Geografische Koordinatn

Mit de geografischn Koordinatn (geografische Broadn und die geografische Leng) ko ma jedn Punkt af unsam Planetn beschreim. De Eadn is dazua in 360 Lengagrad und 180 Broadngrad aufteit. De Lengagrad valaffa duachn Noad- und Siidpoi, de Broadngrad prallej zum Equator.

De geographischn Koordinatn wean oft im Sexagesimaisystem ogem, d. h. 1 Grad is untateit in sechzg Minutn, 1 Minutn wiedarum in 60 Winkesekundn.

De Broadngrad wean vom Equator aus zejht, de Lengagrad vo an festglegtn Nuimeridian. Friacha hods vaschiedane Nuimeridiane gem, heit wead in da Regl da Nuimeridian vo Greenwich oigmoa akzeptiad.

Der Artikl is im Dialekt Mingarisch gschrim worn.
Geografische Koordinatn af da Kugl

Im Netz

Aidarkul

Dialekt-oben|Ostmittelbairisch|Östareichisch

Da Aidarkul (usbekisch: Aydar Koʻl) is a duach menschlichs Eiwiakn entstaundena See im usbekischn Teu vu da Kisilkum-Wüstn. Da See hod bei ana Läng vu fost 250 km und ana Broadn vu bis zu 15 km a Owaflächn vu ungefäa 3000 km² und is Teu vu am System vu Brackwossaseen, des unbeobsichtigt entstaundn is, weu si de Sowjets bei am Bewässarungsprojekt vaplant hom. Bis in'd Mittn vum 20. Joahundat woas Tiaflaund vu Arnasay, wo da See liegt, a trockene Soizpfaunn, wo si netta im Friahling ob und zua a kloana See büidt hod.

In da easchtn Höiftn vu de 1960a-Joa is da Fluss Syrdarja aufgstaud woan und zeitgleich da Tschardarja-Bewässarungsdaumm baud woan, dea Schleisn hod, mid de ma Üwaschwemmungen kontrollian kau. 1969 is so a greßare Üwaschwemmung kemma und weu de da Daumm nimma dahoidn hod kina, san de Schleisn aufgmocht woan. Desweng hom si im Tiaflaund a poa Seen büit. Des wieda hoaßt, dass da See koan Obfluss hod.

Seit 1969 wiad im Aidarkul rögimäßig Wossa vum Syrdarja zuagleitt, wauns Tschardarja-Reservoir d'Wossamassn nimma dahoidn kau. Mid da Zeid hod si de natialiche Senkn gfüid und am Schluss is da zweitgreßte See vu da Region (noch de Restln vum Aralsee) s'Eagebnis gwen. 2005 san im Aidarkul gschätzte 44,3 km³ Wossa gwesn.

Im Aidarkul san nochhand mearare Fischoatn ausgsetzt woan, zum Beispüi Zanda, Braxn, Wöise, Karpfn, Rapfn und Sichling. Zwischn 1994 und 2001 san pro Joa zwischn 760 und 2000 Tonnen Fisch aus'm See ghoid woan. Nem da Fauna, de fia'd Kisilkum noamal is, findt ma am See aa mearare Oatn vu Wossafegi, de vum Aralsee ummakemma san.

Da See liegt a weng obseits vu de Oatschoftn, in da nähan Umgewung vum See lem zua Zeid um de 345 Familien oda 1760 Leid. De ruige Log und de Möglichkeitn zum Fischn, Reitn auf am Kamöi und zum Schlofn in ana Juatn in da Umgewung vum See san de Attrakzionen fia Leid, de duat hi roasn.

Langbürgner See

Geografie

Da Langbürgner See oda "Langi" wiara im Voiksmund hoasd is a da diafsdn stei 37 meda diaf und hod a Fläch vo oam Quadratkillomeda. Er is Tei vo da Eggstätter-Hemhofer Seenplatte und liegt zwischn Edarf und Egstätt auf da Hechen vo Hartmannsberg.

Naturschutz: Da Langi is a Naturschutzgebiat wo koa Bot farn derf. Ausgnomma dafo san bestimmte Fischerboote und Wasserwacht.

Wasserwacht: D Wasserwacht am Langi gibts jezad scho seid 1958 (wasserwacht-bad-endorf.de) sie kimmert sie a um den Naturschutz am See.

Port Clinton

Port Clinton is a City im und da Vawoitungssitz vom Ottawa County in Ohio, Vaeinigte Stootn vo Amerika mid guat 6000 Eihwohna.

Da Ort liegt auf da Marblehead Hoibinsl an da Mindung vom Portage River in an Eriesee. Da eatliche Flughofn Carl R. Keller Field trogt'n IATA-Code PCW.

Shell, Wyoming

Shell is a gmoafreia Ort im Big Horn County im US-Bundesstoot Wyoming. Da Ort hod Bedeitung ois wichtige Fundstette vo Fossijien, am sognenndn Howe Quarry. Bekonntasda Fund is da Allosaurus „Big Al“.

Traunsee

Da Traunsee is mid 191m da tiafste See vo Östareich und flächnmäßig nochn Neusiedlersee und an Attersee da drittgreßte vo Östareich und is oana vo de schenstn Oipnseen. Ea is um de 12 km laung und um de 3 km broad im Siidn bei Emsee fliast de Traun in Traunsee eine und bei Gmundn, 12 km weida wieda ausse. Insgesaumt gibts 4 Orte am See, des san Emsee, Traunkircha, Altmünsta und Gmundn.

Andane Sprochn

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.