Argentina

Argentina es un país d'América el Sul. Hazi arrayu al norti con Bolívia i Paraguai, al esti con Brasil, Uruguai i con el Océanu Atlánticu, al oesti con Chili, i al sul el Estrechu de Drake. La su capital es la ciá de Buenos Aires. Argentina es una repúbrica federal presidencialista.

Pola su estensión, Argentina es el segunderu mayol país en tamañu d'América el Sul, al atrás de Brasil i el otavu del mundu. Tien un cumprimientu continental de 2.766.889 km² (1.078.000 km²) entri la cordillera de los Andis al oesti i el Océanu Atlánticu al esti i sul.

El país revindica los territorius británicus controlaus de las Islas Mavinas i de las Islas Geórgia del Sul i Sandwich el sul. Baju la demominación de Antártia Argentina, revindica tamién 96.464 km² de la Antáltia.

Avissu
Esti endilgui ebi sel revissau por un corretol.
Repúbrica Argentina
Flag of Argentina Coat of arms of Argentina
Argentina orthographic
Luenga oficial Español¹
Capital Buenos Aires
Presidenti 'el gobiernu Mauricio Macri
Cumprimentu
 - Total
 - % augua
Posición 8ª
2.791.810km²
1,1%
Puebración
 - Total (2015)
 - Densidá
Puestu 32º
43.417.000
15,5 ab/km²
Monea Pesu Argentinu
Domeñu Internet .ar
Código telefónico +54
Biembru de: OEA, ONU, MERCOSUR, OTAN, UNASUR, CIN, OIEA, OMC, CAN
Notas : ¹ El guaraní es cooficial ena província de Corrientes

Etimologia

El país alcibi esti nombri d'Argentina inque la prata nunca hue abundanti nel su territoriu. En 1526 quandu Sebastião Caboto pasó pol el estuariu que hazi la desemboacura el tozu Uruguai lo denominó "Tozu la Prata", engañau por el metal preciosu que alcontró enas manus dangunus indígenas, sin sabel qu'ellus l'abian tomau de los marinerus de la espedición portuguesa dirigia pol Aleixo Garcia.

Inque el equívocu se hubu aclarau pocu endispués, el nombri ya se mantuvu i aluegu el gentilíciu "riutratensi" s'apricó en español pa desinal a los abitantis de dambus marginis del riu la Prata, al que los nativus nombraban "Paraná-Guazú" (Riu grandi común mari).

Prata en latín es "argentum", nombri sustantivu al cual correspondi el adjetivu "argentinus". el nombri Arhentina hue gastau pola primera vez por el pueta Miguel del Barco Centenera (1535-1605) nel su puema estóricu "Argentina i la conquista 'el Tozu de la Prata", publicau en 1602, sesenta i seis años endispués de la hundación de "Puertu de Muestra Señora Santa Maria del Güen Airi", oi Güenus Airis. El sustantivu Argentina hue gastau ampliamenti a partil del sigru XVIII pa desgnal tola región riu-pratensi, abadandu los atualis territorius d'Uruguai, Paraguai i parti del estau brasileiru de Riu Grandi del Sul.

Geografia

ViñedoCafayate
Salta.

La su superficie total es de 3 745 247 km², de los cualis 2 780 400 km² correpondin al continenti americanu i 964.847 km² al continenti antárticu. Sin embargu, las juntanillas oficialis argentinas i las extraoficialis continuan considerandu comu territórius suyus las Malvinas i las islas adyacentis, elevandu el comprimentu total a los 3 761 274 km².

Argentina es el otavu mayol país del mundu i el cuartu mayol d'América, solu endispués de Canadá, los Estaus Unius i Brasil.

Argentina puei deviilsi esquemáticamenti en tres partis: Las planícies cértilis de las Pampas ena metá norti del pais, que son el centru de la riqueza agrícola argentina, el planaltu de la Patagónia ena metá sul hata la Tierra del Fuegu, qu'es a vezis planu, a vezis ondulau, i por úrtimu la escarpá codillera de los Andis, a lo largu del arrayu ociental con Chili, cuyu puntu mas elevau es el monti Aconcágua con 6 960 m d'altura.

Los tozus prencipalis son el Paraguai, el Bermehu, el rio Colorau, el Uruguai i el mayol de tós, el riu Paraná. Los dos úrtimos se juntan dantis de desagual nel océanu Atlánticu, holmandu el estuáriu del Riu la Prata.

Climi

La mayol parti del país está ena zona temprá sul. Dessisti tamién en angunas regionis los climis tropicalis i subtropicalis, árius i frius, combinaus debiu a las grandis variacionis d'altitú, entri otrus.

Olganización Territorial

Argentina está deviia en 23 províncias i la ciá autónoma de Buenos Aires. Estas están deviias en departamentus i estos en monicípius.

Província Capital Pueblación
(est. 2008)
Superfici
(en km²)
PBG per cápita[1]
(U$S, 2008, est.)
Mapa
Bandera de la Ciudad de Buenos Aires.svg Buenos Aires[2] 3.042.581 203 23.309 Argentina provinces english
Bandera Buenos Aires.svg Provínciade Buenos Aires La Prata 15.052.177 307.571 7.310
Stemma catamarca.gif Catamarca San Fdo. del Vallede Catamarca 388.416 102.602 6.009
Bandera de la Provincia del Chaco.svg Chaco Resistencia 1.052.185 99.633 2.015
Bandera de la Provincia del Chubut.svg Chubut Rawson 460.684 224.686 15.422
Escudo de la Provincia de Córdoba.svg Córdoba Córdoba 3.340.041 165.321 6.477
Bandera de la Provincia de Corrientes.svg Corrientes Corrientes 1.013.443 88.199 4.001
Bandera de la Provincia de Entre Ríos.svg Entre Ríos Paraná 1.255.787 78.781 5.682
Bandera de la Provincia de Formosa.svg Formosa Formosa 539.883 72.066 2.879
Bandera de la Provincia de Jujuy.svg Jujuy San Salvadorde Jujuy 679.975 53.219 3.755
Flag of La Pampa province.png La Pampa Santa Rosa 333.550 143.440 5.987
Bandera de la Provincia de La Rioja.svg La Rioja La Rioja 341.207 89.680 4.162
Bandera de la Provincia de Mendoza.svg Mendoza Mendoza 1.729.660 148.827 9.079
Bandera de la Provincia de Misiones.svg Misiones Posadas 1.077.987 29.801 3.751
Bandera de la Provincia de Neuquén.svg Neuquén Neuquén 547.742 94.078 26.273
Bandera de la Provincia del Río Negro.svg Río Negro Viedma 597.476 203.013 8.247
Bandera de la Provincia de Salta.svg Salta Salta 1.224.022 155.488 4.220
Bandera de la Provincia de San Juan.svg San Juan San Juan 695.640 89.651 5.642
San luis prov arg.png San Luis San Luis 437.544 76.748 5.580
Bandera de la Provincia de Santa Cruz.svg Santa Cruz Río Gallegos 225.920 243.943 30.496
Bandera de la Provincia de Santa Fe.svg Santa Fe Santa Fe 3.242.551 133.007 8.423
Bandera de la Provincia de Santiago del Estero.svg Santiago del Estero Santiago del Estero 865.546 136.351 3.003
Bandera de la Provincia de Tierra del Fuego.svg Tierra del Fuego Ushuaia 126.212[3] 21.478 20.682
Escudo de la Provincia de Tucumán.svg Tucumán San Miguelde Tucumán 1.475.384 22.524 3.937
Flag of Argentina.svg Total País 39.745.613[3] 2.780.400 8.269

Estória

Enantis de la llegá de los conquistaolis españolis el territoriu argentinu estaba abitau por tribus comu las de los guaraníis. Juan Díaz de Solis, en landeandu un pasu al Océanu Pacíficu, descubrió el Riu la Prata (1519). Enos añus posteoris s'enició la colonizacion del territoriu, hundandu-se ciais comu Buenos Aires (1536 i finalmenti en 1580) i algotras comu Mendoza (1561) Tucumán (1565) Córdoba i Santa Fe (1573). El territoriu preteneció almenistrativamenti al Virreinatu del Perú hata 1776 quandu se hundó el Virreinatu del Riu la Prata con capital en Buenos Aires.

Nel 1806, nel marcu de la guerra a la escontra los británicus, se prouci la envasión del Riu la Prata por estus, llegandu a conquistal la ciá de Buenos Aires. Espulsaus estus se convocó un cabildu abieltu i se destituyó al virrei, ligiendu a Liniers nel su lugal. Nesti tiempu escomiença la Guerra de la Endependecia Argentina, a la escontra d'España. Las sus causas son mu variás, comu el monopóliu comercial peninsulal, la marginacion de los criollus enos puestus de gobielnu, enas manus de los peninsularis, la difusion d'ideas liberalis, i el vaciu de poel en España, endespues de la envasion francesa. En 1810 una revolucion espulsó al virrei i se holmó ena capital una junta gubernativa, compuesta por criollus. Posteriolmenti se criará la Primel Junta Patria de Gobielnu. Realistas i españolis runcharun p'acabbal con estu, peru huerun derrotaus por generalis comu Belgrano i San Martín. Finalmenti, en 1816 un congressu reuniu en Tucuman proclamó la endependencia d'Argentina.

Los primerus añus de la nacion estuvierun marcaus polas luchas entri federalistas i unitarius, que llevarun a varias guerras cevilis, deseparandu-si la província de Buenos Aires del restu del país por un tiempu brevi. Tamien destaca la Guerra a la escontra de Brasil (1819-1828) i la Conquista del Desieltu, la anesion de territorius ena Patagonia.

En 1930 estampana un golpi d'estau, que sedrán carateristicus a lo largu del sigru. En 1946 hue ligiu presienti Juan Domingo Perón, con un movimientu políticu, el peronismu, basau ena justícia social. Peru en 1955 algotru golpi derrocó a Perón i se proibió el peronismu hata 1973, quandu golvió a sel legaliu i ganó las elecionis. Perón golvió a la presidéncia peru espenó al añu siguienti, huendu sucediu pola su esposa, María Estela Martínez de Perón.

El 24 de marçu de 1976 estampana un nuevu golpi melital que inició al autodenominau Procesu de Reorganizacion Nacional, que desarrolló una dura depresion, produtu de la cual se calcula que hubu unos 30.000 desaparecius. Peru la derrota melital ena Guerra de las Malvinas en 1982 senificarun la caia del régimin, restableciendu-se la democrácia en 1983. Raúl Alfonsín hue ligíu presienti escomençandu una envestigacion de los críminis cometius pola ditadura. En 1989 le sucedió Carlos Saúl Menem, del Partiu Peronista, que llevó a cabu una politica economica neoliberal, que contuvu la enflacion. En 1999 Fernando de la Rúa arcançó la presiencia, peru anti la crisis economica dimitió en 2001. Se holmó un gobielnu de salvacion nacional presidiu por Eduardo Duhalde. Enas elecionis de 2003 Néstor Kirchner hue proclamau presienti. En 2007 esti hue sucediu pola su esposa, Cristina Fernández de Kirchner.

Atijus

Huentis

  1. [1].
  2. La Ciá de Buenos Aires posei un régimen especial (Ciá autónoma), igual a la província.
  3. 3,0 3,1 No se cuentan 980.874 km² de la Antáltia Argentina i las Islas el Atlánticu Sul ocupaas pol Reinu Uniu.
América

América es un continenti (hormi l'opinión hispana) u dos: los anglusahonis destinguin América el Norti i América el Sul, deseparaus pol ismu e Panamá.

Encruyi la massa e tierra assitiá entri el Océanu Pacíficu i el Alánticu, encruyendu las ilas del Caribi i Groenlándia. Enos paisis de luenga inglesa se le llama Las Américas u el Emisfériu Ociental. Duranti la épuca colonial tinia el nombri e Nuevu Mundu u Las Índias.

Pol razonis estóricas i curturalis desisti América Latina hormá pol aquellos paisis colonizaus pol España i Purtugal.

Antígua i Barbua

Antígua i Barbua es una nacion holmá por un asiajamentu d'islas assitiá al esti del mari Caribi. Holma parti de las chiquininas Antillas cona isla de Guadalupe (Fráncia) al sul, Montserrat al suloesti, San Cristóbal i Ñevis nel oesti i San Bartolomé al noroesti. Es miembru de la Mancomuniá de Nacionis.

Barbaus

Barbaus es un país insulal assitiau entri el mari Caribi i el océanu Atlánticu, pretenecienti a las Antillas Menoris. Se carateriza por sel el trecel país mas desarrollau d'América, endespues namás d'Estaus Unius i Canadá; amás del primel país ena que la huerça la puebracion es de raça negra en promedial un éndici de desarrollu umanu mu altu.

Bolívia

El Estau Plurinacional de Bolívia (Estado Plurinacional de Bolivia en castellanu , en quechua: Bulibiya Suyu, en aimara: Bulibiya, Buliwya; i en guaraní: Volívia) es un pais d'América el Sul. La su capital oficial es Sucre. Hazi arrayu al sul con Argentina, al suloesti i oesti con Chili i Perú, al esti e norti con Brasil i al sulesti con Paraguai.

Brasil

La Repúbrica Federativa del Brasil es el país mas grandi i mas puebrau d'América del Sul. Los sus arrayus son al norti con Venezuela, Guyana, Surinam i cona Guayana Francesa; tien costas al nordesti, esti i sulesti nel Alánticu. Al sul hazi arrayu con Uruguai; al suloesti con Argentina i Paraguai; al oesti con Bolívia i Perú i al noroesti con Colómbia. Los únicus paisis del sucontinenti sudamericanu conos que no linda son Chili i Equadol. Amás del territóriu continental, Brasil tamien tien angunas islinas e islotis nel Alánticu, veloquilos: Penedos de São Pedro e São Paulo, Fernando de Noroña i la Isla de Trindade i Martín Vaz. Ai tamien una balburda d'islinas i coralis llamá Atol das Rocas.

Buenos Aires

Buenos Aires es la capital Argentina, ena costa el Riu la Prata, i es la mayol ciá el pais. Holma una ciá autónoma desepará la província de Buenos Aires. La su area urbana es la segundera mayol de América el Sul

Chili

Chili, o Repúbrica de Chili (en castellanu Chile i República de Chile), es un país d'América el Sul i la su capital es Santiago de Chile. Los sus arrayus son al esti con Argentina, al noresti con Bolívia, al norti con Perú i al ponienti con el Océanu Pacíficu. En este océanu, posei islas como el archipiélagu Juan Fernández, Sala y Gómez, las islas Desventuradas i la isla de Pascua.

Costa Rica

La Repúbrica de Costa Rica es un país de Centroamérica. Hazi arrayu al norti con Nicarágua, al sudesti con Panamá, al esti con el mari Caribi, i al oesti con el Océanu Pacíficu. La su capital es la ciá de San José.

Códigu postal

Prantilla:Merge

El códigu postal es un esquema que da a destintas zonas o lugaris dun país un código que, endosau a la dirección, sirvi pa facilital y mecanizal el encaminamientu duna pieça de correu. Heneralmenti es una serie de númerus, inque nalgunus países metin tamién letras. También se utiliza enus nevegaoris GPS pa ubical lugaris.

El sistema moernu de codificación postal jue introduciu por vez primera n'Ucrania -que naquel tiempu era parti integranti dela URSS- en 1932, inque abandonau en 1939. [Alemania]] inauguró el suyu en 1941, segiu por Argentina en 1958, el Reinu Uniu en 1959, los Estaus Unius en 1963 y Suiça en 1964.

La mayol parti delos servicius de correus estatalis del mundu usan códigus postalis. Manqui, hay paísis enus que no dexistin, como en Irlanda, y territorius cuya extensión es tan chiqunina que la implantación del códigu postal nellas no hadi farta, como Gibraltar o Hong Kong.

Los códigus postalis tienin destintus jormatus y normas d'usu según el país. Ena mayol parti d'Europa, el códigu postal va dantis del nombri del lugal o ciá y a vecis precediu por el códiuo del país, mentras que nos paísis anglófonus sueli dil detrás del nombri del lugal.

Inque los códigus postalis se suelin asignal a zonas geográficas, tamién dexistin algunos que identifican a ciertas institucionis que recibin abondas cantidadis de correus, comu organismus oficialis, grandis empresas, cadeas de televisión, etc.

Equadol

Equadol (Ecuador en castellanu) es un país d'América el Sul. Los sus arrayus son al norti con Colómbia, al sul i esti con Perú i al oesti con el Océanu Pacíficu. La su capital es Quitu, peru la ciá más pueblá es Guayaquil.

Estaus Uníus

Los Estaus Uníus d'América es un país assitiau en América el Norti, enque Hawaii, unu los sus estaus, s'alcuentra en Oceanía. Está holmau por cincuenta estaus, un destritu federal (Washington D.C., qu'es la capital) i angunus algotrus territórius.

Es una repúbrica presiencialista i federal.

Guatemala

Guatemala, oficialmenti Repúbrica de Guatemala es un país d'Ámerica central. Hazi arrayu al oesti i al norti con Méjicu, al esti con Belici i el Golfu de Honduras, al sulesti con Honduras i El Salvaol, i al sul con el Océanu Pacíficu.

Honduras

Honduras, oficialmenti Repúbrica de Honduras es un pais d'Ámerica central. Hazi arrayu al oesti i al noroesti con el Guatemala, al norti con el mari Caribi i al sul con Nicarágua, El Salvaol i el Océanu Pacíficu. Las sus capitalis son las ciais de Tegucigalpa i Comayagüela.

Luenga castellana

La idioma español u castellanu es una luenga romanci el grupu ibéricu. Es una las seis idiomas oficialis de la ONU i, altrás el chinu mandarín, es la luenga más palrá del mundu pol númiru de falantis que la tiinin cumu luenga matelna. Es tamién idioma oficial en várias de las prencipalis olganiçacionis pulíticu-económicas entrinacionalis (UU, UA, TLCAN y UNASUR, entri algotras). Lo palran cumu primel i segundera luenga entri 500 i 600 millonis de presonas. Pol otru lau, el español es la segundera palra mas estuyá nel mundu al atrás el ingrés, con polo menus 14 millonis d'estuyantis, si bien algotras huentis izin que se passan los 46 millonis de estuyantis destribuius en 90 paisis.

L'español, cumu las otras luengas romancis, es una continuación moelna el latín vurgal, endi el sigru III endispués de Cristu, que tras el desmembramientu del Impériu Romanu hue divirhiendu de las otras variantis del latín que se palraban enas destintas províncias del antigu Impériu, dandu lugal meyanti una lenta volución a las destintas luengas neulatinas. Ebiu a la su propagación pol América, el español es, con deferéncia, la luenga neolatina qu'á arcançau mayol difusión.

Nicarágua

Nicarágua (Nicaragua en castellanu) es un país assitiau entri el Océanu Pacíficu al oesti i el Mari Caribi pol el esti. Hazi arrayu con Honduras al norti i con Costa Rica al sul. La su capital es Manágua.

Paraguai

La Repúbrica el Paraguai ( República del Paraguay en castellanu Tetã Paraguái en guaraní) es un país d'América el Sul. Los sus arrayus son al sul i al sulesti con Argentina, al esti con Brasil i al noroesti con Bolívia. La su capital es Asunción. Es un estau unitariu deviiu en la capital i 17 departamentus.

Surinam

La Repúbrica de Surinam (Republiek van Suriname en neerlandés) es un estau d'América del Sul, el mas chiquininu del continenti. Hazi arrayu con Océanu Atlánticu al norti, con Guyana al esti, cola Guyana Francesa al oesti, i con Brasil por sul.

Hue colónia de los Paisis Bajus hata 1975, quandu arcançó la endependencia. Enantis se la conocia comu Guyana Olandesa.

Uruguai

La Repúbrica Oriental el Uruguai (en castellanu, República Oriental del Uruguay) es un país d'América el Sul, el segundu más chiquininu el continenti, al atrás de Surinam. Los sus arrayus son al norti con Brasil (Estau de Riu Grandi el Sul), al oesti con Argentina (Província de Entre Rius i Corrientes), al esti con el Océanu Atlánticu i al sul con el Riu la Prata. La su capital es Montevideo. Está deviiu en 19 departamentus.

Veneçuela

Veneçuela, oficialmenti Repúbrica Bolivariana de Veneçuela ( en castellanu, República Bolivariana de Venezuela) es un país ena costa norti d'América el Sul. Los sus arrayus son al oesti con Colómbia, al esti con Guyana, al sul con Brasil i al norti con el Mari Caribi i el Océanu Atlánticu. La su capital es Caracas. Está deviiu en 23 estaus i un Destritu (La ciá de Caracas).

En otras palras

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.