1903

An 1903 sarong taon sa Gregoryanong kalendaryo.

Alcantara, Romblon

An Alcantara sarong ikalimang klaseng banwaan sa provincia nin Romblon, Filipinas. Susog sa senso kan 2011, igwang populasyon na 15,370 katawo igdi.

Antipolo

An Antipolo (pagsayod: án•ti•pó•lo) sarong primera klase syudad na namumugtak sa probinsya nin Rizal, Filipinas.

Igwa ining sukol na 306.10 kilometro kwadrado na kadagaan asin namumugtak sa inot - ikaduwang distrito. Sosog sa sensus kan 2010, igwa ining 677,741 katawo.

An designadong zip code kaini iyo 1870.

Apolinario Mabini

Si Apolinario Mabini y Maranan (Hulyo 23, 1864 — Mayo 13, 1903) sarong Filipinong rebolutionaryong lider, edukador, abogado, asin pulitiko na nagsirbing pinakaenot na konsultant sa legal asin konstitusyonal na aspeto kan paggogobyerno kan pinakaenot na gobyerno rebolusyonaryo kan Filipinas, asin siya man an pinakenot na Primer Ministro kan itinogdas an pinakaenot na Republika Filipina.

Duwa kan saiyang obra, , El Verdadero Decalogo (Ang tunay na Dekalogo, Hunyo 24, 1898), asin Programa Constitucional dela Republica Filipina (An Programa Konsitusyonal kan Republika Filipina, 1898) nagin instrumental sa pagpanday kan ngapit inaapod na Konstitusyon Malolos.Si Mabini naotoban niya an gabos na katongdan niya sa gobyerno rebolusyunaryo apesar nalupog na siya resulta kan helang niyang polio bago magputok an Rebolusyon Filipino kan taon 1896.

An papel niya sa historya nin Filipinas nahiling siyang nagsabat sa Pananakop Kolonyal kan Espanyol sa mga aldaw kan magpoon maglakop an rebolusyon, dangan an pagsabat niya naman sa pananakop kan Amerikano durante kan Gera Filipino-Amerikano. Igdi siya nasikop asin pigdestierro sa Guam kan mga awtoridad kolonyal Amerikano, dangan pinabalik asin duwang bulan pa lang kaidto, siya binawian nang buhay, kan Mayo 1903.

Emmanuel Requejo

Si Emmanuel "Noling" Saludes Requejo (namundag Desyembre 25, 1941) sarong abogado asin iyo an pinakahalawig na nagserbe bilang alkalde kan Canaman, Camarines Sur. Inot syang nagtukaw bilang pamayong ehikutibo kan banwaan taon 1992 sagkod 2001 asin liwat kan 2010 sagkod sa 2016.

Eskwelahang Sentral kan Canaman

An Canaman Central School an pinakagurangan na eskwelahan sa Canaman, Camarines Sur, Filipinas. Nagpoon komo sarong klase na iminukna kan 1903, piggibo ini sa sarong arkiladong residensya hanggan nagtalubo komo sarong kompletong eskwelahan pan-elementarya. Ngunyan na taon 2012, an Canaman Central School pinamamayohan kan pricipal na si Allen Baluyot asin ni Lita Mijares bilang supervisor kan Canaman District.

Namomogtak ini sa barangay Dinaga sakop haros 10,500 sq. m. kadagaan.

George Curry

Si George Curry (3 Abril 1861 - 27 Nob. 1947) iyo an pinakainot na Gobernador kan Ambos Camarines, sa panahon nin paglaog kan mga Amerikano sa Filipinas. Siya nagtukaw sa pwesto nin labi sanang sarong taon, poon Desyembre 16, 1899 abot Marso 20, 1901.

James Ross

Si James Ross sarong Amerikanong abogado na nagsangle' ki George Curry bilang ikaduwang gobernador kan Ambos Camarines. Siya nagtukaw poon 1901 abot 1903 asin sinundan ni Juan Pimentel. Siya kaapil sa Partido Federal.

Halawig siyang nagpraktis kan saiyang abogasya sa Filipinas asin ta kan pigbista an kaso laban ki Simeon Ola, mga 1903, saro siya sa abogado (chief prosecuting attorney) kan gobyerno asin mga 1916 siya may bupete sa Escolta, kan 1920 siya nahihiling sa rekord na sarong myembro kan American Chamber of Commerce of the Philippine Islands ,kan 1927 nagin siyang bise-presidente kan Manila Hotel asin saro sa direktor kan Manila Railroad Company, asin man kan 1935, saro siyang bise-presidente kan Gumaus Gold Mining Company nagmimina sa Paracale, Camarines Norte.

Juan Pimentel

Si Juan Pimentel iyo an ika-3ng Gobernador kan Ambos Camarines, panahon kan administrasyon nin mga Amerikano igdi sa Filipinas. Tubong Daet, Camarines Norte, siya nagtukaw sa pwesto poon 1903 abot 1906.

Juan Requejo

Si Don Juan Calvo Requejo dating consejal encargado kan distrito nin Canaman, Nueva Caceres poón 1903 sagkod 1904 siring man presidente municipal kan 1909. Sarô siyang capitan de los cordones militares o tagakua nin impormasyon asin tagapahirô nin pwersa kan Guerrang Filipino-Amerikano. Nagin kaapil siya kan Academia Bicolana kan mga-1930. Napangagom niya si Eulalia Portugal Ruero, akì ni Clemente Ruero. Akì niya sinda Felisa, Neomedia, Clemente, Teodoro, Damaso, asin Leoncio.

Bilang pagromdom saíya bilang nagin jefe ejecutivo kan banwaan, ipinangaran saiya an edificio na kinamumugtakan kan Sangguniang Bayan session hall asin iba pang mga ofisina.

Lista nin mga nagin gobernador kan Camarines Sur

Lista nin nin mga nagin gobernador kan Camarines Sur.

Mariano Nicomedes

Si Mariano Almodovar Nicomedes, dara an alyas na "Sademokin" (1873-1934) sarong Bikolanong poeta, peryodista asin taga-palagda nin peryodiko. Siya namundag sa Camaligan, Camarines Sur.

Parasurat siya nin mga rawitdawit, sarong-aktong drama, mga halipot na osipon, asin tagapalís sa Bikol kan mga tokdâ haleng Kastila. Sarô siya sa nagpalís sa Bikol kan duwang nobela ni Jose Rizal, an Noli Me Tangere (Hare Sakô Pagdotâ} asin kan El Filibusterismo (An Subersibo).

Katuwang niya sa Emeterio Abella asin Joaquin Teodorico kan pinalagdâ niya an peryodikong An Parabareta (1903-1908). An peryodikong ini binuhay niya pa asin nag-antos nganing 1930 alagad susog sa agom niyang si Catalina Nicomedes, bako nang sige-sige kundi taro-tarapok na depende kun igwang kwarta.

Nagtapos siya kan kursong Bachiller en Artes sa Seminario Conciliar de Nueva Caceres.

Saro man siya sa nagbilog kan kaayonan na Academia Bicolana (1927), sarong kasararoan na an katuyohan igantad an literaturang Bikol. Taga-ambag man siya nin mga artikulo sa magasin na Sanghiran Nin Bikol (1927-1931) asin kun minsan siya an nagsusurat kan mga editoyral kaini. Siya nagin man deputy auditor kan 1903 sa Ambos Camarines.[1]

Roberto Requejo

Si Roberto Saludes Requejo dating alkalde kan Canaman, Camarines Sur poon kan 2001 sagkod 2004. Bàgo kaini, siya nagin kapitan kan barangay San Vicente asin nagin pamayo kan Asosasyon nin mga Kapitan del Barangay.

San Jose, Batangas

An San Jose sarong primera klaseng banwaan kan probinsya nin Batangas, Filipinas. Susog sa senso kan 2007, igwang 61,307 katawo an nageerok igdi sa 10,123 na kaharongan.

An banwaan napapagdolonan kan siyudad nin Lipa sa amnayan asin norte-subangan, kan banwaan nin Ibaan sa subangan, kan Batangas asin kan San Pascual sa habagatan. An banwaan man nin Cuenca asin Alitagtag iyo man an kadolon kaini sa bandang solnopan.

San Jose, Camarines Sur

An San Jose yaon sa ikaapat na kategorya kan mga klase nin banwaan sa probinsya kan Camarines Sur, Filipinas. Segun sa sensus kan 2015, igwang 40,623 katawo na nag-eerok digdi. Pero, uyon sa pinakahuring datos kan munisipyo, an banwaan igwa na sa maabot na 41,280 katawo kan 2014 asin igwa man nin 8,220 na total na pagharongon. Kadaklan sa mga ini mga paraoma, parasira asin mga trabahador. An insidente nin pagtios minaabot man sa 39.10%.

Simeón Ola

Si Simeon Arboleda Ola (Setyembre 2, 1865 - Pebrero 14, 1952) sarong rebolusyonaryong Bikolano kan Panahon nin mga Amerikano. Namundag sya sa Guinobatan, Albay. Linabanan niya ang mga kolonyalistang Amerikano sa kabukidan kan Albay hanggan magsukò kan Septyembre 25, 1903. Siya an pinakahuring nagsukong Pilipinong Heneral sa laban kontra sa mga Amerikano.

Pinapaadal kuta siya sa Holy Rosary Minor Seminary alagad sa primero pa sanang taon niya duman sa kursong Pilosopiya, nagluwas na siya asin dai na tinapos si kurso.

Kan taon 1896, ss edad na 32, napagisip niyang bumali sa sarong sanga kan Katipunan na inorganisar ni Glicerio Delgado, na isinubol ni Andres Bonifacio sa Bikol.

Syudad nin Baguio

An Syudad nin Baguio (Ilokano: Ciudad ti Baguio) sarong primera klaseng urbanisadong ciudad sa gamping amihanan Luzon, Filipinas asin iyo an kabesera kan Administratibong Rehiyon Kordilyera.

Ini itinogdas kan mga Amerikano kan taon 1900 sa lugar na kun saen nakabugtak an sarong sadit na baryo kan Ibaloi, an apod Kafagway. Kan Hunyo 1, 1903, an Baguio pigpili na magin Summer Capital kan Komisyon Filipino . Ini binilog na sarong tunay na syudad kan Asambliya nin Filipinas kan Septyembre 1, 1909. Igwa igdi kan mansyon kan presidente, mga opisina lehislatibo asin kan Korte Suprema.

An pangaran kan Baguio gikan sa katagang bagiw, sarong taramon na Ibaloi na boot sabihon lomot. An Ibaloi iyo an tubong lenggwahe igdi sa Rona' nin Benguet. An syudad yaon sa altitud na mga 1500 metro (5100 pie) na nakamugtak sa sarong tropikal na kadlagan nin mga pino na pirming maalumahad kaya nababagay sa pagtubo nin mga lomot asin mga orkid. Segun sa senso kan 2007, igwang 301,926 katawo na nageerok igdi.

An Baguio marokyaw na kan saiyang Centennial sa Sept. 1, 2009. Ini pagtanda kan sanggatos na taon niyang kamundagan bilang sarong ciudad.

Syudad nin Batangas

An Siyudad nin Batangas sarong primera klaseng siyudad sa probinsya kan Batangas, Filipinas. Susog sa senso kan 2007, igwang 295, 231 katawo an nageerok igdi sa 50, 223 na kaharongan. Ginibo ining siyudad kan Hulyo 23, 1969, asin binansagan na "Industrial Port City of CALABARZON" huli ta kadakul igding mga pabrika asin ini nanggad an sentro kan komersyo asin industriya sa paralibot. An siyudad na ini saro sa pinakamarikas sa pagiging urbanisado sa bilog na Filipinas

Tigaon, Camarines Sur

An Tigaon sarong ikaapat na klaseng banwaan sa probinsya kan Camarines Sur, Filipinas. Segun sa sensus kan 2015, igwang 55,272 katawo na nag-eerok digdi.

William Howard Taft

Si William Howard Taft (15 Sept. 1857 - 8 Marso 1930) sarong Amerikanong pulitiko, an ika-27ng Presidente kan Estados Unidos (1909-1913), an ika-10ng Poon na Hukom kan Korte Suprema (1921-1930), asin sarong lider kan progresibong lado kan Partido Republikano kan ini iyo an nagkakapot kan poder sa gobyerno kan Estados Unidos.

Nagserbe siya bilang Solicitor Heneral kan Estados Unidos (1890-1892), sarong huwes federal, Gobernador Heneral kan Filipinas (1901-1904), asin Sekretaryo nin Guerra (1904-1908) bàgo nanominar bilang Presidente sa 1908 Kumbensyon Nasyonal kan Republikano na igwang suporta kan saiyang sinundan asin dayupot na amigong si Theodore Roosevelt.

Sa ibang mga lengguwahe/tataramon

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.