Insiklupidia

Insiklupidia (bahasa Indonesia: Ensiklopedia) adalah karya referensi atawa ringkasan nang manyadia-akan rangkuman informasi matan sabarataan cabang pangatahuan atawa matan bidang tertentu. Insiklupidia tabagi dalam artikal atawa entri nang rancak disusun manurut alfabet wan bahanu ulih kategori tematik. Artikal insiklupidia tapanjang wan tarinci daripada kamus nang paling banyak sekalipun. Sacara umum, kada kaya entri kamus nang bapokus pada informasi linguistik tentang kata-kata, kaya makna, pangucapan, pamakaian, wan bantuk gramatikal, artikal insiklupidia bapokus pada informasi faktual mengenai subjek nang disabutakan dalam judul artikal.

Insiklupidia sudah ada salawas kikira 2.000 tahun nang asalnya wan sudah ba-evolusi matan wayah itu sampai bahasa (ditulis dalam bahasa internasional atawa bahasa vernakular), ukuran (babarapa atawa banyak volume), maksud (presentasi matan pangatahuan global atawa jangkauan pangatahuan tabatas), persepsi budaya (latar balakang, kakatujuan, kelayakan, kamampuan), wan teknologi nang tasadia sagan produksi wan distribusi (manuskrip tulisan tangan, halus atawa ganal), persepsi budaya. Sebagai sumber informasi tapercaya nang dikumpulakan ulih buhan ahli, versi cetak banyak dihaga di parpustakaan, sakulah wan institusi pandidikan nang lain. Munculnya versi digital wan open source di abad ka-20 sudah maluasi jangkauan aksesibilitas, kepengarangan, pambaca, wan variasi entri insiklupidia wan manakunakan gagasan tentang insiklupidia wan relevansi penerapan pada produksi dinamis kaya tradisional.

Truth in Numbers?

Truth in Numbers? Everything, According to Wikipedia (bahasa Banjar: Kanyataan dalam Satuan Angka? Sagalanya, Manurut Wikipidia) adalah sabuting pélém dokuménter Amérika Sarikat tahun 2010 nang ma-ambahi sajarah wan dampak budaya matan Wikipidia, sabuting insiklupidia dalam jaringan nang kawa dibabak atawa disunting ulih pamakai. Pélém ngini manarai manjawab patakunan apakah wastu para pakar nang saharusnya ditugasakan manyunting insiklupidia atawa sabarataan urang sabujurnya gin kawa manggawinya. Dalam pélém ngini dijalasakan sajarah wan latar balakang matan Wikipidia disartai kumintar matan pandiri Wikipidia Jimmy Wales wan Larry Sanger. Babarapa pangumintar lain gin mancungul dalam pélém ngini, nangkaya éditor The Washington Post Len Downie, jurnalis CBS Bob Schieffer, bakas pamimpin éditor Encyclopædia Britannica Robert McHenry, wan bakas diréktur Badan Intélijén Pusat James Woolsey. Pélém dokuménter ngini gin jua mambahas paristiwa nang badampak kada baik hagan Wikipidia, maliputi kontrovérsi Essjay wan kontrovérsi biografi Wikipidia.

Gagasan pélém dokuménter ngini disusun didasari pada saran matan produser pélém Michael Ferris Gibson, nang ma-ulah pélém 24 Hours on Craigslist. Gibson mahubungi sutradara Nic Hill, wan mambiayai parjalanannya hagan maumpati Jimmy Wales ka saluruh dunia. Paulahan pélém dimulai pada bulan Agustus 2006 sawayah konférénsi Wikimania 2006. Hill malakukan parjalanan ka Cina, Indunisia, India, Afrika Salatan, Australia, wan Eropa hagan mawawancarai panyumbang/kontributor Wikipidia. Scott Glosserman gin umpat dalam paulahan pélém ngini dalam mambariakan ampahan kréatif. Tim produksi mamusatakan gawian buhannya hagan manjawab bagaimana cara Wikipidia manampaiakan kanyataan.

Pélém ngini panambaian diulai pada konférénsi Wikimania 2010 di Gdańsk pada bulan Juli 2010. Limbah nintu, pélém ngini diulai di Musium Télévisi wan Radio New York City pada bulan Uktubir 2010, wan di Teater Trutees Uniparsitas Sani wan Disain Savannah sabagai hagian matan Féstival Pélém Savannah pada 3 Nupimbir 2010. Di Indunisia, pélém ngini jua diulai di Pasific Place Jakarta pada 28 Juli 2012 ulih Wikimédia Indunisia.

Truth in Numbers? mahaga sambutan positif matan panulis Ted Leonsis dalam blognya, Daniel D'Addario liwat ulasannya dalam publikasi AOL Urlesque, wan Carlos Serrano dalam liputan Féstival Pélém Savannah.

Tungkaran Tatambaian

Badapat Pulang di Wikipidia, sabuting insiklupidia bibas. Situs insiklupidia bibas ni ulahan Wikimedia Foundation nang Babasa Banjar. Artinya, Basa Banjar tamasuk basa di Pulau Kalimantan nang panambaian ada di Wikipidia.

Wikimedia Foundation

Wikimedia Foundation Inc. atawa Yayasan Wikimedia adalah urganisasi pusat matan Wikipidia, Wiktionary, Wikiquote, Wikibooks, Wikisource, Wikispecies, Wikiversity sarta rangka-rangka gawian kulaburatip Meta-Wiki. Wikimedia marupakan urganisasi nirlaba nang barada di bawah undang-undang Florida, Amirika Sarikat. Kabaradaannya sacara rasmi dicanangkan ulih CEO (direktur) Bomis wan salah satu pandiri Wikipidia, Jimbo Wales pada tanggal 30 Juni 2003. Ngaran "Wikimedia" ditatapakan ulih Sheldon Rampton dalam posting milis WikiEN-l pada bulan Marat 2003. Dudinys ngaran domain wikimedia.org wan wikimediafoundation.org didapatakan gasan yayasan Wikipidia ulih saurang panyumbang/kuntributor, Daniel Mayer.

Tujuan yayasan ini adalah manyukung parkambangan pangatahuan bibas, rangka-rangka gawian nang didasari pada WikiWiki wan manyadia'akan isi daripada rangka gawian ini kapada khalayak ramai sacara bibas wan payar haja (gratis), kadada iklan.

Wikipidia

Wikipidia (pengucapan: Wi·ki·pæ·di·a atau Wi·ki·pi·di·a) adalah rangka gawian/proyek insiklupidia multibahasa dalam jaringan nang bibas wan tabuka, nang dijalanakan ulih Wikimedia Foundation, sabuah urganisasi nirlaba nang bamarkas di Amerika Serikat. Ngaran Wikipedia barasal matan gabungan kata wiki wan encyclopedia. Wikipidia dirilis pada tahun 2001 ulih Jimmy Wales wan Larry Sanger, wan damini marupakan karya referensi paling ganal, lakas barkambang, dan populer di Internet. Rangka gawian Wikipidia batujuan hagan mangumpulakan saluruh ilmu pangatahuan manusia.

Wikipidia bahasa Indunisia

Wikipidia Bahasa Indunisia (basa Indunisia: Wikipedia Bahasa Indunisia, rancak disingkat WBI) adalah versi basa Indunisia matan insiklupidia Wikipidia sabagai insiklupidia nang hingkat dibabak bibas ulih siapa haja nang tadapat dalam jaringan internet.

Wikipidia basa Banjar

Wikipedia basa Banjar adalah insiklupidia online Wikipidia versi basa Banjar wan marupakan hagian matan Wikipedia Indonesia. Wikipidia basa Banjar umumnya maumpati paraturan-paraturan dasar Wikipedia bahasa Indonesia. Wikipidia basa Banjar diluncurakan gasan publik oleh komite bahasa komunitas Wikimedia pada tanggal 17 Uktubir 2010.

Dalam basa lain

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.