Kuitua

Unta Kuitua (dt.: Kultur) vastähd ma noch da Definizion van Edward Tylor an Komplex aus Wissn, Glaamsvoastejunga, Kunst, Morajaffossung, Recht, Braich und olle ondan Fähigkeitn und Sittn, wo da Mensch ois Midglied vo ra Gsejschoft nutzn duad.

As Woat Kuitua kimmd van Lateinischn: cultura, wos easchtamoi Pfleg van Keapa, und bsundas van Geist, ghoassn hod. Spada is's aa af de Landwiatschoft (Agrikuitua) ausgweidd worn.

Im Netz

1. Joarhundad

As 1. Joarhundad hod am 1. Jenna 1 ogfangd und am 31. Dezemba 100 gendd.

Argentinien

Vorlage:Infobox Staat/Wartung/NAME-DEUTSCHVorlage:Infobox Staat/Wartung/BILD-WAPPEN-BREITE

Argentinien (spanisch: Argentina) is a Stoot im Sidn vo Siidamerika. Es is da ochtgresste Stoot vo da Eadn. Da Nama kimmt vom lateinischn Wort fir Süwa - argentum. Des kimmt davo, wei de spanischn Erobara glabt hom, dass do Bodnschätz findn kenntn. Bis 1816 wor Argentinien a spanische Kolonie.

De Haptstod vo Argentinien is Buenos Aires.

Berlin

Berlin is de Bundeshaptstod und da Regiarungssitz vo Deitschland. Aussadem is s a oagnas Bundesland und as Zentrum vo da Metropolregion Berlin-Brandenburg. Berlin is mit uma 3,5 Milliona Einwohna de gresste Stod vo Deitschland (noch da Bevejkarung und noch da Flächn). In da EU is de zwoatgresste Stod noch da Bevejkarung und de fimftgresste noch da Flächn.

Berlin wor in seine Gschicht scho mehrfoch a Haptstod, wia beispuisweis vom Kurfiaschtndum Brandenburg, vum Kinireich Breissn, vum Deitschn Reich und vo da DDR (nua im Osttei vo da Stod). Seit da Wiedavaoanigung im Joar 1990 is Berlin gsamtdeitsche Haptstod. Davor war des Bonn.

Berlin is a bedeitens Zentrum vo Politik, Medien, Kuitua und Wissnschoft in Eiropa. De Stod is a wichtiga Vakeahsknotnpunkt und oane vo de moastbesuchtastn Städt vom Kontinent. Institutiona wia de Universitetn, Forschungseirichtunga, Theata und Museen gniassn internationale Onakennung. De Stod is a Magnet fia Kunst- und Kuituaschoffende aus da ganzn Wejd. As gschichtliche Vamächtnis, as Nochtlem, und de vuifejtige Architektua san iba de Grenzn ausse bekannt.

Deitschland

Vorlage:Infobox Staat/Wartung/NAMEVorlage:Infobox Staat/Wartung/BILD-WAPPEN-BREITE

Deitschland (amtle: Bundesrepublik Deutschland) is a Stoot in Middleiropa. Ois Bundesstoot wiad de Bundesrepublik Deutschland aus dena 16 deitschn Ländan buidt. De Lända gliedan se wieda nochm Vafossungsprinzip vo da kommunaln Sejbstvawoitung in kommunale Gebietskeapaschoftn.

Bundeshaptstod is Berlin. As politische System is fedaral und ois parlamentarische Demokratie organisiat. Deitschland is mid eppa 81,8 Mijona Eihwohna (2015) da bevejkarungsreichste Stoot vo da EU. Deitschland is unta andam Mitgliad vo de Vaeintn Nationa, vo da NATO und vo de G8 (Gruppm vo de Ocht), sowia Grindungsmitgliad vo da EU.

Des gresste Bundesland vo Deitschland is Bayern, s beväikarungsreichste is Noadrhein-Westfoin.

Ethiopien

Vorlage:Infobox Staat/Wartung/BILD-WAPPEN-BREITE

Ethiopien (dt.: Äthiopien, amharisch: ኢትዮጵያ, Ityop̣p̣əya, griachisch: Αἰθιοπία) is a Binnenstoot im Noad-Ostn vo Afrika. Zua Zeid vo sei'm Koasareich hod ma im Auslond aa Abessinien (oda: Abyssinien) dozua gsogt, wos owa kuitua-geografisch fiaras Houchlond vo Abessinien stehd. Grenzn duad's on Eritrea, on Sudan, on Sidsudan, Kenia, Somalia und Dschibuti. Vo da Eihwohnazoi hea is's da gresste Binnenstoot af da Wejd. Af'm Human Development Index (Stond: 2012) hod Ethiopien an Bloz 173 (vo 187 Lända, fia de wos's Infoamationa gibt).

Finnland

Vorlage:Infobox Staat/Wartung/NAMEVorlage:Infobox Staat/Wartung/BILD-WAPPEN-BREITE

Finnland (finnisch: Suomi; schwedisch: Finland [ˈfɪnland]), is a Stoot in Skandinavien, im Noadn vo Eiropa, und Mitgliad vo da EU. Finnland grenzt on Schwedn im Westn, Norwegn im Noadn, Russland im Ostn und on de Ostsee im Sidn und Westn. Bei 5,3 Milljonen Eihwohna af ana Flech, wo nua a weng kloana is wia Deitschland, gheat dees Land zu de am dinnstn bsiadltn Lenda vo Eiropa. A grossa Tei vo da Bevejkarung konzentriat si dabei afn Sidn vom Land mit da Haptstod Helsinki. De zwoa offiziejn Landessprochn san Finnisch und Schwedisch. 92 % vo da Bevejkarung san finnisch-, 6 % schwedischsprochig. De schwedischsprochige Inselgruppe Åland hod a Autonomiestatus.

Finnland wor historisch a Tei vo Schwedn bis 1809 z Russland kema is. 1917 is Finnland unobhengig worn. 1969 is Finnland in de EU afgnumma worn und 1995 in de Eurozone.

Frankreich

Vorlage:Infobox Staat/Wartung/NAMEVorlage:Infobox Staat/Wartung/BILD-WAPPEN-BREITE

Frankreich (amtli: République Française, kuaz franz.: France) is a demokratischa, zentralistischa Stoot im Westn vo Eiropa. De Haptstod is Paris. In Eiropa grenzt Frankreich on Bejgien, Luxnbuag, Deitschland, de Schweiz, Italien, Monaco, Spanien, Andorra, on de Nordsee, onan Atlantik mitm Ärmekanei und ans Middlmeea.

Griachische Sproch

De griachische Sproch (neigr. ελληνική γλώσσα ellinikí glóssa anhören?/i, oidgr. ἑλληνικὴ γλῶσσα, hellēnikē glõssa) is a oagana Zweig vo de indogermanischn Sprochn. Des Oidgriachische und des Neigriachische, wo heit in Griachaland gred wead san vaschiedane Stufn vo da griachischn Sproch.

Griachisch hod a Schrifttradition vo iwa 3400 Joan und is nochm Kinäsischn unta dena lebendn Sprochn de Sproch, wo am längstn iwaliefat is. De eiropäische Kuitua is duach de griachische Sproch und Kuitua prägt worn.

Gschicht vo de Maya

De Maya san a indigens Voik des bis Heid nu in Middlamerika (Mesoamerica) lebt.

Se hom se vo oan Staum, dea uasprüngli unta lauta aundane Indiana im Gbiag vo Guatemala glebt hod agspoit. Nochand sans daun in Sidyucatan eigwaundat. Do hom se Se oanige Moi afteud. Und so san a eanane Dialekt und spoda Eanane Mayaschprochn entstaundn. Se haum za vaschidanan Zeitn grosse Kuituan und Reich afbaut. Obwois praktisch nu in da Stoazeit glebt hom, woans im Wossabau technisch weid fuan. Mid eanane oafochn Weakzeig homs scho technisch kompliziate Bauweak earicht. Se haum a so wia de Inda, de Ziffa Nui eafund und hom a damid grechnt. A Astronomisch wons domois wödweid am genauastn. De Laundwiatschoft bei de Maya woa recht owadsintensiv und woihiwalegd. Und eanane Vuastölungan iwa eanane Gedda und Kosmos woan recht owaglaiwisch owa fantasivoi.

Haptstod

De Haptstod (dt.: Hauptstadt) is da Sitz vo de wichtigstn politischn Eihrichtunga vo am souvaräna Stoot. In ana Demokratie is do da Standort vom jeweilign Parlament, ba ana Monarchie is do de Residenz vom Monarchn. In vui Stootn is gleizeidig Wirtschafds-, Vakeahs-, Industrie-, Wissnschofts- und Kuituazentrum. In Bayern is des Minga, in Östareich Wean und in Deitschland Berlin.

Holland

Vorlage:Infobox Staat/Wartung/NAME

Holland (amtli: Niederlande, holländisch: Nederland) is a parlamentarische Monarchie und a Tei vom Kinireich vo Niedaland im neadlichn Westeiropa. Des Land grenzt im Noadn und Westn an de Nordsee, im Sidn an Bejgien und im Ostn an Deitschland. Zamma mit Bejgien und Luxemburg buid Holland de Beneluxstooten.

Inka

Inka wead Heid iatimli de Bevökarung gnennt de westli da Andn in dem riesign Reich glebt hod, vua da schpanischn Conquista. Owa em Eigantli hom zeascht nua de Regiarandn den Naum und Titl trogn. Schpoda daun a olle Nochkemadn vom easchtn Inka, em Manco Capac (af Quechua, Manqua Ohapac) und seina Schwesta, da Mama Oclo (af Quechua, Mama Uqllu) und nua vo de Zwoa.

Schpoda san a de Kinda und a de Nochkemadn vom Manco Capac mid seine aunda Frauwen, sowia a de vo de aundan Inkaheascha mid eahnane Nebmfrauwen Inkas woan.

Ois se des Reich scho a Wengl vagreßad hod, san a de Nochkemadn vom Inka Manco Capac seine Briada ois Inka augred wuan. Ma hods a de Großoahrn ghoaßn, weu mas an de großn Oahrpfleck kennt hod. Nu schpoda, wia de easchtn Inkaheascha in gaunz Cuzco und s`Reich nu greßa woan is, hod ma a de Schtämm de domois in de aundan Schtodviatln, oda in dera Gegand glebt hom, a za de Inka zöht. In da Weatigkeid hods owa Oschtufungan gem. Heili und godglei woa nua da Heascha, den ma do scho Sapa Inka ghoaßn hod. Je weniga ma vom easchtn Heaschaboa ogschtaummt hod, wichti woa, vo Bade, umso weniga augsehgn woa ma im gsöschoftlign Raung. Ois ma de Nochboareich, noch und noch eaowat hod, san de valesslign Vawoita oda Gouvaneua (de Curaca) zweng woan. Oiso hod ma a de Kinda, de de Inkakeanfamülie mid de fremdn Prinzessinan ghobt hobm, weida untn in de beschtehande Inkafamülie afgnumma woan. Und a de Heaschfamülien vo de eaowatn Fiaschttima und Kenireich.

Bevua de Schpania des Reich eawat, hobm eppa 8 bis 12 Müllionan Leid drin glebt. Und Olle Inka, a mid De, de aa da Inka-Hiararchie weida Untn zuaghead, hobm im gaunzn Reich nua a boa Tausand Leid ausgmocht.

De Inka hobm in nua eppa 300 Joah a riesig, laungzognas Reich eaowat. Se hobm af de Eafohrungan und Eafindungan af a eppa fimftausandjaarige Viagengakuituan zruckgreiffa kena. Und Se hobm se, technisch, kinstlarisch und kuiturä a aso bei de Viagengakuituan bedeand wia a de Rema bei de Etruska und de Griechn. De Inka hobm nua mea en Terrassnfödbau in nu weidare Hechn fiatribm. Des wos owa oamolig gmocht hod, woa eahna rigoros Heaschoftsmodö. Ois hod se em Schtoot untaoadnan miaßn. Und so homs a, aus wiatschoftlige Gründ, oda a um bsiegte Vöka zan Befriedn, maßnhoft Voiksgruppn umgsiedlt.

Karntn

Karntn (amtli: Kärnten, slowenisch: Koroška) is s siadlichste Bundesland in Estareich. D Hauptstod is Klognfurt. De boarischn Dialekte, de wos in Karntn gredt wean, nennt ma Karntnarisch und de ghearn zua d siidboarischn Dialekte.

Obabayern

Obabayern (amtli: Oberbayern) is im Freistaat Bayern sowoi a Bezirk wiara a Regierungsbeziak.

Dea Regierungsbeziak liegd im Siidostn vo Bayern. Sidlich und estlich grenzda an Estareich, im Nordostn an Niedabayern und Obapfoiz, im Nordwestn an Middlfrankn und im Westn an Schwobm. Zum erschdn Moi erwähnt wead da Begriff 'Obabaiern' 1255. Domois hod aba da Cheamgau und de Gegnd vo Reichahoi no zu Niedabayern ghead.

Portugal

Portugal (amtli: República Portuguesa) is a eiropäischa Stoot im Westn vo da iberischn Hoibinsl. Im Westn und Sidn weads vom Atlantischn Ozean, im Ostn und Noadn vo Spanien begrenzt. Zan portugiesischn Stootsgebiet ghean aa de Insln vo de Azoren und Madeira (mid Porto Santo). Westli vo da Haptstod Lissabon liegt Cabo da Roca, da westlichste Punkt vom europäischn Festland.

Da Nama Portugal kimmt vo da Siedlung Cale im Noadn, wo friahra a wichtiga Hofn wor. Drum ham de Rema, wo Portugal a Tei vom remischn Reich gwen is, Portus Cale dozua gsogt. Do draus is spada Portugal worn, und aus da Siedlung de Stod Porto.

Remisches Reich

S Remische Reich, lateinisch: Imperium Romanum (de antike stootsrechtliche lateinische Bezeichnung hoasst „Senatus Populusque Romanus“ (S.P.Q.R.): „Da Senat und s Voik vo Rom“) is dees Gebiet, wo de antike Stod Rom und da remische Stoot zwischn 8. Jh. v. Kr. und im 7. Jh. n. Kr. durch De römischn Kaisa beheascht hod. A kloare Obgrenzung is oba ned megli, wei s Remische Reich Voalaifa und Nochfoiga (Byzanz) ghobt hod.

Kunst, Kuitua, Handl und Lemsqualität hom in da Zeid vom Remischn Reich a Houchzeid eareicht, wo eascht hundate Joa spoda in Eiropa und Afrika wieda dalangt worn san.

S „Remische Reich“ woar a Stoot, a Gsejschoftsform und gleizeiti a universeje Idee vom grenznlosn Reich, a Vaeinigung vo vui Vejkan, Sprochn und Religiona.

S antike Rom hod bis heit an nochhoitign Eihfluss af's eiropejische Rechts- und Stootswesn. De lateinische Sproch lebt in de romanischn Sprochn weida.

Schwedn

Vorlage:Infobox Staat/Wartung/NAME

Schwedn (schwedisch: Sverige, dt.: Schweden) is a Land in Nordeiropa. Schwedn liegt auf da skandinavischn Hoibinsl, grenzt im Westn an Norwegn, im Nordostn an Finnland und is im Sidwestn duach de Öresund-Bruckn mit Dänemark vabundn. Schwedn is Mitglied vom Nordischn Rat und seit 1995 vo da EU und is duach sein Woifoartsstoot berihmd.

Schwedn is a konstitutioneje Monarchie. Des hoasst s Parlament und de Regiarung wean vom Voik gwejd, s Stootsowahapt is owa da Kini, Carl XVI Gustaf. De Haptstod vo Schwedn is Stockhoim.

Vaoanigte Stootn

Vorlage:Infobox Staat/Wartung/NAMEVorlage:Infobox Staat/Wartung/BILD-WAPPEN-BREITE

De Vaoanigtn Stootn vo Amerika (engl.: United States of America, kurz USA), in amtlicha Kuazform: Vaoanigte Stootn (engl.: United States, kuaz U.S.), umgangssprochle a: Amerika (engl. America), hand a Staat in Noadamerika, dea wo 50 Bundesstootn umfosst. Mitn Bundesstoot Hawaii und gloane Außenregiona hamds a a weng an Otei vo Ozeanien. D Hauptstod is Washington, D.C., de gresste Stod is New York City.

De Vaoanigtn Stootn hand as drittgresste Land auf da Wejd. Bevejkarungstechnisch mid eba 322 Milliona Eihwohna (2015) (noch China und Indien) und vo da Flächn her mid 9,83 Milliona Quadratkilomeda (noch Russland und Kanada).

Duach de Eiwandarung vo Leid aus an Haufa vaschiene Lända hand de Vaoanigtn Staatn oas vo de ethnisch vuifejtigstn und muidikuituareistn Lända auf da Wejd.Auf Bundesebene hamd de Vaoanigtn Staatn koa gsetzliche Amtssproch (dafia in 31 Bundestaatn), Englisch is oba De-facto-Amtssproch. Am Siadwestn is Spanisch a nu recht stoag vabreit.

Voa eba 12.000 Joa hand vo Asien aus de Paläoindiana as noadamerikanische Festland a de heidign Vaoanigtn Staatn eigwandat. De Kolonialisiarung aus Eiropa is dann umara 1600 lousganga. De Vaoanigtn Staatn hand aus dreiza britische Kolonien entstandn, de wo se 1776 vom Muadaland Großbritannien unabhängig erklärt hamd. Duach d Eiwandarung aus Eiropa und duachs territoriale Expandian noch Westn und duach Industrialisiarung hod d USA am 19. Jh. schnei wejdpolitischn Einfluss griagt und is iaz de gresste Voikswiadschaft auf da Wejd.

West Virginia

West Virginia (engl. Aussprache [wɛst vɝːd͡ʒɪnjə], deitsch ejda a West-Virginien) is oana vo de Bundesstaatn vo de Vereinigtn Staatn a da Region vo de Appalachen, oigmoa a bekannt ois The Mountain State (Da Bergstaat). West Virginia hod se vo Virginia am Sezessionsgriag trennd.

Andane Sprochn

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.