Handl

Handl oda Kommeaz (dt.: Handel, engl.: trade, commerce) is voa oim da Transfea vo Sochan bzw. Deanstn vo an Menschn oda ana Organisazion za an andan Menschn oda ana andan Organisazion. Ofd wead da Transfea duach Gejd zoihd. A Netzweak, des wo an Handl megli mochd, nennd ma Moarkt.

De uaspringlichsde Foam vo Handl san Dauschgschaftln gwen. Des is da direkde Ausdausch vo Sochan und Deanstn, oisdann a Dausch ohne Gejd.

Handl is duach Spezialisiarung vo Orbad entstondn. Oana ko wos bessa mocha ois andane und dauschd's nacha fia Sochan, de wo ea ned so guad ko. Da Handl zwischn Regiona is so z stand kemma, doss Regiona a echde oda eihbuidde Wettbeweabsvoatei in da Heastejung vo Sochan hom.

Unta Oanzlhandl vastähd ma as Vakaffa on Endnutza. Friaha woan des Gschaftln voa Ort, de wo in da Regl nua regionoi vakaffd hom. Iwas Netz kos Vakaffa heit owa aa wejdweid gscheng. Großhandl moant as Vakaffa on Firman, de wo de Woarn wiedavakaffa. Heit san Mischfoama vo Groß- und Oanzlhandl de Regl.

Zeven Pferdehaendler
A Rooshandl
Binnenstoot

A Binnenstoot (dt.: Binnenstaat) is a Stoot wo ned on a Meea grenzd, so wia Östareich oda de Schweiz. Binnensään wia'sKaspische Meea guidn dodobei ned. Australien mid Ozeanien is da oanzige Kontinent, wo's koane Binnenstootn gibd.

Insgsomd gibd's af da Wejd 44 Binnenstootn, wovo Kasachstan om meisdn Flächn hod und Ethiopien om meistn Eihwohna. Des kloane Fiaschtntum Liachtnstoa und Usbekistan san de oanzigsdn Lenda vo da Wejd, wo Doppl-Binnenstootn san, des hoassd, de umgrenzndn Nochboan san aa Binnenlenda.

31 vo de 44 Binnenstootn san Entwicklungs- oda Schwejnlenda. De dean se rechd hoat ban internationaln Handl, wei do as meisde iwa'n Sääweg transpoatiad wead.

Burghausn

De oide Herzogsstod Burghausn (amtli: Burghausen) is de greßte Stod im Landkroas Oidäding. Burghausn liegt an da Soizach und da Grenz zu Östareich, de ihr in frühere Zeitn durch Handl zu Woistand vohoifa hot. Übaregional is Burghausn duach sei Buag, de mid 1051 Meta de lengste in da Wäid is, de Wacker Chemie AG und de gleichnamige Fuaßboimannschaft bekannt.

Dampflok

A Dampflok is a Lok, de mid Wossadampf odrim werd.

Dampfloks san de easchtn maschinej odrimna Fuahweake gwen, de af an Gleis foahn. Se hom den Schienavakeah vo Ofang o, bis in'd Middn vom 20. Joarhundad ogfiahd kod. Da nazionoie und intanazionoie Handl hod se no mid'm Schienavakeah narrisch gschdeigad kod.

De Entstehung vo da Schrift

De Entstehung vo da Schrift (dt. die Entstehung der Schriften) bschreibt de Vualaifa vo de heitign Schriftn. De Schriftn san jo ned vom Hümmi gfoin und woan afamoi dogwesn. Es hod jo zwengan Midteilungsbdüafniss Ois kloa angfangt. Scho de Hölnmolareian woan ja aa scho Eainnerungshüfn. Und des is üwa de logogramm und Tonmarkn weidagaunga .Unta Tonmarkn und Tokn (vo engl. token) vastähd ma easchde Afzeichnungsmethodn fian Handl. Ois de Leid sesshaft wuan san, homs fia de Vicha und fian Haundl Afzeichnungan brauchd. So a Oat wia de heitigen Lifaschein. De homs da Woa mitgem und da Empfänga hod kontrolian kena wosa do griagt hod.

Fluss

A Fluss (Plural: Fliss, dt.: Flüsse) is oiwei a Siasswossa, des wos rinnd und rechd broad und long is. Des is da Untaschiad zan Bachal. Owa aus om Bachal ko a Fluss wean, wonn nua gnua ondare Bachal dozuakemma und so meah Wossa do is.

Da Fluss is wichtig fia'd Ekologie. Easchtns wei ea a Wossaspeicha is, zwoatns wei ma'n zan Umanondafoahn nemma ko, drittns fia'd Fiisch und ondare Viecha zan Wohna. Fian Mensch is a no wichti, wei ma domid a Elektrizitet mocha ko, und zwengam Transpoat. Aussadem hom se ofd om Ufa vo de großn Fliss vaschiedne Kuituan entwicked. Des ko deszweng gwen sei, wei duat da Bodn rechd fruchtboa woa, und wei ma afm Wossa weid umanonda kemma is, wos guad fia'n Handl woa. Wos affoid, is, doss Fliss eingdli imma gonz oide Nama hom, de ma heit goa nimma vastähd. Ba a poa hod ma'n Nam a eihdeitschd. Meisdns hod'a se da neiche Nam owa'n Sinn van oidn Nam ghoidn.

Da zweitgressde Fluss vo Eiropa is de Donau. De fongd: in Sidwestdeitschland im Schwoazwoid o, fliassd donn duach Bayern, ba Bassa rinnds donn gmoasom mid'm Inn und mid da Ilz noch Östareich eini und vo duadn iwa Ungarn, Serbien und Rumänien eini ins Schwoazze Meea.

Franz Xaver Krenkl

Franz Xaver Krenkl (geb. 15. Novemba 1780 in Landsdad, gest. 23. Aprui 1860 in Stuggart) is a boarisches Originai, Kutscha, Roßhendla und 14-focha Rennmoasta vo de Oktobafestrennen z Minga gwen.

Da Krenkl hod zeascht a Lehr bei an Bäckamoasta gmocht, is dann af de Woiz und hod danoch kuaz bei da boarischn Kavallerie deant. 1806 is a noch Minga kemma und woit durtn sei Glick mocha. Und des is eahm voi glunga. Z'earst is a Rennmoasta vo de Oktobafestrenna worn, dann wor a ois Gschäftsmo eafoigreich. Ea hod an schwunghoftn Handl mid englischn und ungarischen Ressan betriem und is ois Lohnkutscha fia bessare Herrschafdn gfoahn.

Iban Krenkl gibts vui Gschichtn ('Krenkliadn'), de woi bekanntaste is de mitn Kronprinz Ludwig. Da Krenkl hod amoi mit seina Kutschn im Englischn Goartn an Kronprinz Ludwig (späda Kini Ludwig I.) iwahoid. Des wor unta Strof vabotn, wei neamd bessare Pferdln ois de Herrscha hom deafn hod. Ois da Prinz eahm zuagruafn hod: "Er weiß wohl nicht, dass das Vorfahren verboten ist!" hod da Krenkl an Kronprinzn schneidig zruckgschrian: "Majestät, wer ko, der ko!" Des is zum gfliagltn Woat fia boarische Zivilcourage und anarchistischa Schneid worn.

Gilgamesch

Da Gilgamesh (sumerisch Bilgamesh) wor a groussa Kini und Hejd vo Uruk, Mesopotamien, dea wo zwischn 2800 and 2500 BC glebt hod. Es is de Haptpeason im Gilgamesch-Epos, des wo ois ejtasdes Weak vo da Wejdliteratua guit.Da Gilgamesch wor oana vo de wichtigstn Heascha vo de Sumera und is in Mesopotamien vageddlicht worn. Zwischn Legendn und Woarheit ko heit neama so genau untaschiedn wean.

Da Gilgamesch hod de easchde Stodmaua ibahapts baut. Se wor 11,3 km lang, 9 m houch und von an 9 m diafn Grobn umgebn.

So hod a Uruk im Schutz vo da Maua za an groussn Zentrum vo Mesopotamien gmocht, za ana Wiagn vo da Zivuilisation, mid an bliahadn Handl, Handweak und ana funktioniaradn Birokratie.

Goif-Kooperationsrod

Da Kooperationsrod vo de Arabischn Staatn vom Goif (arabisch مجلس التعاون لدول الخليج الفارسی‎, Umschrift: Maǧlis at-taʿāwun li-duwal al-ḫalīǧ al-ʿfarsiyya), a ois Goif-Kooperationsrod bekannt, is a Staatnbund, vo sechs Staatn auf da Arabischn Hoibinsl. Grind won isa am 25. Mai anno 1981 z Abu Dhabi duach an Kuwait, Bahrain, Saudi-Arabien, Katar, de Vaeinigtn Arabischn Emirate und am Oman.D Oaganisation strebt d Zammoabad vo eanane Mitglieda a da Außn- und Sichaheidspolidik sowa a d Föadarung vo da wiadschaftlichn und gsejschaftlichn Beziehung zwischn eana a. Auf 2005 hamds a Zollunion bschlossn, de is oba scha auf 2003 voazong won. Bis 2010 wa d Eifiarung vo arana gmeinsama Währung voagseng.

D Mitglieda hand zu am Beistand am Vateidungsfoi vapflicht. Da GCC undahoid a gemeinsame Vateidigungstruppn, de oba grod 5.000 Mana stoag is. Da GCC koobariad recht stoag mid de USA, zwecks am Schutz gengan Iran.

Fia d Eiropäische Union is d GCC-Region vo arana strategischn Bedeitung. Da GCC is da wichtigste Handlspartna vo da Union a da arabischn Wejd. Auf eam foind eba d Hejftn vom ganzn Handl mid arabische Staatn und um de 4 Brozent vo da Gsamtausfua vo da Eiropäische Union in Drittlända.

Kafää

Da Kafää (Betonung auf da zweitn Süüm) is a stimuliarads, schwoazzes Drangl aus grässte und gmohlane Kafääbaunan. Kafää ghead wödweit zu de beliabtastn Drangln. Es gibt sogoa eigane Lokäu, de Kafäähaisa, wo hauptsächlich Kafää drunkn wiad.

De Kafääbaunan kuman vo de Kafääpflaunzn, de wos in mea wia fuffzg Lända vau da Wöd aunbaut wean. Da Kafää wiad aa schwoazzes Goid gnaunt und is wödweit – nochn Eadöö – es zweitwichtigste Haundlsprodukt.

Kinireich Ryukyu

As Kinireich Ryuku, dt. Königreich Ryukyu (japanisch 琉球王国 Ryūkyū Ōkoku; Ryukyu 琉球國 Ruuchuu-kuku; kin. 琉球國 / 琉球国, Liúqiú Guó), wor a unobhängiga Stoot im Gebiet vom heiting Japan. Es wor a kloana Inslstoot (voa oim auf de Ryukyu-Inseln), dea wo owa a machtige Roin im Handl gspuit hod.

Seitm Novemba 2000 ghearn a boar Bautn vom Kinireich Ryukyu zum Wejdkuituaeabe vo da UNESCO.

Landkroas Traunstoa

Da Landkroas Traunstoa (amtli: Landkreis Traunstein) liegt im Siidostn vom Regiarungsbeziak Obabayern und is da zwoatgreßte Landkroas in Bayern. Er ghert zua Euregio Soizburg – Berchtsgoana Land – Traunstoa.

Leipzig

Leipzig is a kroasfreie Stod am Freistoot Sachsn. Se is a Zentrum fia Wiadschaft Handl, Vawoidung, Kuitua und an Vakea vo Middldeitschland und Sachsn.

Leipzig ghead zu de sechs Obazendren vo Sachsn, is da Sitz vom Direktionsbeziak Leipzig und hod so um de 544 000 Eihwohna (2014) un somid greßa ois Dresdn. Mid da Groußstod Halle (Saale) wo a nattriga Nochba is buids an Ballungsraum. Mid Halle und nei andane Städt in Sachsn, Sachsen-Anhalt und Thüringen buid Leipzig d Metropolregion Mittldeitschland und nema Dresdn is a oane vo de zwe Kernstädt davo.

Listn vo de grässtn Firmen in Deitschland

De Listn vo de grässtn Firmen in Deitschland enthoid de grässtn Untanehmen noch Umsotz, wo vo da SZ vaäffentlicht wead und de Listn Forbes Global 2000, vo de grässtn bärsnnotiatn Firmen vo da Wejd fia Deitschland.

Middloita

Unta'm Middloita (dt.: Mittelalter) vastähd ma a Epoch vo da eiropäischn Gschichtschreibung und moand domid de Zeid vo uma 500 bis uma 1500, S’Middloita is de Zeid zwischn da Antikn und da Neizeid

Ma undascheidd grob no in drei vaschiedne Eihteilunga:

As Friahe Middloita | 500 bis 1000

As Hohe Middloita 1000 bis 1250

As Spaade Middloita bis 1500De gsejschoftlichn Grundziag aus dera Zeid woan prägd van Kristndum, da Ständ und'm Feudalismus. De Buidungssproch woa Latein.

Niamberg

Niamberg (amtli: Nürnberg [ˈnʏʁnˌbɛʁkʰ]; af fränkisch: Nämberch) is a Groußstod in Bayern. Es is as wirtschafdliche und kuituareje Zentrum und aa de gresste Stod vo Frankn. Mid iba oana hoim Million Eihwohna (2015) is de zwoatgresste Stod vo Bayern. Zamma mid Fiath, Erlanga und Schwabach ergibt des oan Ballungsraum mid umara oana hoib Million Eihwohna.

Ottawa

Ottawa (eng. [ˈɒtəwə], fr. [ɔtaˈwa]) is d Bundeshauptstod vo Kanada. Se ligt am estlichn Teil vo da Provinz Ontario am Ottawa Fluss, diaged a da Grenz a d Provinz Québec. Ottawa bedeit „Handla“ a da Sproch vo de Algonkin, a Voik, wos a da Zeid vo da Besiedlong vom Fluss do an Handl bedrim hod. Am andan Ufa vom Fluss ligt de Zwillingsstod Gatineau. Ottawa seiba hod 883.391 Eihwohna und is damit de viatgresste Stod z Kanada, da Groußraum Ottawa-Gatineau is mid 1.236.324 Eihwohna (Voikszählung vo 2011) d viatgresste Ballungsraum vo Kanada.

D Bvejkarung is zu 63 % englisch- und zu 15 % französischsprachig. Ottawa is a da Region de oazigste offiziell zwoasprochige Stod. A da Stod seiba duad de englische Sproch ibawieng, im Gengsatz zu Gatineau, wos auf da andan Seitn vom Fluss ligt und wo d franzöische Sproch ibawiegt. Duach an Haufa Eiwandara a de Stod gibts a nu an fei andane Sprochn wo gred weand.

D Wiadschoft vo da Hauptstod wiad zum mehran vo de zwoa Sekdoan drong: zum oana duach de Oabatsplatz vo de Bundesbeheadn und de vo da Bundesregiarung, zum andan vo da Hochtechnologieindustrie. Ottawa belegt beim Bruttoinlandsprodukt und am Nettoeinkommen vo de Agsteidn de vedan Platz im landesweitn Vagleich und an easchtn bei da Pro-Kopf-Zoi vo de Eihwohna mid am akademischn Grod. (→ Bildung)

Remisches Reich

S Remische Reich, lateinisch: Imperium Romanum (de antike stootsrechtliche lateinische Bezeichnung hoasst „Senatus Populusque Romanus“ (S.P.Q.R.): „Da Senat und s Voik vo Rom“) is dees Gebiet, wo de antike Stod Rom und da remische Stoot zwischn 8. Jh. v. Kr. und im 7. Jh. n. Kr. durch De römischn Kaisa beheascht hod. A kloare Obgrenzung is oba ned megli, wei s Remische Reich Voalaifa und Nochfoiga (Byzanz) ghobt hod.

Kunst, Kuitua, Handl und Lemsqualität hom in da Zeid vom Remischn Reich a Houchzeid eareicht, wo eascht hundate Joa spoda in Eiropa und Afrika wieda dalangt worn san.

S „Remische Reich“ woar a Stoot, a Gsejschoftsform und gleizeiti a universeje Idee vom grenznlosn Reich, a Vaeinigung vo vui Vejkan, Sprochn und Religiona.

S antike Rom hod bis heit an nochhoitign Eihfluss af's eiropejische Rechts- und Stootswesn. De lateinische Sproch lebt in de romanischn Sprochn weida.

Schnoatsee

Schnoatsee (amtli: Schnaitsee) is a Gmoa mit 3557 Eihwohna (2015) im Beziak Obabayern (Bayern) im Landkroas Traunstoa.

Schwedisch

Schwedisch (Eingbezeichnung : svenska?/i) is oane vo de skandinavischn Sprochn und ghead za de germanische Sprochn. Domid is's Schwedische a Tei vo da indogermanischn Sprochfamij.

Schwedisch wead vo uma 8,5 Milliona Menschn ois Muadasproch gredd, vo dena uma 8 Milliona in Schwedn und uma 290.000 ois finnlandschwedische Mindaheit (5,5 % vo da Bevejkarung) in Finnland lem.

Andane Sprochn

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.