1996

An 1996 sarong taon sa Gregoryanong kalendaryo

Ambos Camarines

Naka-redirekta digdi an "Camarines". Para sa mga ngunyan na provincia, hilingon an Camarines Norte asin Camarines Sur.

An Ambos Camarines (Espanyol ambos, anas) dating probinsya kan an Filipinas sakop pa kan mga Espanyol asin sagkod kan taon 1919 kan an Filipinas kolonya na kan Estados Unidos. Namumugtak ini sa puro kan Rawis kan Bikol sa norte. Nababangâ na ini ngunyan sa duwang probinsya: Camarines Norte asin Camarines Sur.

Kan panahon nin Kastila, an terminong Ambos Camarines pigtutumoy an sinarô na Camarines Sur asin Camarines Norte. An kamugtakan na ini angay sana kan taon 1854 hanggan 1857. Alagad, poon na man 1857 abot 1893, binangâ giraray ini sa Camarines Norte asin Camarines Sur. Kan taon 1893, pinagsarô giraray an duwa, asin an estadong ini naghanggan taon 1919. Katapostaposi, kan Marso 3, 1919 pinagmarhay na isuway na nanggad an Camarines Norte sa Camarines Sur sa rìgon kan Ley Nu. 2809 na ipinagboot kan Lehislatura kan Filipinas.

Kan inot an Ragay, Lupi asin Sipocot kabtang probinsyang Camarines Norte, alagad kan 1936 an nasambit na mga banwaan piglito sa Camarines Sur karibay an Siruma. Alagad nganì, an huri ibinalik man giraray sa Sur. Hanggan ngunyan, iyo ini an kamugtakan kan duwang probinsya.

Benazir Bhutto

Si Benazir Bhutto (Sindhi: بينظير ڀٽو; Urdu: بینظیر بھٹو, sinasayod [beːnəˈziːr ˈbʱʊʈʈoː]; [[Hunyo 21], 1953 – Desyembre 27 2007) sarong Pakistaning pulitiko, na an ginikanan dugong Pakistani asin Kurdo-Irani, asin iyo an nagin pamayo kan Partido Popular kan Pakistan (PPP), sarong partido na sentro-wala asin pinakadakulang partido pulitiko kan Pakistan. Si Bhutto iyo an pinakaenot na babae na namayo nin sarong estadong Muslim mala ta duwang beses nagtukaw bilang Primer Ministro (1988-1990; 1993-1996). Siya man an pinakaenot asin sa ngonyan iyo sana an babaeng nagin primer ministro kan Pakistan. Siya an pinakamatuang aki kan mag'agom na si dating Primer Ministro kan Pakistan si Zulfikar Ali Bhutto asin si Mrs. Nusrat Bhutto. Siya an agom kan presenteng Presidente kan Pakistan, si Asif Alif Zardari.

Si Bhutto pinagpasumpa bilang Primer Ministro enot na beses kan 1988 sa edad na 35, dangan pinatalsik sa pwesto sa pagboot kan si dating Presidente Ghulam Ishaq Khan huli sa kargong korupsyon. Kan 1993 siya nabotohan liwat sa dating posisyon alagad hinale giraray kan taon 1996 sa parehong akusasyon, pero ngonyan hinale siya kan saiyang partidong elehidong Presidente, si Farooq Leghari. An ginibo niya pakatapos kan pangyari naghale sa Pakistan asin nagtener sa Dubai.

Nagbalik si Bhutto sa Pakistan kan Oktobre 18, 2007 kan nagkaigwa siya nin pakitrato ki Presidente Pervez Musharraf kun saen ginawadan siya nin amnestiya asin anoman na kargong korupsyon saiya, inatras. Siya inasisinar kan Desyembre 27, 2007 kan siya pahale sa sarong PPP rally duman sa siyudad nin Rawalpindi, Pakistan, duwang semana lang bago mag'eleksyon presidensyal. Sunod na taon, binisto siya komo saro sa nagkamit kan Nasyon Unidong premyo sa Lantad nin Deretsong Pantawo.

Carlos Arejola

Si Carlos "Carlo" Apuan Arejola (namundag, Mayo 31, 1961 - nagadan, Hulyo 20, 2017) sarong kagubay na Bikolanong parasurat asin premyado kan Gawad Pagromdom ki Carlos Palanca para sa Literatura sa saiyang Ang Mundo ay Iisa at Marami sa Kategoryang Screenplay sa Filipino. Kan Agosto 2009, pigbungsod an libro niyang Sayod Kong Tataramon/Tuwiran Kong Sasabihin. Nagmukna siya nin mga proyekto na nagtutulod sa padagos na pagrambong kan literatura, tataramon, asin kulturang Bikol.

Compostela Valley

An Compostela Valley sarong ikatolong klaseng probinsya sa Filipinas na manunumpongan sa Rehiyon kan Davao sa Mindanao. Ini an ikaapat na pinakabagong probinsya kan Filipinas. Nabunturan an kabesera kaini. An Compostela Valley napapalibotan kan Davao del Norte sa amihanan, Agusan del Sur sa solnopan, asin Davao Oriental sa subangan. Sa sur-solnopan kaini yaon an Gulpo kan Davao. Dati kasaro niya an Davao del Norte, alagad nasuway lang ini igdi kan taon 1996.

Susog sa senso kan 2015, igwang 736,107 katawo na nageerok igdi.

Jose Barrameda, Jr.

Si Jose "Joebar" Villafuerte Barrameda, Jr. (namundag, Hunyo 22, 1939) saróng Bikolanong historyador, peryodista, asín kagsurat kan librong A Glimpse of the New Jerusalem Underneath a New Moon: Catalincasan! The Fall of Spanish Camarines in Ciudad de Nueva Caceres on 19 September 1898.

Jose Bulaong

Si Jose M. Bulaong saro sa nagin Gobernador kan Camarines Sur. Siya nagtukaw sa pwesto poon 1992 abot 1996. Saro siyang doktor asin namundag sa Libmanan, Camarines Sur.

José Rizal

Si José Protacio Rizal y Alonzo Realonda (namundag kan 19 Hunyo 1861 – 30 Desyembre 1896) o José Rizal, sarong Pilipinong heroe kan mga huring taon kan pananakop kan Espanya sa Filipinas. Siya sarong optalmologo o doktor sa mata dangan nagin parasurat asin kaapil kan hiron nin mga Pilipinong propagandista na nagtulod nin mga pagbabagong politikal para sa mga kolonya nin Espanya. Kagsurat siya kan mga nobelang Noli Me Tángere, asin El filibusterismo, sagkod nagkapirang mga rawitdawit asin saysay.Siya an ikapito sa kagsarong (11) akì kan mag-agom na Francisco Engracio Rizal Mercado y Alejandro (1818-1898) asin Teodora Morales Alonzo Realonda y Quintos (1827-1911). Ipinangaki si Rizal, na inapod na "Pepe" kan saiyang mga kagubay, sa banwaan nin Calamba, Laguna. An saiyang mga tugang iyo sinda Saturnina, Paciano, Narcissa, Olimpia, Lucia, Maria, Jose, Concepcion, Josefa, Trinidad asin Soledad.

Inagom niya an ilusyon na si Josephine Bracken kan 1896.

Kalibo

An Kalibo iyo an kabesera kan provincia nin Aklan asin ini namumugtak sa norte-solnopan kan Islang Panay. Susog sa senso kan 2015, igwang 80,605 katawo na nageerok digdi.

An Kalibo bantog kan saiyang kapiyestahan na Ati-atihan Festival, ginigibo parati sa ikatolong Domingo nin Enero. An Kalibo hale sa terminong sangka libo (sarong ribo} na iyo daa an bilang kan nagatender na mga tinubong Agta' (Ati o aeta) sa pinakaenot na katolikong misa ginibo duman. An okasyon na ini iyo an pino'nan kan sinasabing Ati-atihan Festival. Dati an pangaran na Kalibo sinusurat na Calivo.

Kuta an Kalibo pwede naman magin sarong tunay na ciudad alagad may mga isyu na nakakaulang sa siring na kaisipan.

Leonor Dy-Liacco

Si Leonor Rojano Dy-Liacco (29 Des. 1920 - 12 Nob. 2008) sarong Bikolanang edukador, poeta, iskolar asin parasurat, nag'adal nin mahiwas dapit sa kultura asin historia kan Bikol, kagsurat nin mga librong pang-kultura, asin sarô sa kagmukna kan Kabikolan Cultural Association.

Malayo na Larantuka

An Malayo na Larantuka saróng barayti nin pagkontak kan Malay na pigtataram sangkod sa palibot kan syudad kan Larantuka sa isla kan Flores sa Indonesya, asin sa duwang mga enklabo: an baryo kan Wure sa isla kan Adonara (sa pagitan kan saróng makipot na itiot sa Larantuka) dangan apát na mga baryo sa Suba' nin Konga, mga 40 kilometro sa Sur kan Larantuka sa Flores, asin pankagabsang minaserbe bilan saróng lingua franca sa subangang puro kan Flores asin mga hararaning mga isla.

Pebrero 29

An Pebrero 29 nag-aabot lambang ikaapat na taon, sa mga taon na nababangà sa 4, siring kan 1996, 2000, 2004, 2008, 2012 o 2016 (liban kan mga gatos na taon na dai nababangà sa 400, siring kan 1900). Inaapod an mga ini na mga ogdong taon. Ini an ika-60ng aldaw kan taon sa Gregoryanong kalendaryo. An sinundan na aldaw iyo Pebrero 28.

Provincia nin Crotone

An Provincia nin Crotone sarong provincia kan rehiyon Calabria sa sur kan Italya. Pigbilog ini kan 1996 halì sa Provincia nin Catanzaro. An kapitoyo kaini iyo an ciudad kan Crotone.

Igwa ining hiwas na 1,717 km², asin 172,970 (2005) na populasyon. Igwang 27ng komyun an provincia.

Sistema nin pagsusurat

An Sistema nin pagsusurat iyo an anumang maginoo paagi nin biswal na minakapot sa panberbang komunikasyon. Mantang magagamit na maray an parehas na pagsusurat asin pagtaram sa pagdara kan mga mensahe, naiiba an pagsurat sa pagiging sarong maaasahang paagi nin imbakan nin impormasyon asin paglipat. An proseso kan encoding asin decoding na mga sistema nin pagsusurat kasangkot an pagkakaintindi sa tanga kan mga parasurat asin mga parabasa kan kahulugan sa likod kan mga hanay nin mga karakter na nakakamukna nin iskritura. Parating natatala an pagsulat sa mapusog na daluyan, arog kan papel o elektronikong sarayan, bagaman pwede man gamiton an di-mapusog na mga paagi, arog kan pagsurat sa sarong display nin komputer, sa sarong pisara, sa baybay, o sa paagi kan surat-kalangitan o skywriting sa ingles.

Spiro Agnew

Si Spiro Agnew (Griyego:Σπύρος Θεόδωρος Άγκνιου, Spiros Theódoros Agkniou) (sinasayod, /ˈspɪroʊ ˈæɡnuː/; Nobyembre 9, 1918 – Septyembre 17, 1996) iyo an ika-39 Bise Presidente kan Estados Unidos (1969-1973), na nagserbi sa termino ni Presidente Richard Nixon, asin siya man nagin ika-55 Gobernador kan Estado nin Maryland (1967-1969). Siya an kaenot-enoteng Griyego-Amerikano na nagkapot kan siring na mga katongdan.

Tataramon na Higaonon

An Higaonon saróng Tataramon na Manobo na pigtataram sa isla nin Mindanao sa Filipinas. Ini, parsyalmenteng (80%) an intelligible kaiba an Binukid.

Pigtataram an Higaonon sa basin nin salóg Butuan kan norte-sentral Mindanao, na binubuo kan provincia sa norte-sulnupan kan Agusan del Sur asin sa lugar kan provincia nin Agusan del Norte sa sur kan Syudad nin Butuan, segun sa (Ethnologue).

Tataramon na Ibatan

An tataramon na Ibatan, bistado man sa Chirin nu Ibatan ("tataramon kan mga tawo nin Ibatano"), an sarô sa mga tataramon na Austronesyo na pigtataram sa mga isla nin Batanes.

Tataramon na Itbayat

An tataramon na Itbayat, Itbayaten, na bisto man sa Ibatan, saróng tataramon na Austronesyo, na saróng parte kan grupo nin Bataniko, na pigtataram sa mga isla nin Batanes.

Tataramon na Sangir

An Sangires, bisto man sa Sangihé, Sangi, asin Sangih, saróng tataramon na Austronesyo na pigtataram sa mga isla na nakatakod sa norteng Sulawesi, Indonesya, kaiba an isla nin Mindanao, Filipinas kan Mga tawo nin Sangir.

Tataramon na Zamboangueño

An tataramon na Zamboangueño, na pigaapod man na Chabacano, sarong tataramon na an kadaklan na bokabularyo hale sa Espanyol, pero, an gramatika, hale sa mga tataramon na katutubo. Piggagamit ini sa ciudad nin Zamboanga asin sa mga provincia nin Zamboanga, Basilan sagkod Cavite.

Sa ibang mga lengguwahe/tataramon

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.