Numeri

Des Buach Numeri (hebr.: בּמדבּר, Bemidbar; gr.: Ἀριθμοί, Arithmoi; lat.: Numeri), im deitschn Sprochraum oft oafoch des 4. Buach Mose gnennt, is des vierte Buach im jüdischn Tanach und im Oitn Testament vo der christlichn Bibel.

Afrikaans

Afrikaans (weatli: afrikanisch), friaha aa: Kapholländisch oda Kolonial-Niedaländisch gnennt, is oane vo de ejf Amtssprochn in Sidafrika und a oneakonnte Mindaheitnsproch in Namibia. Es gheat zum westgermanischn Zweig vo de indogermanischn Sprochn und is aus'm Neiholländischn vom 17. Joarhundad entstondn. De Grammatik hod a stoake Regularisiarung duachgmocht.

Bibel

De Bibel, aa Bibe is im Judndum und Kristndum de Bezeichnung fia untaschiedliche Sammlunga vo Schriftn, de wo vo de Ohenga ois heilig ogseng wean und ois Uakundn vom Glaam gejtn. Des san Zammastejunga vo Schriftn (aa "Biachl", griach.: "biblica") aus'm Morgnland (Levante, Voadara Orient), de wo im Valaff vo eppa 1200 Joa entstondn san und bis zum 2. Joahundat z'eascht vo Judn, spoda aa vo Kristn kanonisiat (wuikiale ois normative Richtschnua definiat) worn san.

De hebräische Bibe, da Tanach, setzt si aus drei Hapttei Tora (Weisung), Nevi'im (Prophetn) und Ketuvim (Schriftn) zamma. De Biachln buidn in ondara Oadnung und a weng ondam Umfong aa s Oide Testament, an easchtn Hapttei vo da kristlichn Bibe, de wo no duach's Neie Testament eagenzt wead. In dea Form is de Bibe des am weidastn vabroadsde Biachl vo da Wejd.

Bibeiwasetzunga existian ois Gsomtiwasetzung in 451 Sprochn und in weidan 2479 Sprochn ois Teiiwasetzunga.

Boarisch

Boarisch bzw. Bairisch is a Sproch im Siidostn vom deitschn Sprochraum. Zamma midm Alemannischn, Sidfränkischn und Ostfränkischn buidns de obadeitschn Sprochn. Es Vabroadungsgebiet vom Boarischn is da oidboarische Tei vom Freistoot Bayern, es aissaste Sidvogdland in Saxn, Östareich (estli vom Arlberg), Sidtirol und de zimbrisch-karnischn Sprochinsln in Obaitalien. Meara wia de Hejft vo de Boarischn Muaddasprochla wohna aussahoib vom heitign Freistoot Bayern (Boarn).

Schaug unta: Portal:Boarisch - fia Informationa iwa d Boarische Kuitua.

Grönländische Sproch

Grönländisch is a eskimo-aleutische Sproch und wead vo rund 57.000 Leidln z Grönland und Dänemark gredd. Es is eng mit de Inuit Sprochn in Kanada vawandd, wia beispuisweis Inuktitut. Da Haptdialekt vom Grönländischn, Kalaallisut oda West Grönländisch, is seit Juni 2009 de Amtssproch z Grönland.

Grönländisch is a hochgradig polysynthetische Sproch. Des hoasst, dass aus diverse Wortwuazna und Suffixa lange zammagsetzte Weata buidd wean. So wean a neie Begriff oft aus Stammweata konstruiat, owa es wead a vui ausm Dänischn und Englischn iwanomma.

Des Grönlandische losst si in drei Haptdialekte eintein: Nord-, Ostgrönländisch (Tunumiutut) und Westgrönländisch (Kitaamiutut). Westgrönländisch, da Dialekt mit da gresstn Sprechagruppm, wead efta ois Kalaallisut im engan Sinn bezeichnet. Inuktun oda Avenarsuarmiutut, da neadliche Dialekt, wead in da Gegend von Qaanaaq (Thule) gredd und is am engstn mitn kanadischn Inuktitut vawandd. Des Wort Kalaallisut is a Equativ und bedeidd weatle wia a Grönlända.

De boarische Sproch hod nebm "Iglu" (nei-grönl. illu, Inuktitut iglu) no de Weata "Anorak" (grönl. annoraaq), und "Kajak" (grönl. qajaq) ausm Grönländischen integriat.

Numerus

Da Numerus (Plural: Numeri) is in da Grammatik a Foam, um de Ozoih z untascheidn.

Im Boarischn wean do zwoa Foama vawendd: da Singular (de Oazoih) und da Plural (de Meahzoih). In ondan Sprochn gibds teiweis vui meah Numeri: Dual, Paral, Trial, Quadral, Paukal usw. Beispuisweis gibds im Sanskrit und im Hebräischn in Dual, wenn zwoa Sochan gmoand san.

Da Numerus is wichtig fias: Substantiv und Adjektiv, fias Verb, fian Artikl und fias Pronomen.

Numerus (Begriffsklearung)

Numerus (Pl.: Numeri) bezeichnd:

in da Grammatik de Zäjfoam vo Weata, schau: Numerus

in da Geophysik as Reziproke vo da Obplottung, aa Numerus vo da Obplottung

a Huifstruppn vo da remischn Armee, schau: Numerus (Huifstruppn)

as Argument vo da Logarithmusfunktion

Plural

Da Plural (vo lateinisch : (numerus) pluralis‚ in da Meazoih stehnd, obgleidd vo lat. : plures ‚meahrane‘; Obkiazung: Pl.) is in da Grammatik a Numerus und stähd fia de Meazoih.

In ondan Sprochn, wia zan Beispui im Sanskrit, gibd's no weidane Numeri, wia beispuisweis in Dual. A Substantiv, wo nua im Singular vawendd wead (Milli, Obst, Reng), wead Singularetantum gnennd; a Substantiv, wo in da Regl nua im Plural ogwendd wead, Pluraletantum. Da Singular zan Pluraletantum hoassd Singulativ

Im Boarischn gibd's in Plural ba vaschiedne Woatoatn, zan Beispui ban Verb, ban Substantiv (Namawoat oda Haptwoat), ban Artikl (Gschlechtswoat) und ban Pronomen (Fiawoat).

Singular

Da Singular (noch lateinisch : (numerus) singularis‚ in da Oazoih stehad‘, za lat. : singulus‚ oanzln‘; Obk.: Sing., Sg.) is in da Grammatik a Numerus und zwoar de Oazoih. Da Singular wead im Boarischn moast dazua gnutzd, um oanzlne Exemplare vo Sochan z nenna. Ban Plural (Pl.) gehds um zwoa oda meahrane Exemplare.

In ondan Sprochn, wia zan Beispui im Sanskrit, gibds no weidane Numeri, wia beispuisweis in Dual. A Substantiv, wo nua im Singular vawendd wead (Milli, Obst, Reng), wead Singularetantum gnennd; a Substantiv, wo in da Regl nua im Plural ogwendd wead, Pluraletantum. Da Singular zan Pluraletantum hoassd Singulativ

Tora

De Tora, vom Griachischn aa Pentateuch gnennt, is de Bezeichnung fia de fimf Biacha Mose (Genesis, Exodus, Levitikus, Numeri, Deiteronomium) und is damit da Ofang vom jidischn Tanach und vo da kristlichn Bibel (do sans de fümf Biacha vom Moses). De Text san woi zwischn uma 900 v. Kr. und uma 550 v. Kr. gschriem worn, wobei de Tora traditionell oba am Moses zuagschriem werd.

Andane Sprochn

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.