Parrez (relijion)

  • Ur pennad parrez zo ivez, diwar-benn sterioù all ar ger.

Ur barrez (pe parrouz e Treger) a zo, er broioù kristen, ur gumuniezh tud war un dachenn douar bodet en-dro d'un iliz, a zo kreiz ar vuhez relijiel, renet gant ur beleg anvet person.

Istor

Da gentañ e oa ur gumuniezh kristenien hepken.

Rann diazez an Ilizoù kristen eo ar barrez (liester : parrezioù). Savet diwar ar ger gresianek kozh parrochia eo bet pa oa gresianeger darn-vuiann ar gristenien e derou an Iliz kristen kentañ e kantvedoù kentañ an hoalad kristen (Iañ ha IIvet kantved). Chomet eo rann diazez an Iliz katolik betek ar blavezioù 1980. Chom a ra hini an ilizoù protestant er bed a-bezh.
E meur a vro eo chomet ar ger parrez (parish e saozneg ha paroisse e galleg ar C'hebek evit ar rann melestradurel diazez er maezioù ha n'eo ket mui ur rann relijiel.

Ar barrez katolik e Breizh

Ur framm evit ar vuhez kevredigezhel eo chomet ar barrez e maezioù Breizh ken eo bet implijet ar ger parrez evit ar gumun er-maez eus ar gerioù (ma oa meur a barrez enno). Hiziv e vez graet muioc'h-muiañ gant ar ger kumun, nemet gant brezhonegerien ar bobl.
Hiziv a vez bodet ar parrezioù evit sevel ar bodad parrezioù (groupement paroissial e galleg).
Ma oa belein ar barrez mistri war ar vuhez relijiel, strollel ha personel e veze e pep parrez kuzul ar fablig evit merañ savadurioù ha douaroù ar barrez. Ar fabligien pe ar flabiked (fabriciens e galleg) a veze graet eus ar guzulierien. Ar fabrik a oa e garg pennañ dastum arc'hant evit ma vo savet ha kempennet an iliz-parrez hag ar chapelioù. Alies e veze kuzulioù ar fabrik evit pep a chapel trev.
Kontaouer ar fablig a oa ar prokulor (fablig) e anv (marguillier e galleg).

Parrez

Ur barrez (parrouz e Treger) zo ur rann eus ar vro, ha diazez istorel an Ilizoù kristen. Hogen sterioù all zo d'ar ger, hervez ar vro hag an amzer.

Parrez (relijion), rann diazez ar vuhez relijiel ha kevredigezhel er gristeniezh. E Breizh eo deuet ar barrez da vezañ ur gumun.

Parrez (melestradurezh), rann velestradurezhel e broioù zo:

e Jerzenez ha Gwernenez

en Asturias ha Galiza,

e Portugal (freguesia)

e Louiziana

e Jamaika.

Yezhoù all

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.