil, en qu'el goviernu se muó primeru a Valéncia i aluspués a Barcelona).

Miguel Herrero Uceda

Miguel Herrero Uceda (Ceclavín, Caçris, 24 d’eneru de 1964) Escribiol, divulgaol, conferencianti y naturalista comprometíu con la defensa del mediu ambienti y la conservación de los saberis tradicionalis de la coltura estremeña.

Lleva añus escribiendu y palrandu a toa la genti a tentu d’esu. Frutu d’ellu son los sus librus sobri árbolis, la cultura rural de la Estremaúra, y dos librus de relatus, Ceborrincho y Mamaeña, escritus dambus en estremeñu.

Es doctor en Inteligencia Artificial, profesol en la Univelsiá Complutensi de los Mairilis. Impulsol de la filosofía natural “arboterapia” comu una terapia pa luchal contra el estrés y la ansieá que produci el mundu modelnu. Colaboraó de la Fundación Más Árboles pa la regeneración y criaderu de nuevus bosquis. Colaboraó de la Fundación Cultura de pas. Colaboraó, asimesmu, d’abondus rivistas y periódicus comu, velaí, El Mundo, Foresta, El Periódico de Extremadura, Tecnociencia, etc. Participa y colabora en el encuentru anual de la "Semana de las Letras de la Complutense".

Es ermanu del pintol Antonio José Herrero Uceda y de la escribiola Elisa Herrero Uceda.

El 31 de mayu de 2014 jorma juntu al poeta José Iglesias Benítez, presidenti de la Asociación Cultural Beturia, el encuentru y la corrobla d'escrebiolis estremeñus veníus d'adentru y juera de la Estremaúra, en Ceclavín (Cáceres).El 30 de mayu de 2015 organiza, juntu con el colectivu "La Bohème" el Encuentru y la corrobla Internacional de Poetas y Artistas a favol de la naturaleza "Hombres, bosques y selvas" en el Palacio del Infantado en Guadalajara.Da, de cuandu en cuandu, talleris de es:Arboterapia ondi enseña a vivil en armonía con la naturaleza, en cata de evital el estrés y la ansieá del mundu modernu.Ha traducíu al estremeñu puemas del pueta rusu Vladímir Vysotski pa la Fundación Vysotski, requeríu por el Museu Vysotski de PoloniaHa sido mentau Extremeñu ilustri endentru de los wikispaces.

Mitología

La mitología es un conjuntu de mitus relativamenti cohesionaus: relatus que forman parti d'una determiná religión o coltura. Tamién se les denomina mitus a los discursus, narracionis o expresionis colturalis d'origin sagrau, y que posteriormenti huerun secularizaus y trataus comu discursus relativus a una coltura, a una época o a una seri de creencias de carácter imaginariu.

Los mitus son relatus basaus en la tradición y en la leyenda, criaus pa esplical el universu, el origin del mundu, los fenómenus naturalis y cualquier cosina pala que no aiga una esplicación simpli. Sin embargu, no tós los mitus tién por qué tenel esti propósitu esplicativu. Igualmenti, la mayoría los mitus están relacionaus con una huerza natural o deidá, pero una hartá son simplementi historias y leyendas que s'án díu transmitiendu oralmenti de generación en generación.

OSCEC

El Órgano de Seguimiento y Coordinación del Extremeño y su Cultura (OSCEC), en estremeñu Órganu de siguimientu i cordinación del estremeñu i la su coltura es un organismu montau el 25 hebreru de 2011 que tien comu ojetivu el estudiu i el arrecuperaeru de la coltura estremeña. El organismu landea la revitalizacion delas lenguas vernáculas (estremeñu, fala i portugués rayanu) i la proteción del patrimoñu coltural i natural d'Estremaúra. El su presienti es Ismael Carmona Garcia.

Página prencipal

Bienveníu

Güiquipedia

Ayúa

Zona prevas

Índizi A–Z

El ayuntamientu

La troji

Embassy

Help for non-Extremaduran speakers

Valladolís

Valladolís [βaʎað̪oˈli] (Valladolid [baʎaðoˈlið] en castellanu), tamién denominá de holma populal Pucela, es la capital de facto de la comuniá autónoma española de Castilla i Lión i de la província omónima. Está assitiá nel centru la sumeseta norti, en vera el ríu Pisuerga. Es la 13º mayol ciá d'España, con 298.866 abitantis . La puebración la su área urbana arciendi a 407.148 abitantis.

Wikipedia en estremeñu

La Wikipedia en estremeñu, mentá Güiquipedia, es la vessión dela ciclopedia libri Wikipedia en lengua estremeña. Güiquipedia s'escrivi de manera calavorá por mé de voluntarius, i premiti que los endilgus los múi qualquiera pressona con acessu por mé dun precuraol de web. El proyetu tuvu nacencia el 24 d'Eneru del 2007, enque no hue hata el 26 de Mayu del 2008 quandu el proyetu se muó al su propiu dominiu.

En otras palras

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.