Españót

Españót (Español) i lengguahen i man españót, i taotao natibu giya España. Sumasaonao este na lengguahe gi ayu na familian lengguahe i mafanana'an yan palabran españot.

Fetnando Magallanes

Fetnando Magallanes (gi fino' Españót Fernando de Magallanes), Pottugés na nabegånte para i koronan Españót. Guiya i deskubridot Islas Carolinas, Islas Mariånas, Palaos, yan Filipinas. Mafañågu gue' gi sakkan 1480 giya Pottugat ya måtai gi sakkan 1521 giya Filipinas.

Fino' Chamoru

Fino' Chamoru (Españót: Chamorro) i lengguahen i man chamoru, i taotao natibu giya Mariånas (Notte Mariånas yan Guåhån). Fuera di Mariånas, meggai na man chamoru ni mañasaga gi Estados Unidus siña manfino'chamoru.

Sumasaonao este na lengguahe gi ayu na familian lengguahe i mafanana'an Austronesian yan palabran españot. Guåha kasi 50,000 para 75,000 siña manfino'chamoru.

Giya Guåhån, chamoru i ofisiat na lengguahe, sumiha yan engles. Giya notte Mariånas, chamoru unu gi ofisiat na lengguahe (i otru engles yan Fino' Karolinas).

Guåhån

Gaige islan Guåhån (Engles: Guam; Españót: Guaján) gi mås yahåyaya gi kadenan Marianas ya guiya mås dångkolu entre todu i isla yan úniku minantietieni ni Estados Unidos desde 1898 na sakkan. Mafa'nana'an i isla "Tollai Amerika asta guatu Asia" sa' put i minåolek pusisión-ña gi yeogråfiku yan ekonomia. Ma tatáncho' este na isla kåsi 9700 (nuebi mit siete sientos) kilumetro gi ge'lichan San Francisco, 6000 (sais mit) kilumetro ge'lichan låo sumanhaya patte gi ya Honolulu, 2400 (dos mit kuatro sientos) kilumetro gi hayan i kattan Tokyo, 3400 (tres mit kuatro sientos) kilumetro kattan sanhayan Hong Kong yan 2400 (dos mit kuatro sientos) kilumetro gi kattan Manila.

550 (kinientos sinkuenta) kuadrao kilumetro mineddong-ña Guåhån ya kåsi 50 (sinkuenta) kilumetro anåkko'-ña yan sais asta kinse kilumetro finedda'-ña gi talo'. Pinetma ni botkanu i sanhaya na patte ya i attura-ña kåsi 400 (kuatro sientos) metro linekka'-ña. Finetma i talo' yan sankattan na patten i isla ni acho' afok ya i kantít-ña siha pumoddong papa' esta i kanton unai.

Manestaba esta i manChamorru gi islan Guåhån antes di manhalom i Españót gi 1600 na siklo despues di finatton Fetnando Magallanes. Annok gi manatatte na infotmasión na kasse siña' mås di tres mit kinientos maloffan na tiempo na manggaige i manChamorru gi kadenan Mariånas låo ti ma tungo' amanu na gaige i hale'-ñiha pat tinituhon-ñiha este na rasa.

Gi otru na lengguahe siha

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.