Tanach

Da Tanach (hebr. תנ״ך, tanach, TNK) is de heulige Schrift vaum Judndum. Ea hod drei Hauptteu: de Tora („Weisung“), de Nevi'im („Prophetn“) und de Ketuvim („Schriftn“). Da Tanach is ums Joa in 22 bzw. 24 einteut und kanonisiat wuan.

Olle Biachln vaum Tanach und dazua a Teu vau da Septuaginta san vaum Kristndum ois sog. Oids Testament iwanumma und bis 400 n. Kr. kanonisiat wuan.[1] De Zuaoadnung und Reihnfoige vau de iwanummanan Schriftn untascheidn si je noch christlicha Konfession. De Bezeichnung "Oids Testament" geht auf de Red vaum "Oidn" und "Neien" Bund im "Hebräabriaf" zruck. Damit wiad de antijudaische und frogwiadige Auffossung vabraadt, dass da Bund vaum Heagod mid Israel duach s neie Gottesvoik vaum Kristndum oglest wuan und damit de jidische Religion "oid", "vaoitet" und "iwahoit" warad.

Entire Tanakh scroll set
Da gaunze Tanach auf Schriftroin

De Biachln vaum Tanach

Noch da jidischn Tradition enthoit da Tanach 24 Biachln.

Tora

De Tora (תּוֹרָה, weatlich "Weisung") besteht aus fümf Biachln, in da Regl de "Fümf Biachln vaum Moses" gnennt.

Im Hebräischn hoassn de Biachln nochn jeweulign Textaunfaung.

1. (בראשית / Bereshit)
2. (שמות / Shemot)
3. (ויקרא / Vayikra)
4. (במדבר / Bamidbar)
5. (דברים / Devarim)

Nevi'im

De Nevi'im (נְבִיאִים, "Prophetn") besteht aus ocht Biachln.

Noch da jidischn Tradition san des:

6. (יהושע / Y'hoshua)
7. (שופטים / Shophtim)
8. (שמואל / Sh'muel)
9. (מלכים / M'lakhim)
10. (ישעיה / Y'shayahu)
11. (ירמיה / Yir'mi'yahu)
12. (יחזקאל / Y'khezqel)
13. De Zwöf Prophetn (תרי עשר)
a. (הושע / Hoshea)
b. (יואל / Yo'el)
c. (עמוס / Amos)
d. (עובדיה / Ovadyah)
e. (יונה / Yonah)
f. (מיכה / Mikhah)
g. (נחום / Nakhum)
h. (חבקוק /Havakuk)
i. (צפניה / Ts'phanyah)
j. (חגי / Khagai)
k. (זכריה / Z'kharyah)
l. (מלאכי / Mal'akhi)

Ketuvim

De Ketuvim (כְּתוּבִים, "Schriftn") besteht aus öf Biachln.

Noch da jidschn Tradition san des:

Sifrei Emet

14. (תהלים / Tehillim)
15. (משלי / Mishlei)
16. (איוב / Iyov)

Fümf Roin

17. (שיר השירים / Shir Hashirim)
18. (רות / Rut)
19. (איכה / Eikhah)
20. (קהלת / Kohelet)
21. (אסתר / Esther)

Da Rest vau de Schriftn

22. (דניאל / Dani'el)
23. (עזרא ונחמיה / Ezra v'Nechemia)
24. (דברי הימים / Divrei Hayamim)

Beleg

  1. Adolf M. Ritter: Zur Kanonbildung in der Alten Kirche, in: Charisma und Caritas. Aufsätze zur Alten Kirche, Vandenhoeck & Ruprecht, Göttingen 1997, ISBN 3-525-58160-2, S. 273ff

Im Netz

Bibel

De Bibel, aa Bibe is im Judndum und Kristndum de Bezeichnung fia untaschiedliche Sammlunga vo Schriftn, de wo vo de Ohenga ois heilig ogseng wean und ois Uakundn vom Glaam gejtn. Des san Zammastejunga vo Schriftn (aa "Biachl", griach.: "biblica") aus'm Morgnland (Levante, Voadara Orient), de wo im Valaff vo eppa 1200 Joa entstondn san und bis zum 2. Joahundat z'eascht vo Judn, spoda aa vo Kristn kanonisiat (wuikiale ois normative Richtschnua definiat) worn san.

De hebräische Bibe, da Tanach, setzt si aus drei Hapttei Tora (Weisung), Nevi'im (Prophetn) und Ketuvim (Schriftn) zamma. De Biachln buidn in ondara Oadnung und a weng ondam Umfong aa s Oide Testament, an easchtn Hapttei vo da kristlichn Bibe, de wo no duach's Neie Testament eagenzt wead. In dea Form is de Bibe des am weidastn vabroadsde Biachl vo da Wejd.

Bibeiwasetzunga existian ois Gsomtiwasetzung in 451 Sprochn und in weidan 2479 Sprochn ois Teiiwasetzunga.

Buach der Richta

Des Buach der Richta (hebr. שופטים, Schofetim; gr. Κριταί, Kritai) is a Buach vom jüdischn Tanach und vom Oidn Testament in da christlichn Bibel. Da Noma kimmt vo den „Richtan“, de in da frihan israelitischn Gsöischoft wichtige Leitungsaufgobn übanehma und de Israelitn oda oanzlne israelitische Stämme vo da Untadrückung durch de Feinde befrein.

Deiteronomium

Des Buach Deiteronomium (hebr. דּברים, Debarim; gr. Δευτερονόμιον, Deuteronomion; lat. und hochdt. Deuteronomium), im deitschn Sprochraum oft aa oafoch des 5. Buach Mose gnennt, is des fünfte Buach im jüdischn Tanach und im Oitn Testament vo der christlichn Bibel.

Esra (Buach)

Des Buach Esra is a Buach vom jüdischn Tanach und vom Oitn Testament in der christlichn Bibel und is mit'm Buach Nehemia eingntlich oa oanzigs Buach gwesn. Inholtlich gehts um de Rückkehr noch Jerusalem am End vom Babylonischn Exil, den Wiedaafbau vom Jerusalema Templ und de Vapflichtung af des mosaische Gsetz.

Exodus

Des Buach Exodus (hebr.: שׁמוֹת, Schemot; gr.: Ἔξοδος, Exodos; lat.: Exodus), im deitschn Sprochraum oft oafoch des 2. Buach Mose gnennt, is des zwoate Buach im jüdischn Tanach und in da kristlichn Bibel. Im Hebräischn hoaßt's: Schemot („Noma“), wos se vo de easchtn Woate vom Buach obleit. Im Griachischn hoaßt's: Exodos („Auszug“), weij da Auszug vo de Israelitn aus Egyptn a wichtiga Bestondtei is.

Genesis

Des Buach Genesis (hebr: בְּרֵאשִׁית, Bereschit; gr: Γένεσις, Genesis), im deitschn Sprochraum oft oafoch des 1. Buach Mose gnennt, is des easchte Buach sowie vom jüdischn Tanach ois aa vo da christlichn Bibel. Da Inhoit geht vo da Erschoffung vo da Welt bis zu den Söhnen vom Jakob. De hebräischn und griachischn Noma Bereschit („Im Anfang“) und Genesis („Entstehung“) kumma oiso doher, weil des Buach üba d' Anfänge vo da Welt, vo den Menschn und vom Voik Israel vazäiht.

JHWH

JHWH oda YHWH (hebräisch יהוה‎, aussahoib vaum Judndum aa ausgschriem ois Jahwe oda Jehovah) is da Naum vaum Heagod im Tanach, da heulign Schrift vau de Judn. Ea is da Befreia und Partna vaum ausawöhtn Voik vau Israel und eana anziga God. JHWH is aa da biblische God vau de Kristn.

אנכי יהוה אלהיך אשר הוצאתיך מארץ מצרים מבית עבדים׃לא יהיה־לך אלהים אחרים על־פני׃

„I bin JHWH, dein God, dea wos di ausn Laund Egyptn, aus da Sklavarei, aussegfiat hod. Du soist kaane aundan Gedda nem mia haum.“

Im religiesn Judndum wiad da Naum nia aussprochn, sundan so wia im Tanach imma nua ois Tetragramm (Viafochzeichn) doagstöd: aus Jod (י‎), He (ה‎), Waw (ו‎), He (ה‎). Des eagibt vau links noch rechts glesn s Wuat יהוה‎ „JHWH“.

JHWH is a oida oidorientalischa Geddanaum, dea wos aa bei aundan Väkan vuakummt.

Jona (Buach)

Des Buach Jona is a Buach vom jüdischn Tanach und vom Oitn Testament is da christlichn Bibel. Obwoih es zum Zwöifprophetnbuach ghert, is es eingtlich koa prophetische Schrift, sondan a Erzählung üba an Prophetn.

Josua (Buach)

Des Buach Josua (hebr. יְהוֹשֻׁעַ, Jehoschua; gr. Ἰησοῦς, Iesus) is a Buach vom jüdischn Tanach und vom Oitn Testament in der christlichn Bibel. Des Buach wird noch Josua benonnt, der Nochfoiga vom Mose is und vo dem des Buach om meistn vazejht.

Levitikus

Des Buach Levitikus (hebr.: וַיִקְרָא, Wajiqra, gr.: Λευιτικόν, Levitikon, lat.: Leviticus), im deitschn Sprochraum oft oafoch des 3. Buach Mose gnennt, is des dritte Buach im jüdischn Tanach und in der christlichn Bibel (Oids Testament).

Im Hebräischn wird des Buach noch seinen easchtn Wortn „Wajiqra“ („Und er hot gruafa“) benonnt. Im Griachischn hoaßt es „Levitikon“ (lat. „Leviticus“), weil des Hauptthema vom gonzn Buach de Vorschriftn für de Templdiena ausm Stomm Levi san.

Maleachi (Buach)

Des Buach Maleachi (hebr.: מלאכי, Maleachi; gr.: Μαλαχίας, Malachias) is a Buach vom jüdischn Tanach und vom Oitn Testament in da christlichn Bibel und ghert zu de zwöif „kloana“ Prophetn (Zwöifprophetnbuach).

Michael (Erzengl)

Da Michael (hebr. מיכאל; „Wer is wia Gott?“) is a Engl in da hebräischn Übaliafarung, de 'n Einfluss aaf de religiesen Traditionen im Judntum und im Christntum ghabt hod. Aa im Koran und in da arabischn Literatur is da Engl untan Nama Mikal bzw. Mika'il (ميكائيل / ميكال) bekannt.

Nehemia (Buach)

Des Buach Nehemia is a Buach vom jüdischn Tanach und vom Oitn Testament in der christlichn Bibel und is mit'm Buach Esra eingntlich oa oanzigs Buach gwesn. Inholtlich gehts um de Rückkehr aus'm Babylonischn Exil, den Wiedaafbau vom Jerusalema Stadtmaua, de Vapflichtung af des mosaische Gsetz und de allgemeine Reorganisation vo der Gseischaft.

Numeri

Des Buach Numeri (hebr.: בּמדבּר, Bemidbar; gr.: Ἀριθμοί, Arithmoi; lat.: Numeri), im deitschn Sprochraum oft oafoch des 4. Buach Mose gnennt, is des vierte Buach im jüdischn Tanach und im Oitn Testament vo der christlichn Bibel.

Oids Testament

As Oide Testament is a Sommlung vo Schriftn, de wo vo Judn und Kristn ois Zeignis vo da geddlichn Offnboarung on de Menschn ogseng wead. De Schriftnsommlung is im Judndum da Tanach, im Kristndum buidt se mid'm Neia Testament zamm de Bibe. Demnoch soi de Obfossung vo dene Schriftn vom Geist Goddes inspiriat sei. Zwischn'm Tanach und'm Oidn Testament in da kristlichn Bibel san owa Untaschiede in da Reihnfoige vo de Schriftn, und monche Schriftn vom kristlichn Oidn Testament kumma in Tanach aa iwahapts ned voa. Zwischn katholischn und protestantischn Ausgom bstenga emfois Untaschiede.

Sacharja (Buach)

Des Buach Sacharja (hebr. זְכַרְיָה, Sacharjah; gr. Ζαχαρίας, Zacharias) is a Buach vom jüdischn Tanach und vom Oitn Testament in da christlichn Bibel und ghert zu den zwöif „kloana“ Prophetn (Zwöifprophetnbuach). Des Hauptthema vom Buach is da neie Templ, da noch'm End vom babylonischn Exil in Jerusalem afbaut worn is.

Salomon

Da Salomon oda Salomo (hebr. שְׁלֹמֹה Šəlomoh) woa nochm Tanach bzw. da Bibel da Kenig vau Israel und da Suhn vaum David. Ea hod im 10 Jh. v.u.Z. glebt und in easchtn Tempe vau Jerusalem baut.

Tora

De Tora, vom Griachischn aa Pentateuch gnennt, is de Bezeichnung fia de fimf Biacha Mose (Genesis, Exodus, Levitikus, Numeri, Deiteronomium) und is damit da Ofang vom jidischn Tanach und vo da kristlichn Bibel (do sans de fümf Biacha vom Moses). De Text san woi zwischn uma 900 v. Kr. und uma 550 v. Kr. gschriem worn, wobei de Tora traditionell oba am Moses zuagschriem werd.

Zwöifprophetnbuach

Des Zwöifprophetnbuach is a Teil vom jüdischn Tanach und vom Oitn Testament in da christlichn Bibel. Dabei handlt es si um a Sammlung vo zwöif kloanare Schriftn, weshoib de manchmoi aa ois de kloana Prophetn bezeichnet wern.

Andane Sprochn

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.