Iago fab Sebedeus

Un o'r deuddeg Apostol oedd Iago fab Sebedeus neu Sant Iago (bu farw 44). Roedd yn fab i Sebedeus a Salome, ac yn frawd i Ioan. Dywedir ei fod ef a'r frawd yn bysgotwyr ar lan Môr Galilea pan alwyd hwy gan Iesu fel disgyblion.

Yn diweddarach, cofnodir yn Actau'r Apostolion i Herod Agrippa ddienyddio Iago a chleddyf. Yn ôl y traddodiad, aethpwyd a'i weddillion i'w claddu i Santiago de Compostela yn Galicia yng ngogledd-orllewin Sbaen. Daeth Iago yn nawdd-sant Sbaen, ac ystyrir Santiago de Compostela gan Gatholigion fel trydedd dinas sanctaidd, ar ôl Jeriwsalem a Rhufain. Mae'r ddinas wedi bod yn gyrchfan boblogaidd i bererinion o'r Canol Oesoedd ymlaen.

Basílica de Santiago 02
Eglwys Gadeiriol Sant Iago, Santiago de Compostela.
Rembrandt - Sankt Jakobus der Ältere
Darlun o Sant Iago gan Rembrandt.
44

1 CC - 1g - 2g 00au CC 00au 10au 20au 30au 40au 50au 60au 70au 80au 90au

39 40 41 42 43 44 45 46 47 48 49

Camino de Santiago

Y Camino de Santiago ("Ffordd Sant Iago") yw'r enw Sbaeneg am rwydwaith o lwybrau ar draws Sbaen, Ffrainc a gwledydd eraill yn Ewrop, yn arwain i ddinas Santiago de Compostela yn Galicia, lle cedwir gweddillion honedig yr apostol Iago fab Sebedeus.

O tua'r flwyddyn 814, gyda darganfyddiad gweddillion yr apostol yn Santiago, a chyda chefnogaeth Siarlymaen, tyfodd Santiago yn gyrchfan boblogaidd dros ben i bererinion ar draws Ewrop. O'r 11g ymlaen, Santiago de Compostela oedd y gyrchfan bwysicaf i bererinion ar ôl Jeriwsalem a Rhufain. Mae'n parhau'n boblogaidd iawn hyd heddiw, yn enwedig y rhan o'r camino francés, "ffordd y Ffrancwyr", sy'n arwain o Roncesvalles yn Navarra ar draws gogledd Sbaen i Santiago de Compostela.

Cyhoeddwyd y Camino yn Safle Treftadaeth y Byd gan UNESCO.

Y Deuddeg Apostol

Disgyblion Iesu oedd y Deuddeg Apostol.

Yr Apostolion yn ôl Efengyl Marc:

Pedr

Iago fab Sebedeus

Ioan, brawd Iago

Andreas

Philip

Bartholomeus

Mathew

Tomos

Iago fab Alffeus

Thadeus

Simon y Canaanead

Jwdas Iscariot

Ieithoedd eraill

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.