Jakez, mab Zebedea (abostol)

Jakez an Henañ pe ar C'hoshañ (hebraeg: יעקב בן־זַבדַי‎ Ya'akov Ben-Zebdi; aramaeg: Ya'akov Bar-Zebdi; gresianeg: Ἰάκωβος; spagnoleg: Santiago el Mayor, Santiago Matamoros), zo unan eus an daouzek abostol o deus heuliet Jezuz Krist, ha « Jakez, mab Zebedea » , a vez graet anezhañ en Testamant Nevez. Mab eo da Zebedea eta ha da Mari Salome.

Breur henañ an abostol Yann eo, ha Jakez an Henañ, pe ar C'hoshañ a vez lavaret anezhañ abalamour da se, hag evit lakaat kemm etre eñ hag an abostol all « Jakez mab Alfe ». Eus Jakez hag e vreur Yann e vez graet ar Boanerges anezhe o-daou er Bibl, da lavaret eo « Mibien ar gurun » (Mazhev IV:21-22).

E-touez ar re gentañ eus an Ebestel e oa, hag unan eus ar re dostañ da Jezuz. Gant Pêr ha Yann e oa er mareoù a-bouez, da vare an treuzneuziañ war Menez an Olivez ha da goulz e varv.

Lakaet eo bet da sant gant an Iliz katolik.

Albrecht Dürer 008
Sant Jakez an Henañ, hervez Albrecht Dürer e 1516
Rembrandt - Sankt Jakobus der Ältere
Sant Jakez an Henañ, hervez Rembrandt e 1661

Jakez ha Santiago

Santiago a-enep an Islam

SantiagoMatamoros
Delwennig da Santiago Matamoros en Carrión de los Condes.

Gant ar roue Alfonso hag e warlerc'hidi e voe troet an abostol da arouez er brezel a-enep an islam, evel-se eo ganet mojenn ar Santiago Matamoros, Sant Jakez lazher Mored, a veze brudet a-hed Hent Sant Jakez.

Er bloaz 859 e lavaras ar roue Ordoño Iañ Asturiez e oa bet trec'h war ar Vored en Emgann Clavijo abalamour m'en doa gwelet Santiago Matamoros.

Levrlennadur

  • Abad Georges Berson, Avec saint Jacques à Compostelle ISBN 2-220-05603-1
  • Ferdinand Soler, Guide pratique du Chemin de Saint-Jacques de Compostelle ISBN 2-84454-334-0

Voir aussi

{{commons|Category:Saint James the Great|Saint Jacques le Majeur}

Yezhoù all

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.