Malaĥi (profeto)

Malaĥi (... – ...) estis profeto de la Malnova Testamento aktivinta en la 5-a jarcento a.K.. hebree: מַלְאָכִי.

Duccio di Buoninsegna 066
Profeto Malaiĥi de Duccio di Buoninsegna 1308 (Sieno, Muzeo de la katedralo).

Libro de Malaĥi

La libro de Malaĥi la lasta de la bibliaj minoraj profetoj jen laŭ la juda tradicio kiu tradiciigas ke Malaĥi estas ĝuste la sigililo de la profetoj kaj jen laŭ tiu kristana.

Ĝi konstituiĝas per ses samnaturaj eroj: Javeo, aŭ ties profeto, lanĉas aserton, kiu estas diskutata de la popolo aŭ de la sacerdotaro kaj kiu estas disvolvita en parolado en kiu alternas minacoj kaj savaj promesoj. Estas precipe du la temoj kiuj ĝin koncernas: la kultaj kulpoj de la sacerdotaro kaj de la fidelularo kaj la skandalo de divorcoj.

Preskaŭ tute ne ĉeestantas biografiaj datenoj pri la profeto Malaĥi kiu ŝajnas estinti membro de tribo Abulon naskiĝinta en urbo Sofa. Li estus vivinta post la rekonstruo de la Templo de Jerusalemo (520 a.K.), do post la reveno el la babilona ekzilo de 328 a.K. Tiam estis de malmulte forpasintaj la profetoj Ĥagaj kaj Zeĥarja.

En tiu libro, fakte, oni akuzas pri kiom perdis religian sencon la celebroj de la templaj ritoj. Tiusence la profeto denuncas la interesmankan eksterecon de la vizitantoj de la Templo: la profeto invitas scii atendi la renkonton kun la Sinjoro. Fakte, la libro finiĝas per eskatologia vizio kiu anoncas la alvenon de heroldo de Dio kiu distingos la malbonulojn el la veraj fideluloj; en tiu profetaĵo kristanoj vidas anoncon pri la veno kaj predikado de Johano la baptisto.

Malaĥi estas kultata kiel sanktulo ĉe la Katolika Eklezio, kiu lin liturgie honoras la 18-an de decembro, kaj ĉe ĉiuj kristanaj eklezio konfesanta la komuncon kun la sanktuloj.

Duboj pri la ekzisto de profeto Malaĥi

Iuj fakuloj pri Biblio opinias ke neniu profeto kun tiu nomo aperis en la izraela religio. Tiukaze la libro atribuata al Malaĥi estus anonima. Tiuj duboj fontus el la fakto ke Malaĥi signifas mia heroldo kaj ne persona nomo, do ne tiama individua persono. Krome la libro entenas nenian biografian informon aŭ aludon pri profeto.

Aliaj projektoj

KOMUNA: [1]

Eksteraj ligiloj

En aliaj lingvoj

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.