Latti

U latti (o latte) hè u liquitu chì hè pruduttu da i ghjanduli mammarii da i femmini di i mammiferi. U latti servi par nutriscia i chjuchi duranti i primi fasi di a so vita.

Milk glass
Un bichjeri di latti

U latti com'è alimentu

Dapoi l'antichità, l'essaru umanu consumma u latti di pecura, di vacca è ancu di capra. 'Ssi tipi di latti di urigina animali sò chjamati à sustituiscia si à u latti maternu.

U latti hè un'emulsioni di materii grassi è d'acqua chì cunteni zucchari, pruteini, sustanzi azutati non pruteichi, sali minerali, vitamini è numarosi enzimi.

Compusizioni di u latti

Compusizioni di u latti animali
Latti di ... % acqua % proteini % lattosiu % grassi % sali Valori energeticu
vacca 87,47 3,51 4,92 3,68 0,74 729 kcal/kg
pecura 82,70 6,10 4,60 5,80 0,80 980 kcal/kg
capra 85,50 4,00 5,00 4,80 0,70 790 kcal/kg

Quandu si parla di "latti", in generali si intendi quiddu vaccinu; ma quiddu di ogni animali t'hà a so compusizioni propria.

Citazioni

Accadi chì u latti fussi mintuvatu in a cultur corsa. par esempiu in i sprissioni:

  • Ùn veda mancu u corbu in u latti: Ùn vedi mancu u corbu in u latti!.
  • surviglià à calchissia com'è u latti annantu à u focu

Da veda dinò

'Ssu articulu hè in custruzzioni. Pudeti cuntribuiscia à a so redazzioni.

Aiacciu

Aiacciu (Ajaccio in liguru ghjinuvesu o Aghjacciu in dialettu aghjaccinu) hè una cumuna di u dipartimentu di a Corsica suttana. A cità di u curallu hè u capilocu amministrativu di a Corsica sana, è ancu di a Corsica suttana. Ci sò 52 880 abitanti (1999) ingrentu à a cità stessa, ma si sò sviluppati dinò i cumuni in lu circondu : Afà, Alata, Bastilicaccia, Appiettu par u più. D'altrondi hè addunita Aghjacciu cù parechji artri cumuni di u rughjun par fundà a "CAPA" (Cumunità d'Agglumerazziun di u Paese Aiaccinu). Si faci chì circa 65 000 parsoni si ne stanu in lu rughjun, è cusì hè u rughjun più pupulatu di Corsica cù quellu di Bastia.

Si ci trova a "Cullittività Tarrituriali di Corsica" (CTC), induv'elli seghjanu l'aletti tarrituriali.

Beduini

I Beduini disignani i nomadi arabi campendu di l'addevu di i capruni, di u picuramu è di i cameddi, par u più in i diserti d'Arabia, di Siria, di u Sinai è di u Sahara. 'Ssa pupulazioni araba di circa 4 milioni di parsoni hè cunniscitoghja da i so lingui è dialetti, a so cultura è a so struttura suciali spicifichi. À i ghjorna d'oghji, solu circa 5 % di i Beduini di u Mediu Urienti sò dinò nomadi, mentri chì uni pochi di Beduini di u Sinai sò dinò mezi nomadi. Par certi Beduini, basta à appartena à una tribù d'urighjini beduina par rivindicà si beduinu, ma par di altri inveci ci voli dinò à fà una vita di nomadi, ciò chì ni escludi i sedintarii.

U nomu " beduini " hè isciutu di badw (البدو) o badawi (بَدَوِي) o à u plurali badawiyoune (بَدَوِيُّون) chì significheghja " abitanti di u disertu " in arabu.

Brocciu

U Brocciu hè una spicialità di a gastrunumia corsa. U brocciu hè classatu com'è Appellazioni d'Origini Cuntrullata (AOC) dapoi un dicretu di u 3 ghjugnu 1998.

U brocciu si pò fà incù u latti di pecura o di capra. U brocciu di pecura hè più grassu ca quiddu di capra. Ùn si pò micca cunsidarà lu cum'è un casgiu, parchì risulta solu di a coagulazione à caldu di u seru (allora chì u casgiu hè dighjà coagulatu), cum'è a "ricotta" taliana.

U brocciu hè fabricatu incù un mischiu di seru (uttanta par centu) è di puricciu (vinti par centu). Si scalda prima u seru, insin'à una temperatura di circa cinquanta gradi. Dopu si salisci u seru è s'aghjusta tandu u puricciu. Si alza tandu a tempratura, par ghjugna fin à sittanta cinqui gradi. U focu devi survigliatu ch'eddu ùn sii micca troppu forti. Tandu u brocciu si forma à pocu à pocu, è si caccia par metta lu in i casgiaghji. Dopu, si lascia ghjilà u brocciu. Si pò mangnà dopu à circa trè ori.

U brocciu frescu hè prisintatu in a casgiaghja. A pruduzzione di u brocciu si face da nuvembre à ghjugnu.

Corbu

U corbu (Corvus corax) hè un aceddu chì faci partita di a famiglia di i Corvidae. Hè neru neru è ancu u bizzicu hè scuru. Pesa sin'à 1,5 kg, par una lunghezza di circa 60 cm. L'apartura di l'ali và da 1 à 1,5 metri. L'adulti formani coppii stabuli, chì si riproducini da frivaghju à maghju. A femina sponi da 4 à 6 ova l'annu, tutti in una cuvata. U corbu hè difficiuli da avvicinà, ma pò essa ussirvatu in picculi bandi o in coppiu, in i loca salvatichi o in i furesti.

Etruschi

L' Etruschi funi un populu di l'Italia antica chì accupava un'aria dinuminata Etruria, currispundenti à l'incirca à a Tuscana, à l'Umbria finu à u fiumu Tibaru è à u Laziu sittintriunali, incù un' estinsioni in Liguria è versu a zona padana di l'Emilia-Rumagna è di a Lumbardia, à parta da l'VIII seculu a.C..

In a so lingua si chjamavani Rasenna o Rasna, in grecu Tyrsenoi (in ionicu è in atticu anticu: Τυρσηνοί, Türsenòi; doricu: Τυρσανοί, Türsanòi, tremindù cù u significatu di "Tirreni" è dopu "Etruschi" o "Tusci", abitanti di a Τυρσηνίη, Türsenìe, "Etruria").A civiltà etrusca, ritinuta da parechji studii com'è discindenti di a cultura villanuviana, fiurì à parta da u X seculu a.C. è fù difinitivamenti inglubata in a civiltà rumana, influinzata da l'etruschi, à u terminu di u I seculu a.C. Stu longu prucessu di cunquista è assimilazioni culturali cuminciò incù a data tradiziunali di a cunquista di Veio par opara di i rumani in 396 a.C..

Focu

U focu hè u risultatu d'una riazzione chimica chì hè chjamata cumbustione. Di manera più generale, u focu si riferisce à un finominu chì produce u lume è/o u calore, ch'ellu pruvenghi o micca d'una cumbustione.

Frassetu

Frassetu hè una cumuna di u dipartimentu di a Corsica suttana. Facia parti di l'antica pievi d'Urnanu, com'è Campu, Quasquara, Santa Maria è Sichè, Azilonu, Ampaza.

U nomu "Frassetu" veni prubabilmenti da u frassu, chì hè abundanti annantu à a cumuna, u nomu di u paesi essendu statu furmatu com'è quiddu d'Ulmetu o d'Alzetu.

I poghji di u paesi sò: a Vaddi, a Cuddetta, Casamattonu (chì in i tempi era Calabrà), Casanova, u Piazzili, Busgiulacciu, Riccineddu, a Vignaccia.

Lattaghja

a Lattaghja: una parsona chì vendi u latti

a Lattaghja: una petra platta annantu à certi casi antichi

Lattaghja (petra)

A lattaghja hè una petra platta chì si trova annantu à certi casi antichi. A lattaghja era piazzata à l'altezza di u capu. Cusì i donni chì purtavani in capu una cerra di latti o d'oliu a pudiani pona senza sforzu annantu a lattaghja.

Lattonu

U lattonu (o lattone) hè una pianta o un arburettu chì faci parti di a famiglia di l'Euphorbiaceae. Hè statu discrittu è dinuminatu da Carl Linnaeus, in u 1753.

Lingua siciliana

A lingua ciciliana (o lingua siciliana) (in cicilianu sicilianu) hè a lingua rumanica di l'isula di Sicilia. Hè una lingua appartinendu à u gruppu di i lingui rumanichi di a famiglia di i lingui induauropei. In un sensu rigurosu, 'ssu terminu disigna u cicilianu di Cicilia è i so diversi dialetti, mentri chì in un sensu largu, a parsona si riferisci à u gruppu linguisticu cicilianu cumprindendu u cicilianu di Cicilia, u calabresu centrumeridiunali, u salentinu è ancu u cilentanu miridiunali.

U cicilianu ùn faci l'ughjettu di nisciuna prutizzioni rigulamentaria, ùn essendu micca minziunatu frà i lingui prutetti da a leghji di u 15 di dicembri di u 1999 annantu à i " Reguli in materia di prutizzioni è di difesa di i minuranzi linguistichi storichi ".

Naiadi

I Nàiadi - figuri di a mitulugia greca (Ναϊάδες da u grecu νάειν, "scurra" è νἃμα, "acqua currenti") - erani i ninfi chì presidiani à tutti l'acqui dulci di a terra è pussidiani facultà varitrici è prufetichi; sò essari di sessu feminicciu, dutati di una longa vita, sippuri murtali. Si distinguini:

i Potameidi, ninfi di i fiuma.

i Pegei, ninfi di i surghjenti.

i Crenei o Creniadi, ninfi di i funtani.

i Limniadi, ninfi di i lava.

l'Eleadi, ninfi di i paduli.A so urighjina variighja monda sighi sicondu i mitugrafi sighi sicondu i lighjendi. Omeru, par asempiu, si riferisci à iddi chjamendu li "Figli di Zeus". In altrò sò liati à a sterpa di Uceanu. Più suventi sò simpliciamenti figli di u diu di u fiumu ind'iddi stani. Qualunqua fussi a so

urighjina hè quantunqua certu chì i Naiadi sò parsunaghji familiari à l'imaginazioni ellinistica. Infatti non solu ogni corsu d'acqua aia una Naiadi assuciata ma 'ssi parsunaghji erani monda à spissu ancu usati par spiigà parichji finomini, acquistendu cussì una funzioni monda impurtanti in i lighjendi lucali.

Si cridia ch'iddi aviani puteri curativi: i malati biiani l'acqua di i so fonti o ci si immerghjiani drintu, ancu s'è più raramenti. St'attu era, infatti, cunsidaratu sacrileghju è si pudia risicà di subiscia a colara è a vindetta di i dei, chì si manifistaiani suttu forma di malatii particulari. À Roma, Neronu, dopu à essa si immersu in a fonti di a Marchja, fù coltu da una paralisia è una frebba chì ùn l'abbandunàni ch'è parichji ghjorna dopu.

U cultu di i Naiadi - chì erani cunsidarati divinità benefichi di a saluta - ebbi una diffusioni maiò frà i campagnoli, chì l'onuraiani incù offriti di fiora, frutta è latti.

Sò distinti da i divinità acquatichi, chì ripprisintaiani listessi fiuma, è da l'antichissimi spiriti chì staiani in l'acqui tranquilli di i paduli, di i stagni è

di i laguni o di i lavi, com'è par Lerna in l'Argolide. I Naiadi sò assuciati incù l'acqui frischi, com'è l'Uceanini par l'acqui salati è i Nereidi di u Mari Tarraniu; ma apposta ch'è i grechi pinsaiani chì l'acqui di u mondu custituisciani un unicu sistemu, chì pinitraia da u mari in i prufondi spazii

cavirnosi di a terra, ci hè stata à volta calchì suprappusizioni. Aratusa, a ninfa di una surghjenti, era capaci di spariscia à traversu i currenti suttarranii di u Pilupunnesu par riaffiurà dopu da calchì parti in Sicilia.

Pani biscottu

U pani biscottu hè pani chì hè statu cottu dui volti. U pani biscottu hè par metta in u caffè, in a tisana o in u latti. In u Sartinesu, hè ancu chjamatu u ruzzicheddu.

Sahara

U disertu di u Sahara (da a parola araba الصحراء, sahrāʾ, "disertu") hè u più vastu disertu caldu di a Terra, incù una superficia di 9 000 000 km². Attravirsatu da u Tropicu di u Cancaru (23° 27′ latitudina nordu), si trova in l'Africa sittintriunali, trà 16° di longitudina punenti è 35° longitudina livanti.

Sprissioni corsi

I sprissioni corsi (o espressioni corse) sò una cumpunenti impurtanta di a lingua è di a cultura corsa. Parti è più di i sprissioni corsi sò usati in tutti i parti di l'isula, in Pumonti com'è in Cismonti. Ma uni pochi sò lucali è specifichi di tali paesi o tali righjoni di l'isula.

Tantazioni di Sant'Antonu

A Tantazioni di Sant'Antonu (o Tentazione di Sant'Antone) hè un tritticu di u pittori di i Paesi Bassi Ghjirolmu Bosch, attualmenti espostu à u Museu Nacional de Arte Antiga di Lisbona (Portugallu). U tritticu di a Tantazioni di Sant'Antonu hè una pittura à oliu chì u so panneddu cintrali misura 131,5 x 119 cm è i panneddi laterali 131,5 x 53 cm.

Titu Liviu

Titu Liviu, di u quali a casata hè scunnisciuta (Patavium, 59 à.C. – 17 d.C.), hè statu un storicu rumanu, autori di una munumintali storia di Roma, l' Ab Urbe Cundita libri CXLII, da a so fundazioni (tradiziunalamenti datata 21 aprili 753 à.C.) finu à a morti di Druso, figliastru di Augustu in u 9 a.C.

Variità taravesa di a lingua corsa

A variità taravesa (o varietà taravese) di a lingua corsa hè una di i variità principali di corsu.

Vociaru di Nunziola

U Vociaru di Nunziola (o Voceru di Nunziola) hè un vociaru di Corsica. Issu vòciaru hè urighjinariu di u Pumonti. Hè statu publicatu in i Canti populari corsi dui Salvatore Viale (1855). Canta Nunziola dopu à a morti di u so maritu, chì si chjamava Petru Francescu.

In altre lingue

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.