República Popular China

La China[1], oficialmente República Popular China, (en chinu 中国, y en pinyin Zhōngguó) ye un país asitiáu nel este d'Asia, el cuartu más grande del mundiu en cuanto a estensión territorial. Llenda con 14 países ( Afganistán, Bután, Myanmar, India, Kazakstán, Kirguistán, Laos, Mongolia, Nepal, Corea del Norte, Paquistán, Rusia, Taxiquistán y Vietnam) y ye, colos sos cuasi 1.350 millones d'habitantes, el país más pobláu del mundiu.

Tocántenes a la so organización política, ye un réxime de partíu únicu (el Partíu Comunista de China, PCCh) con capital en Beijing. La so organización territorial compriende 22 provincies, cinco rexones autónomes, cuatro municipalidaes (Beijing, Tianjin, Shanghai y Chongqing) y dos rexones con un réxime alministrativu especial y dalgunes capacidaes d'autogobiernu (Hong Kong y Macáu). La República Popular China reclama que Taiwán ye la so vixésimutercer provincia, magar qu'anguaño esta islla forma una entidá política separada, la República de China.

Colos sos 9,6 millones de km² d'estensión, China ye'l segundu mayor país del mundu, y compriende bien de paisaxes distintos desde zones boscoses hasta los desiertos de Gobi y Taklamakan, nel norte y noroeste del país o les biesques subtropicales de la so fastera meridional. El oeste del país ye permontañosu, con cordilleres como l'Himalaya, el Karakoram, el Pamir o el Tian Shan, formaes por delles de les montañes más altes del mundiu. Los ríos Yangtze y Mariellu, terceru y sestu más llargos del mundu, nacen na meseta del Tíbet y van desembocar a la zona oriental del país, la más poblada. China tien una llinia costera de 14.500 km², na que llenda con dellos de los mares nos que se sodivide l'oceanu Pacíficu: Bohai, Mariellu, del Este de China y del sur de China.

L'antigua civilización china, una de les más vieyes del mundu, floreció na cuenca del ríu Mariellu, na llanada del norte de China. Demientres dellos milenios, el sistema políticu chinu basábase en monarquíes hereditaries, nomaes dinastíes, a partir del rei semimitolóxicu Xia (2.000 e.C.). Dende l'añu 221 e.C., cuando la dinastía Qin conquistó varios estaos, entamando asina l'imperiu chinu. El país foi espandiéndose, frañéndose y reconstruyéndose bien de veces. En 1911 la República de China echó del país a la cabera dinastía, y dirixió'l país hasta 1949. Dempués de la derrota de Xapón na Segunda Guerra Mundial el Partíu Comunista de China derrotó al Kuomintang, d'ideoloxía nacionaliega, na China continental, y estableció nella la República Popular China. Esta proclamose en Beijing el 1 d'ochobre de 1949. El gobiernu de la República de China coló pa la islla de Taiwan, que controla xunto con dellos isllotes como los de Penghu, Kinmen o Matsu. El so estatus ye problemáticu, pues ye reconocíu como un estáu dixebráu de China por perpocos países. La República Popular, amás, tien amenazao con ocupar la islla si los sos gobernantes declaren la so independencia, pues considérenla como parte inalienable del territoriu chinu.

Dende la introducción de reformes económiques en 1978 l'espoxigue económicu de China tien sío pergrande. Nel 2013 yá ye la segunda mayor economía pol so PIB, y ye tamién el mayor esportador ya importador de bienes del mundiu. Tien armes nucleares y el mayor exércitu del mundu, al que dedica'l segundu mayor presupuestu de defensa del planeta. Ye miembru de les Naciones Xuníes dende 1971, cuando-y quitó'l sitiu a la República de China como miembru permanente del so Conseyu de Seguridá. Ye tamién miembru de munches organizaciones internacionales multillaterales: OMC, APEC, Organización de Cooperación de Shanghai. G-20...

República Popular China
Badaling China Great-Wall-of-China-01
Flag of the People's Republic of China National Emblem of the People's Republic of China
Bandera de la República Popular China Emblema nacional de la República Popular China
Himnu nacional Yiyongjun Jinxingqu
Alministración
Nome oficial 中华人民共和国
中華人民共和國
People's Republic of China
Repubblica Popolare Cinese
Народна Република Кина
Китайская Народная Республика
Cộng hòa Nhân dân Trung Hoa
República Popular China
Capital Beixín
Forma de gobiernu Unipartidismu, Centralismu democráticu, República parllamentaria, Estáu xunitariu y república constitucional
Premier chinu Li Keqiang
Llingües oficiales Chinu
Xeografía
Coordenaes 35°N 103°E / 35°N 103°ECoordenaes: 35°N 103°E / 35°N 103°E
CHN orthographic
Superficie 9596961 km² (puestu {{{superficie_puestu}}})
% agua {{{superficie_agua}}}
Costes {{{costes}}}
Llendes {{{llendes}}}
Llenda con Mongolia, Kazakstán, Kirguistán, Taxiquistán, Paquistán, India, Nepal, Bután, Myanmar, Laos, Vietnam, Rusia, Corea del Norte, Afganistán, Corea del Sur, Xapón y Xunión Soviética
Puntu más altu Everest
Demografia
Población 1 409 517 397 hab. (1 xunetu 2017)
Densidá 146,87 hab/km²
Xentiliciu chinu y china
Economía
Moneda Renminbi
PIB nominal 12 237 700 479 375 (2017)
PIB per cápita 8826 (2017)
Más información
Códigu telefónicu +86
Códigu ISO 156 / CHN / CN
Estaya horaria estaya horaria de China y UTC+08:00
www.gov.cn/ y english.www.gov.cn/

Xeografía

China CIA map

El país ye'l terceru más grande en superficie terrestre. Pola so estensión, tien una gran variedá de paisaxes y fasteres climátiques. Nel este, a lo llargo de la costa del mar Mariellu y del mar de China Oriental, hai llanures aluviales densamente poblaes. La fastera costera del mar de China Meridional ye más montesa y nel sur de China tien una orografía de pandes y pequeños cordales. Na fastera centro del este tan los deltes de los dos mayores ríos: el ríu Mariellu y el Yangtze. Otros ríos importantes son el Ríu de les Perlles, el Mekong, Brahmaputra, Amur, Huai He y el Xi Jiang.

División alministrativa

La Constitución de la República Popular de China establez que'l país ta organizáu en trés niveles d'organización territorial: provincial, de distritu y de cantón. A nivel provincial hai en China 23 provincies, 5 rexones autónomes, 4 municipalidaes y dos rexones alministratives especiales. A nivel de distritu, cada provincia ta estremada en prefeutures autónomes, distritos, distritos autónomos y ciudaes. Y a nivel de cantón los distritos y distritos autónomos tán sodividíos en cantones, cantones de minoríes étniques y poblaos. Amás d'estos niveles, el país presenta, de facto, otros dos niveles más d'organización territorial: les prefeutures, dientro de les provincies; y los pueblos, dientro de los distritos. Un sestu nivel organizativu perbaxu del de los condaos ta conformáu poles oficines públiques de distritu, que tán desapaeciendo dafechu.

La tabla que vien darréu resume les divisiones alministratives alministraes pola República Popular de China el 31 d'avientu de 2005.

Nivel Nomee Tipos Pinyin Númberu
1 Nivel provincial
省级行政区
Provincies
(* China reclama como provincia Taiwán)
shěng 22
(23*)
Rexones Autónomes 自治区 zìzhìqū 5
Municipalidaes 直辖市 zhíxiáshì 4
Rexones alministratives especiales 特别行政区 tèbié xíngzhèngqū 2
2 Nivel prefeutural (de facto)
地级行政区
Prefeutures 地区 dìqū 17
Prefeutures autónomes 自治州 zìzhìzhōu 30
Ciudaes-prefeutures 地级市 dìjíshì 283
Ligues (Unidaes alministratives menores de la rexón autónoma de Mongolia Interior) méng 3
3 Nivel distrital (o de condáu)
县级行政区
Condaos xiàn 1.464
Condaos autónomos 自治县 zìzhìxiàn 117
Ciudaes-condáu 县级市 xiànjíshì 374
Distritos 市辖区 shìxiáqū 852
Banderes (Unidaes alministratives menores de la rexón autónoma de Mongolia Interior) 49
Banderes autónomes 自治旗 zìzhìqí 3
Áreas forestales 林区 línqū 1
Distritos especiales 特区 tèqū 2
4 Nivel cantonal
乡级行政区
Cantones xiāng) 14.677
Cantones étnicos 民族乡 mínzúxiāng 1.092
Municipios zhèn 19.522
Sodistritos 街道办事处 jiēdàobànshìchù 6.152
Oficines Públiques de Distritu 区公所 qūgōngsuǒ 11
Sumu 苏木 sūmù 181
Sumu étnicos 民族苏木 mínzúsūmù 1
5 Nivel municipal (de facto)
村级自治组织
Comunidaes
* (社区)
社区居民委员会 jūmínwěiyuánhùi 80.717[2]
Pueblos 村民委员会 cūnmínwěiyuánhùi 623.669[3]

Historia

Referencies

  1. Cartafueyos Normativos. Nomes de los países del mundu y de les sos capitales y xentilicios, Academia de la Llingua Asturiana, 2010; ISBN 987-84-8168-500-8
  2. China Statistical Yearbook 2007, Ch. 23-28 Basic Conditions of Civil Affairs Agencies"
  3. China Statistical Yearbook 2007, Ch. 23-28, op.cit.
Beixín

Beixín, treslliteráu y conocida internacionalemnte como Beijing (en chinu 北京; en pinyin Běijīng, [peɪ˨˩ t͡ɕiŋ˥], la Capital del Norte) ye la capital de la República Popular China y una de les mayores ciudaes del mundu. La so población, en 2012, yera de 20.693.000 habitantes. La metrópoli, allugada nel norte de China, tien l'estatus alministrativu de municipalidá, con control direutu pol gobiernu nacional, y ta sodividida en catorce distritos urbanos y suburbanos y dos condaos rurales. La ciudá ta incrustada na provincia de Hebei, magar que llenda pel sureste cola municipalidá de Tianjin.

Beixín ye la segunda ciudá mayor del país, dempués de Shanghai, y ye'l so centru políticu, cultural y educativu. Nella tienen la so sede la mayoría de les empreses de titularidá estatal, y ye un importante ñudu de comunicaciones per carretera y ferrocarril, convencional y d'alta velocidá. Amás, el so aeropuertu (Beijing Capital International Airport) ye'l segundu del mundu pol so volume de pasaxeros.

La historia la ciudá remóntase tres mil años, y lleva siendo, como la última de les cuatru grandes antigües capitales de China, el centru políticu del país el más del tiempu demientres los siete caberos sieglos. La ciudá ye famosa polos sos grandes palacios, templos, xardinos, tumbes, muries y puertes monumentales, y los tesoros artísticos que guarda y les sos universidaes faen d'ella el centru del arte y la cultura del país. Son perpoques les ciudaes del mundu que tienen sío el centru políticu y cultural d'una zona xeográfica tantu tiempu.

Cantón (China)

Cantón (chinu simplificáu: 广州, chinu tradicional: 廣州, pinyin: Guǎngzhōu: 广州, chinu simplificáu: 广州, chinu tradicional: 廣州, pinyin: Guǎngzhōu: 廣州, chinu simplificáu: 广州, chinu tradicional: 廣州, pinyin: Guǎngzhōu: chinu simplificáu: 广州, chinu tradicional: 廣州, pinyin: Guǎngzhōu, Jyutping: Gwong² zau1, pronunciáu: ["Kuán-Chóu"]( escuchar), lliteralmente: «prefeutura ancha») ye una ciudá del sur de la República Popular China, capital de la provincia de Cantón.. La so población ye de 3.152.825 habitantes na zona urbana, algamando los 13 080 500 habitantes en tola área metropolitana (2014). Anguaño ye la conurbación más grande de la Tierra, con 46 900 000 habitantes, si #cuntar al pie de la so área metropolitana, a los suburbios de la zona del Delta del ríu de les Perlles. Dispon d'un aeropuertu internacional y comunícase cola vecina Hong Kong (a una distancia de 120 km) por aciu trenes, autobuses y un serviciu de ferry.

Cantón ye la tercer ciudá más grande de China, detrás de Beixín y Shanghái. Tien un estáu alministrativu subprovincial y ye una de los seis ciudaes centrales nacionales de China. Cantón ye considerada como una ciudá global y nos últimos años aumentó rápido'l númberu de residentes estranxeros y d'inmigrantes illegales procedentes d'Oriente Mediu, Europa del este y el Sudeste Asiáticu, lo mesmo que d'África. Esto llevó a que se conoza a la ciudá como la Capital del Tercer Mundu». La población migrante d'otres provincies de China en Cantón yera'l 40 per cientu de la población total de la ciudá en 2008. La mayoría d'ellos son migrantes rurales que falen namái mandarín y asumieron munchos emplegos que los ciudadanos locales nun taben dispuestos a faer.La ciudá foi, mientres enforma tiempu, l'únicu puertu chinu dexáu pa la mayoría de los comerciantes estranxeros. Cantón cayó a manos britániques y foi abierta pola Primer Guerra del Opiu. Perdió importancia nel comerciu frente a otros puertos nacionales como Hong Kong y Shanghai, pero siguió sirviendo como un entrepôt importante. Nel comerciu modernu, Guangzhou ye más conocíu pola so Feria de Cantón, la feria más antigua, de más altu nivel, más grande y más completa en China. Mientres #tres años consecutivos (2013-2015), Forbes clasificó Cantón como la meyor ciudá comercial nel continente chinu. Otru de los sos elementos más carauterísticos ye la so gastronomía local, pos la cantonesa ye una de les cocines rexonales más famoses y populares de China en tol mundu.

Chinu mandarín

El mandarín (chinu tradicional: 官話, chinu simplificáu: 官话, pinyin: guānhuà, lliteralmente «la fala oficial») ye'l conxuntu de dialeutos del chinu mutuamente intelixibles que fálense nel norte, centru y suroeste de China. El términu chinu ye, en pinyin, běifānghuà (Tradicional: 北方話 / simplificado: 北方话, "fabla del norte"). Con más de 836 millones de falantes, ye la principal forma fablada del chinu, asina como la llingua con mayor númberu de falantes nativos y falantes totales del mundu. El mandarín ye mui diferente de los dialeutos del sur, como'l cantonés o'l wu, hasta'l puntu de que munchos llingüistes prefieren considerar al mandarín y a los dialeutos del sur como llingües diferentes.

Por estensión, el términu mandarín emplégase tamién pa designar a la llingua china normativa o oficial, llamada "pǔtōnghuà" (普通話 / 普通话 "fala de comunicación común") na República Popular China, guóyǔ (國語 / 国语, "llingua nacional") en Taiwán y huáyǔ (華語 / 华语, "llingua china") en Singapur, Malasia ya Indonesia. Esta llingua estándar moderna empezóse a configurar a principios del sieglu XX, y ta basada fundamentalmente na variedá pequinesa del mandarín, el běijīnghuà (北京話 / 北京话, "fala pequinesa").

Chinu simplificáu

El chinu simplificáu (简体中文 / 簡體中文 jiǎntǐ zhōngwén) ye'l chinu escritu con carauteres simplificaos. Dende'l procesu de simplificación de los carauteres chinos lleváu a cau pol Gobiernu de la República Popular China na segunda metá del sieglu XX, esisten dos sistemes d'escritura estándar pal chinu. Metantu que na China continental úsase'l chinu simplificáu, el chinu tradicional entá s'usa en Taiwán, Hong Kong y Macáu.

Los carauteres simplificaos denómense polo xeneral jiǎntǐzì (简体字 / 簡體字), que quier dicir "carauteres de mena cenciella". Tamién se-yos denoma, magar que'l nome nun ye tan xeneralizáu, jiǎnhuàzì (简化字 / 簡化字), "carauteres simplificaos".

Chinu tradicional

El chinu tradicional (繁體中文 / 繁体中文 fántǐ zhōngwén) ye'l chinu escritu con carauteres tradicionales. Dende'l procesu de simplificación de los carauteres chinos lleváu a cau pol Gobiernu de la República Popular China na segunda metá del sieglu XX, esisten dos sistemes d'escritura estándar pal chinu. Metantu que na China continental úsase'l chinu simplificáu, el chinu tradicional entá s'usa en Taiwán, Hong Kong y Macáu y tamién nos Estaos Xuníos y en dellos países d'América, Europa y l'Asia-Pacíficu u esisten comunidaes d'estraxeros descendientes de chinos.

Los caracteres tradicionales denómense davezu fántǐzì (繁體字 / 繁体字), que lliteralmente quier dicir "carauteres de mena complexa". Especialmente en Taiwán, dalgunes persones consideren que los carauteres tradicionales nun son "complexos", sinón que son los carauteres correutos u ortodoxos, polo que prefieren el términu zhèngtǐzì (正體字, 正体字), que quier dicir "carauteres de mena correuta". El términu xeneral n'Occidente "carauteres tradicionales" ye muncho más acertáu, al nun tener les connotaciones negatives nin positives de los dos términos chinos.

Ciudá-prefeutura de la República Popular China

Una ciudá-prefeutura (chinu: 地级市, pinyin: dìjí shì, lliteralmente «ciudá a nivel de rexón»), dacuando traducíu cuasi direutamente como «ciudá de nivel de prefeutura» o «conceyu a nivel de prefeutura», ye una división alministrativa de la República Popular China que s'asitia, na estructura políticu-alministrativa, per debaxo del nivel provincial y percima del nivel de condáu. Ye la división más frecuente a esti nivel, con 283 nel añu 2005. Una ciudá-prefeutura sueli ser un centru urbanu arrodiáu d'una amplia zona rural na qu'hai tamién más ciudaes, llocalidaes y pueblos, lo que n'occidente suel considerase la área metropolitana o aglomeración urbana. Son munches les ciudaes que tienen el mesmu nome que la ciudá-prefeutura na que tán.

Copa Mundial Femenina de Fútbol de 2007

La Copa Mundial Femenina de la FIFA China 2007™ (2007年FIFA女子世界杯, en chinu) foi la V edición de la Copa Mundial Femenina de Fútbol. Esta versión del tornéu realizar na República Popular China, ente'l 10 y el 30 de setiembre de 2007. Esti país entamó la primer edición del eventu en 1991 y fuera darréu designáu como sede de la Copa Mundial Femenina de Fútbol de 2003, pero l'españíu de la epidemia del SARS naquel país obligó al treslláu del eventu a los Estaos Xuníos; tres dicha situación, la FIFA garantizó a China la organización del eventu siguiente, que sirve como preludiu a los Xuegos Olímpicos de Beixín 2008.

Pa esti tornéu, 119 seleiciones participaron nes rondes clasificatorias, algamando un nuevu récor históricu de participantes. D'éstos, 16 equipos participaron na fase final del tornéu, siendo estremaos en cuatro sistema de toos-contra-toos grupos de cuatro equipos mientres la primer fase y darréu van enfrentase nun sistema de eliminación direuta nel que van participar los dos meyores equipos de cada grupu. Tres socesivos partíos, los dos finalistes enfrentáronse'l 30 de setiembre nel Estadiu Hongkou de Shanghái, onde Alemaña revalidó'l so títulu de campeona del mundu frente a Brasil con un marcador de 2-0.

Fujian

Fujian (chinu: 福建, pinyin: Fújiàn, trescripción antigua: Fukien) ye una de los ventidós provincies que, xuntu colos cinco rexones autónomes, cuatro conceyos y dos rexones alministratives especiales, conformen la República Popular China. La so capital ye Fuzhou. Llenda al norte con Zhejiang, al este col estrechu de Taiwán (mar de la China Meridional) que la dixebra de la islla de Taiwán —asitiada a 180 km de distancia—, al sur cola Cantón y al oeste con Jiangxi. Ocupa una área de 120 000 km² y la so población en 2003 yera de cuasi 32 millones d'habitantes.

Una parte de la provincia, en concretu los archipiélagos de Quemoy y Matsu, ta so l'alministración direuta del gobiernu de la República de China (en Taiwán).

Hainan

Hainan (en chinu: 海南省, pinyin: Hǎinán shěng) ye una de los ventidós provincies que, xuntu colos cinco rexones autónomes, cuatro conceyos y dos rexones alministratives especiales, conformen la República Popular China. La so capital ye Haikou. Hainan ta formada por distintes islla —siendo la mayor d'elles la islla homónima de Hainan— asitiaes nel Mar de China Meridional, na parte más meridional del país, a 240 kilómetros al oeste de Vietnam.

La islla de Hainan tien una estensión de 34.000 kilómetros cuadraos y una población de 8,6 millones de persones (2010). Na zona habiten mayoritariamente miembros de les etnies miao y li, con traces bien paecíes a los vietnamites. La relixón mayoritaria ye'l budismu, siguida del Islam y el cristianismu

La islla foi conquistada poles tropes del emperador Qin Shi Huang anque l'exércitu llueu lu abandonó por cuenta de la resistencia de los li y a la falta de curiosos. Hainan foi reconquistada pola dinastía Tang y convirtióse en llugar de destierru.

Hainan tien el estatus de provincia dende 1988, antes dependía de l'alministración de Cantón. Dende esi mesmu añu considerar como zona económica especial. Ye una de les provincies menos industrializaes de too el país.

Macáu

Macáu (en chinu: 澳門, en portugués Macau) ye una de les dos rexones alministratives especiales de la República Popular China. Asitíase na costa meridional de China, na fastera occidental del delta del ríu Perla. Al este, na otra oriella del delta, ta Hong Kong, y arrodiándola pel norte ta la provincia de Guangdong. La economía del territoriu ta fondamente venceyada al turismu y al xuegu (prohibíu nel territoriu chinu), pero tamién hai actividaes industriales.

Antigua colonia portuguesa, foi alministrada por Portugal dende mediaos del sieglu XVI hasta 1999, lo que fizo d'ella, nos dos últimos años de control portugués, la cabera colonia europea en China. Los comerciantes portugueses asentáronse en Macáu na década de 1550. En 1557 el territoriu foi arrendáu a los portugueses pol emperador chinu como puestu comercial. L'alministración portuguesa d'una ciudá que siguía tando sometida a l'autoridá y la soberanía china caltúvose hasta 1887, cuando pasó a ser una colonia del Imperiu portugués. Esti país devolvió-y la soberanía a china el 20 d'avientu de 1999. Nel alcuerdu de devolución incluyíase una llei fundamental del territoriu, la Llei Básica de Macau, que llexisla les condiciones poles que'l territoriu caltendrá un altu gráu d'autonomia a lo menos hasta 2049.

Embaxo'l principiu un país, dos sistemes, el gobiernu central de la República Popular ye responsable de la defensa y les rellaciones esteriores del territoriu, que caltién el so propiu sistema llegal, sistema monetariu, aduanes, política migratoria y una fuerza policial propia. El territoriu participa en munches organizaciones internacionales que nun obliguen, pa ser miembru, a que los territorios tengan soberanía nacional.

Mongolia

La República de Mongolia ye un país d'Asia enclaváu ente Rusia y República Popular China, con capital n'Ulán Bátor. Divídese en 21 rexones llamaes aymags que significa província en mongol.

Esta definición ye del tiempu del dominiu de la dinastia Qing sobro la Mongolia Esterior.

Ulán Bátor que ye la capital tien estatutu de provincia y nella reside casi qu'una tercer parte de la xente del país.

Los mongoles son un pueblu que vive anguaño en Mongolia, en Rusia ya en China, nesti caberu país especialmente na Mongolia Interior.

Actualmente hai unos 10 millones de mongoles, que falen diferentes llingües de la familia altaica. La Familia altaica ye una familia qu'enantes s'amestó cola urálica pero les caberes investigaciones separtáronles. Dáse-y esi nome pola cordillera del Altai nel Asia central.

Tien tres grupos d'idiomes:

· Túrcicu

· Mongol

· Manchú-tungu

Dellos llingüistes proponen que'l coreanu y el xaponés pertenecen a esta familia, magar que mayormente créyese que son llingües aisllaes.

Esta nación d'anguaño ye un cachu de lo que foi l'Imperiu Mongol que mandó gran parte d'Asia na dómina del sieglu XIII pero que se desainició nel final del sieglu XVII cuando foi conquistáu peles tribus nómades de la rexón china de Manchuria hasta 1911. Nun duró munchu la so indepencia porque en 1919 les tropes chines asitiáronse nel país.

Ye'l décimonovenu páis más grande del mundiu, unes 150 vegaes Asturies, pero solamente viven nél unos 3 millones de persones, lo que lu fai la nación menos poblada del mundiu (menos de 2 persones per kilómetru cuadráu). La xente ye nómada al rodiu del 30% de toos ya el 90% d'ellos son de la etnia mongola, con minoríes como la kazakhstanina.

El budismu tibetanu ye la relixón más estendía del país, xuntu con Bután, les úniques naciones au esta relixón ye dominante.

Pena de muerte

La pena de muerte o pena capital ye la execución d'un prisioneru como castigu por un crime o delitu. La espresión remanez del indoeuropeu caput, "cabeza", al traviés del llatín capitalis. Ansí, etimolóxicamente, la pena de muerte ye'l castigu impuestu a un crime tan grave que merez la decapitación.

Según l'informe añal d'execuciones xudiciales d'Amnistía Internacional, nel añu 2003 foron executaes al menos 1146 personas en 28 países. El 84% de les muertes documentaes asocedieron en cuatro países: la República Popular China llevó a cau 726 execuciones, Irán mató a 108 persones, Estaos Xuníos a 65 y Vietnam a 64.

El 10 d'ochobre cellébrase'l Día Mundial pa sensibilizar a la población.

República de China

La República de China o Taiwán ye un estáu del este asiáticu formáu por un archipiélagu d'islles de les que la islla de Taiwán ye la más importante. Los sos vecinos son la República Popular China al oeste, Xapón al noreste y les Filipines al sur. Ye l'estáu más pobláu y cola mayor economía que nun forma parte de les Naciones Xuníes. Dexó de selu en 1971, cuando los países miembros decidieron que la representante china nesi organismu fora la República Popular China. Taiwán ye reconocíu como la representante de China por 20 países.

La islla de Taiwán, conocida tamién antiguamente como Formosa, tuvo habitada por aboríxenes hasta que, nel sieglu XVII, aportaron a les colonies holandeses y españoles un gran númberu de xentes d'etnia Han. Tres d'un breve periodu, el nomáu reinu de Tungning (1661-1683) la islla foi conquistada pola dinastía Qing, la cabera dinastía imperial china. Los Qing cedieron Taiwán a Xapón en 1895, tres de la guerra xinón-xaponesa. Nesi intre de dominiu xaponés nel continente estableciose, tres de la cayida de la dinastía Qing, la República de China. Esta entidá política tomó'l control de Taiwán en 1945, tres de la derrota xaponesa na Segunda Guerra Mundial. De resultes de la guerra civil china la República perdió'l territoriu continental a manes de los comunistes, y el so gobiernu coló del continente, pa establecese en Taiwán, en 1949. Magar que sigue considerándose'l gobiernu llexítimu de China, la so xurisdicción efectiva llimítase, tres de la pérdida de la islla de Hainan en 1950, a Taiwán y les islles que la arrodien. Foi miembru fundador de les Naciones Xuníes, pero perdió l'estatus de miembru en 1971 en favor de la República Popular China.

Nos primeros años de la década de 1960 Taiwán entamó una fase de rápidu crecimientu económicu ya industrialización, que dio orixe a una economía de base industrial estable. Nes décades de 1980 el país camudó'l so sistema políticu: dexó de ser una dictadura militar de partíu únicu, dominada pol Kuomintang, pa convertise nuna democracia multipartidista con un réxime semipresidencial. El país, que ye la vixésimusegunda mayor economía del mundu, tien un sector d'alta teunoloxía que xuega un papel fundamental dientru del sistema económicu mundial. Ocupa posiciones destacaes nos ránking que miden la llibertá de prensa, los servicios sanitarios, la educación pública, la llibertá económica y el desarrollu humanu} . El país benefíciase de cuntar con una fuercia llaboral percualificada: ye ún de los países con mayor nivel educativu del mundu, una y bones un altísimu porcentaxe de los sos ciudadanos tienen un títulu universitariu.

La República Popular China tien reclamao insistentemente la so soberanía sobre Taiwán, afirmando que la República de China nun tien esistencia llexítima. Consecuentemente, refuga tener rellaciones diplomátiques con cualisquier país que la reconozca oficialmente. De resultes, munchos países mantienen con Taiwán llazos diplomáticos informales, al traviés d'oficines de representación y otres instituciones que funcionen como embaxaes y consulaos de facto, y namái venti países reconocen oficialmente al so gobiernu. La participación del país n'organizaciones internacionales ta, pol mesmu motivu, perllimitada, pues China rechaza inclusu que participe nelles como actor non estatal. Nel ámbetu internu, la principal llinia que divide a los partíos políticos del país ye la que separta a los partidarios d'una xunificación con China de los partidarios de declarar la independencia. Una llinia cada vegada más feble porque los partíos que representen dambes posiciones tienen moderao los sos discursos nos caberos tiempos pa enanchar la so base ellectoral. La República Popular, pela so banda, tien amenazao con usar la fuercia militar si Taiwán declara formalmente la so independencia o cuando los cabezaleros de la propia República Popular decidan que la xunificación pacífica nun ha ser posible.

Shanghai

Shanghai (chinu: 上海, pinyin: Shànghǎi) ye una ciudá pergrande de la República Popular China, con 18.450.000 habitantes nel 2008, y una de les ciudaes más poblaes del mundu. Ta allugada nel sur del delta del Yangzi, xunto al ríu Huangpu, que desemboca nel Mar de la China Oriental. En chinu, les abreviatures de Shanghai son Hù (tradicional: 滬 , simplificáu: 沪) y Shēn ( 申 ).

L'área u s'atopa la ciudá foi colonizada y asentada polos refuxaos que fuxíen de los mongoles pelos años 960-1126 e.C. En 1842 firmóse'l Tratáu de Nanjing nel que'l puertu de Shanghai abríase al comerciu occidental tres el momentu nel que los británicos se ficieron col sitiu durante la Primer Guerra del Opiu. Tanto orientales como occidentales convivieron en Shanghai favoreciendo un ricu intercambiu cultural, anque la población occidental entamó a dexar esi llugar nel principiu de la Guerra del Pacíficu en 1941. Éstos fuxeron definitivamente cola llegada al poder de les comunistes, qu'espropiaron y estatizaron la economía llocal y de toda China. Puntu neurálxicu baxo'l mandatu de Mao Zedong, Shanghai esperimentó un espectacular crecimientu económicu y turísticu na década de los 90, siendo sede de numberoses empreses de multinacionales y vanguardistes rascacielos. Güei ye la ciudá más cosmopolita y moderna del país, qu'acueye en 2010 una Exposición Universal.

Alministrativamente, Shanghai ye una de les cuatro municipalidaes de la República Popular China, toes elles alministraes direutamente pol gobiernu central del país. Shanghai ye la capital económica de China y tien una superficie de 6.340 km².

Xuegos Olímpicos de Beixín 2008

Los Xuegos Olímpicos de Beixín 2008 (oficialmente denomaos Xuegos de la XXIX Olimpiada) ficiéronse en Beixín, capital de la República Popular China, ente'l 8 d'agostu y el 24 d'agostu de 2008, Sicasí, anque'l tornéu de fútbol empezó dos díes antes, el 6 d'agostu. Tres la so conclusión, realizáronse los XIII Xuegos Paralímpicos, que empezaron el 6 de setiembre, siendo realizaos na mesma ciudá, y con final el 17 del mesmu mes.

L'eventu deportivu cuntó con 302 pruebes en 28 deportes nes que participaron unos 10.942 atletes provenientes de 204 comités olímpicos nacionales. Amás de Beixín, delles otres ciudaes de China celebraron eventos deportivos. El tornéu de fútbol fízose nes ciudaes de Qinhuangdao, Tianjin, Shenyang y Shanghái, ente que les regatas de vela y les pruebes d'hípica nel puertu de Qingdao y nel de Hong Kong, respeutivamente.

Los Xuegos Olímpicos de Beixín 2008 convirtiéronse nel eventu más costosu de la hestoria olímpica, algamando un costo que superaría los 44.000 millones de dólares, casi triplicando'l presupuestu final del so antecesor, los Xuegos Olímpicos d'Atenes 2004.Como asocedió n'eventos anteriores, la organización d'esti eventu enfrentó problemes de calter políticu ya ideolóxicu dende la so eleición, el 13 de xunetu de 2001. Xuntu a les crítiques al respeutive de los problemes de contaminación atmosférica que tenía la ciudá sede, les acusaciones de violaciones a los derechos humanos que recibió'l réxime chinu per una parte importante de la comunidá internacional provocaron diverses manifestaciones, qu'inclusive afectaron el percorríu de l'antorcha olímpica. Per otru llau, otra parte importante de la comunidá internacional llamó a nun entemecer los problemes políticos col deporte. El gobiernu chinu pela so parte, denunció la intencionalidad política-ideolóxica de dellos países y organizaciones occidentales al momentu de tratar la cuestión de los derechos humanos, sosteniendo qu'en realidá busquen atacar el sistema comunista pol que s'empón la República Popular China. Finalmente, y magar que dellos funcionarios anunciaren un posible boicó, ésti nun se realizó, asistiendo inclusive la delegación de China Taipei, representante de la República de China, entidá ensin reconocer pola República Popular China.La candidatura de Beixín foi promovida intensamente por Juan Antonio Samaranch, mientres los sos últimos años de xestión como presidente del Comité Olímpicu Internacional, col fin de "premiar a la República Popular China por tou lo que fixera pol deporte". El gobiernu de China promocionó los xuegos coles mires de destacar la importancia ya influencia de la cultura china pa la civilización mundial.

Yunnan

Yunnan (pronunciáu: [Yun-Nán]( escuchar)(chinu simplificáu: 云南, chinu tradicional: 雲南, pinyin: Yúnnán, trescripción antigua: Yünnan) ye una de los ventidós provincies que, xuntu colos cinco rexones autónomes, cuatro conceyos y dos rexones alministratives especiales, conformen la República Popular China. La so capital ye Kunming.

Zhejiang

Zhejiang (pronunciáu: [Zho-Chiáng]( escuchar) chinu: 浙江, pinyin: Zhèjiāng ?, trescripción antigua: Chekiang) ye una de los ventidós provincies que, xuntu colos cinco rexones autónomes, cuatro conceyos y dos rexones alministratives especiales, conformen la República Popular China. La so capital ye Hangzhou. Otres ciudaes y puertos importantes son Ningbó y Wenzhou. Llenda al norte con Jiangsu y Shanghái, al este col mar de la China Oriental, al sur con Fujian y al suroeste con Jiangxi. La so población en 2010 yera de 54 426 897 habitantes.

D'esta provincia, cola so propia variante del idioma chinu, provienen la mayoría de los inmigrantes chinos residentes n'España (aprosimao un 70 %).

Ḥong Kong

Ḥong Kong (en chinu: 香港, lliteralmente puertu goliosu o puertu del inciensu), nomáu oficialmente Rexón Alministrativa Especial de la República Popular China de Hong Kong, ye una rexón alministrativa especial de la República Popular China. Asitíase na costa meridional de China, nún puertu natural del delta del ríu de la Perlla, nel mar del sur de China. Con una estensión terrestre de 1.106 km² y una población de 7,3 millones d'habitantes, ye la cuarta nación o territoriu del mundu con mayor densidá de población. Tocántenes a la so distribución étnica, el 95% de los sos habitantes son d'etnia han. Los más d'ellos aportaron a la ciudá dende les ciudaes de Guangzhou y Taishan, na vecina provincia de Guangdong.

Tres de la Primer Guerra del Opiu (1839-42) Hong Kong convirtiose nuna colonia británica al ceder pa siempres China a Gran Bretaña la islla de Hong Kong. A la colonia sumose en 1860 la península de Kowloon, y los Nuevos Territorios, que foron cedíos por 99 años, añediéronse-y en 1898. Demientres la Segunda Guerra Mundial la colonia foi ocupada por Xapón, y volvió a manes de los británicos en 1945. Na década del 1980 entamaron les negociaciones ente'l Reinu Xuníu y China pa la tresferencia de la soberanía de la colonia. Alcordóse en 1984 que Hong Kong pasaría a ser china en 1997, y que se convertiría nuna rexón alministrativa especial con una amplia autonomía.

Hong Kong caltién, embaxu'l principiu d'un país, dos sistemes, un sistema políticu diferenciáu del de China. La rexón tien los sos propios poderes executivu, llexislativu y xudicial, magar que nun tien competencies en defensa y asuntos esteriores. Amás, rellacionase direutamente, y de forma independiente, con otres naciones y organismos internacionales pa cuestiones qu'entren dientru del campu de les sos competencies.

Nomada la perlla del Oriente, Hong Kong ye ún de los principales centros financieros globales, con una economía que ye la más competitiva del mundu. La so moneda, el dólar de Hong Kong, ye la décimotercera más utilizada nel mundu pa transaiciones financieres. Tien un sistema impositivu simple y con tipos favorables pa les grandes corporaciones, que s'asienten nella fiando de la independencia del so sistema xudicial y la estabilidá y fiabilidá del so corpus llexislativu. El sector terciariu ye, gracies a esi calter de centru financieru y tamién al turismu (foi la ciudá más visitada del mundu en 2014), el motor básicu de la economía d'esti prósperu territoriu, ún de los de mayor desigualdá económica del mundu.

La ciudá ye célebre pol so puertu natural, perprofundu, que permite l'accesu cenciellu de los buques cargueros, y tamién pol so skyline, ún de los más nomaos del mundu. Tien un Índiz de Desarrollu Humanu altísimu, y la mayor esperanza de vida de tolos países del mundu. Pesie a que más del 90% de la so población utiliza'l so sistema de tresporte públicu, modernu y puntual, la contaminación del aire, de resultes de los contaminantes emitíos poles industries de la rexón de China más averaes a ella, ye ún de los principales problemes de la ciudá.

N'otres llingües

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.