David Ricardo

'Ssu articulu hè in custruzzioni. Pudeti cuntribuiscia à a so redazzioni.

Portrait of David Ricardo by Thomas Phillips

David Ricardo, natu u 18 aprile 1772 è mortu u 11 septembre 1823, economistu inglese di u seculu 19, hè unu di l'economisti i più influenti di a scola classica, accant'à Adam Smith è Thomas Malthus. Fù ancu agente di scambiu è diputatu.

Biografia

David Ricardo diputatu

Teoria economica

Ricardo - Opere, 1852 - 5181784
Works, 1852

Opposizione à u pruttezionisimu

David Ricardo hè favurevule à u libaru-scambiu. Cume diputatu, lotta contr'à e «Corn Laws».

Seguente Ricardo, chì dicendu quessa s'oppone à i mercantilisti, u cummerciu internazionale ùn hè micca à somma nulla.

Teoria di l'avantaghji comparativi

Avanza, pè ghjustificà u libaru-scambiu, a teoria di l'«avantaghju cumparativu» : ogni nazione hà un interessu à specializà si ind'a produzzione duv'ella hè avantaghjata, o duve ci hè u minimu disavantaghju riguardu à l'astre nazione.

Da un esempiu famosu, in u capitulu VII di i Principii di l'economia pulitica è di l'impostu, cù u scambiu di vinu è di drappu tra l'Ingliterra è u Portugallu. Cù un numaru datu d'ore di travagliu, u Portugallu produce 20 metri di drappu è 300 litri di vinu, mentre l'Ingliterra produce 10 metri di drappu è 100 litri di vinu. L'Ingliterra pare dunque disavantaghjata in tramindui produzzione. Pertantu, Ricardo mostra chì l'Ingliterra hà interessu à specializà si ind'a produzzione di drappu, duve pussede un avantaghju cumparativu, postu chì cù 10 metri di drappu, ottenerà 150 litri di vinu portughese (contru 100 ind'ella). U Portugallu, ellu, deverà specializà si in a produzione di vinu, postu chì u scambiu cù l'Ingliterra di 300 litri di vinu li permitara d'ottene 30 metri di drapu inglese contru 20 di drappu portughese. L'Ingliterra pussede un avantaghju cumparitivu ind'à a produzzione di drappu mentre u Portugallu pussede un avantaghju assolutu.

L'analisa di Ricardo mostra cusì chì a specialisazione fundata sopra avantaghji cumparativi permette una crescita di e produzzione (in l'esempiu quì sopra : un aummentu di tramindui produzzione : quella di drappu cume quella di vinu). In u so modellu, esiste sempre una combinazione di prezzi chì permette chì u libaru-scambiu sia sempre profitevule à i dui paesi. U scambiu internaziunale hè dunque un ghjocu à somma positiva.

A rendita

A posterità

L'idee di David Ricardo anu avutu un' influenza trimente annantu à u sviluppu posteriore di l'economia. Cu i so argumenti assai logichi, hè diventatu u babbu fundatore di l'economia politica classica. Schumpeter ancu creò una sprissione parlendu di «viziu Ricardianu» [1], chì vole dì ch'una logica teorica rigurosa ùn face micca sempre una bona teoria economica.

A critica

Ci sò assai critiche contr'a teoria di Ricardo.

Una hè chì a maiò parte di i scambii internaziunali si facenu ind'è a stessa rama: (Nokia face i stessi telefoni in Finlandia, pè esempiu, ch'è HTC in Taiwan)

Un'astra critica hè quella svilupata ind'a teoria Heckscher-Ohlin di i scambii internaziunali. Elli dicenu chì un paese và à specializà si in ciò chì pussede in più grande quantità. Cusì, i paesi povari si specialiseghjanu in «capital saving» (impieganu pocu capitale, ma avenu assai manu d'opera), è i ricchi in «labour saving» (u cuntrariu).

Opere

   * The High Price of Bullion, a Proof of the Depreciation of Bank Notes (1810), chi promove una muneta metallica.
   * Essay on the Influence of a Low Price of Corn on the Profits of Stock (1815), scontr'à e «Corn Laws».
   * On the Principles of Political Economy and Taxation (1817).

Rifirementi

  1. http://www.investopedia.com/ask/answers/08/ricardian-vice.asp
Emblem-money.svg
Economia
Economisti cunnisciuti Emblem-money.svg
Economia

Jean Baptiste Colbert - François Quesnay- Adam Smith- Thomas Malthus- David Ricardo- Jean Baptiste Say- Karl Marx- Frédéric Bastiat - Léon Walras- Carl Menger - John Maynard Keynes- Károly Polányi- Friedrich von Hayek- Nikolai Kondratieff- János Harsányi- Kenneth Arrow- Amartya Sen- Michel Aglietta - Joseph Stiglitz - Paul Krugman

Adam Smith

Adam Smith (5 ghjugnu 1723 - 17 lugliu 1790) hè un filosofu è economistu scuzzese di e Lume. Ferma ind'a Storia cume u babbu di a scenza economica muderna, è a so opera principale, a Richezza di e Nazione, hè unu di i testi fundatori di u liberalisimu economicu. Prufessore di filosofia morala ind'è l'università di Glasgow, cunsacra 10 anni di a so vita à 'ssu testu chì inspirerà i grandi economisti seguente, quelli chì Karl Marx chjamara «classichi» è chì puneranu i grandi principi di u liberalisimu economicu.

A maiò parte di l'economisti cunsideranu Smith cume u «babbu di l'economia politica». Pertantu, qualch'uni, cume Joseph Schumpeter, solu u cunsiderevana cume un autore minore, postu chì, seguente elli, a so opera ùn comporte micca idee originale

Ecunumia

Un esisti micca una difinizioni unica di l'ecunumia. Parechji difinizioni poni essa mintuvati:

a scenza chì studieghja a crescita o a calata di l'offerta è di a dumanda.

u studiu di i mezi matiriali d'esistenza di l'esseru umanu

u studiu di a pruduzzione, di a distribuzione è di a consummazione di i bè è di i sirvizii

u studiu di i sistemi di scambiuE discipline principale di l'ecunumia sò:

l'Ecunumetria

l'Ecunumia bancaria

l'Ecunumia di a cultura

l'Ecunumia di u travagliu

l'Ecunumia di u sviluppu

l'Ecunumia industriale

l'Ecunumia internaziunale

l'Ecunumia munitaria

l'Ecunumia pulitica

a Macroecunumia

u Marketing

a Microeconumia

a Scenza finanzaria

a Storia ecunomica

François Quesnay

François Quesnay (4 ghjugnu 1694, 16 dicembre 1774) fù un economistu francese di a scola di i fisiocrati. Hè cunnisciutu pè avè publicatu u "Tableau Économique" (Tavulone Economicu) in 1758, chi pose e base di l'idee fisiocrate. Era ancu prubabilmente a prima prova di fà u riassuntu di u funziunamentu di l'economia di manera glubala, è analitica. Hè dunque una contribuzione maiò à u pinsamentu economicu.

John Maynard Keynes

John Maynard Keynes (5 ghjugnu 1883 - 21 abrile 1946) hè un economistu britannicu di notorietà mundiale, ricunnisciutu cume fundatore di a macroeconomia muderna. U keynesianisimu, a nova economia keynesiana, u neu-keynesianisimu o u post-keynesianisimu sò currenti di pinsamentu esciuti da l'opera di Keynes.

Consideratu cume unu di più influenti teoriciani di l'economia di u seculu 20, Keynes participò à a Conferenza di Pace di Versaglia à a fine di a Prima guerra mundiale è à l'accordi di Bretton Woods. À propositu di a Conferenza di Versailles, hè cunnisciutu ancu pè a redazzione d'un libru annant'à ella, intitulatu E consequenze economiche di a pace, publicatu in u 1919.

Karl Marx

Karl Heinrich Marx, natu u 5 maghju 1818 in Trier (Alemania) è mortu u 14 marzu 1883 in Londra, era un filosofu, economistu è teoricianu socialistu è communistu alemanu.

Hè cunnisciutu pè a so cuncezzione materialista di a storia, pè a descrizzione di u capitalisimu, è pè a so attività revoluzionaria a mez'à organisazione operaie in Auropa (hà participatu à l'Associu Internaziunale di i Travagliatori). Ebbe una grande influenza nant'u sviluppu posteriore di a sociologia.

Károly Polányi

Károly Polányi (natu in Vienna u 25 ottobre di u 1886 è mortu in Toronto u 23 aprile 1964) fù un storicu di l'economia è intelletualle ungrese, cunnisciutu pè u libru : A Grande Trasformazione.

Léon Walras

Marie-Esprit-Léon Walras (natu u 16 di decembre di u 1834 in Évreux, è mortu u 5 di ghjennaghju di u 1910 in Clarens, Svizzera) fù un economistu francese associatu cù a creazione di a teoria di l'equilibriu generale.

Fù consideratu da Joseph Schumpeter cumu unu di i più grandi economisti.

Ebbe una influenzia maiò, ancu dopu a so morte, sopr'è economisti cumu Kenneth Arrow è Gérard Debreu, chì anu anch'elli travagliatu nant'a teoria di l'equilibriu generale (è anu ricevutu u Prezzu Nobel pè quesse ricerche).

Thomas Malthus

Thomas Robert Malthus, natu circ'à Guildford (Surrey) u 13 di ferraghju 1766, è mortu in Bath u 23 dicembre 1834, hè un pastore anglicanu è economistu britannicu di a scola classica. Hè sopratuttu cunnisciutu pè a so opera nant'u prublemu di i rapporti tra a a populazione è a produzzione, analisati ind'una perspectiva pessimista, totalmente opposta à l'idea smithiana d'un equilibriu armuniosu è stabile.

U so nome ha datu ind'u linguagiu currente l'aghjettivu «maltusianu» pè caracterisà un statu di spiritu conservatore chi s'oppone à l'investimentu è teme a rarità, è pè caracterisà una dottrina, u maltusianisimu, favurabile à una politica attiva di controlu di a crescenza di a populazione.

In altre lingue

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.