Municipo

Municipo estas loka administra unuo, kiu kutime regas urbon aŭ alian specon de komunumo, aŭ iukaze plurajn urbojn, aŭ (malpli ofte) nur parton de granda urbo. La preciza signifo de la termino varias laŭ lando, ĝuste kiel plej multaj aliaj Esperantaj klasnomoj pri administraj unuoj, ekz. distrikto, prefektujo, provinco, kantono, departemento, ktp. Ofte oni konsideras la municipon kiel relative memstaran, kontraste al ordinaraj urboj. En multaj landoj, la municipo estas la malplej granda administra unuo kun demokratie elektitaj registoj.

Ekzistas tendenco sub influo de naciaj lingvoj, uzi la vorton ĝenerale en la senco de "komunumo". Tio validas precipe por Ameriko, ankaŭ Japanio kaj Hispanio (en ĉi-lasta lando oni per tio krome strebas al pli klaran distingon al la t.n. "aŭtonomaj komunumoj"). Ĉu municipo kaj komunumo estas sinonimoj, aŭ ĉu ili estas oficiale distingaj unuoj, oni devas difini diverse laŭ la diversaj landoj.

Al la nocio de komunumo ligas ankaŭ plej multaj intervikioj.

La plej grandaj municipoj (laŭ surfaco) troviĝas en Kanado kaj Groenlando. Verŝajne la plej granda municipo en la mondo estas Avernasuaq en Groenlando, kiu estas pli granda ol Britio.

Historie, en la Romia regno oni donis la titolon municipo (latine municipium) al urboj, kiuj konservis sian propran juron, sed kies anoj posedis la romian civitanecon.

Municipoj (kaj komunumoj) kiel malaltnivelaj unuoj

  • En Alĝerio, komunumo (commune) estas subdivido de distrikto (daïra, laŭvorte "cirklo" arabe), kiu envice estas subdivido de provinco (ŭilaja, laŭvorte "regata" arabe).
  • En Argentino, municipo (municipalidad) estas urbo, urbeto, aŭ komunumo, kiu estas subdivido de provinco. Ĉiu provinco organizas la municipojn en sia teritorio laŭ sia propra municipa regsistemo (municipio).
  • En Aŭstralio, municipoj (angle municipalities) estas subdividoj de la ŝtatoj kaj teritorioj.
  • En Aŭstrio, municipo (germane Gemeinde) estas subdivido de distrikto (Bezirk), kiu envice estas subdivido de federacia lando (Bundesland).
  • En Belgio, municipo (nederlande gemeente, france commune, germane Gemeinde) aŭ estas subdivido de provinco aŭ estas subdivido de la Brusela Ĉefurba Regiono.
  • En Bolivio, municipo (municipio) estas subdivido de provinco, kiu estas subdivido de departemento.
  • La nacio Bosnio kaj Hercegovino estas apartigita en tri (pli-malpli aŭtonomajn) partojn: Distrikto Brcko, la Serba Respubliko (kiu ne estas Serbio), kaj la Federacio Bosnio kaj Hercegovino. Municipo (općinaopština) estas
    • aŭ subdivido de kantono (kanton) en la Federacio,
    • aŭ rekta subdivido de la Respubliko.
  • En Brazilo, municipo (município) aŭ estas subdivido de subŝtato (estado), aŭ estas la federacia distrikto.
  • En Ĉilio, municipo (municipalidad) estas unuo, kiu administras unu aŭ pli da komunumoj (comuna). Ĉilio havas regionojn (regiones), kies subdividojn oni nomas provincoj (provincia). La provincoj estas dividita en komunumojn, ĉiu el kiuj estas asignita al municipo por administrado. Plej ofte la municipo kaj la komunumo havas la saman nomon, sed la konstitucio de Ĉilio permesas, ke unu municipo povas administri pli ol unu komunumon.
  • En Ĉeĥio, municipo (obec) estas subdivido de regiono (kraj).
  • En Danio, komunumo (kommune) estas subdivido de regiono (regioner). Kantonoj (amter) ne plu ekzistas en Danio ekde la 1-a de januaro, 2007.
  • En Domingo municipo (municipio) estas subdivido de provinco.
  • En Estonio, municipo (omavalitsus) estas la plej malgranda subdivido; municipoj havas du specojn: urboj (linnad) kaj paroĥoj (vallad, kiuj estas kamparaj municipoj). Super la municipoj estas la 15 disktrikoj.
  • En Filipinoj, municipo (bayan) estas urbo kun demokratie elektita administristaro inkluzive de urbestro, kaj ĝi estas parto de provinco (lalawigan) — krom la sendependa municipo Pateros, Metro Manila en la Nacia Ĉefurba Regiono. Municipo konsistas el pli malgrandaj subdividoj nomataj "barangay".
  • En Finnlando, komunumo (kunta / kommun) kunlaboras kun proksimaj komunumoj en la regiono (seutukunta / region) kaj provinco (maakunta / landskap); la provinco envice ĝis la jaro 2009 estis subdivido de unu el la 6 gubernioj (lääni / län). Komunumo rajtas nomi sin "urbo" (kaupunki / stad).
  • En Francio, komunumo (commune) estas subdivido de departemento (département), kiu estas subdivido de regiono (région).
  • En Germanio, komunumoj (Gemeinde), urboj (Stadt), kaj grupigitaj municipoj (Verbandsgemeinde, Samtgemeinde, Amt) estas subdividoj de la distriktoj (Kreis), kiuj estas subdividoj de la federaciaj landoj (Bundesländer).
  • En Grekio, municipo (aŭ demoi kun malgranda loĝantaro; aŭ koinotetes, komunumo) estas subdivido de prefektujo (nomos), kiu estas parto de unu el la 13 "periferioj" (Περιφέρειες, perifereies).
  • En Haitio, komunumo (commune) estas subdivido de arondismento (arrondissement), kiu estas subdivido de departemento (département).
  • En Honduro, municipo (municipio) estas subdivido de departemento (departamento).
  • En Hungario, municipo (települési önkormányzat) estas subdivido de departemento (megye). Iuj grandaj urboj estas ekster la departementoj kaj havas departementajn rajtojn.
  • En Italio, komunumo (comune) estas parto de provinco (provincia), kiu estas subdivido de regiono (regione). La italan terminon "municipio" oni uzas por indiki urbodomon, sed ankaŭ administrajn subdividaĵoj de grandaj komunumoj, ekz. Romo.
  • En Japanio, municipo (市町村 [ŝi-ĉō-son]) povas esti urbo (市 [ŝi]), urbeto (町 [ĉō]), vilaĝo (村 [mura]), aŭ kvartalo (区 [ku]), kaj ĝi estas subdivido de prefektujo (kiu ankaŭ havas du specojn de ne-municipaj subdividoj: distrikto kaj subprefektujo). Prefektujo (都道府県 [to-do-fu-ken]) estas subdivido de regiono.
  • En Kanado, municipo povas esti urbo, urbeto, kantono (county), aŭ "regiona municipo" (regional municipality, kiu estas aŭ municipo super pluraj municipoj, aŭ alia speco de municipo en Kebekio, Nov-Skotio, aŭ Ontario). Ankaŭ apartajn regionojn en Saskaĉevano kaj Manitobo oni nomas "kamparaj municipoj" (rural municipalities), dum samtipajn lokojn en Alberto oni nomas "municipaj disktriktoj" (municipal districts) kaj en Brita Kolumbio "distriktaj municipoj" (district municipalities). Municipoj estas oficiale agnoskitaj de la registaro de sia provinco aŭ teritorio.
  • En Kenjo, municipo estas unu el la kvar specoj de "lokaj aŭtoritatoj" (urbo, municipo, urbeto, kaj kantono). Preskaŭ 50 urboj Kenje havas municipan statuson (nur unu, ĉefurbo Najrobio, estas "urbo" oficiale, kaj tiu urbo ankaŭ havas provincajn rajtojn). La lokaj aŭtoritatoj (krom Najrobio) estas sub la distriktoj (ŭilaja), kaj distrikto estas subdivido de provinco (mkoa).
  • En Kolombio, municipo (municipio) estas subdivido de departemento (departamento). Departementoj ankaŭ povas esti subdividitaj en "kunregimentojn" (Corregimientos) kaj "promenejojn" (Veredas), laŭ la Konstitucio de Kolombio.
  • En Kroatio, municipo (općina) estas subdivido de distrikto (županija).
  • En Latvio, kampara municipo (unuope novads, plure novadi) estas subdivido de distrikto (unuope rajons, plure rajoni). Kampara municipo kutime konsistas el pli malgrandaj unuoj nomataj paroĥoj (unuope pagasts, plure pagasti). La urboj havas apartan econ, samnivele kiel la distriktoj.
  • En Libano, municipo estas subdivido de distrikto (Qadaa), kiu estas subdivido de gubernio (Muhafazah).
  • En Litovio, municipo (savivaldybė, laŭvorte "memadministrejo") estas subdivido de la ŝtato, ĝis julio 2010 grupigitaj en dek distriktoj (apskritis). La municipoj povas esti aŭ urbaj aŭ regionaj, kaj ambaŭ specoj estas plu subdividitaj en pli malgrandajn unuojn (seniūnija).
  • En Luksemburgo, komunumoj estas la plej malgrandaj subdividoj. Ĉiu komunumo estas sub kantono, kiu estas sub unu el la tri provincoj.
  • En Meksiko, municipo (municipio) estas subdivido de subŝtato (estado). Subdistrikto (delegación) estas administra subdivido de la federacia distrikto Meksikurbo.
  • En Nederlando, municipo (gemeente) estas subdivido de provinco (provincie). Urbo kaj municipo ne samas.
  • Ĉiuj partoj de ĉeftera Nov-Zelando estas aŭ parto de urbo (city) aŭ parto de distrikto (district, ĝenerale kampare). La termino "municipo" (municipality) maloftiĝas en Nov-Zelando ekde ĉirkaŭ 1979 kaj ne plu havas ian oficialan statuson.
  • En Nikaragvo, municipo (municipio) estas aŭ subdivido de departemento (departamento) aŭ unu el la du Aŭtonomaj Regionoj, Región Autónoma del Atlántico Norte kaj Región Autónoma del Atlántico Sur.
  • En Norvegio, komunumo (kommune) estas parto de provinco (fylke). Troviĝas 431 komunumoj en Norvegio (2006).
  • En Peruo, municipo (municipio) estas alia termino por distrikto (distrito), kaj ĝi estas la plej malaltnivela administra divido. Ĝi estas parto de provinco (provincia), kiu estas parto de departemento (departamento). Ekde 2002 la departementoj nun estas nomataj regionoj (región).
  • En Pollando, municipo (gmina) estas parto de distrikto (powiat), kiu estas parto de provinco/vojevodio (województwo).
  • En Porto-Riko, municipo (municipio) estas urbo aŭ urbeto kun demokratie elektita administristaro, inkluzive de urbestro.
  • En Portugalio, municipo (município) estas rekte balotita loka aŭtoritato, kiu ĝenerale konsistas el ĉefa urbo kun ĉirkaŭantaj vilaĝoj, kaj havas vastajn tieajn administrajn potencojn. Ĝi ankaŭ estas subdivido de distrikto (distritos), sed Portugalio reorganizas sin kaj la distriktoj malaperos estontece.
  • En Rumanio, municipo (municipiu) estas urbo kun speciala oficiala statuso -- ankaŭ ekzistas urboj kaj urbetoj sen statuso de "municipo". Komunumo (comună) estas administra divido por regionoj ekster urboj. Super tiuj estas la distriktoj (judeţe).
  • En Rusio municipo (муниципальное образование) estas jura termino indikanta ĉian memregan (t.e. posedantan elektitan estr[ar]on) administran subunuon de federa unuo (de subŝtato).
  • En Serbio, municipo (opština) estas subdivido de distrikto (okrug). Ĉefurbo Beogrado estas "distrikta urbo".
  • En Slovakio, municipo (obec) estas subdivido de distrikto (okres). Troviĝas 2891 municipoj en la lando.
  • En Sud-Afriko, distriktaj municipoj (distriksmunisipaliteite) kaj urbaj municipoj (metropolitaanse munisipaliteite) estas subdividoj de la provincoj, kaj lokaj municipoj estas subdividoj de distriktaj municipoj.
  • En Svedio, komunumo (kommun) estas parto de gubernio (län).
  • En Svislando, komunumo (Gemeinde / comune) estas parto de distrikto (Bezirke), kiu estas subdivido de kantono. Komunumojn difinas kantona leĝo.
  • En la Unuiĝinta Reĝlando, municipon oni administras laŭ oficialaj politikaj limoj, kiel en la Pli Granda Regiono Belfasto (Greater Belfast area) en Nord-Irlando kaj la Pli Granda Regiono Londono (Greater London area), kiuj ampleksas pli ol la urbojn de Belfasto kaj Londono respektive.
  • En Usono, la unuoj, kiuj havas oficialan statuson de "municipo" (municipality), kaj la preciza senco de tiu termino, varias laŭ ŝtato. Ofte, la ŝtato estas dividita en kantonojn (counties), kaj la kantonoj administras regionojn ekster tiuj urboj, kiuj estas sufiĉe grandaj por sin administri. Tiuj memadministrantaj urboj estas municipoj, aŭ muncipaj regionoj (municipal areas). Tamen la kantonoj ofte havas ian administran funkcion en la municipoj ankaŭ. Plue, iukaze urbego estas pli granda ol unu kantono, ekz. Nov-Jorko ampleksas kvin kantonojn, kiuj do iasence estas administraj subdividoj de tiu municipo.
  • En Venezuelo, municipo (municipio) estas aŭ divido de ŝtato (estado), aŭ subdivido de la Ĉefurba Distrikto Karakaso.

Municipoj (kaj komunumoj) kiel altnivelaj unuoj

  • En Libio, municipo (ŝa-bijah) estas la plej alta administra unuo. Ekde la 1970-aj jaroj Libio ne plu havas guberniojn (muhafazah).
  • En Montenegro, komunumo (opština) estas la plej alta administra divido.
  • En la Popola Respubliko Ĉinio, rekte regata municipo (直辖市, pinjine: zhíxiáshì) estas urbo kun samnivela statuso kiel provinco: Pekino, Tianjin, Shanghai, kaj Chongqing. La municipo etendas preter la urbo mem -- ĝi ampleksas la ĉirkaŭantajn urbetojn, vilaĝojn, kamparojn, ktp.
  • En Nord-Makedonio, 84 municipojn (opštini; unuope, opština) oni establis en 2004 post nacia administra reorganizado. La municipo estas la plej alta administra unuo; la 8 pli grandaj regionoj ekzistas nur por statistikoj.
  • En Rumanio, municipo (municipiu) estas granda kaj grava urbo. Ekzistas 104 municipoj en Rumanio, dividitaj en tri niveloj: nula (plej granda/grava), unua kaj dua. En la unua nivelo estas unusola municipo — Bucureşti (Bukareŝto), en la dua estas 11 kaj en la tria 92.
  • En Slovenio, municipo (občina) estas la ĉefa loka administra unuo. Ekzistas 212 municipoj, 11 el kiuj havas specialan "urban" statuson kaj plian aŭtonomecon.
  • En Tajvano, municipo (直轄市, transliterumite per sistemo Wade-Giles: chi-hsia-shih), estas urbo kun egala statuso kiel provinco: Tajpejo kaj Kaohsiung, same kiel ĉeftera Ĉinio.

Vidu ankaŭ

Bukovka

Tiu ĉi artikolo temas pri municipo en regiono de Pardubice. Pri parto de municipo Horní Radouň temas artikolo Bukovka (Horní Radouň).

Municipo Bukovka situas en Ĉeĥio, regiono Pardubice, distrikto Pardubice, 4 km nordokcidente de urbo Lázně Bohdaneč, ĉe ŝoseo n-ro 34 inter Pardubice kaj Chlumec nad Cidlinou, en ebenaĵo apud rivero Elbo.

Distrikto

Distrikto estas unuo de publika administracio, malpli granda ol provinco, subŝtato, kantono aŭ departemento kaj pli granda ol urbo, komunumo aŭ municipo. La difino de la nocio tamen neniel povas esti universala, ĉar evidente ĉiu lando kaj/aŭ ŝtato havas sian propran administran dividon. Tial oni fakte povas difini ĉiujn tiujn administrajn terminojn nur aparte por ĉiu lando kaj kelkfoje eĉ interne de landoj por ĉiu unuopa provinco. Sen la loka difino oni nur scias, ke distrikto estas administra unuo.

Gánovce

Gánovce (hungare Gánóc germane Gansdorf) estas vilaĝo, kuracbanloko kaj municipo en Slovakio. Ekde 1924 najbara vilaĝeto aliĝis al la municipo.

Komunumo

Komunumo estas:

Relative malgranda administra unuo, kies centro estas urbo aŭ vilaĝo, kaj kiu ampleksas aŭ vilaĝon aŭ plurajn vilaĝojn aŭ plurajn vilaĝojn kaj urbo(j)n. Komunumoj respondecas pri lokaj publikaj taskoj, kaj rajtas memstare administri siajn internajn aferojn (vd. municipo).

Komunumo (Finnlando)

Komunumo (Francio)

Komunumo (Italio)

Komunumo (Pollando)

Komunumo (Svislando)

En Hispanio oni uzas la vorton por la regiona nivelo. Vidu: Aŭtonoma Komunumo de Hispanio.

Ĉiuspeca socio, bazita sur komuneco de vivo kaj interesoj, tio estas sociologia koncepto de komunumo, nome Homa komunumo.

La Komunumo de Nacioj

La Komunumo de Sendependaj ŜtatojKomunumo estas ankaŭ:

Ĉiuspeca societo, bazita sur komuneco de vivo kaj interesoj (PIV) (juda komunumo, eklezia komunumo)

Liptovská Mara (distrikto Liptovský Mikuláš)

Liptovská Mara estas pereinta municipo en distrikto Liptovský Mikuláš, ĝi estis inundigita pro valbaraĵo Liptovská Mara.

Municipoj de Rumanio

Municipoj de Rumanio (rumane municipiu) estas iom grandaj urboj de Rumanio, kiuj formale ricevis tiun ĉi statuson. Tiu do estas pli alta ol la statuso de simpla urbo (oraș) aŭ komunumo (comună).

Oni dividas la municipojn al tri rangoj: rangon 0 havas nur la ĉefurbo Bukareŝto, rangon 1 havas la sekvaj 11 plej grandaj urboj. La ceteraj 91 municipoj havas rangon 2. Al la ne-municipaj urboj oni foje atribuas rangon 3.

La kriterioj por esti agnoskita kiel municipo estas difinitaj per leĝo:

minimume 40.000 (en 2001: 25.000) loĝantoj

85 % el la loĝantoj ne laboras en agrokulturo

80 % el la loĝejoj havas akvoinstalaĵon

75 % el la loĝantoj havas banejon kaj necesejon

45 % el la loĝantoj havas hejtan instalaĵon (nova en 2006)

Por po 1.000 loĝantoj estas 10 malsanulejaj litoj

Por po 1.000 loĝantoj estas 2,3 kuracistoj

Ekzistas post-gimnazia lernejo

Ekzistas lokoj por kulturaj kaj sportaj aranĝoj

100 litoj en hoteloj

60 % el la stratoj estas modernigitaj (firma surfaco, lumo, trotuaroj)

70 % el la stratoj estas provizitaj per akva reto

60 % el la stratoj havas kanalaron

Rub-akvo estas mekanike kaj biologie purigata

70 % el la stratoj havas fajro-estingajn hidrantojn

Por ĉiu loĝanto estas 15 m² da verdejo

Deponado de rubaĵoj sub publika kontrolo (en 2001 estis la aldono: "parko publike alirebla", ĝi eble estis eraro)Reale ne ĉiuj municipoj plenumas ĉiujn kriteriojn. La plej malgranda municipo, Beiuș, havas nur ĉirkaŭ 11.000 loĝantojn.

Municipoj oficiale ne havas substrukturon, sed grandajn municipojn oni tamen dividas al kvartaloj (cartier). Escepto estas la municipo Bukareŝto, kiu havas karakteron similan al la distriktoj kaj estas dividita al ses sektoroj.

La vorto municipiu ne estas multe uzata en parola lingvo; oni parolas pri "urbo" (oraș); sed el administra vidpunkto la statuso ja gravas. Antaŭ la dua mondmilito municipoj eĉ estis egalrangaj al distriktoj.

Nová Polianka

Tiu ĉi artikolo temas pri municipo en distrikto Svidník. Pri parto de municipo Vysoké Tatry temas artikolo Nová Polianka (Vysoké Tatry).

Nová Polianka (hungare Mérgesvágása [mErgeŝvAgAŝa], rutene Нова Полянка [nova poljanka]) estas vilaĝo kaj municipo en Slovakio. La historia slovaka loknomo estis Mergeška.

Oľka

Tiu ĉi artikolo temas pri municipo. Pri samnomata rivero temas artikolo Oľka (rivero).

Oľka, hungare Olyka [ojka], rutene Олька [oljka]) estas malgranda unuigita vilaĝeto kaj municipo en Slovakio.

Paroĥo

Paroĥo estas distrikto de loka (vilaĝa, plurvilaĝa, kvartala) religia komunumo. Ĝi estas eklezia distrikteto, parto de episkopujo, regata de unu pastro nomata paroĥestro, kiu respondecas pri precipaj religiaĵoj en paroĥo. Ofte li estis helpata de vikariaj pastroj, kaj por la materia zorgado de sakristiisto. En la paroĥo loĝas, laboras paroĥanoj, kiuj partoprenas en la loka religia vivo.

En la baza senco de la vorto do temas nur pri la agotereno de paroĥestra pastro, do diversaj religiaj komunumoj povas dividi la saman teritorion en malsamajn paroĥojn. En iuj kazoj tamen ŝtataj instancoj historie ankaŭ transprenis la dividon laŭ paroĥoj por politika, administra divido de sia ŝtato - tiam temas pri administra unuo komparebla al komunumo aŭ municipo.

Proč

Tiu ĉi artikolo temas pri slovaka municipo. Pri ĉeĥa filmo temas artikolo Proč?.

Proč (hungare Porócs [porOĉ]) estas vilaĝo kaj municipo en Slovakio.

Ruskinovce

Ruskinovce, hungare Ruszkin, germane Rissdorf estas eksurbo (dum mezepoko estis reĝa urbeto), poste vilaĝo, kiu estis neniigita pro la kreado de milita areo, nomata Javorina en Slovakio en distrikto Kežmarok.

Smolník (distrikto Snina)

Smolník estis rutena vilaĝo en orienta Slovakio.

La teritorio de vilaĝo kuŝas en distrikto Snina. Unua skribaĵo pri vilaĝo estas de jaro 1568. Dum historio la vilaĝo apartenas origine al noblaj familioj de Humenné, poste al kelkaj aliaj noblaj familioj.

La vilaĝo estis neniigita pro la konstruaĵo de Trinkakvujo Starina en 1980 kune kun aliaj ses vilaĝoj. Antaŭ detruado la vilaĝo havis 72 domojn kaj ĉirkaŭ 360 loĝantoj. De la estinta vilaĝo konserviĝis nur tombejo de Unua mondmilito kaj sonorilturo. Sur la loko de estinta preĝejo estis konstruita kapeleto. Unu jare okazas disservoj por estintaj samvilaĝanoj. Nune la teritorio estas en la Nacia parko Poloniny.

Strukturo de Vojvodino

Jen listo de komunumoj de Vojvodino organizita laŭ municipoj.

Veľká Lúka (distrikto Zvolen)

Veľká Lúka estas municipo en Slovakio en distrikto Zvolen apud flughavenoo Sliač en Zvolenská kotlina. Tra la municipo fluas rojo Lukavica.

Vrážné

Tiu ĉi artikolo temas pri municipo en regiono de Moravská Třebová. Pri parto de municipo Pláně temas artikolo Vrážné (Pláně).

Tiu ĉi artikolo temas pri municipo en regiono de Moravská Třebová. Pri municipo Vražné en distrikto Nový Jičín temas artikolo Vražné.

Municipo Vrážné (germane Brohsen) situas en Ĉeĥio, regiono Pardubice, distrikto Svitavy, en subregiono Malá Haná, iom super la valo de rivereto Nectava, 8 km nordoriente de urbo Jevíčko.

Zemplínske Hámre

Zemplínske Hámre (hungare Józsefhámor [jOĵefhAmor], germane Josefhammer) estas vilaĝo kaj municipo en Slovakio.

Čabalovce

Čabalovce (hungare Csabaháza [ĉabahAza], rutene Чабалївцї [ĉabalivci]) estas malgranda unuigita vilaĝo kaj municipo en Slovakio. Apuda vilaĝeto Sterkovce apartenas al la municipo ekde 1900.

Štrba

Štrba, hungare Csorba [ĉorba], germane Schirm aŭ Hochwald estas vilaĝo kaj municipo en Slovakio. Ankaŭ Tatranská Štrba kaj Štrbské Pleso apartenas al la municipo ekde 2008.

Ždiar

Ždiar [ĵdiar], (hungare Zár aŭ Zsgyár, germane Morgenröthe) estas vilaĝo kaj municipo en Slovakio.

Klasnomoj pri administraj unuoj
Derivataj de titolo
Ne derivataj de titolo

En aliaj lingvoj

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.