Londres

Londres an kapitolyo kan Inglaterra asin Reyno Unido. An pangaran kaini hale sa sarong gurang asin (sa enot na panahon, sadit) na banwa na timinubo sa gilid kan salog na Tamesis. Pero sa ngonyan na panahon, an muyang sabihon kan Londres sarong dakolang metropolong Europeo na sakop an mga dating manlaenlaen na banwa asin ciudad.

Mga sobrang duwang ribong taon na an Londres na banwang importante. Ngunyan ini an sarô sa pinakámakusog na sentro kan negosyo, pinansya asin kultura sa enterong kinàban asin an inpluwensya kaini sa politiko, edukasyon, osyo, prensa, moda, asin mga arte ay nagtatabang sa pagkagibo kaini na sarong ciudad na pankinaban (global city).

An Londres an pinaká matawong ciudad sa Union Europea. Sa taon na 2007, mga 7.7 milyon na katawo an nakaistar sa laog kan mismong Londres sana. Kung tutuusun an enterong lugar na palibot (metropolitan area) maabot sa 14 milyon an nakairog didgi.

An Londres sentrong pankinaban kan mga transporte. Igwa didging limang panlayogan na internasyonal asin sarong dakolang puerto. An panlayogan kan Heathrow ay an pinakámaigos (busiest) na panlayogang internasyonal sa kinàban. An London Underground ay an pinaká dakolang sistemang tren na panciudad sa enterong Europa.

Mayor na destinasyon ining cuidad para sa mga turista. An pinika bistong monumento digdi ay an Houses of Parliament, Tower Bridge, an Torre nin Londres, Westminster Abbey, Palasyo nin Buckingham asin an London Eye. An pinaká bistong museo an British Museum asin an National Gallery. An salog na Tamesis ay nagbubulos (flows) hale sa sur-sunlopan pasiring sa subangan.

London collage
Tarag'ning ladawan kan Londres
London (European Parliament constituency)
Mapa kan Reyna Unido pinapaheling kun saen an kinamomogtakan kan Londres

Heograpiya asin Klima

An klima nin Londres ay templado asin an kauranan (precipitation) sadit sana an pagkaiba sa mga bulan kan taon. An pinaká mainit na bulan ay Hulyo asin Agosto. An temperatura kaini ay hale sa 13.6C abot sa 22.8C. Enero asin Pebrero an pinakámaliput na bulan na may temperatura na hale sa 2.4C abot sa 7.9C. An pinakámainit na aldaw na narehistro sa enterong istorya kan Londres sa 10 nin Agosto, 2003 ta nagabot sa 38.1C an temperatura. An pinakámalipot na aldaw ay sa 26 nin Enero, 1795 ta bumaba an termometro sa (menos) -21.1C.

Allen, Northern Samar

An Allen sarong ikalimang klase banwaan na namumugtak sa probinsya nin Northern Samar, Filipinas.

Igwa ining sukol na 47.60 kilometro kwadrado na kadagaan asin namumugtak sa inot na distrito. Sosog sa sensus kan 2015, igwa ining 25,469 katawo.

An designadong zip code kaini iyo 6405.

Asyanong Karawat

An Asyanong Karawat, inaapod man na Asyad, sarong karawat na piggigibo lambang ikaapat na taon kan mga atleta sa enterong Asya. An karawat pigpapadalagan kan Olimpikong Konseho kan Asya (OCA) sa irarom kan superbisyon kan Internasyunal na Olimpikong Komite (IOC). Mga medalya an pigtatao sa lambang event: bulawan para sa enot na pwesto, pirak sa ikaduwa, asin bintig sa ikatolo. Tradisyon ini na nagpoon kan 1951.

Ipiglalaog kan Nasyunal na Olimpikong Komite (NOC) an maralaban tangarig irepresentar an saindang nacion.

An enot na Asyanong karawat piggibo sa Delhi, Indya kan 1951 na naging host man kan 1982.

Carlos II kan Inglaterra

Si Carlos II (Palasyo kan St. James, Londres, 29 Mayo 1630 - Palayo kan Whitehall, Londres, 6 Pebrero 1685) hade kan Inglaterra, Escocia asin Irlanda. Siya hade kan Escocia poon 1649 sagkod pagkahale sa pwesto kan 1651, asin hade kan Inglaterra, Escocia asin Irlanda poon 29 Mayo kan 1660 sagkod sa saiyang pagkagadan.An saiyang ama, si Carlos I, pinagbitay sa Whitehall kan 30 Enero 1649 kan nagputok an Gera Sibil Ingles. Maski ngane an Parlamento kan Escocia pigprokalamar kan 5 Pebrero 1649 na hade si Carlos II, mismo an Inglaterra nag'agi sa periodong inapod na Kumonwelt asin an nasyon nagin republikang de facto, pinamayohan ni Oliver Cromwell. Sa Batalya nin Worcester kan 3 Septyembre 1651, nadaog ni Cromwell si Carlos II asin ini duminulag pasiring dagang Europa kun saen nagpalipot-lipot ngona nin siyam na taon. Si Cromwell nagin diktador na haros kan Inglaterra, Escocia asin Irlanda. Alagad kan magadan si Cromwell kan 1658, nagka-krisis sa Inglaterra asin nagresulta sa pagbalik kan monarkiya. Si Carlos II inagda na magbalik sa Inglaterra. Kan 29 Mayo 1660, sa ika-30 niyang kamundagan, si Carlos II rinisebi sa Londres sa maogmang pagsabat. Sa pagkatukaw niya giraray komo hade, an gabos na dokumento pinagpetsahan na garo mansana baga siya tolos nagsalida sa saiyang ama poon kan taon 1649.Nagadan si Carlos II sa edad na 54 na pighuruna kan panahon na idto na siya hinilo. Alagad, sa modernong pag'adal kan mga sintomas niya, siya pigtutubod na dinugo sa bato(uraemia).

Diamante Cullinan

An Diamante Cullinan iyo an pinakamatagom na diamante nadukayan sa bilog na panahon, nagtitimbang na 3,106.75 na kilates (621.35 g) asin nanompongan sa Premier Nu. 2 na minahan sa Cullinan, Sud Aprika kan Enero 26, 1905. Ipinangaran an diamante ki Thomas Cullinan, an namamayo sa minahan.

Kan Abril 1905 pighimo kutang ipabakal sa Londres, Reyno Unido, an diamante alagad mayo man nababakal maski duwang taon nang tinatangro'. Kan 1907 binakal ini kan gobyerno nin Transvaal asin irinegalo ki Hadeng Eduardo VII sa saiyang ikas-66 na kaaldawan.

El Filibusterismo

An El Filibusterismo (Bik., An Subersibo) na sa Ingles bisto man sa titulong Reign of Greed iyo an ikaduwang nobelang sinurat ni Jose Rizal. Ini an pahinapos sa Noli Me Tangere, asin siring man kan enot, nakasurat ini sa Kastila. Pino'nan ni Rizal an pagsurat kaini sa Calamba kan siya nagpraktis medisina duman. Sa Londres, taon 1888, pinaghira niya an istorya asin pigbago an magkapirang kapitulo. Pinadagos ni Rizal an pagsurat kan manuskrito kan siya nagbyaheng Paris, Madrid, asin Brussels. Natapos niya an libro kan Marso 29, 1891 sa Biarritz asin napalagda' duman sa Gante, Belhika, sa tabang ni Don Valentin Ventura ta pinasubli' siya nin 300 pesos ngani mapublikar ini.

Labo, Camarines Norte

An Labo sarong primera klaseng banwaan sa provincia kan Camarines Norte, Filipinas. Segun sa sensus kan 2007, nag-eerok digdi an 88,087 katawo sa ??? kaharongan.

Lee Kuan Yew

Si Lee Kuan Yew (namundag bilang Harry Lee Kuan Yew, Septyembre 13, 1923 – Marso 23, 2015) sarong abogado asin pulitikong Singapur. Siya an pinakainot na Primer Ministro kan Singapur sa laog nin tulong dekada. Siya man binibistong kagmuknang ama kan modernong Singapur asin bilang "Arkitekto kan Modernong Singapur."

Komo kapwa-kagmukna asin Inot na Sekretaryo-Heneral kan People's Action Party (PAP), saiyang dinara an partido sa walong matriumpong eleksyon poon 1959 abotr 1990 asin nag'antabay sa pagsuway kan Singapur sa Malaysia kan taon 1965 asin an kagboot sa pagpagantad kan nasyon-estadong ini hali sa rorong kamugtakan na kolonya na mayo lamang rekursos naturales nagin sarong tigreng Asyano nin "First World". Masasabing siya an saro sa pinakamaimpluensyang pigura pulitika sa Asya.Si Lee nag-ako nin manlainlain na pagmidbid kabali na an Orden nin Compañeros de Honor (1970), Kabalyero nin Gran Cruz kan Orden kan San Miguel y San Jorge (1972), an Katalingkasan kan Syudad Londres (1982), an Seri Paduka Mahkota Johor (1984), an Orden kan Dakulang Lider (1988) asin an Orden kan Nagsisirang na Saldang (1967).Nagadan siya huli sa pneumonia sa Singapore General Hospital kan Marso 23, 2015.

Marie Tussaud

Si Anna Maria Tussaud (née Grosholtz; Desyembre 1, 1761 - Abril 16, 1850, sarong artista na midbid kan saiyang mga iskultura sa taro asin kan Madame Tussauds, sarong museong taro na saiyang tinogdas sa London, Inglaterra.

Mohandas Karamchand Gandhi

Si Mohandas Karamchand Gandhi (Gujarati: મોહનદાસ કરમચંદ ગાંધી; Hindi: मोहनदास करमचंद गांधी, sinasayod [moːɦənd̪aːs kərəmtɕənd̪ ɡaːnd̪ʱi] Oktobre 2 1869 – Enero 30 1948) sarong pre-eminenteng lider pulitikal asin ideolohikal kan India sa panahon nagbungkaras an hiron para sa katalingkasan sa India. Siya an nanganan kan hiron nin pagtumang na matoninong {satyagraha} Ini boot sabihon magbabatotilan an namamanwaan sa anoman na pasunod kan gobyerno, sarong pilosopiya na nakabatay sa ahimsa (matoninong na pagtumang). An konseptong ini nagtabang na gayo sa India sa pagkamit nin katalingkasan asin nagtaong kusogboot sa mga movimiento para sa deretso sibil asin independensya. Si Gandhi parati inaapod na Mahatma ([məɦaːt̪maː]; Sanskrto: महात्मा mahātmā or "Great Soul" (maboot asin matinao), bansag na enot pinagpatongod ki Rabindranath Tagore. Inaapod pa man siya sa India na Bapu (Gujarati: બાપુ, bāpu or "Ama") asin siya pigoonra komo Ama kan Nasyon. An kumpleanyo niya, Oktobre 2, sarong dakulang piyesta sa enterong India (Gandhi Jayanti). Si Gandhi pig'asasinar kan Enero 390, 1948 ni Nathuram Godse.

Olimpikong Karawat sa Tig-init

An Olimpikong Karawat sa Tig-init o an Karawat nin Olimpiyada mga internasyunal na okasyon nin pakurusogan na pandakulan, na piggigibo lambang apat na taon, na pigpapadalagan kan Internasyunal na Olimpikong Komite (IOC). Mga medalya an iginagawad sa lambang okasyon, na mga medalyang bulawan an para sa enot na pwesto, pirak sa ikaduwa, asin bronse sa ikatolo. Ini sarong tradisyon na nagpoon pa kan 1904. An Olimpiko sa Tig-lipot pigbilog man huli kan matriumpong Olimpiko sa Tig-init.

An Karawat pigpadakula poon sa 42 kompetisyon na igwa nin hababâ sa 250 lalaking atleta hanggan sa 300 kompetisyon na igwa nin labi sa 10,000 parakawat kan parehong tawoha halì sa 205 nacion. Nag-asa an organizers para sa 2008 Olimpiko sa Tig-init sa Peking nin haros 10,500 atleta na maging parte sa 302 kompetisyon kan Karawat.

An Estados Unidos nag-host na nin apat na karawat Olimpiko sa Tig-init, dakol sa arin man na nacion. An Reino Unida makaka-host nin tolong karawat na Olimpiko sa Tig-init pag ini nagbalik sa Britanikong kapitolyo sa 2012, gabos kan mga ini piggibo (asin gigibuhon sa Londres, magigin enot na ciudad ini na makapot kan Olimpikong Kawarat sa Tig-init nin tolong bese. An Alemanya, Australya, Gresya asin Pransya gabos nang nagkapot kan Olimpiko sa Tig-init nin duwang beses. An ipa pang nacion na nagkapot na kan Olimpiko sa Tig-init iyo an Belhika, Espanya, Finlanda, Hapon, Italya, Kanada, Korea nin Sur, Mehiko, Nederlands, Swesa asin an Unyon Sobiet. An Republikan Popular kan Tsina nagkapot kan Olimpiko sa Tig-init sa Peking kan 2008. Apat na ciudad an nagkapot nin duwang Olimpikong Karawat sa Tig-init: Los Angeles, Londres, Paris asin Atenas.

Palasyo nin Westminster

An Palasyo nin Westminster iyo an taragboan kan Harong nin Commons asin Harong nin Lords, an duwang harong nin Parlamento kan Reyna Unido. Kumon na inaapod na Harong nin Parlamento huli sa mga okupante igdi, ini sinasabi man na 'Puso nin Pulitikang Briton'. An Palasyo naglulugar sa bandang amnayan kan Salog Tamesis sa Syudad nin Westminster, sa sentral na parte kan Londres. An pangaran kaini ginuno sa kataid na Westminster Abbey, ini pwedeng natutungdan an duwang estruktura: an edipisyo medieval na naradas sa kasulo kan 1834, o an kasangle kaini na Bagong Palasyo na nagtitindog sa presente. Para sa tuyong seremonyal, an palasyo retenido an orihinal na istilo asin status bilang residensya real asin pagrorogaring kan Korona.

An enot na palasyo real tinogdok sa lugar kan ika-11ng Siglo asin an Westminster iyo an residensya mayor kan mga Hade nin Inglatierra sagkod na ini nasulo haros gabos kan complex kan 1512. Dangan ini nagsirbeng harong kan Parlamento nin Inglatierra na kun saen nagtitiripon poon pa kan ika-13ng Siglo, asin ini man tukawan kan Korte Real nin Hustisya, na yaon sa Westminster Hall. Kan 1834, an mas grabeng karaba rinadas an pinatindog-liwat na mga Harong nin Parlamento, asin an estruktura medieval lamang an natada iyo an Westminster Hall, an Cloister of St. Stephen's, an Chapel of St. Mary Undercroft asin an Jewel Tower.

Tamil

An Tamil (தமிழ் tamiḻ; IPA /t̪ɐmɨɻ/) sarong tataramong Drawida na piggagamit partikularmente sa estado nin Tamil Nadu sa nación nin India, asin sa norte-subangan nin Sri Lanka. Ini ang ikaduwang idiomang Drawida na pinaká dakol na parataram asin sa gabos na grupong Drawida, an literatura kaini ay an pinakámayaman. An total na parataram kaini ay sobrang 50 milyón na katawo sa enterong kinàban. An Tamil pigdara kan saiyang mga parataram sa Malaysia, Byetnam, Singapur asin sa mga ciudad na Europea arog kan Londres.

An tradisiong literaria nin Tamil iyo an sarô sa pinakágurang sa enterong India. An pinakámatuang texto kaini iyo an Tolkapiyyam na puede ser na hali pa sa ikalimang siglo antes ni Hesukristo.

Tataramon na Komering

An Komering saróng tataramon na Malayo-Polinesyo na tinataram sa Indonesya, sa Sur na parte kan Sumatra.

Sa ibang mga lengguwahe/tataramon

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.