Ostan

Ostan, Oustan oda Ostern is a traditionejs Fruajoarsfest, wo heidnische, jidische und kristliche Wuazn hod.

De Kristn feian de Afastehung vom Jesus und de Judn in Auszug aus Egyptn (Pessach-Fest). De heidnischn Ibaliefarunga beziagn si vor oim af a Fruajoars- und Fruchborkeitsbrauchdum. Deshoib is koa Zuafoi, dass Ostan am Sunda nochm easchtn Fruajoarsvoimond gfeiad wead.

06293 SNK Ostereier (2012)
Ostaoar
München - Zentrum für Außergewöhnliche Museen (Vitrine in der Sammlung des Osterhasen-Museums)
Ostahosnmuseum z Minga

Nama

Da Nama Ostan hod an oidgermanischn Uasprung und hengt mit da Himmesrichtung Ostn zamma, do wo de Sun afgeht. Vui andane Sprochn vawendn a Obleitung vom jidischn Pessach,: franzesisch Pâques, griachisch: πάσχα, islendisch: páskar, italienisch: Pasqua, hollendisch: pasen, portugiesisch: Páscoa, russisch' Пасха, ukrainisch: Великдень, schwedisch: påsk, spanisch: Pascua, tiarkisch: Paskalya.

Ostan im Kristndum

De Kristn glaam, doss da Jesus voa rund 2000 Joar zan jidischn Pessach-Fest z Jerusalem am Kreiz hingricht worn is. Da Grund woar de Ongst voa Afrua und de Behaptung vom Jesus, doss a da Messias warad. Deshoib homs eam aa a Schuidl afs Kreiz ghengt, wo draf gstandn is, "Kini vo de Judn".[1] Da Dog an dem a kreizigt worn is, hoasst heit Koarfreida.

Am Sunda (heit: Ostasunda) draf, hom nacha Ohenga vom Jesus gseng, doss sei Grob laar wor.[2] Spoda is gsogt worn, doss da Jesus voa rund 500 Leit easchiena warad und voa eana predigt hed.[3] De Afeastehung hod de Leit davo ibazeigt, doss da Jesus da Suhn vom Heagod warad.[3] De Kristn glaam aa, doss daduach fia jedn Mensch Hoffnung af Eaneiarung in de Wejd keman is.[4]. Duach in Glaam in God[5] dadadns sprirituej lebendi wean und a neis Lem ofanga kina.[6]

In de Passionsspui wead s Load vom Jesus nochgspuit. De Obaammagaua Passionsspui san de wejdweit bekonntastn davo. De letztn fimf Dog im Lem vom Jesus wean do duach de Doafbewohna vo Obaammagau nochgstejt.

Brauchdum

An Haffa Ostabrauchdum, wia Oafeabm, Oavastecka und Schokoostahosn, hod mit am Fruajoarsbrauchdum vo oidn eiropejischn Natuareligiona z doa.

Da Zammahang is zan Tei offnsichtli: Ostaoa und Ostahos (Fruchtborkeit), Ostafeia und Ostaradl (Sunnakult), Ostawossa (Jungbrunn, Eaneiarung, Fruchtboakeit), Ratschn und Ostaschiassn (Wintageista vatreibm), Ostabrod und Ostaspeisn (Opfa und Eaneiarung) und so weida.

Fruchtboakeid, neies Lem

Ostaoa

A Ostaoa is traditionej a hoartkochts Henaoa, wo gfeabt, ogmoit oda vaziad und z Ostan vaschenkt wead. Heit wean woarscheinli meara Ostaoar aus Schoklad vaschenkt und gessn. Ostaoar wern oba aa zua Dekoration vawendt. Des kena ausblosane Henaoar sei oda Oar aus andan Stoffn wia Kunststoff, Pappadeckl, Stoa oda Gips.

Wo dea Brauch heakimpt is ned sicha. Es Oa is oba in de moastn Kuituan a Symboi fia Fruchtboakeid und neies Lebm.

Ostahos

Da Hos is aa a oids Symboi fia Fruchtboakeid (wei sa si so schnej vamean). Es dominante Symboi fia Ostan is da Ostahos eascht im 17. Joarhundat worn. Da genaue Grund is ned bekonnt. Da Fejdhos hod de Phantasie vo de Menschn oba scho imma befligld: Ea rennt blitzschnej davo und schlogt dabei Hokn, so ois ob a wos z vabeagn hed. De Mandal stengan afrecht wia a Mensch, wens ums Weibal kempfn. Und grod im Fruajoar siagt ma vui Hosn. Im boarischn Brauch bringt jednfois moast da Ostahos de Ostagschenk und vasteckts in Ostanestan, wo de Kinda nacha suacha miassn.

Poimkatzal, Poimgart, Poimbuschn

In vuin Gegandn schneidt ma am Greanpfinzda Poimkatzalzweig ob. De wean na dahoam in a Vasn gstejt und am Koarsamsda mit ausblosane und bunt ogmoide Oar gschmickt.

Ostern am Matzleinsdorfer Friedhof

Poimbuschn auf an Weana Friedhof

Eierhaerten

Oarhiartn

Easter egg hunt

Ostanest suacha

Winta vatreim

Ratschna san uaspringli a Weakzeig zan Vatreim vo Vegln vo de Fejda gwen, desweng sans aa a Symboi zan Vatreim vo de Wintageista worn.

In da katholischn Ibaliefarung fliang de Glockn am Greapfinzda af Rom und keman eascht z Ostan wieda. In dea Zeid ibanehma de Ratschna de Funktion.

Es Ostafeia wead moast am Koarsamsda, in da Ostanocht, obbrennd. Da Brauch stommt ois oidn Zeidn und is spoda vo de Kristn ibanumma worn. Es Feia is a Symboi fia de Sun, de wo im Fruajoar imma steaka wead. Feia hod aa a reinigende Wiakung und vatreibt de Wintageista. De Oschn is friaa af de Fejda vastraad worn, ums Woxdum z sichan.

Osterschießen Bröthen

Ostaschiassn

Raspel eifel

Ratschn

Lüdge Osterrad rollend

Ostaradl

Osterfeuer bei Graz

Ostafeia (bei Graz)

Ostaspeisn

Traditionej wead am Greapfinzda, Koarsamsda oda Ostasunda a Koab mit Ostaspeisn zua Speisnweih in d Mess mitgnumma. Moast san do drin Ostaschinkn (Gsejchts), Ostabrod (Weißbrod), Ostaoar, Soiz, Pfeffa, Gree, Paradeisa und Mehjspeisn. Am End vo da Mess wean de Speisn gsegnet und dahoam zan Ostafruastuck gessn.

Noch da langa Fostzeid hod ma si natiale bsundas aufs Fleisch gfreid. In Estreich hoasst ma de Speisnweih desweng aa oft Fleischweih.

Veľkonočný košík

Ostakoab

Święcone2007

Speisnsegnung

Slovak easter food

Traditionejs Ostafruastuck

Easter Lamb (bread)

Ostalamml

Schau aa

Beleg

  1. Lukas|23:38-56
  2. NT, Lukas|24:1-12
  3. 3,0 3,1 NT, Korinther|15:12-20
  4. NT, Petrus|1:3|HCSB
  5. NT, Kolosser|2:12
  6. NT, Römer|6:4

Literatua

  • Aveni, Anthony: The Easter/Passover Season: Connecting Time's Broken Circle, The Book of the Year: A Brief History of Our Seasonal Holidays. Oxford University Press, 2004. ISBN 0195171543.

Im Netz

Derblecken

Derblecken, aa: derbleckn oda dablecka moand im Boarischn jemondn vaorschn bzw. afziang, af lustige Weis an Spiagl voahoidn. Da Begriff kimmd woahscheinle vo de Zänd blecka, jemandn de blitzandn Zänd zoang.Derblecken hod in da boarischn Kuitua a longe Tradition, van Gstanzl bis zan Weana Schmäh. As Derblecken hod se friaha voa oim im Wiatshaus obgspuid.

Heit wead da Begriff moasd im Zammhong mid'n Fossostich af'm Mingara Nockherberg gnuzd. Da Eafinda van Politika-Derblecken ba da Stoakbiaprob woa anno 1891 da legendeare Mingara Humorist Papa Geis.

Diandl

A Diandl, aa Dirndl oda Deandl, ko a Madl oda a jungs Wei sei, de no ned vaheirat is. Heitzdog werd des Wort a imma mehr ois Kurzform fias Diandlgwand heagnumma. S'Wort hod de gleichn Wurzln wia hochdeitsch „Dirne“ und niadadeitsch „Deern“. Friara hods a teiweis de Bedeitung „Magd“ ghabt. Fast iabaroi im deitschn Sprachraum wead ma oane fanga, wenn ma zua am Madl Dirne sogt, wei des heid de Bedeitung vo na Schnoin hod. Nua auf boarisch und a im hohn Nordn is Diandl/Deern weidahin was rechts Griawigs. Aba a do vaschwindts imma mehr aus da Oidags-Sproch, de moastn im boarischn Sprochraum wern eha „Madl“ sogn.

S' gibt mehra Wearta, de gearn mid dem Begriff Diandl kombiniert wern

A kloans Diandl, is bei de moastn a Madl

A jungs Diandl, is eha a jungs Wei

A feschs Diandl, is a Diandl, wo recht fesch is, oda wo se recht rausputzt hod. Da imma mehr Leid mit Diandl des Gwand moana ko aa a scheens Diandlgwand gmoant sei.Wia genau des mitn Oita gmoant is, hängt vom Oanzln ob, dea wo des sogd. Im Scherz wearn a ejtane Fraun ois Diandl ogred und des ko aa ois Kompliment gmoand sei.

Weidan koo mid Diandl de Staudn und de Kerschn vom gejwn Hartriegl (Cornus mas) gmoant sei (hauptsächle in Östareich).

Frankreich

Vorlage:Infobox Staat/Wartung/NAMEVorlage:Infobox Staat/Wartung/BILD-WAPPEN-BREITE

Frankreich (amtli: République Française, kuaz franz.: France) is a demokratischa, zentralistischa Stoot im Westn vo Eiropa. De Haptstod is Paris. In Eiropa grenzt Frankreich on Bejgien, Luxnbuag, Deitschland, de Schweiz, Italien, Monaco, Spanien, Andorra, on de Nordsee, onan Atlantik mitm Ärmekanei und ans Middlmeea.

Goaßlschnoizn

Goaßlschnoizn is a oida boarischa Brauch. Dabei werd mit da Goaßl gschwunga und de Schwungrichtung so schnej gändert, daß as letzte Stickerl von da Goaßlschnur so schnej werd, daß an Ibaschoischnoiza gibt.

Heiligomd

Da Heiligomd (dt. Heilige Abend, Heiligabend) am 24. Dezemba, is des da Voaomd vum Weihnochtsfest. Es is a oide Tradition, dass a Fest scho am Voaomd onfongt. In Bayern und Östareich is s'Brauch, dass do de Bescherung stottfindt.

Hoagascht

A Hoagascht, aa Hoagoat is a kloans, nedkomerziejs Musifest in Bayern und Österreich mit Stubmmusi, Gsang, kloane Blosmusigruppm und kurzn Theatastickln. Friaa hod ma mit Hoagascht a gmiatligs Zammasei im kloan Kroas gnennt, wo musiziat, gspuit und grascht worn is.As Wort kimmt vom boarisch-mittlhochdeitschn heingarte (Hoamgortn) und hod urspringle in Gortn vorm Haus gmoant. Draus hod si da Begriff firs gmiatiche Zammasein auf da Bank vorm Haus entwicklt.

Holland

Vorlage:Infobox Staat/Wartung/NAME

Holland (amtli: Niederlande, holländisch: Nederland) is a parlamentarische Monarchie und a Tei vom Kinireich vo Niedaland im neadlichn Westeiropa. Des Land grenzt im Noadn und Westn an de Nordsee, im Sidn an Bejgien und im Ostn an Deitschland. Zamma mit Bejgien und Luxemburg buid Holland de Beneluxstooten.

Johanni

Johanni (aa Johannisdog) is da Gedenkdog vo da Geburt vom Johannes im Taifa am 24. Juni. Ea stähd in enga Vabindung zua Summasunnwend. De Johanninacht is de Nacht afn Johannidog, vom 23. afn 24. Juni.

Da Dog is mid Feian im Zammahang vo da Sunnwend eng vaknipft. Des siecht ma deitli am Johannifeia. Johanni is aa a wichtiga Losdog fia bestimmte Bauernregln.

Neijoar oosinga

Neijoar oosinga is a boarischa Heischebrauch.

Friacha is de Doafjugad vo Haus za Haus zogn und hod duach Liadln und Gedichtln a guads Neis Joar gwinscht. Dafia ham de Senga voa oim Kletznbroud, Bacht (Beckarein), Epfen und Nussn griagt. Im Untaschied zan Neijoar ooblosn gibts des heint neam oft.

Oschamigga

Da Oschamigga oda Oschamiddwoch (dt.: Aschermittwoch, engl.: Ash Wednesday, lateinisch Dies Cinerum) is im Krisdndum da Ofang vo da Fostnzeit und s End vom Fosching.

Da Nama kimmt vom Brauch, de Leit in da Kiach mit an Oschnkreiz z segna. Dees soi an de Vagenglichkeit eainnan.

Ostabrod

A Ostabrod oda Osterbrot, aa Ostafleck, is a Brod, wo speziej z Ostan bocha wead.

In vui katholisch pregtn Lendan wor's a traditioneja Brauch, doss z Ostan a Brod sejm bocha und nacha zua Speisnweih in d Mess trong worn is. Dees Brod is nacha zan Fostnbrecha am Ostasunnda gessn worn. Da Brauch wead heit teiweis no imma pflegt.

Ostabrod gibt's in vui Variantn. In Bayern und Estareich vasteht ma drunta heit voa oim a siass Woaznbrod aus Geamdoag, moast mid Ziwebm, in da Form vo am Loab oda Zopf.

Ostara

De Ostara (oidenglisch: Ēostre oda Ēastre) is a rekonstruiate germanische Fruahjoars-Geddin.

Ois oanzige Quejn guit dabei da anglsaxische Pata und Kiachnhistorika Beda Venerabilis, dea wo de Heakumft vom Wort „Easter“ (Ostan) mit oana friahan germanischn Geddin "Eostrae" eakleat hod. Des is vom Jakob Grimm afgriffa worn und in da Romatik hod de Geddin domid a gressane Popularitet kriagt. In da Fochwissnschoft is umstrittn, ob des a germanische Geddin wor.

Poimgart

D Poimgart is a Ast oda a junga Stomm vo am Poimstrauch, dea fian Poimsunnda heagricht is.

Bevoa dass de Poimkatzal vobliadnd, werd a passede Poimgart a(bgsagld, de wia si so nach oan Meta meafach und schee[n reglmassi vazwaegt. Dann wead de Gart foegendamaßn heagricht: Ma suacht in dene Vazwaegunga a middlas Astl - und wenn koa sechas ned vorhandn is, dann bastld ma oans aene - und spießt roude Epfe drauf on. Drum umme wern Zwaegal vom Buchsbaam und vom Segnsbaam ummebundn. An de Zwaeg von da Gart wern bunte Bandl anknipfd: krepppapiarene, stoffena oda, wenn s ganz grouß hergehn soj, aa saedene. Mid sechane Poimgartn ausstaffiat zoegnd de Buama in da Prozession mid in d Kiach. Recht grouß is dann de Andacht maestns ned, wae s hauptsächle damid bschäftigt hand, dass mid da oagna Poimgart vo de vo eahnane Nachbarn rundumadum de Bandl owafischnd, so das s an da oganen hänga blaemd.

Früahras, wia no de oede vorkonziliare Liturgie goedtn had, is am Koasamsta voamiddag aus dem untern Stiggl vo de Poemgartn voa da Kiach herausd a Art Schaeddahaufa aufgrichd worn. De -r- is nacha a(nkendt und des Faea is gwaechd worn, und mit dene a(ngsengdn Stumpm hand de Buama hoamganga. De selln Brandstegga hand dann s ganz Joa iwa am owan Bodn gstandn und hamd aes Abweamiddl gega Blitzschlag und Faea goeddn.

Poimsunda

Da Poimsunda is da Sunda vua Oustan und da easchde Dog vo da Koarwocha. As Fest eainnad im Kristndum an en Triumpfzug vom Jesus auf Jerusalem, wora auf an Esl gridn is und mid Poimzweigal und Poimbuschn umjublt woan is.

Roagaspitz

Da Roagaspitz oda Roaga is a traditioneja, boarischa Huadschmuck. Da Roagaspitz is de Fliglfeda vom Schlangahoisvogl (lat. anhinga melanogaster). Es wean imma drei Fedan und a kloana Flaam za am Bund zammagmochd.Da Schlangahoisvogl kimmt nua in Asien fir, wia dees aa a Bstandtei vo boarischn Trachtn wean hod kena is ned iwaliefat. Da Vogl is sejtn, de Fedan san heit kaam no z griagn, deshoib wean aa Imitate vawendd.

Ruaßiga Freida

Da Ruaßiga Freida und Foschingsfreida (dt. Rußiger Freitag und Faschingsfreitag) is da Freida vuam Oschamiddwoch. Es is da Dog nochn narrischn Pfinzda (Weiwafosching) und vuam Schmoizign Samsda (Foschingssamsda).

Schmoiziga Samsda

Da Schmoizige Samsda und Foschingssamsda (dt. Schmalziger Samstag und Faschingstag) is da Samsda vuam Oschamigga. Es is da Dog nochn ruaßign Freida und vuam Foschingssunda.

Schmoizig hoaßta desweng, wei in da Fosanochtszeid gean Schmoiznudl (boarische Kropfa).

Sternsinga

Des Sternsinga find imma so zwischn 3. und 6. Jenna stott. Jeds Joar gengan do a boa Buam oda Madl in Sternsingagwanda in eanan Gebiet vo Haus zu Haus und singan a boor Liadl und song eanare Sprichal auf. Damit saumens Ged fia de Oarma und ob und zua griangs a weng an Schogglad oda aundas siaß Zeig.

Des gaunze wird vo da katholischn Kiach gmocht, de wos a des Göd daun weidageben. Meistns gengan de Ministranten vo dera Kiach, oba oft a aundre junge Buaschn und Madln oda Kindln.

Nochdems eanare Sprichal aufgsogt haum, schreims meistens nu 20+C+M+B+1* aufn Diastock. Des soid "Christus mansionem benedicat" hoaßn - auf guad boarisch "Kristus segne des Haisl" - und ned, wia de meisten moanan, Caspar, Melchior und Balthasar.

Weihnochtn

Weihnochtn (dt.: Weihnachten) is a kristliche Festzeid, wo de Gebuat van Jesus gfeiad wead und a profane Festzeid fia Ned-Kristn.Weihnochtn is zamma mid Ostan as wichtigsde Fest van Kristndum. De Weihnochtszeid fongd om Heiling Omd o und gähd bis zan 6. Jenna (Heilige Drei Kini). De via Wocha vua Weihnochtn hossn Advent.

De Weihnochtszeid hod ned nua kristliche Wuazln. Um de Zeid hods in Eiropa aa scho vuam Kristndum Festl gem, beispuisweis as Julfest.

Zan Brauchdum vo Weihnochtn ghean heit vua oim: Weihnochtsgschenke, Weihnochtsessn, Weihnochtsbaam, Kristmess und Weihnochtsliada.

Andane Sprochn

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.