Hebreo

An Hebreo sarong tataramong gurang na miembro kan pamíliang semetika na aproasiatika an edad sobra sa 6 milyons na taon. Ini an pinaká enot na lenguahe kan mga malainlain kan opisyal na Israel. An Hebreo iyo an tataramon na predominante kan Talmud.

A

An A [dakulang anyo] o a [sadit na anyo] (bigkas ngunyan: /ey/; bigkas kaidto: /a/) an enot na letra sa alpabetong Romano. Ini man an enot na letra sa suanoy na abakadang Tagalog asin sa makabágong alpabetong Tagalog.

Alef

An alef (Hebreyo: א; Arabo: ﺍ, ’alif) sarong letra sa mga abyad na Hebreyo asin Arabo.

Benjamin Netanyahu

Si Benjamin "Bibi" Netanyahu (Hebreo: בִּנְיָמִין "בִּיבִּי" נְתַנְיָהוּ Binyamin Netanyahu; namundag Oktobre 21, 1949, sa moracoch, Israel) iyo an presenteng Primer Ministro kan Israel. Siya nagsisirbe man alabes Chairman kan Partido Likud, asin bilang kaapil sa Knesset, siya an Ministro sa Salud kan Israel, Ministro sa Pensioner Affairs, asin Ministro man sa Economic Strategy kan nasyon na ini.

Si Netanyahu iyo an kaenot-enoteng primer ministro kan Israel na ipinangaki sa laog kan nasyon na ini pakatogdas kaini bilang sarong estado. Siya nagbali sa Pwersang Pandepensa kan Israel kan 1967 kun saen siya nagsirbe komo komandante sa Sayeret Matkal Commando Unit, na an misyon iyo an magligtas sa mga nahohostage arog kan pagsakyada kaini duman sa nahijack na eroplanong Sabena (Flight 571) kan taon 1972. Nadamay man siya sa ralaban kan Gerang Yum Kippur kan 1973 asin nakamit niya an ranggong kapitan bago natapos an saiyang serbisyo igdi. Siya natokahan bilang embahador sa United Nations poon 1984 abot 1988, nagin miembro kan Partido Likud, asin Primer Ministro poon Hunyo 1996 hanggan Hulyo 1999. Si Netanyahu nagin man Ministrong Panluwas (2002-2003) asin MInistro sa Pinansya (2003-Agosto 2005) sa gobyerno ni Ariel Sharon alagad nagdemitir huli sa dai pagka'oroyon sa Planong Pag'atras sa Gaza. Kinaputan niya an liderato giraray kan Partido Likud kan Desyembre 20, 2005.. Kan eleksyon 2006, an Likud maluya an laban mala ta 12 sanang tukawan an ginana.. Kan Desyembre 2006, si Netanyahu nagin opisyal na Lider kan Oposisyon sa Knesset asin Pamayo kan Partido Likud. Kan Agosto 2007, naretenir niya an liderato sa Partidong ini kan madaog niya sa eleksyon sa laog kan partido si Moshe Feiglish. Pakatapos kan eleksyon sa Parlamento, kun saen siya nag'ikaduwa, si Netanyahu nagbilog nin sarong koalisyon na gobyerno.. Siya an tugang kan si komandante kan Israeli Special Forces na si Yonathan Netanyahu na nagadan sa sarong hostage rescue mission; tugang pa man siya ni Iddo Netanyahu, parasurat asin dramatista.

Kan 2010, an magasin na Briton, "New Statesman", piglista siya bilang ika-11 sa "An 50 Pinakamaimpluensyang mga Tawo sa Kinaban".

Bethlehem

An Bethlehem (Arabe: بيت لحم‎ Bayt Laḥm o, Bēt Laḥm, literal na kahulogan, "Harong nin Tinapay"; Hebreo: בֵּית לֶחֶם‎ Bēt Leḥm, Moderno: Bet Leḥem, IPA: [bet ˈleχem], literal, "Harong nin Tinapay;" Griyego: Βηθλεέμ Bethleém) sarong Palestinong syudad sa tanga' na gayo kan sa Pampang na Solnopan (West Bank), mga 8 kilometro (5.0 mi) an rayo' subangan kan Jerusalem, na may populasyon nin lumabi kumulang 30,000 katawo. Ini an kabesera kan Bethlehem Governorate sakop kan Palestinian National Authority asin sentro nin kultura asin turismo kan mga Palestino. An Biblia kan Hebreo binibisto an Beit Lehem komo iyo an syudad na ginikanan ni David asin kun saen siya pigputongan bilang hade kan Israel. An Ebanhelyo kan Bagong Tipan ni Markos asin Lukas sinasabi na an Bethlehem iyo an kinamundagan ni Hesukristong Nazaret. An banwang ini eneerokan kan pinakagurang na Krsitiyanong komunidad sa kinaban, dawa ngane totoo nagparasadit na an komunidad huli sa paghurubo' kan kadaklan sa ibang lugar. Mala' ta sa dating 90% Kristiyano igdi, ngonyan an mga Kristiyano 30% na sana kan kabilogan kan populasyon. Ini huli ta an kahiwasan kan kadagaan kaini, na dati rogaring kan mga pamilyang Kristiyano, pagsasadiri na kan mga Israelitang nagbaranwa igdi.

Herusalem

An Herusalem (Arabe: القـُدْس al-Quds; Hebreo: יְרוּשָׁלַיִם Yerushaláyim) sarong kapitolyo syudad sa Israel na gayo kan sa Dagat Mediterraneo asin Dagat Patay, mga 804,355 metro an 125,1 kilometro na rayo' subangan kan Jerusalem na may populasyon nin lumabi kumulang katawo. Ini an kabesera kan Jerusalem sakop kan Estado sa Palestina asin sentro nin kultura asin turismo kan mga Palestino. An Biblia kan Hebreo binibisto an Herusalem komo iyo an syudad na ginikanan ni David asin kun saen siya pigputongan bilang hade kan Israel.

Ismael

Ang Ismael (Hebreo: יִשְׁמָעֵאל, Yishma'el, Griego: Ἰσμαήλ Ismaēl, Arabe: إِسْمَٰعِيْل, ʾIsmāʿīl) sarong persona nasasambit sa Libro nin Genesis kan biblia. Abraham ngane magkaigwang aki ta siya gurang na asin dai na maaki.

Kristiyano

An Kristiyano iyo an sarong persona na nagsusunod sa Kristiyanidad, sarong monolitikong relihiyon na nakabase sa buhay asin mga katukdoan ni Jesus kan Nazareth, na iyo na an mga Kristiyano nagtutubod na Ake nin Diyos asin an Mesiyas (Kristo) na pinagpropesiya sa Lumang Tipan/Bibliya sa Hebreo.

Matusalen

Si Matusalen (Hebreo: מְתוּשֶׁלַח‎ / מְתוּשָׁלַח‎, "Paragarod" o "an saiyang kagadanan madara nin paghukom") iyo an lalaking sinasabing guminurang na marhay sa edad na 969, batay sa bibliya kan mga Hebreo. Sa tradisyon luwas sa napalaman sa Bibliya, siya nagadan kan ika-11

kan Chesvan taon 1656AM (Anno Mundi, pakaLalang), pitong aldaw bago magpoon an Dakulang Baha'. Si Matusalen aki ni Enoch, ama ni Lamech, asin iyo an lolo ni Noah. Si Matusalen (Arabe, Mattūshalakh) man nasasambit sa Islam guno sa mga kadamotan nin mga osipon kan mga propetang pre-Islamiko, na pareho man an pag'araki. Dagdag pa, an saiyang pangaran ibinabale man kan mga amay na historyador arog ki Ibn Ishaq asin Ibn Hisham sa kapag'arakian ni Propetang Muhammad.

Mi Ultimo Adios

An Mi Ultimo Adios (Bikol: Huri Kong Paaram) tinokdâ na rawitdawit ni Jose Rizal kan banggi kaidto bago mag-abot an Des. 30, 1896. Ini an nagtaong kusogboot sa mga Pilipino na magtumang asin maglaban na sayod sa mga kagsakop na mga Kastila. Iyo ini an saro sa mga sinurat niyang ultimo bago siya pinapabadil duman sa Bagumbayan, ngonyan Liwasang Rizal na. Igwa man daa saro pa na tinago niya sa saiyang sapatos alagad nin huli ta an mga teksto kaini malibogon asin haros dai mariraw, hanggan ngonyan garo baga sarong talinhaga pa kun ano baga idto.

Mormonismo

Para sa mas na pankagabsan na impormasyon mapanungod sa relihiyosong denominasyon na nagsusunod sa mga katukdoan ni Joseph Smith Jr. asin kan Libro ni Mormon, hilnga sa An Mga Gibo nin mga Banal sa Huring-Aldaw. Para sa mas espisipikong impormasyon mapanungod sa Simbahan na LDS (Mormons), hilnga sa An Simbahan ni Jesukristo nin mga Banal sa Huring-aldaw.An Mormonismo komponido nin mga elemento na relihiyoso, institusyunal, asin pankultura kan mga naenot na mga Kahiroan nin mga Banal sa mga Huring Aldaw asin kan modernong denominasyon kaini na minagikan pa sa pamamayo ni Brigham Young. Lalo na, an Mormonismo nakatakod sa An Simbahan ni Jesukristo nin mga Banal sa Huring-Aldaw (LDS Church) asin Pundamentalismong Mormon. An termino bakong pankagabsan na minapanungod sa iba man na mga sanga kan grupo nin LDS siring sa Komunidad ni Kristo (Community of Christ). An terminong Mormonismo minagikan sa Libro ni Mormon, saro sa mga relihiyosong teksto nin pagtubod kaini. Base sa kapangaranan kan librong ini, an mga naenot na mga tagasunod kan pundador na si Joseph Smith Jr. iyo an pinag-apod na mga Mormons, asin an saindang pagtubod pinag-apod na Mormonismo. An termino inisyal na pinagkonsidera na may panlait na kahulugan pero bako na sa ngonyan.

An Teolohikong Mormonismo (Theological Mormonism) iyo an sarong porma nin Restorasyonismo (Restorationism) na minahiras nin sarong komon na kamugtakan nin mga pagtubod sa iba pa man na mga Grupo nin mga Banal sa mga Huring Aldaw, na minabale sa paggamit kan Bibliya, siring sa iba pang mga relihiyosong mga teksto na minabale sa Libro ni Mormon asin Doktrina asin mga Tipan. Ini minapalaen sa iba pang mga grupo nin mga Banal sa Huring Aldaw sa tradisyon nin huli ta ini man minaako kan Perlas nin Dakulang Kahalagahan bilang parte nin saindang kanoniko, asin ini igwang historya sa katukdoan nin kadakul na pag-agom (poligamiya), maski na ngani na an LDS na Simbahan pinaghale na an gibong ini magpoon pa kan ika-20 siglo. An Pankulturang Mormonismo (Cultural Mormonism) minabale nin sarong klase nin pamumuhay na ipinagpasunod kan Mormon na mga institusyon, asin minabale sa kultura nin mga Mormon na nabibisto sa kulturang ini, pero bako man gayong uyon sa teolohiya.

Philippine Benevolent Missionaries Association, Incorporated

An Philippine Benevolent Missionaries Association, Incorporated (tinogdas, Okt. 19,1965) sarong kasararoan na minukna ni Ruben Ecleo, Sr. na an katuyohan bakong sa pulitika, bakong sa relihiyon kundi sa pagtabang asin pagkamagturugang susog sa saiyang rehistro sa Securities and Exchange Commission alagad may makusog na mga elemento sa praktis, gawe, asin sa pagtubod na ini pinapadalagan bilang sarong kulto.

Poon kan ini tinogdas, an pamamayo asin an pagdesisyon igdi yaon sa pamilya Ecleo. Inapod kan mga kaapil an kagtogdas kan asosasyon na si Ruben, Sr. bilang "Divine Master" na may kakayahan magbulong, may kabatiran maginterpretar kan "Akashic Records," magtokdo kan mga napapalaman sa Bibliya, asin mag-"bilocate" na boot sabihon yaon sa duwang lokasyon sa parehong momento. An mga myembro nagsasarabi man na si Ecleo, Sr., tataong magtaram Aramaic, Hebreo, Arabo, asin Sanskrito kaya nababasa niya daa an mga tagong kadunongan. Ini sinasabing nagparadakula asin nakatipon nin mga kaapil naghahale pa sa ibang mga rona' kan Filipinas mala ta nag'abot 3.5 milyon na an myembro kan taon 2002 alagad nagbaba an bilang kan mga kaapil huli sa pagkadamay kan presenteng namamayo kaini na si Ruben Ecleo,Jr sa mga kaso kriminal

An kwartel kan PBMA, Inc. yaon sa San Jose, probinsya nin Dinagat Islands, Rehiyon CARAGA, Filipinas kun saen natotogdok an inapod kan mga myembro na "Islander Castle"

Plovdiv

An Plovdiv (Bulgaro, Пловдив; griyego, Philippopolis, "Φιλιππούπολις") iyo an ikaduwang pinakadakulang siyudad kan Bulgaria sunod sa kabesera nin Sofia na may populasyon na 341,041 katawo, taon 2013. Ini man an sentro administratibo kan Probinsya nin Plovdiv asin kan mga munisipyo sa laog kan Siyudad nin Plovdiv, kabali an munisipyo nin Maritsa asin Rodopi na sinasabing an populasyon kan mga ini sa kaenterohan nag'aabot 403,153 kan taon 2011. An Plovdiv sarong importanteng sentro ekonomiko, transporte, kultural, asin edukasyonal. Ini man an ikaduwang pinakadakulang siyudad sa historikong rona internasyunal nin Trasya, sunod sa Istanbul. An Plovdiv iyo man an ikasampolong pinakadakulang siyudad sa Balkano sunod sa Istanbul, Athenya, Belgrado, Bucharest, Sofia, Thessaloniki, Zagreb, Skopje asin Tirana.

An Plovdiv mayormente binabanwa nin bulgaro pero dakul man an nag'eerok igding mga gitano, turko, hebreo asin mga armenio. Ini an sinasabing kabesera sa kultura kan Bulgaria.

Surat Hebreo

An surat Hebreo an sistemang panurat kan Hebreo asin Yidis. Igwa ining 22 letra, asin an lima sa mga letrang ini an nagriribay nin anyo pag naipapampurit an sarong taram. Pigsusurat an Hebreo puon kanan pakaliwa.

Girumdumon: Pawala an pagbasa kaini. (Right to Left)

Plantilya:Usbong

Tataramon na Arabe

An Arabe sarong tataramon na semetika, arog kan Arameo, Hebreo, Akadyo, Maltes asin iba pang idiomang parehas. Ini an solamenteng tataramon kan 22 na naciones, kaopisyal sa anum pa asin sarô sa mga idiomang opisyal kan Naciones Unidos. Ini an tataramon kan reliyon na Islam. Sa enterong kinàban sobra sa 225 milyones na katawo an nagagamit kan Arabe. An pigaapud na "Arabe" iyo an tataramon na standard asin su mga malainlain na diyalektos, maski dakola an pagkakaiba sa mga ini, arog sa pagkakaiba sa Tagalog, Bikol o Cebuano.

Tel Aviv

An Tel Aviv (Pagsayod sa Ingles: /ˌtɛl əˈviːv/[2]), opisyalmente Tel Aviv-Yafo (Hebreo: תֵּל־אָבִיב-יָפוֹ‎, Hebreo "Spring Mound"-Jaffa; Arabo: تل أبيب‎ Tall ʾAbīb), iyo an ikaduwang pinakamatawong siyudad sa Israel, na may populasyon na 404,400.[1] An siyudad namomogtak sa parte kan Mediteraneong kosa kan Israel asin ini may hiwas na 51.4 kilometro kwadrado (19.8 mi kwadrado)). Ini man an pinakadakula asin pinakamatawong lugar sa Gush Dan, erokan kan 3.3 milyon na residente (2010). An siyudad sakop kan munisipyo nin Tel Aviv-Yafo, asin an namomoon iyo si Ron Huldai. An mga residente igdi inaapod na Tel Avivim.

Sa ibang mga lengguwahe/tataramon

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.