Tunicia

Tunicia [1] o República Tunecina ye un país asitiáu al norte de la costa mediterránea africana. La so capital ye Túnez. Llenda con Arxelia al oeste y Libia al sur y al este. Ye'l país más pequeñu del Magreb, asitiáu ente les estribaciones orientales de la cordelera montañosa del Atlas y el mar Mediterraniu. La superficie de Túnez ye de 165.000 km², con una población estimada en 10,3 millones d'habitantes. Aproximao el 40% d'esti país ta compuestu pol desiertu del Sáḥara, mientres que'l resto ye suelu fértil y afayadizu pa l'agricultura; arriendes d'ello tien 1.300 km de costa.

Tunicia
الجمهورية التونسية
(El-Yomhūriya it-Tūnisiya)
Tunisa sat
Flag of Tunisia Coat of arms of Tunisia.svg
Bandera de Tunicia Escudu de Tunicia
Lema nacional نظام، حرية، عدالة
niẓām, ḥurriyya, ʿadāla
(Árabe; «Orde, Llibertá, Xusticia»)
Himnu nacional Himat Al Hima
Alministración
Nome oficial Republic of Tunisia
الجمهورية التونسية
République tunisienne
Capital Túnez
Forma de gobiernu República parllamentaria y Sistema semipresidencialista
Presidente de Tunicia Mohamed Ennaceur
Llingües oficiales árabe
Xeografía
Coordenaes 34°N 10°E / 34°N 10°ECoordenaes: 34°N 10°E / 34°N 10°E
Tunisia (orthographic projection)
Superficie 163610 km² (puestu 89)
% agua nun tien
Costes 1.148 km
Llendes 1.424 km
Llenda con Libia y Arxelia
Demografia
Población 10 982 754 hab. (2014)
Densidá 67,13 hab/km²
Xentiliciu tunecín, -ina, -ino [1]
Economía
PIB nominal 40 256 675 208,729 (2017)
PIB per cápita 3464 (2017)
Más información
Dominiu d'Internet .tn
Códigu telefónicu +216
Códigu ISO 788 / TUN / TN
Estaya horaria UTC+01:00, Hora central europea y UTC+02:00
www.tunisie.gov.tn

Nome

La pallabra Túnez deriva de Tunis, conocida polos griegos clásicos como Tynes, la capital del actual país de Tunicia. El nome Tunis pue ser atribuyíu a diversos anicios. Pue ser asociáu cola deidá fenicia Tanith (aka Tunit), o cola espresión berebere ens que significa "cayer".

N'árabe nativu, el mesmu nome ye usáu tanto pal país como pa la ciudá: تونس y sólo pol contestu pue unu estremales.

El nome de Tunicia foi introducíu polos xeógrafos y historiadores franceses nos entamos del sieglu XIX como parte de los sos esfuercios pa dar nomes a los nuevos territorios y protectoraos ocupaos. La derivación francesa Tunisie foi adoptada en delles llingües europees con mínimes variaciones, introduciendo un nome distintivu pa designar al país. Otres llingües dexaron el nome intactu, Túnez.

Historia

Nel territoriu del Túnez d'anguaño surdió la ciudá de Cartago, fundada nel sieglu VIII e.C. por tirios, qu'espardió la so influyencia sobre Sicilia, Iberia y otres importantes zones del mar Mediterraneu, hasta entós controlaes por Grecia. Foi conquistada pol Imperiu romanu al ser derrotada nes Guerres Púniques nel sieglu II e.C. Cartago foi desaniciada y la influyencia cultural asiática y africana nel Túnez d'anguaño foi amenorgada pola influyencia romana.

Referencies

  1. 1,0 1,1 Academia de la Llingua Asturiana (2010). Cartafueyos Normativos. Nomes de los países del mundu y de les sos capitales y xentilicios. ISBN 987-84-8168-500-8.

Enllaces esternos

Bandera de la OCI Organización pa la Cooperación Islámica Bandeira de la OCI
Afganistán | Albania | Arabia Saudita | Arxelia | Azerbaixán | Baḥréin | Bangladex | Benín | Brunéi | Burkina Fasu | Camerún | Chad | Comores | Costa de Marfil | El Líbanu | Emiratos Árabes Xuníos | Exiptu | Gabón | Gambia | Guinea | Guinea-Bisáu | Guyana | Indonesia | Irán | Iraq | Kazakstán | Kirguistán | Kuwait | Libia | Malasia | Maldives | Malí | Marruecos | Mauritania | Mozambique | Níxer | Nixeria | Omán | Paquistán | Palestina | Qatar | Senegal | Sierra Lleona | Siria | Somalia | Sudán | Surinam | Taxiquistán | Togu | Tunicia | Turkmenistán | Turquía | Uganda | Uzbequistán | Xibuti | Xordania | Yeme

Países observadores: Bosnia y Herzegovina | República Centroafricana | Rusia | Tailandia | República Turca de Xipre del Norte

Camerún

El Camerún(¿?), oficialmente República de Camerún (en francés République du Cameroun y n'inglés Republic of Cameroon) ye un país de la rexón occidental del África central. Llenda al oeste y al norte con Nixeria, al noreste con Chad, al este cola República Centroafricana, al sur con la República Democrática d'El Congu, Gabón y Guinea Ecuatorial. Les sos ciudaes principales son Douala, Yaundé y Garoua. Nel país conviven cuasi 200 grupos llingüísticos diferentes, magar que les llingües oficiales del país son l'inglés y el francés.

Cartago

Cartago foi una importante ciudá de l'Antigüedá, fundada polos fenicios procedentes de Tiro nun enclave costeru na fastera norte d'África, cerca de l'actual ciudá de Túnez. La lleenda clásica cuenta que foi la princesa Dido la que fundó nel añu 814 e.C.. Anque n'actualidá s'afirma que la ciudá foi fundada ente los años 825 e.C. y 820 e.C. col nome de Qart Hadašt (en grafía hebrea קרת חדשת, y en púnica "qrt ħdʃt"), ye dicir, Ciudá Nueva.

Tres la decadencia de Tiro, Cartago desarrolló un gran estáu, de caráuter republicanu con dalgunes carauterístiques monárquiques o de tiranía, qu'evolucionó a un sistema plenamente republicanu. Los territorios controlaos por Cartago convirtiéronla na capital d'una próspera República. Cartago foi per munchu tiempu una ciudá más próspera y rica que Roma. Na so meyor época llegó a tener 400.000 habitantes, edificios de hasta seis y siete pisos d'altura, un sistema d'alcantarelláu unificáu y docenes de baños públicos.

La República Cartaxinesa enfrentose a la República Romana pola hexemonía nel Mediterraneu occidental, siendo derrotada nel 146 e.C.. Esti fechu provocó la desapaición del Estáu cartaxinés y l'esfaimientu de la ciudá de Cartago.

Nel 29 e.C. Octaviu fundó nel mesmu llugar la colonia romana Julia Cartago, que se convirtió na capital de la provincia romana d'África, una de les zones productores de cereales más importantes del imperiu. El so puertu foi vital pa la esportación de trigu africanu pa Roma. La ciudá llegó a ser la segunda n'importancia del Imperiu con 400.000 habitantes. Nel añu 425, los vándalos conquistaron Cartago durante'l reináu del rei Gensericu y convirtiéronla na capital del so nuevu reinu. La ciudá foi reconquistada pol xeneral bizantín Belisariu nel añu 534, permaneciendo baxo influyencia bizantina fasta'l 705.

Exiptu

Exiptu, oficialmente República Árabe d'Exiptu (árabe: مصر Miṣr), ye un país al nordeste d'África, magar qu'inclúi la Península del Sinaí, que ye parte d'Asia. La mayoría de la población asítiase a lo llargo del ríu Nilu y la mayor parte de la so superficie ocúpala'l Desiertu del Sáḥara cuasi toa ella non habitada. La capital ye El Cairu (القاهرة).

Idioma francés

El francés (français, la langue française) ye un idioma romance faláu na mayor parte de Francia y Mónaco, en delles rexones de Bélxica, Suiza, Luxemburgu ya Italia (Val d'Aosta) n'Europa. N'América ye idioma oficial de Canadá, Haití, Martinica, Guadalupe, la Guyana Francesa y delles comunidaes de la islla de Dominica, u se fala un criollu de base francesa. N'África ye oficial nes antigües colonies de Francia y Bélxica como República Democrática d'El Congu, El Congu, Burkina Fasu, Senegal, Guinea, Malí, Níxer, Burundi, Ruanda, Togu, Benín, República Centroafricana, Gabón, Costa de Marfil, Madagascar, Djibouti, parte de Seixeles, Camerún, islles Comores, Reunión, Mauriciu, Guinea Ecuatorial, Marruecos, Mauritania, Tunicia, etc. N'Oceanía alcuéntrase na Polinesia francesa, Nueva Caledonia y Vanuatu. N'Estaos Xuníos fálase un criollu en Luisiana. Fasta la Segunda Guerra Mundial yera la llingua de rellación internacional.

Libia

Libia (n'árabe: ‏ليبيا o‎ Lībiyā), ye un país del norte d'África, asitiáu nel Magreb. Llenda col Mar Mediterraneu al norte, al oeste con Tunicia y Arxelia, al suroeste con Níxer, al sur con Chad, al sureste con Sudán y al este con Exiptu. L'estáu compriende'l territoriu de trés rexones históriques: Tripolitania, Fezán y Cirenaica. Ye, colos sos cerca de 1,8 millones de km², el cuartu mayor país d'África, y el 16ᵘ del mundu por estensión. La so ciudá mayor y capital, Trípoli, asítiase na fastera occidental del país, y concentra más d'una sesta parte de la población del país. La so segunda mayor ciudá, Bengasi, allúgase na fastera oriental del país.

Libia tien sío habitada por bereberes dende la Edá de Bronce final. Los fenicios establecieron factoríes comerciales na fastera occidental del país, mentantu que na oriental colonos griegos establecieron ciudaes-estáu. Cartaxineses, perses, exipcios y griegos dominaron el territoriu de Libia primero de que pasara a formar parte del Imperiu romanu. Dempués, Libia foi ún de los primeros centros de la nueva relixón cristiana y, tres de la cayida del Imperiu romanu d'Occidente, foi ocupada polos vándalos hasta'l sieglu VII, cola llegada de los invasores árabes que traxeron con ellos l'Islam. Nel sieglu XVI l'Imperiu español y los Caballeros de San Xuan ocuparon Trípoli, pero foron espulsaos d'ella pol Imperiu otomanu en 1551. Entamaron asina más de trés sieglos d'ocupación, demientres les qu'asocedieron les nomaes Guerres berberisques (sieglos XVIII y XIX), que finaron cola ocupación italiana, que fizo de Libia una colonia ente 1911 y 1943. Demientres la Segunda Guerra Mundial el territoriu foi un importante teatru d'operaciones, lo que fizo colar del país a munchos italianos.

Libia algamó la so independencia, en forma de reinu, en 1951. El rei Idris I foi depuestu por un golpe d'estáu dirixíu por Muammar al-Gaddafi, que dirixó'l país dende 1969, proclamó la Revolución Cultural Libia en 1973 y foi depuestu y asesináu en 2011, demientres la Guerra Civil Libia. Nesi contestu dos autoridaes reclamaron el so derechu a gobernar el país: el Conseyu de Diputaos, con sé en Tobruk, y el Congresu Nacional Xeneral de 2014, con sé en Trípoli, que considerose a sigo mesmu el socesor del Congresu Nacional Xeneral elexíu en 2012. Col sofitu de les Naciones Xuníes estableciose un Gobiernu de Concentración Nacional en 2015, magar que delles partes del país quedaron fuera del so control y en manes de guerrilles islamistes y tribales.

Libia ye miembru de les Naciones Xuníes (dende 1955), del Movimientu de Países ensin Alliniar, la Lliga Árabe, la Organización pa la Cooperación Islámica y la Organización de Países Esportadores de Petroleu (tien les décimes mayores reserves de crudu del mundu). La relixón oficial del país ye l'Islam; el 96,6% de la so población son musulmanes suníes.

Malí

Malí ye un país d'África. Llenda al norte con Arxelia, al este con Níxer, al oeste con Mauritania y Senegal, y al sur con Costa de Marfil, Guinea y Burkina Fasu.

Mar Mediterraneu

El mar Mediterraneu ye un mar del Atlánticu oriental, asitiáu ente Europa meridional, Asia occidental y África del Norte. Tien aprosimadamente 2,5 millones de km² y 3.860 km de lonxitú ya ye'l mar interior más grande del mundu. Les sos agües, que bañen les tres penínsules del sur d'Europa, (Ibérica, Itálica y Balcánica) y una d'Asia, Anatolia, comuniquen col océanu Atlánticu al través del estrechu de Xibraltar), col mar Negru (polos estrechos del Bósforo y de los Dardanelos), y cola mar Bermeya (pela canal de Suez). Formóse fai 6,5 millones d'años debío al agua que lo inundó pol estrechu de Xibraltar.

Mauritania

Mauritania, nome oficial República Islámica de Mauritania (Yumhuriya Islamiya Mauritaniya), ye un país nel noroeste d'África. Tien una estensa costa nel Océanu Atlánticu, ente Sáḥara Occidental nel norte y Senegal nel sur.

Piratería

Esti artículu cinca sobre la piratería marítima, pa otros usos ver Piratería (dixebra)

La piratería ye l'actividá dedicada al asaltu y saquéu de barcos n'alta mar, esta alquier una importancia hestórica que rescampló dende entamos del sieglu XVI fasta'l primer terciu del sieglu XIX.

Esta actividá apaez espeyada yá en testos clásicos, anque con una perfuerte venceya a les actividaes comerciales y Roma tuvo qu'enfrentase al problema de la piratería nel Mar Mediterraneu. Los viquingos fixeron actividaes pirátiques pel norte d'Europa. A entamos del sieglu XVI el Mediterráneo foi escenariu del renacer d'esta actividá. Estos pirates teníen les sos bases na Berbería (costa del norte d'África), especialmente nos puertos d'Arxel, Trípoli y Tunicia. Atacaben los barcos nel Mediterraneu y nel océanu Atlánticu y esfarrapaben les sos costes. Llegaron actuar pel norte en Gran Bretaña y n'Islandia. L'orixe llueu del desendolque d'estes flotes de pirates alcuéntrase na victoria final de los cristianos sobre los musulmanes na península Ibérica en 1492. Los musulmanes espulsaos d'España instaláronse na costa norte d'África u creyaron estaos autónomos o, en dalgún casu, provincies dependientes del Imperiu otomanu. Los asaltos, n'orixe actos de venganza escontra España, afeutaron a barcos de toles naciones.

Somalia

Somalia (somalín: Soomaaliya; árabe: الصومال, Ās-Sūmāl), formalmente conocida como República Democrática Somalina, ye un país asitiáu nel nomáu Cuernu d'África, al este del continente africanu. Al oeste y noroeste llenda con Etiopía y Xibuti, al sur con Kenia, al norte col Golfu d'Adén, y al este col Océanu Índicu.

Sudán

Sudán ye un país que s'alcuentra nel nordeste d'África. Tien llendes con 7 países: Exiptu al norte, Libia al noroeste, Chad al oeste, República Centroafricana al sudoeste, Sudán del Sur al sur, Etiopía y Eritrea nel este, amás de tar bañada pol mar Bermeyu.

Togu

Togu (oficialmente República Togolesa, francés: République togolaise) ye un país d'África, que llenda con Ghana al oeste, Benín al este y Burkina Fasu al norte. Nel sur tien una pequeña costa nel golfu de Guinea, u s'asitia la so capital, Lomé.

Uganda

La República d'Uganda ye un país na parte centro-este d'África. Llenda al sureste col Llagu Victoria, al este con Kenia, al norte con Sudán del Sur, al oeste cola República Democrática d'El Congu y al suroeste con Ruanda y Tanzania. La capital d'Uganda ye Kampala.

África

África ye un continente que llenda al norte col Mar Mediterraneu, al oeste col Océanu Atlánticu y al este col Mar Bermeyu, l'Océanu Índicu y Asia al traviés de la canal de Suez.

África del Norte

África del Norte ye la rexón qu'ocupa l'estremu noroccidental del continente africanu. La Organización de les Naciones Xuníes, nel so xeoesquema, considera parte d'ella los siguientes estaos y territorios: Arxelia, Exiptu, Libia, Marruecos, Sudán, Tunicia y el Sáḥara Occidental. Amás d'ellos, tamién pertenecen a la rexón delles posesiones españoles (Ceuta, Melilla y dellos pequeños isllotes averaos a la costa de Marruecos) y los archipiélagos atlánticos de Canaries y Madeira.

Arxelia, Marruecos, Túnez y Libia formen, en conxuntu, la rexón xeográfica del Magreb, que ye una pallabra árabe que significa "atapecer". Exiptu estiéndese hacia l'este, y como la península del Sinaí forma parte del so territoriu, podría consideráselu tamién como parte del Asia Occidental.

La distinción ente África del Norte y la mayoría del África subsaḥariana ye ecolóxica y históricamente significativa, porque'l desiertu del Sáḥara tien sío una barrera que torgó la comunicación de les poblaciones asitiaes al norte y al sur d'elli durante bona parte de la historia moderna dende que, alredor del añu 3.500 e.C., la rápida desertificación de la zona debida a cambeos na órbita de la Tierra separtó la evolución cultural y histórica de les tierres situaes al norte con respeutu al restu del continente. Como les civilizaciones marítimes (fenicios, griegos, romanos, musulmanes y otros) facilitaron la comunicación, la emigración y el comerciu a lo llargo de les costes del mar Mediterraneu, les cultures del África del Norte estrecharon los sos contactos muncho más coles del Asia Suroccidental y Europa que coles del África subsaḥariana.

Árabe

L'árabe (العربية n'árabe) ye un conxuntu de llingües semítiques (qu'a la vegada formen parte del tueru afroasiáticu falaes nos países del norte d'África y del sudoeste d'Asia. Ente elles podemos destacar:

L'árabe clásicu, variedad propia del Corán.

L'árabe estándar modernu, versión modernizada del árabe clásicu usada como modelu d'idioma cultu común a tolos países árabes. Ye la llingua de los medios de comunicación.

Los árabes coloquiales, son les llingües natives de la población de los países árabes; usualmente nómense dialeutos, magar qu'entre ellos danse tantes diferencies como ente les llingües romániques, especialmente ente los dos grupos principales:

L'árabe occidental (o magrebí):

L'árabe andalusí (estintu), de la antigua Al-Andalus.

L'árabe marroquín, de Marruecos.

L'árabe magrebí oriental, d'Arxelia, Tunicia y Libia.

L'árabe oriental (o mesopotámicu):

L'árabe sudanés, de Sudán.

L'árabe exipcianu, d'Exiptu; el más conocíu pol restu del mundo árabe gracies al cine y la televisión.

L'árabe levantín, d'El Líbanu, Siria, Israel y Palestina.

L'árabe iraquín, d'Iraq.

L'árabe del Golfu Pérsicu, de Kuwait, Iraq, Arabia Saudita, Baḥréin, Qatar, Emiratos Árabes Xuníos y Omán.

L'árabe najdí, d'Arabia Saudita, Xordania y Siria.

L'árabe hijazí, de la rexón del Hijaz n'Arabia Saudita.

L'árabe yemenín, de Yeme.

El maltés, de Malta, con influxos del italián y l'inglés.

L'árabe coloquial modernu variedá pan-nacional, formal, intermedia ente el dialeutu y l'árabe literal.L'árabe ye una de les llingües con mayor númberu de falantes, alredor de 180 millones. Representa el primer idioma oficial n'Arabia Saudita, Arxelia, Baḥréin, Exiptu, Emiratos Árabes Xuníos, Iraq, Xordania, Kuwait, El Líbanu, Libia, Marruecos, Omán, Qatar, Siria, Sudán, Tunicia y Yeme. Amás, munchos millones de musulmanes residentes n'otros países poseen conocimientos d'árabe, por razones relixoses (ya que'l Corán ta escritu n'árabe). Dende 1974 ye una de les llingües oficiales de les Naciones Xuníes.

Tien el so propiu alfabetu.

N'otres llingües

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.