Bronzezeid

De Bronzezeid (dt.: Bronzezeit) is de Periodn in da Gschicht vo da Menschheit, in dea Metoigengständ haptsächli aus Bronze gmocht wuan san. Des woa in Middleiropa zirka de Zeid vo 2200 bis 800 v. Kr. Da Oitadumsfoascha Christian Jürgensen Thomsen hod jo a Dreiperiodnsystem entwicklt, in dea'ra de mediterrana (des is de Gengd ums Middlmeea umadum) Ua- und Fruahgschicht in a Stoazeid, a Bronzezeit und a Eisnzeid untatäut hod. Ma muass de Dreitäulung af Eiropa, Westasien und Noadafrika eihschränkn.

Und, wäu si da Begriff af nix aundas ois af'n vawendtn Weakstoff beziagt, sogta aa nix iwa de sunstige kuituareje Häch vo ana Kuitua aus.

Desweng foit da Aunfaung vo de Hochkuituan in Vuadaasien und Egyptn af's End vo da Stoazeid und af'n Aufaung vo da Bronzezeid.

Metallurgical diffusion
So woa de Metoivaoaweitung in Eiropa und Vuadaasien vatäut, wos dinkla is, san des de historisch ötaran Regiaunan mid Metoiheastejung

Augfaunga hod de Gschicht im 3. Joartausnd v. Kr. in da Jungstoazeid, de wos jo vuahea woa. Da haum de Leit scho mid Metoi umanaundadau. Owa nua mid reine Metoie wia Goid, Süüba und Kupfa, des so gnumman haum, wiasas gfundn haum. Ma hod regionoi vo da Kupfazeid oda vom Chalkolithikum gredt.

Bronze is a Legierung, de wos aus 90 % Kupfa und 10 % Zinn bsteht, und is vüü heata ois wia des ledige Kupfa.

Solvogn
As Sunnawagal vo Trundholm, a beliabts Motiv in da Bronzezeid

Im Netz

Callac

Callac (bretonisch: Kallag) is a franzesische Gmoa mid 2211 Eihwohna (Stond: 1. Jänna 2015) im Département Côtes-d’Armor in da Region Bretagne. Se ghead administrativ zan: Arrondissement Guingamp und zan gleinaming Kanton Callac, dessn Haptort se is.

Crévic

Crévic is a franzesische Gmoa mid 889 Eihwohna (Stond: 1. Jänna 2015) im Département Meurthe-et-Moselle in da Region Grand Est (bis 2015 Lothringen).

Enköping (Gmoa)

Enköping is a Gmoa (schwedisch: kommun) in da schwedischn Provinz Uppsala län und da historischn Provinz Uppland. Da Haptort vo da Gmoa is Enköping.

Erlenbach am Main

Erlenbach am Main (amtli: Erlenbach a.Main) is de greßte Stod im untafränkischn Landkroas Miltenberg. Se liegt im Nordwestn vo Bayern bei Miltenberg.

De Stod beheabeagt oans vo de beidn Kronknhaisa vom Landkroas Miltenberg und is bekonnt fia ihre Weine.

Erlenbach woar voa 25 Joar de jingste Stod vom Freistaat Bayern.

Evoluzion vo da Menschheid

In da Evoluzion vo da Menschheid, dt. Evolution der Menscheid gehds um de Gschicht vo de Hominoidae, bis za de Easchtn Kuituan. Wia se de Menschnoffn iwa de Hominini, em Homo Habilis bis zan Homo Erectus entwückid hobm. A iwan ausgschtuama Neandatola, vo dem ma a aa boa Gene midgriagt hobm. Und daun gehts weida mid Ins, em Homo Sapiens und wos a in da Schtoazeid gmocht hod. In da Jungschtoazeid oda (Neolithikum) san de easchtn Kuituan afkema. Zan End vo da Kupfa-Stoazeit hobm se scho de easchtn Hochkuituan ausbütt, de in da Bronzezeid weidagengan. Mid da Eafindung vom Eisn (Eisnzeid) hods große Umwötzungan gebn. Vöka und Kuituan san Untagaunga. Owa des is wieda a gaunz a aundane Gschicht.

Giadl

A Giadl (dt. Gürtel, engl. belt) is a Bandl oda a Ream, wo ma um an Huf drong duad. Ea deant dazua, dass ma s Gwand festmocht oda ea deant nua ois Schmuck. Ba da Orbad wead a aa zan hoidn vo Gengständ gnuzt, wia beispuisweis Weakzeig oda Woffn.

Giadl wean oft mid an Haftl zammghoidn. Es gibt owa aa Giadl mid andana Vaschlusstechnik oda ganz ohne Vaschluss. Militeagiadl hom beispuisweis a Koppeschloos. Judo- und Karategiadl hom gor koa Haftl.

Giadl san scho fiad Bronzezeid dokumentiad. Se san im Laf vo da Gschicht vo Manna und Weiwa drong worn, heint mehra vo Manna.

Guis

Guis oda Guüs, aumtlich: Gols (ungarisch: Gálos) is a Moakt- und Waeibaugmoa mid 3864 Einwouna (Staund 1. Jänna 2019).

Guis is im Noadn van Buagnlaund, im Beziak Neisal am See, estlich van Neisla See. Es is an da Greinz va die zwoa Laundschoftn Pandoafa Plottn und Hoadboun.

Hallstatt und de Gschicht mid sein Soiz

Hallstatt und de Gschicht mid sein Soiz, dt. Hallstatt und die Geschichte mit seinem Salz, bschreibd de wexlvoi Gschicht vom Soizobau in dera Region. De ödastn Fund san uma 7.000 Joa oid. Es gehd daun iwa de Köitn weida und do hod de kloane Gmoa ana gaunzn Kuituazeit ian Nam gebn. Auf de Hallstattzeit foign de Rema und vom Middloita und de Soizschtrossn gehts bis zan heitign Schaubeagweak.

Liafaring

Liafaring (Hochdeitsch: Liefering) is a Stodtei im Nordwestn vo da Londeshauptstod Soizburg. Begrenzt wead da gschlossane Stodtei (Siadlungsraum) Liafaring im Siidostn vo da Glan und 'm Glankanal, im Siidwestn büidt de Bohlinie Soizburg-Minga d' Grenz und im Nordwestn de Saaloch. Im Ostn begrenzt d' Soizach 'n Stodtei. Da Siadlungskern vo Liafaring endt dobei am Grearaum um an Müihboch und da Oidglan. On den Grearaum schliasst östlich raimlich deitlich trennt d' Soizachseesiadlung o, de ebnfois zum Stodtei Liafaring zöiht. In Liafaring leem heid 14.500 Leit. Da Stodtei is domid noch Lehn da bevökarungsreichste Stodtei vo Soizburg.

Oidstoazeit

De Oidstoazeid (Paläolithikum, dt.: Altsteinzeit) is de easchte und lengste Epochn in da Gschicht vo de Menschn. Se hod voa 2 Milliona Joar in Afrika ogfongd und bis za da Eiszeid dauad (uma 200.000 v. Kr.).

In da Oidstoazeid woan de Menschn Jaga und Sommla und no ned sesshoft. Aussadem hom sa se Weakzeig aus Stoana gmochd. Des woa a entscheidenda Schridd in da Entwicklung vo da Menschheit.

Da britische Anthropologe John Lubbock hod in seim Weak Prehistoric Times de Stoazeid untateid in de Periodn van gschlongna Stoa (Old Stone Age Oidstoazeid) und de Periodn van gschliffana Stoa (New Stone Age, Jungstoazeid).

Oscham

Oscham oda aa Aschhoam (amtli: Aschheim) is a Gmoa im Landkroas Minga, Regierungsbeziak Obabayern. De liegt im Nordostn vo da Stod, direkt an da Auddoboh A 99.

Poss Luag

xf

Da Poss Luag (Hochdeitsch: Pass Lueg) is a 552 m houcher Toiposs in d' Oipm an da Soizach im Soizburga Lond (Esterraich).

Radl

A Radl oda Rod (dt.: Rad, engl.: wheel) is a kroasrunda Gegnstand, dea wo si um a Axn draan ko. Mid Radln in Vabindung mid Axn kina schwaare Sochan transportiad oda in Maschina Orbadn varichdt wean.

De Dafindung vom Radl wor in da Entwicklung vo da technischn Kuitua a Meilnstoa fia de Menschheid.

Vua da Dafindung vom Radl san de Lostn iwan Bodn zaad bzw. gschleift worn. A Weidaentwicklung fia so a Lostnschleifn is da Schliidn mid Kufn. Da Gleitwidastand is owa ban Schleifn, mid oda ohne Schliidn (af druckan Bodn), vui grässa ois wia da Roiwidastand vo an Radl. Da Schliidn is nua af Schnää effizienta. Da Materiai-Obrieb is ban Radl aa vui kloana ois wia ban Schleifn.

Wogn mid Radln, vo Zugviachan zogn, worn iba Joartausnd as Transportmiddl fia Lostn und Leitln af da ganzn Wejd.

Aa de Nutzung vo Radln in Maschina zua Ibadrogung vo Draamomentn (beispuisweis ois Schwungradl) is uaoid. Zeascht wors vua oim as Depfaradl (Depfascheibn). Spada san Wossaradln, Spinnradln, Seiradln, Kednradln usw. dazuakema.

Vuam Ofang vom Computerzeidoita hods praktisch koa Maschin ohne Radl gebn.

As boarische Woat Radl bzw. Rod kimmt vom lateinischn rota, wo aa Radl hoasst. Es is deswegn aa mid rotian vawandt.

Schutzenglkreiz in Untalaa

Des Schutzeng'lkreiz is a denkmoig'schützte barocke Büidsäul'n im 10. Weana Beziak Favoritin, Beziaksteu Unterlaa. De Säul'n steht in da Valängarung vo da Georg-Wiesmayer-Gåss'n nåch Süd'n in da Näch'n vo da Weana Auß'nring Schnöistråß'n S1 und liegt aum ehemålich'n Kreizweg vo da Wiedn nåch Maria Lanzendorf. Aun dem Kreizweg kaunn ma heit no de Kreizwegstateaun in Unterlaa sehg'n.

Seiger Veit an Pongau

Seiger Veit an Pongau (amtli: St. Veit im Pongau) is a Morktgmoa an Pongau an Soizburga Lond in Östareich und houd 3.669 Eihwohna (Stond 01.01.2016). D' Gmoa is da eascht heilklimatische Kurorscht vo Soizburg.

Sidlicha Luo He

f

f

Da Sidliche Luo He (dt.: Südlicher Luo He) (kin. : 南洛河, : Nán Luò Hé) is a Nemfluss van Gejbn Fluss.

Ea entspringd on da sidestlichn Flanke van Hua Shan in da kinäsischn Provinz Shaanxi und fliassd ostweats in de Provinz Henan, wo ea in da Näh vo Zhengzhou in an Gejbn Fluss mindd.

Af seina Gsomtläng vo 420 km fliassd ea duach: Lushi, Yiyang, „de große oide Haptstod“ Luoyang, sowia Yanshi.

Da gressde Nemfluss is da Yi He, dea ba Yanshi in an Luo He mindd.

Bedeitnde archäologische Funde im Gebiet van Sidlichn Luo He zoang, doss de Region scho in da friahn Gschicht vo Kina vo großa kuitureja Bedeitung woa.

Stoazeid

De Stoazeid woa des Zeidoita, wo de Menschn de Weakzeig voa oim aus Stoana gmocht hom. Hoiz, Boana und ondare Materioin sad zwor aa ois Werkzeig gnutzt worn, oba de Stoana (vor oim Feiastoana) worn dofia da wichtigste Weakstoff.

Des Zeidoita hod voa uma 2,7 Milliona Joar ogfongd. Des End ko ma owa ned klor umreissn, wei des regionai vaschiedn gwen is. Monche Menschngruppm hom no bis ins 20. Joarhundad in da Stoazeid glebt.

Af de Stoazeid foigt de Bronzezeid. Im Middlan Ostn hod de Bronzezeid uma 3000 v. Kr. ogfongt.

Vohbuag an da Doana

Vohbuag an da Doana (amtli: Vohburg a.d.Donau) is a Stod im Obaboarischn Landkroas Pfahofa an da Uim. De Stod ligd an da neadlichn Grenz vom Landkroas und damid aa an da Grenz zua Holledau. Nachbagmoana han im Noadn Pfiaring, Grousmearing und Obadolling, im Sidn Minsta, Geisnfeid und Manching.

Wean

Wean (aumtle: Wien) is de Hauptstod und zgleich a Bundeslaund vau Östareich (aumtle: Österreich). De Stod is mid 1.867.582 Einwohna (Staund 2017) de gresste Stod vaum Laund. Im Großraum Wean lebm iwa 2,7 Müllionen Menschn, a Viatl vau olle Östareicha. Wean is de dritte UNO-Stod und da Sitz vo vü internationale Organisationen, wia z. B. da OPEC, da OSZE oda vo da Internationalen Atomenagiebeheadn IAEA. De Oidstod vo Wean is im Dezemba 2001 vau da UNESCO zum Wödkuituaerbe eakleat wuan.

Wean woa joahundatelaung kaisaliche Reichshaupt- und Residenzstod vau de Habsburga und hod si in dera Zeid zu an kulturöin und politischn Zentrum vo Eiropa entwicklt. Ois ehemois viatgresste Stod vau da Wöd, noch London, New York und Paris, hod Wean um 1900 scho zwa Müllionen Eihwohna zöhd. Nochn easchtn Wödkriag is owa mit Wean bergo gaunga.

2009 is Wean ois Stod mit da hextn Lemsqualität wödweit auszeichnet wuan. Des is vua oin auf foigendn positivn Faktoan zruckzfian: A hocha Greaaunteu (rund 50%), a guade ökologische Qualität, a hoche soziale und polizeiliche Sichaheit, a easchtklassigs Gsundheits- und Büdungswesn, a hoche Dichtn vo kuiturölle Eirichtungan, a effiziente effentliche Vawoitung, a dichts Netz vau effentliche Vakeasmiddln und dann no de bsundare Freizeitqualität.

Andane Sprochn

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.