1916

An 1916 sarong taon sa Gregoryanong kalendaryo.

Alaminos, Laguna

An Alaminos sarong ikalimang klaseng banwaan sa provincia kan Laguna, Filipinas. Segun sa sensus kan 2007, nag-eerok digdi an ??? katawo sa ??? kaharongan. Namomogtak ini sa norte-subangan kan Santo Tomas, Batangas, sur kan Calauan, Laguna sagkod Bay, asin sulnopan kan Ciudad nin San Pablo.

Clemente Alejandria

Si Clemente "Ente" Bolocon Alejandria (23 Nobyembre 1895 - 7 Oktobre 1981) sarong Bikolanong poeta asín kompositor nin kanta sa tatarámon na Bikol. Namundág siyá sa Dinaga, Canaman, Camarines Sur sa mga magurang na sindá Geronimo Alejandria, tubong Dinaga asín si Victoria Bolocon na gikan sa Mangayawan, sa parehong banwaan. Naagom niyá si Valeriana Frondozo sa edad na 21 kan 1916 asín nagbúnga an saindang pagsasarô nin pitóng aki: Matea, Antero, Rita, Lucia, Laurentino, Herminia, (na nagadán sa edad sanáng 6) asín si Fe Levy.

Francisco Alvarez

Si Francisco Alvarez (Hunyo 13, 1852)- ? ) sarong Bikolanong abogado asin pulitiko. Siya nagin Hokom sa Lagonoy (1891-1892), asin sa Nueva Caceres (1901-1902), dangan nagin Representante (1907-1916) kan ikatolong Distrito kan Ambos Camarines sa Asamblea Filipina.

Hana Maria Pravda

Si Hana Maria Pravda (namundag Hana Becková kan 29 Enero 1916 Prague − 22 Mayo 2008 Oxford) sarong Briton na aktres namundag sa Tsekoslobakya.

Ignacio Meliton

Si Ignacio Basilia Meliton (1 Peb. 1889 - 1967) nagin Diputado sa Ika-10ng Lehislatiba kan Filipinas (1934-1935) asin nagin Gobernador kan Camarines Sur (1941).

James Ross

Si James Ross sarong Amerikanong abogado na nagsangle' ki George Curry bilang ikaduwang gobernador kan Ambos Camarines. Siya nagtukaw poon 1901 abot 1903 asin sinundan ni Juan Pimentel. Siya kaapil sa Partido Federal.

Halawig siyang nagpraktis kan saiyang abogasya sa Filipinas asin ta kan pigbista an kaso laban ki Simeon Ola, mga 1903, saro siya sa abogado (chief prosecuting attorney) kan gobyerno asin mga 1916 siya may bupete sa Escolta, kan 1920 siya nahihiling sa rekord na sarong myembro kan American Chamber of Commerce of the Philippine Islands ,kan 1927 nagin siyang bise-presidente kan Manila Hotel asin saro sa direktor kan Manila Railroad Company, asin man kan 1935, saro siyang bise-presidente kan Gumaus Gold Mining Company nagmimina sa Paracale, Camarines Norte.

Jose Fuentebella

Si Jose T. Fuentebella (17 Hunyo 1882 - 31 Hulyo 1982) dating Gobernador kan Camarines Sur, sarong abogado, estadista, asin saro sa myembrong kagtogdas kan Partido Nacionalista (1907). Siya nagin opisyal sa gobyerno na mahigos nagsirbi nin halawig na panahon bilang gobernador, representante, senador asin embahador kan Filipinas.

Siya naapod asin nabansagan komo "Grand Old Man of Bicol Politics."

Julian Ocampo

Si Julian O. Ocampo (1 Peb. 1880- ? ) sarong madunong na abogado asin saro sa nagin Gobernador kan Camarines Sur. Nagtukaw siya sa pwesto nin duwang beses, enot kan taon 1919 abot 1922. An ikaduwang tukaw niya poon 1934 songdô 1935. Kaamayan pa kaini, siya nagkapot kan kargo komo Diputado kan Ambos Camarines kan taon 1912 asta 1916.

Siya namundag sa Nabua, Camarines Sur asin an saiyang mga magurang iyo sinda Eugenio Ocampo asin Juliana Oleta. An naagom niya iyo si Amparo Enrile. Nag'adal siya asin naggraduar sa Liceo de Manila na nakamit an Bachiller en Leyes.

Nin huli sa serbisyo niya, an sarong banwaan, an banwaan nin Matobato, Camarines Sur ipigpangaran saiya kan Agosto 13, 1949. Siring man, komo sarong prominenteng Mason na nagtaong maray na serbisyo sa banwaan kan panahon niya, an binilog na grupo nin mga mason sa Iriga kan Pebrero 22, 1958 ipinagpangaran man saiya, an Julian Ocampo Memorial Lodge No. 146 F. & A.M., Iriga City.

Lista nin mga nagin gobernador kan Camarines Sur

Lista nin nin mga nagin gobernador kan Camarines Sur.

Manuel Crescini

Si Manuel Crescini sarô sa nagin gobernador kan Ambos Camarines. Siya nagtukaw nin duwang beses sa pwesto; enot kan 1916 sagkod 1918, an ikaduwang tukaw niya nagpoon 1922 abot 1928 alagad gobernador na sana siya kan probinsya nin Camarines Sur ta ini nagsuway na sa Camarines Norte.

Manuel Quezon

Si Manuel Molina Quezon (19 Agosto 1878 - 1 Agosto 1944) an inot na presidente kan Filipinas kan ini ipigtindog na Komonwelt kan mga administrador na Amerikano. Siya namundag sa Baler, Tayabas (ngunyan Quezon). Alagad, siya hinihiling man na ikaduwang presidente kan Filipinas sa parte kan mga Pilipino huli ta siya an nagsunod ki Emilio Aguinaldo kan an huri itugdas an suboot inot na Republika dawà nganì totoo dai ini binisto kan gobyerno kan mga Amerikano kan panahon na idto.

Mariano Fuentebella

Si Mariano Fuentebella sarô sa nagin Gobernador kan Ambos Camarines. Siya nagtukaw sa pwesto poon 1912 hanggan 1916. Siya nagin gobernadorcillo kan Sagñay. Siya man an amâ ni Jose Fuentebella na nagsalida saiya komo gobernador.

Nobyembre 16

Nobyembre 16 an ika-320ng aldaw kan taon (ika-321 sa mga ogdong taon) sa Gregoryanong kalendaryo. Igwang natatadang 45 na aldaw sagkod kan katapusan nin taon.

Partido Nacionalista

An Partido Nacionalista sarong partido pulitikal sa Filipinas na tinogdas kan Abril 29, 1907 na Manuel Quezon, Sergio Osmeña, asin ni Jose Fuentebella.

Ini an pinakagurang nang grupong pulitikal sa Filipinas, asin iyo an haros namayo sa liderato sa pagpadalagan kan nasyon sa haros kalawigan kan ika-20ng siglo poon kan ini matogdas kan 1907.

An partidong ini nagin behikulo sa pag'ogsod kan hiron nin katalingkasan, pagtogdok nin sarong modernong estado, asin hanggan sa pagtolod nin mahusay asin eficienteng pagpamahala kan gobyerno kan Filipinas. Ini nagdominar sa Asambliya Nasyunal (1907-1916), sa Lehislatura kan Filipinas (1916-1941).

Kan lumaog an Hapon asin sinakop an Filpinas (1941-1945) winara an gabos na partido pulitikal asin nagsangle an inaapod na KALIBAPI. Paglaog kan huring kabangaan kan siglong ika-20, an partidong ini saro sa mayor na nakikipagnosnosan sa pagkapot nin liderato, kaagaw-agaw an mga yaon sa Partido Liberal asin sa Partido Progresibo, durante kan mga dekada sa pag'tangaan kan ratak kan ika-2ng Gerang Pangkinaban asin kan mga pang'iiipit resulta kan diktadurya ipig'imponer ni Pres. Ferdinand Marcos.

Kan panahon ni Marcos, pig'alok an mga partido na magsararo na sa lindong kan inapod na Kilusan Bagong Lipunan pero an Partido Nacionalista dai naki-ayon asin pigbuhay liwat ini kan hurihan nin mga 1980 asin 1990 kan mga Laurel, na iyo an namoon poon pa kan mga 1950. Ngonyan nata'wan nin dagdag na pag'osol an partido kan si Manuel Villar, Jr. dinara an bandera kan partido sa saiyang pagbungsod kan saiyang kandidatura bilang presidente sa eleksyon presidensyal nin 2010.

Pebrero 11

Pebrero 11 an ika-42 na aldaw kan taon sa Gregoryanong kalendaryo. Igwang natatadang 325 na aldaw sagkod kan katapusan nin taon (326 sa mga ogdong taon). An sinundan na aldaw iyo Pebrero 10.

Rabindranath Tagore

Si Rabindranath Tagore (Bengali: রবীন্দ্রনাথ ঠাকুর, Robindronath Ţhakur}, (Mayo 7 1861 – Agosto 7 1941), sarong Bengali na poeta, nobelista, musikero, pintor, asin parasurat-dula na iyo an nagmolde kan literatura asin musikang Bengali. Bilang kagsurat kan Gitanjali asin huli kaining hararom, sensitibo, presko y magayonon na berso", siya an pinakaenot na bakong-Europeo nagawaran kan Nobel Prize para sa Literatura kan taon 1913. An saiyang mga rawitdawit sa pormang pigpalis nagtatao nin ayreng espiritual, asin kasaro kan saiyang nakakabihag na persona, nagtao saiya nin aura na garo siya propeta sa mata kan mga tagasolnopan. Masasabi na an saiyang eleganteng prosa asin pambihirang poesia haros dai pa bisto sa luwas kan teritorio nin Bengal.

Bilang sarong Pirali Brahmin gikan Kolkata, si Tagore nagsusurat na nin mga rawitdawit poon pa kan edad niya walo pa sana. Sa edad na kag'anom, pinalagda niya an damotdamot na rawitdawit sa tagong'ngaran na Bhanushingho ("leon nin saldang"} asin siya nagtokda' kan enot niyang mga halipot na osipon asin drama kan 1877. Si Tagore nagkamit nin orog na kabantogan kan saiyang pigdenunsiya an Briton na Raj asin pig'andorogan an independensya kan India. An saiyang mga paghingoa nagdanay sa mga sinurat niya asin sa saiyang tinogdas na institusyon, an Unibersidad nin Visva-Bharati.

San Jose, Batangas

An San Jose sarong primera klaseng banwaan kan probinsya nin Batangas, Filipinas. Susog sa senso kan 2007, igwang 61,307 katawo an nageerok igdi sa 10,123 na kaharongan.

An banwaan napapagdolonan kan siyudad nin Lipa sa amnayan asin norte-subangan, kan banwaan nin Ibaan sa subangan, kan Batangas asin kan San Pascual sa habagatan. An banwaan man nin Cuenca asin Alitagtag iyo man an kadolon kaini sa bandang solnopan.

Sergio Osmeña

Si Sergio Osmeña (9 Setyembre 1878 - 19 Oktobre 1961) nagin presidente kan Filipinas sa edad na 67 asin iyo an enot na taga-Bisaya na nagkapot nin siring na pwesto. Siring ki Manuel Quezon, nagtapos siya kan saiyang abogasya sa Unibersidad kan Santo Tomas. Nagtukaw siya komo presidente nin haros duwang taon (1944-1946). Siya man an kagmukna kan Partido Nacionalista.

Siya man nagin gobernador probinsyal kan Cebu nin sarong taon (1904), Assymblyman asin Speaker nin siyam na taon, Senador, Speaker Pro Tempore, myembro kan Gabinite, asin Bise-presidente. Kaiba niya si Manuel Quezon pagduman sa Estados Unidos kan magsakyada an Hapon sa Filipinas asin sindang duwa nagmukna kan government-in-exile asin siring man, kaiba niya an pwersa ni Heneral Douglas MacArthur kan ini buminalik sa Filipinas sa pagpalayas sa mga mananakop na Hapon.

Sa mga mayor na proyekto niya kan siya nagtukaw komo p residente, iyo an pagpasulit kan mga departamento ehekutibo na nagkararaot huli sa pagsakop kan Hapon. Dai man siya nag-ontok sa kampanya na magin talingkas an Filipinas sa Estados Unidos.

Vicente Lukban

Si Vicente Rilles Lukban (11 Peb. 1860 - 16 Nob. 1916), sarong opisyal sa rebolusyonaryong gobyerno ni Emilio Aguinaldo na nasugo magpasiring sa Kabikolan sa tuyong magbungkag kan mga pwersa kan Kastila igdi. Siya man an politiko militar na poon nagkapot kan Samar asin Leyte kan Guerra Pilipino-Amerikano. Siya an pighuna kan mga Amerikano na iyo an kagboot sa pagmasaker kan mga soldados na Amerikano duman sa Balangiga, Samar kan Septyembre 1901, na bako man palan totoo asin dai siyang kaaram-aram sa pagplano kaini.

Sa ibang mga lengguwahe/tataramon

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.