Enzyklopädie

A Enzyklopädie is a Osommlung vo afgoabatn und recherchiatn Informationa, friara oiwei in Buachfoam, heitz'dog gibt's des aa im Internetz. De bekonnteste und lebendigste is derwei d'Wikipedia.

Im Netz

Wikisource
Boarischa Text: Digitalisiate Enzyklopädien im Internetz – gmoafreie Originaltext
Arabische Sproch

De arabische Sproch (Arabisch, Eignbezeichnung: اللغة العربية‎, DMG al-luġa al-ʿarabiyya, „de arabische Sproch“, kuarz العربية‎, DMG al-ʿarabiyya, „des Arabische“, Aussproch?/i) is de wichtigste semitische Sproch aus da afroasiatischen Sprochfamülie und ane vau de segs Aumtssprochn vau da UNO. Arabisch wiad schätzungsweis vau 320 Millionan Menschn ois Muadasproch gredt und vau weidan 60 Millionan ois Zweitsproch. Duach sei Roin ois Sakralsproch hod si des Arabische zua Wödsproch entwicklt. De modeane arabische Standardsprache is ausm klassischn Arabisch entstaundn, da Sproch vom Koran und vau da Dichtung, und untascheidt si stoak vaum gsprochanan Arabisch (Dialekte).

Austria-Forum

Des Austria-Forum (friacha aeiou) is a estareichisches Informationsportal, des wos kostnlos im Netz auf www.austria-lexikon.at obgruafn wean kaun und laufend weida entwicklt wiad. Des is a Projekt vaum gemeinnitzign Varein "Freunde des Austria Forums" mit da Server- und Internetzuntastitzung vau da TU-Graz.

Uaspringlich is aeiou im Auftrog vom Österreichischen Bundesministerium fia Büdung, Wissnschoft und Kuitua aufbaut wuan. S Ministerium hod owa 2005 des Projekt iwaroschend eigstöid und noch stoakn Protestn de Schiamherrschoft an de Technische Universität Graz iwagem.

Bayerisches Musiker-Lexikon Online

Es Bayerische Musiker-Lexikon Online (BMLO) is a virtuejs Lexikon iba Berihmtheidn aus da boarischn Musigschicht und driba ausse. Es gheat mit 23.000 biographischn Datnsetzn za de umfangreichstn biographischn Musilexika vo da ganzn Wejd. Es BMLO ko jeda, ohne Omejdung, kostnfrei nutzn.

An Haffa Datnsetz hom aa Buidln, Graphikn, Notnbeispui, Audio- und Video-Datein.

Olle biographischn Datn vom BMLO san aa in de Virtuelle Fachbibliothek Musikwissenschaft (ViFaMusik) und de Bayerische Landesbibliothek Online eibundn.

Der Kleine Pauly

Der Kleine Pauly (KlP) is a Fochenzyklopädie vo da Oitadumswissnschoft, de wo vo 1964 bis 1975 easchiena is.

Da Kloane Pauly is in fimf Foign easchiena:

Band 1: Aachen – Dichalkon 1964

Band 2: Dicta Catonis – Iuno 1967

Band 3: Iuppiter – Nasidienus 1969

Band 4: Nasidius – Scaurus 1972

Band 5: Schaf – Zythos 1975Seit seim eascheina ois Toschnbuachausgob 1979 ba DTB z Minga is da Kloane Pauly sea beliabt worn. Aa nochm Eascheina vom Neuen Pauly (1996–2004) is da Kloane Pauly imma no a wichtighs Nochschlogweak bliebm.

Griachische Sproch

De griachische Sproch (neigr. ελληνική γλώσσα ellinikí glóssa anhören?/i, oidgr. ἑλληνικὴ γλῶσσα, hellēnikē glõssa) is a oagana Zweig vo de indogermanischn Sprochn. Des Oidgriachische und des Neigriachische, wo heit in Griachaland gred wead san vaschiedane Stufn vo da griachischn Sproch.

Griachisch hod a Schrifttradition vo iwa 3400 Joan und is nochm Kinäsischn unta dena lebendn Sprochn de Sproch, wo am längstn iwaliefat is. De eiropäische Kuitua is duach de griachische Sproch und Kuitua prägt worn.

Hebräisch

Hebräisch (עברית‎, ‘Ivrit) is a semitische Sproch vo da afroasiatischn Sprochnfamülie. Es moderne Hebräisch wiad vo mea ois siem Müllionen Leit in Israel gredt, wearend des klassische Hebräisch seit mea ois 2000 Joa wödweit in jidischn Gmeindn fias Betn und fia andare liturgische Zwecke gnutzt wiad.

Historisches Lexikon Bayerns

Es Historische Lexikon Bayerns is a freies, wissnschoftlichs Netz-Lexikon zua Gschicht vo Bayern. Es is a Sochlexikon, wo wissenschoftli fundiate Informationa zua Gschicht vo Bayern im Internetz frei zuagengle präsentiat. Nebm de Artikln gibts aa no Multimedia (Quejn, Koartn, Fotos, Tondokumente usw.), Literatuavaweise und Im Netz.Es Netz-Lexikon is in de Bayerische Landesbibliothek Online (BLO) integriat und wead laffend ausbaut. Es richt si an Wissenschoftla und an de intressiate Effentlichkeit.

Es Projekt lafft seit Feba 2005. Es san drei Projektphasn vorgsegn. In da easchtn Phasn anno 2005 und 2006 is vor oim um de Weimara Republik ganga. In da zwoatn Phasn - ob 2007 - ums Spodmittloita. In da drittn Phasn - ob 2008 - is de Zeitgschicht noch 1945 da Schwaapunkt.

Es Historische Lexikon Bayerns is a Projekt vo da Bayerischen Staatsbibliothek, da Kommission für bayerische Landesgeschichte bei der Bayerischen Akademie der Wissenschaften und da Konferenz der Landeshistoriker an den bayerischen Universitäten. Es wead im kuituawissnschoftlichn Informationsportal vo da Bayerische Landesbibliothek Online (BLO) aus Mittln vom Bayerischen Staatsministerium für Wissenschaft, Forschung und Kunst finanziad.

Iran

Da Iran (Persien, persisch ايران‎ Īrān [iːˈrɔːn]/, dt.: Land der Arier) is a Stoot in Voadaasien (Westasien). Mid um de 75 Milliona Eihwohna und ana Fläch vo eba 1.648.195 Quadratkilometa (Stond: 2011) zejd a zu de 20 bevejkarungsreichsdn und gressdn Stootn vo da Wejd.

Scholarpedia

De Scholarpedia is a Enzyklopädie, wo vo Wissnschaftan aus olla Wejd gschriem wean soi. Da Nam setzt si aus de englischn Weata „Scholar“ (Gelehrta) und „Encyclopedia“ (Enzyklopädie) zamma. De Namaähnlichkeit zum Wikipedia-Projekt is Obsicht, wei de Scholarpedia ebmfois de MediaWiki-Software vawend, untascheidet si owa in einign wesentlichn Punktn vo da Wikipedia.

Jeda Artikl wird vo am Expertn af dem entsprechendn Gebiet gschriem, dieser wird vo der Gemeinschaft gewählt oder vo einem der Redakteure eingeladen.

Jeda Artikl wead oana anonymen Priafung duach Mitglieda (Peer-Review) untazogn, wo de Qualität vom Artikl sichastejn soi.

Jeda Artikl besitzt oan Vaantwortlichn (normalerweise da Autor), wo jede Änderung am Artikl autorisian muass.

Schottland

Schottland (gälisch: Alba, scots: Scotland, lateinisch-keltisch: Caledonia) is a Land im Noadwestn vo Eiropa und a Landestei vom Vaeinigtn Kinireich. Schottland bestähd ausm neadlichn Tei vo da greßtn eiropäischn Insl Großbritannien und mehran Inslgruppm. De Haptstod und zwoatgreßte Stod is Edinburg mit 492.680 Eihwohna, oba de greßte Stod is Glasgow mit 599.650 Eihwohna (2014).

Slowakei

De Slowakei oda amtli: Slowakische Republik, sejtna Slowakien, (slowakisch: Slovensko oda Slovenská republika) is a Stout in Middleiropa, dea wos 1992/1993 aus da Teilung vo da Tschechoslowakei heavurganga is. Si grenzt an Esterraich, an d' Tschechei, Poin, d' Ukraine und Ungarn. Said'm 29. Meaz 2004 is de Slowakei a Midgliad vo da NATO und seid'm 1. Mai 2004 gheats za da Eiropejschn Union.

The World Factbook

The World Factbook (von 1975 bis 1980 National Basic Intelligence Factbook; aa CIA World Factbook ) is a Statistikbuach iwa de Lenda vo da Wejd, aussagem von da CIA.

1962 ins zun easchtn Moi assakema und woa uaspringle gehoam. Seit 1971 weads vaeffentlicht.

Seit 1994 gibts a Internet-Version und wead laffad aktualisiad.

Da Inhoid vom Factbook is gmoafrei.

Tiakische Sproch

De tiakische Sproch (tiakisch:Türkçe oda Türkî) ghärt zum oghusischen Zwoag vo de sogenaunten Turk-Schprochan, de wo hauptsächli in Kloa-Asien (Anatolien) gredt werd. Sie is de Amtsschproch vo da Tiakei und Zypern (nem griachisch). Kloane tiakischschprochige Mindaheitn gibts in Eiropa, z.B. Buigarien, und (durch Zuawaundarung) in Deitschland und Östareich.

Tiakisch wird vo ebba 65 Milliona Leid gredt. De am engschten vawaundte Sproch is Aserbeidschanisch. De zwoa sant so ähnli, dass de Sprecha si gengseiti vaschtengan.

De modeane Hochschproch is afm Dialekt vo Istanbul aufbaut wuan und hod de Osmanische Hofschproch in de 30er Joar oglest. Trotz oana radikalen Schprochreform durchn Mustafa Kemal Atatürk sei Politik haum si vui Reste vom Osmanischen khoidn. So beschteht a heit nu a ned kloana Tei vom Vokabular aus persische und arabische Wärta.

Ukraine

De Ukraine [ukraˈiːnə] (ukrainisch Україна/Ukrajina) is a Stoot in Osteiropa. Ea grenzt an Russland im Nordostn, Weißrussland (Belarus) im Noadn, Poin, de Slowakei und Ungarn im Westn, Rumänien und Moldawien im Sidwestn und ans Schwoazzes Meea und as Asowsche Meer im Sidn oo. De Hauptstod is Kiew. De Ukraine is nach Russland des flächenmaßi gresste Land in Eiropa.

Ungarisch

Ungarisch (Obkiazung ung.: magyar nyelv), de ungarische Sproch gheat za de finno-ugrischn Sprochn vo da uralischn Sprochfamij.

Ungarisch gheat oisdann ned zua indogermanischn Sprochfamij wia de moastn eiropejischn Sprochn. Es wead eppa vo 13,5 bis 15 Milliona Leit gredd. Ungarisch is in Ungarn de Amtssproch und seitm 1. Mai 2004 aa oane vo de Amtssprochn in da EU.

Washington (Bundesstoot)

Washington is a Bundesstoot vo da USA. Ea liegt im Noadwestn vo da USA am Ufa vom Pazifik, im Noadn vo Oregon. De Haptstod is Olympia. De grässte Stod is Seattle.

Um in Bundesstoot Washington vo Washington, D.C. z untascheidn, wead in da USA oft „Washington State“ gsogt. Wei da Stoot vui Waida hod, wead a aa Evergreen State (Immagreana Stoot) gnennt.

Wikimedia

Da Begriff Wikimedia beziagd se in easchta Linie af de Wikimedia Foundation (Wikimedia-Stiftung; kuaz: WMF), wo a internationale nedstootliche Non-Profit-Organisation is, de wo se da Feadarung vo freien Wissn vaschriem hod. Fia de Sommlung, Entwicklung und Vabroadung vo Inhoide setzd se Wikis eih. Des mid Obstond bekonntesde Wiki, wo de Wikimedia Foundation betreibd, is de freie Enzyklopädie Wikipedia – donem gibds meahrare ondare Projekte.

Weidas gibds aa no nationale Wikimedia-Organisationa (chapters), moasd in da Rechtsfoam vo om (eihdrongna) Vaein. De duan de Wikimedia-Projekte untastidzn, duan's owa ned betreim und hom koan Eihfluss af de Inhoite. Im deitschn Sprochraum san de Wikimedia Deitschland, de Wikimedia Östareich und de Wikimedia CH aktiv.

Wikipedia

Wikipedia is a freie Enzyklopedie im Internetz. Se wead in meahrare Sprochn vo Haffn Freiwilling gschriem. Da Begriff setzd se zamm aus „Wiki“, des is des Programm mid dem jeda im Internetz entsprechnde Seitn wia d' Wikipedia vaändan ko (des Woat kimmt aus Hawaii und hoassd "schnej") und de letzdn Buachstobn vo Encyclopedia, am englischn Woat fia Enzyklopedie.

As bsondane on da Wikipedia is, doss a jeda dro midschreim deaf. So gseng ghean de Artikl nemmads und a jeda deafs frei nutzn, solong a se on de GNU-Lizenz fia freie Dokumentation hoid.

Wikiquote

Wikiquote is a Wiki fia de Eastellung vo ana frein Zitatnsammlung unta da GNU Freie Dokumentationslizenz und is a Schwestaprojekt vo Wikipedia und Tei vo da Wikimedia Foundation.

De deitschsprochige Version vo Wikiquote is am 18. Juli 2004 ins Lebm gruafa woan. Fia zuasätzliche Informationen soagn Links in de Wikipedia und zua Wikimedia-Projektn wia de Wikimedia Commons, Wikisource oda am Wiktionary.

Andane Sprochn

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.