Exodus

Des Buach Exodus (hebr.: שׁמוֹת, Schemot; gr.: Ἔξοδος, Exodos; lat.: Exodus), im deitschn Sprochraum oft oafoch des 2. Buach Mose gnennt, is des zwoate Buach im jüdischn Tanach und in da kristlichn Bibel. Im Hebräischn hoaßt's: Schemot („Noma“), wos se vo de easchtn Woate vom Buach obleit. Im Griachischn hoaßt's: Exodos („Auszug“), weij da Auszug vo de Israelitn aus Egyptn a wichtiga Bestondtei is.[1]

Der Artikl is im Dialekt Westmiddlboarisch (Bayern) gschrim worn.

Beleg

  1. Vgl. Das Buch Exodus (Vorwort), in: DIE BIBEL. Einheitsübersetzung. Altes und Neues Testament, hrsg. im Auftrag der Bischöfe Deutschlands, Österreichs, der Schweiz, des Bischofs von Luxemburg, des Bischofs von Lüttich, des Bischofs von Bozen-Brixen, Freiburg – Basel – Wien 2008, 53f.
Bibel

De Bibel, aa Bibe is im Judndum und Kristndum de Bezeichnung fia untaschiedliche Sammlunga vo Schriftn, de wo vo de Ohenga ois heilig ogseng wean und ois Uakundn vom Glaam gejtn. Des san Zammastejunga vo Schriftn (aa "Biachl", griach.: "biblica") aus'm Morgnland (Levante, Voadara Orient), de wo im Valaff vo eppa 1200 Joa entstondn san und bis zum 2. Joahundat z'eascht vo Judn, spoda aa vo Kristn kanonisiat (wuikiale ois normative Richtschnua definiat) worn san.

De hebräische Bibe, da Tanach, setzt si aus drei Hapttei Tora (Weisung), Nevi'im (Prophetn) und Ketuvim (Schriftn) zamma. De Biachln buidn in ondara Oadnung und a weng ondam Umfong aa s Oide Testament, an easchtn Hapttei vo da kristlichn Bibe, de wo no duach's Neie Testament eagenzt wead. In dea Form is de Bibe des am weidastn vabroadsde Biachl vo da Wejd.

Bibeiwasetzunga existian ois Gsomtiwasetzung in 451 Sprochn und in weidan 2479 Sprochn ois Teiiwasetzunga.

Bob Marley

Bob Marley (* 6. Feba 1945 z Nine Miles, Jamaika; † 11. Mai 1981 z Miami, Florida; amtli Robert Nesta Marley, ob 1981 Berhane Selassie) wor a jamaikanischa Senga, Gitarrist und Liadschreiba. Da Marley wor zamma mit andan da Begrinda vo da Reggae-Musi. Mit seina Band The Wailers hod a in de 1970er Joar in Reggae international bekannt gmochd. Da Marley wor aa a Ohenga und Botschofda vo da Rastafari-Bewegung. Fia de Rastafaris is a bis heit a Identifikationsfigua.

Seine bekanntastn Liada san: Buffalo Soldier, Get Up, Stand Up, I Shot the Sheriff, No Woman No Cry, Could You Be Loved?, Redemption Song und Stir It Up.

Jimmy Reed

Jimmy Reed, amtli: Mathis James Reed (* 6. Septemba 1925 z Dunleith, Mississippi; † 29. August 1976 z Oakland, Kalifornien wor a amerikanischa Blues-Musika und -Senga.

Da Reed hod de moastn Titl sejm gschriebm. Ea hods oba ned auswendi kena. Sei Frau "Mama Reed" hod eam imma soufflian miassn.

1980 is da Reed in de Blues Hall of Fame afgnumma worn.

Megadeth

Megadeth (engl. Obleitung vo megadeath, deitsch: Megatote, oa Million Todesopfa) is a amerikanische Metal-Band, de 1983 vo Sänger und Gitarrist Dave Mustaine und Bossist David "Junior" Ellefson grindt woan is, nochdem da Mustaine bei Metallica ausseghaut woan is. Megadeth goitn ois Pioniere von da Thrash Metal-Bewegung in Amerika und a späda in gonz Europa und zoin gemeinsom mid Metallica, Slayer und Anthrax zu de Big Four, de Großn Vier vom Thrash. Bis heid hod Megadeth 12 Studiooibn, drei Live-Oibn, vier Kompilationen, 26 Singles, zwoa EPs und 32 Musikvideos vaeffntlicht, momentan oabatns an eanan dreizehntn Studiooibum.

In seina Bandgschicht hod Megadeth ziemli vü Line-Up-Vaändarungen erlebt, wobei da Mustaine des oanzege konstante Mitglied is. A da David Ellefson, der bis zur vorübagehadn Auflösung vo da Band 2002 an olle Oibn midgoabat, is oans vo de Gründungsmitglieda und noch drei Oibn, de zwischen 2004 und 2009 ohne erm vaeffntlicht woan san, is a seit Feba 2010 wieda Mitglied vo Megadeth. De Besetzung vo Schlogzeig und zweita Gita hod olladings oiwei wieda gwechslt. Ois erfoigreichstes Lineup guit dabei des zwischn 1990 und 1999 mit Mustaine ois Sänga/Gittarist, Ellefson am Boss, Nick Menza am Schlogzeig und Marty Friedman an da zweitn Gita. In dera Besetzung homs eanane erfoigreichstn Alben wie Rust in Peace, Youthanasia oda des zwoafoch mid Platin auszeichnete Countdown To Extinction, des bis auf Plotz Zwoa vo de Billboard Charts gschofft hod, aufgnumma.

Noch da vo ana Oamverletzung vom Mustaine ausglöstn Bandauflösung 2002 hom se se 2004 mid Th System Has Failed zruckgmoit, des wos mehr oda weniga a Dave Mustaine-Solooibum woa. Des Oibum is auf Platz 18 vo de Billboard Top 200 kumma und hod a sunst recht guade Kritikn griagt. Mitn 2007a-Oibum United Abominations (mit Glen Drover an da zweitn Gita) homs eana "Wiedaauferstehung" fortgsetzt und vaeffntlichtn 2009 mitn neichn Gitarristen Chris Broderick (Jag Panzer, Nevermore) 2009 eana zwöftes Studiooibum Endgame, des vo vü ois des beste Megadeth-Werk seid Youthanasia ogseng wird.

Megadeth is sowoi fia de gscheit technischn instrumentalen Teile mit komplexn und perfekt aufanonda obgstimmtn Riffs, sowie fia schnelle, melodische Gitansoli bekonnt, oba a fia Mustaines aggressive und gsöschoftskritische Texte üba Politik, Kriag, religiöse Themen oder soziale Beziehungen. Wödweit hod Megadeth bis iatz mehr ois 25 Millionen Oibn vakauft, drunta fünf aufnondafoigende oa- oda sogoa meafoch mit Platin auszeichnete Oibn.

Oscar/Beste Kamera

Mid'm Oscar fia d'beste Kamera wean d'Kameraleid vo am Film g'ehrt. Vo 1938 bis 1966 (außa 1958) han d'Oscars fia Schwoazweiß- und Foabfilm g'drend vagem woan, es håd åiso zwoa Oscars fia d'beste Kamerafiahrung gem.

In untad stehanda Tabêin han d'Preisträger nåch'm Joa da Valeihung g'list.

Oscar/Bester Nebendarsteller

Mid'm Oscar fia'n besten Nebendarsteller wean d'Leistungen vo Schauspieler in Nebenroin g'lobt.

In unten stêhanda Tabêin san d'Filme nåch'm Jå da Verleihung g'listet.

Pessach

Pessach (hebräisch: פסח,aramäisch Pas-cha, boarisch „Vuabeigeh“) gheat zu de wichtigstn Fesdln vom Judentum. Es dainnat aun an Auszug aus Egyptn, oiso de Befreiung vo de Israeliten aus da Sklavarei. Domit san de Judn nochm Tanach a eignständigs, vo Gott dawööds Voik wuan. De Nochazöhlung (Haggada) vabindt jede neie Generation vo de Judn mit da Gschicht vo iam Uasprung.

Des Pessach wiad in da Wochn vom 15. bis 22. Nisan ois Famülienfest mit vaschiednan Riten gfeiat, drunta an Seder und s Matze-Essn, des wos a Wochn duachgfiaht wiad. Desweng haaßts aa „Fest vo de ungsaiatn Brot“.

In da Zeit vom zweitn jidischn Tempe hot Pessach zauman mit Schawuot (Wochnfest) und Sukkot (Laabhittnfest) zu dena drei israelitischn Woifoatsfestln ghead, an dena di Glaibign noch Jerusalem zum Tempe aufn Tempebeag pügat san, um duatn de Pessachviecha z opfan.

Thrash Metal

Thrash Metal is a extremere Metal-Variantn, de in de frian 80er Joa entstanden is. De Spuikunst is vom New Wave of British Heavy Metal übernumma worn und mit da Dynamik und da Gschwindigkeit vom Hardcore kombiniert worn. Charakteristisch san de bsonders schnej gspuidn und oft wiederhoidn Riffs. Thrash Metal hod an gscheidn Einfluss auf Death Metal und aa Black Metal ghabt.

De easchtn Bands warn aus de USA, zum Beispui Metallica, Exodus und Testament aus der San Francisco Bay Area oder aa Anthrax mit eanare spätern Crossover-Einflüsse und Slayer, de oanaseits mit eanam bsonders harten Sound und auf da andern Seitn mit satanische Texte und Symbolik schockiert ham.

Aa in Deitschland hods am Anfang vo de 80er Joa bekannte Thrash Metal-Bands gem. Sodom, Destruction, Kreator, aber aa Tankard und Holy Moses ham se ned bloß in Europa, sondern aa in Übersee an Nama gmacht. Vor allem de ejdan Sachan vo Sodom und Destruction ham mit eanara Kompromisslosigkeit und Härtn aa an spädan Black Metal beeinflusst.

In de frian 90er dann san de bekanntern Bands eher charttauglicher worn, was vui òide Fans ned gfòin hod. Durch des san neiare Bands wia Pantera bekannter worn, de de òide Härtn mit am eher groovigen Rhythmus gmischt ham.

Ab 2000 san dann aa de ejdan Bands wieder besser okumma, und vui san nach verschiedene Experimente wieder zu eanam òidn Stil zruckkumma.

Tora

De Tora, vom Griachischn aa Pentateuch gnennt, is de Bezeichnung fia de fimf Biacha Mose (Genesis, Exodus, Levitikus, Numeri, Deiteronomium) und is damit da Ofang vom jidischn Tanach und vo da kristlichn Bibel (do sans de fümf Biacha vom Moses). De Text san woi zwischn uma 900 v. Kr. und uma 550 v. Kr. gschriem worn, wobei de Tora traditionell oba am Moses zuagschriem werd.

Édith Piaf

De Édith Piaf (amtli: Édith Giovanna Gassion; * 19. Dezemba 1915 z Paris; † 10. Oktober 1963 z Plascassier, Frankreich) wor a franzesische Sängarin. Se hod voa oim Chansons und Balladn gsunga. Ia bekanntastes Liad is Non, je ne regrette rien (boarisch: "Naa, I berei gor nix"). Ia Gsangsstui wor so markant, dass man neama vagisst, wen man nua amoi heat. Weis goa so kloa woa (1,47 m) hods in Spitznom "Piaf" kriagt, wos sovui wia "Spotz" hoasst.

De Piaf hod koa scheene Kindheid ghobt. Scho kuaz noch iara Gebuat is vo iara Muada valossn worn. De is a Kafäähaussängarin vo italienisch und berbarischa Owstammung.. Se is zua iara Groussmuada (vo iara Muada) keman, wo s oba fost vahungad waa. Ia Voda, a Akrobat in am Wandaziakus ("Schlangamensch"), hods mid zwoa Joar zua seina Muada brocht, de wo in da Normandie a Bordej betriem ghobd hod. Do is ia bessa ganga. Mid 4 Joar hod se ia Aunghoanhaut entzindet und se is blind worn. Mid 6 Joar is noch ana Woifoart af Lisieux zua Heilign Therese wieda gsund worn. De Piaf hod des af de Woifoart zuagschriem und hod de heilige Therese ia Lem lang vaeaht. Mid 10 Joar hod se ian Voda af seine Tourneen beleidt. Dea hod se ois Strossnsängarin ausbuidt. Ia Voda, a Oikoholka, hod se oft vadroschn.Mid 15 is vo iam Voda owghaud und is af Paris ganga. Do hods ois Strossnsängarin ogfangt, is oba boid vo am Kabarettbsitza entdeckt worn, dea wo se in sei Kabarett ghoid hod. Ea hod ia aa in Nama „la môme piaf“ gem, wos sovui wia "Spotzndeandl" hoasst („môme“ hoasst "kloans, frechs Deandl" und „piaf“ hoasst "Spotz").

Andane Sprochn

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.