Municipiu

Na antigua Roma, un municipiu (en llatín municipium) yera una ciudá llibre gobernada polas sus propies lleis, anque los sus vecinos teníen los derechos de ciudadanía romana.

Güei utilizase'l términu pa referise al conxuntu de poblaores d'un territoriu, que puede incluir una o delles poblaciones, rexíu por un muérganu colexiau xeneralmente nomáu ayuntamientu, municipalidá, alcaldía o conceyu, o al mesmu ayuntamientu en sí.

Antofagasta

Antofagasta ye una ciudá en Chile. La ciudá tenía una población de 296.905 habitantes y la comuna tien una superficie de 30.718,1 km² (INE 2002).

Barranquilla

Barranquilla ye una ciudá del norte de Colombia. La ciudá, capital del municipiu homónimu y del departamentu Atlántico, ye la única ciudá d'América del Sur que tuvo poblada primero de la so fundación oficial. Barranquilla, asitiada cerca del mar Caribe, ye'l principal puertu de la Rexón Caribe, y tien una población de 1.228.300 habitantes (2017); esto conviértela na cuarta ciudá más poblada de Colombia. Barranquilla ta estratéxicamente asitiada cerca del delta del ríu Magdalena, a 7,5 km de la so desembocadura nel mar Caribe. Esto permíte-y ser al tiempu un puertu válidu pal tresporte marítimu y pal fluvial hacia l'interior de Colombia. Ye, amás, el principal centru industrial, cultural, educativu y de compres de la rexón Caribe. Ye, tamién, la ciudá central del área metropolitana de Barranquilla, que compriende'l municipiu homónimu y los de Soledad, Galapa, Malambo y Puerto Colombia.

La fecha de fundación oficial de la ciudá de Barranquilla ye'l 7 d'abril de 1813, magar que ta habitada dende polo menos 1629. Nel sieglu XX medró enforma al tiempu que la importancia del so puertu, nel qu'alcontraron refuxu munchos inmigrantes europeos demientres y dempués de les dos guerres mundiales. Convirtiose nel principal puertu del país, y entamó a ser conocida, pol so gran nivel d'industrialización y modernidá, como La Puerta de Oro de Colombia; na década de 1940 yera la segunda ciudá del país, y una de les urbes más modernas d'América del Sur y el Caribe. Sicasí, nos años posteriores la corrupción xeneralizada de l'alministración pública fizo decayer el so nivel de vida, y a midida qu'el gobiernu nacional aumentó les sos inversiones notres ciudaes, la posición de Barranquilla nel conxuntu'l país foi debilitándose.

Na ciudá cellébrase ún de los más importantes festivales culturales de Colombia, el Carnaval de Barranquilla, declaráu Patrimoniu Cultural de la Nación pol congresu colombianu en 2001 y reconocíu pola Unesco en 2003 como parte del Patrimoniu Cultural Inmaterial de la Humanidá. El so aeropuertu internacional Ernesto Cortissoz, construyíu en 1919, foi el primer aeropuertu d'América del Sur.

Bucarest

Bucarest (București en rumanu) ye la capital de Rumanía y, al mesmu tiempu, la ciudá más grande del país, centru industrial y comercial. La primer vez qu'apaez mentada la ciudá ye nun documentu de 1459 y dende 1862 ye la capital del estáu. Nel periodu d'enteguerres la so arquiteutura, elegante y burguesa, valió-y el nomatu de "Pequeña París". Güei, la ciudá, dividida en seis distritos (sectoare) ye un conceyu (municipiu) que nun ta incluyíu en nenguna provincia (județ), anque ta rodiada dafechu pola provincia d'Ilfov.

Castrillón

Castrillón ye un conceyu d'Asturies. Llenda al norte col mar Cantábricu, al este cola ría d'Avilés, Corvera y Avilés, al sur con Illas y Candamu y al oeste con Sotu'l Barcu.

Comunidá Valenciana

La Comunidá Valenciana (en valencianu y oficialmente Comunitat Valenciana) ye una comunidá autónoma d'España. Constituyose formalmente nel añu 1982, tres d'aprobase'l so Estatutu d'Autonomía, y ye considerada, según lo dispuesto nel artículu segundu de la Constitución, nacionalidá hestórica dende 2006.

El so territoriu coincide na so mayor parte col del históricu Reinu de Valencia. Los oríxenes d'esti reinu remóntense a la reconquista, polos reis d'Aragón, de la Taifa de Valencia, conquistada por Xaime I en 1238. De magar la so fundación, garantizóse-y al nuevu reinu la capacidá d'autogobiernu embaxu la Corona d'Aragón. La xunificación d'Aragón y Castiella respetó l'autonomía del reinu, que foi suspendida por Felipe V tras vencer na Guerra de Socesión, en 1707.A finales del sieglu XIX nomábase a la zona Región Valenciana, que vio surdir un movimientu rexonalista qu'entamó a denomar a estes provincies y de forma non oficial, a partir de la década de 1960, País Valenciano (País Valencià). De magar la constitución de la comunidá autónoma el so nome actual espardiose y popularizose, y convive col de Valencia, magar qu'esti caberu puede causar confusión colos de la ciudá y la provincia homónimes.

El so territoriu, con capital en València, asítiase nel este y el sureste de la península Ibérica. Tien una estensión de 23.255 km², que faen d'ella la octava más estensa d'España, y llenda al norte con Catalunya y Aragón, al oeste con Castiella-La Mancha y Aragón, y al sur cola Rexón de Murcia. Formen parte del so territoriu un exclave, el Rincón d'Ademuz, que ta separtáu del restu de la comunidá pol municipiu castellanu-manchegu de Santa Cruz de Moya al sur y pol turolense d'Arcos de las Salinas al norte; y l'archipiélagu de les islles Columbretes, la islla de Tabarca y otres islles ya isllotes averaos a la costa.

La so población, en 2018, ye de 5.004.844 persones, repartíes en 542 conceyos. La mayor concentración de población dase na rodiada de la ciudá de València, con una población de 786.424 habitantes nel conceyu y 1.559.084 nel área metropolitana (2014). Síguela en población l'área metropolitana Alacant-Elx, con 757.085 habitantes (2014).

Concepción (Chile)

Concepción ye una ciudá de Chile. Tien una superficie de 221,6 km² y tien una población de 216.061 habitantes (data de 2002). Ye la capital industrial, sede de l'Archidiócesis d'Concepción y el noyu alministrativu y universitariu de la Octava Rexón del Biobío y de la provincia homónima.

Conceyu

Conceyu pue referise a:

Una conxusta asamblearia o muérganu desliberativu:

Conceyu abiertu, sesión que faise en públicu, convocando a elli a tolos vecinos del pueblu.

Conceyu municipal, muérganu que de cutio, xuntu al alcalde, compón una municipalidá o ayuntamientu.Una demarcación alministrativa:

N'Asturies y Galicia, conceyu y concello respeutivamente, son los nomes que reciben los municipios. Dixébrense al empar a efeutos alministrativos en parroquies. Los conceyos esistieron tamién na Lleón demientres tola Edá Moderna y en Cantabria hasta 1822.

N'Álava y Navarra, Concejo ye'l nome que reciben los pueblos que posein cierta autonomía dientro d'un municipiu. El conceutu de conceyu inviértese respeutu al esistente n'Asturies o Galicia, siendo equivalentes a les parroquies d'aquellos llugares. Ver: Conceyos de Navarra

En Burgos, Concejo o Lugar ye una dixebra qu'ha'l so propiu rexidor y forma parte d'un Partíu o agurupación de dellos Llugares de la Merindá. Cada Merindá (municipiu) cunta, dende llueu, con un alcalde. Anguaño la denomación Merindaes engloba'l norte de la provincia de Burgos en Castiella y Lleón.

En Portugal, Cabo Verde y Brasil esisten dixebres alministratives semeyantes baxo'l nome de Concelho.Otros:

Conceyu ecuménicu, xunta d'eclesiásticos d'una relixón, para tratar y decidir sobre dogmes y doctrina.

Conceyu de la Mesta, asociación gremial de pastores y dueños de ganaos qu'axuntábense en xunta añalmente pa tratar de los negocios concernientes a los ss ganaos o gobiernu económicu d'ellos, la xestión de les cañaes y pa distinguir y separtar les oveyes qu'amezárense coles de so.

Departamentu de Montevidéu

Montevidéu (n'español: Montevideo) ye un de los diecinueve departamentos que componen Uruguái. La so capital ye la ciudá de Montevidéu. La so superficie ye de 530 qum², y tien una población estimada de 1 379 560 habitantes según el censu de 2011, lo que lu convierte nel departamentu más pobláu del Uruguái.

Ecatepec de Morelos

Ecatepec de Morelos ye un municipiu al centru del Estáu de Méxicu, en Méxicu. Llenda colos municipios mexicanos de Tecamac, Nezahualcoyotl, Coacalco de Berriozabal y con Tlalnepantla de Baz. La so área ye de 238.34 km², y la población de 77.831 habitantes. La capital municipal ye San Cristóbal Ecatepec, la segunda población ye Jalostoc.

Hondures

La República d'Hondures ye un país de 112,492 km² allugáu nel corazón mesmu del continente americanu. Esta nación estiéndese ente les repúbliques de Guatemala, El Salvador y Nicaragua y ta bañada polos océanos: Atlánticu y Pacíficu au cuenta con un valoratible númberu d'islles, ya isllotes.

Los Angeles

Los Angeles, oficialmente City of Los Angeles y a la qu'aveza nomase poles sos iniciales L.A., ye la segunda mayor ciudá de los Estaos Xuníos, tres de Nueva York, y la mayor del estáu de California, y ye la sé del condáu homónimu. Asitiada nel sur de California, Los Angeles ye conocida pol so bon clima, pola so trama urbana perdispersa y por ser ún de los principales centros de la industria estauxunidense del entretenimientu. La ciudá asitiase nuna depresión averada al océanu y arrodiada per trés cadenes montañoses d'un altor d'alredor 3000 m.

Los terrenos aú s'asienta yeren l'hogar de los Chumash y los Tongva primero de qu'aportaran los españoles. Juan Rodríguez Cabrillo reclamó estes tierres pa España, xunto col restu del territoriu qu'habría ser l'Alta California, en 1542. La fundación oficial de la ciudá, de manes del gobernador Felipe de Neve, remóntase al 4 de setiembre de 1781. La ciudá convirtiose'n 1821, tres de la guerra mexicana d'independencia, nuna parte del primer imperiu mexicanu. Al final de la guerra mexicano-americana, en 1848, tolo qu'anguaño ye California pasó, pol tratáu de Guadalupe Hidalgo, a manes de los Estaos Xuníos. Los Angeles algamó l'estatus de municipiu incorporáu el 4 d'abril de 1850, cinco meses primero de que California convirtiérase nún estáu. La ciudá conoció un rápidu crecimientu poco dempués, tres de descubrise xacimientos de petroleu.

La ciudá ye'l centru de l'área metropolitana de Los Angeles y de la rexón del Gran Los Angeles, nes que viven 13 y 18 millones respeutivamente. Esto fai d'ella una de les mayores árees metropolitanes del mundu, arriendes de ser la segunda mayor del país. El condáu de Los Angeles, del que la ciudá ye sé, ye'l más pobláu de los Estaos Xuníos. Los habitantes de so reciben el nome d'anxelinos.

La ciudá, conocida col nomatu de "City of Angels", ye una ciudá global con una economía perdiversificada: entretenimientu, cultura, medios de comunicación, moda, ciencia, deportes, teunoloxía, educación, medicina ya investigación son dalgunos de los sectores económicos importantes de la ciudá. Ye la sesta del mundu nel ránking de ciudaes globales (Global Cities Index 2016), y ún de los principales motores económicos del país en munchos sectores productivos. La ciudá compriende'l barriu de Hollywood, y ye la ciudá más importante del mundu na creación de productos televisivos, videoxuegos y na industria musical, amás de ser ún de los principales centros de producción cinematográfica. La ciudá acoyó los Xuegos Olímpicos de veranu de 1932 y 1984, y tien presentada la so candidatura pa los de 2024.

Medellín

Hai dellos llugares que se llamen Medellín:

Medellín, capital del departamento d'Antioquia, en Colombia.

Medellín, un municipiu na provincia de Badajoz, n'Estremadura, España.

Migues

Migues ye una ciudá del departamentu de Canelones, al sur d'Uruguái. Ye tamién la capital del municipiu homónimu. Tenía una población de 2.109 habitantes nel añu 2011. Ta asitiada 92 km al noreste de Montevidéu, la capital del país, y 65 km al este de la ciudá de Canelones, la capital departamental.

Monzón (Huesca)

La ciudá de Monzón, con 17.115 habitantes (INE 2010), ta allugada na provincia de Huesca (España). Sitúase al este de la provincia, nel Cinca Medio, siendo cabecera de la comarca.

El ríu Cinca y el Sosa trescurren pel municipiu. El so xentiliciu ye montisonense.

Plasencia

Plasencia ye un municipiu y ciudá española,que s'alluga nel norte de la provincia de Cáceres, una de les dos provincies d'Estremadura. Alcuéntrase ubicau na fastera sur del valle'l ríu Jerte, nes estribaciones occidentales del Sistema Central. Ye tabién la sede de la Diócesis del mesmo nome. Tamién lo ye del partíu xudicial de Plasencia y hasta el sieglu XIX sede del Sexmu de Plasencia.

Nel 2012 cuntaba con una población de 41.002 habitantes (INE 2012) y ye'l segundu nucleu urbanu de la provincia y el cuartu de la rexón. Exerce de capital del norte d'Estremadura y acoye servicios del Estáu y de la Xunta d'Estremadura tanto pa la población qu'alberga comu pa la zona norte de la rexón.

Sevilla

Sevilla ye un municipiu y ciudá española, capital d'Andalucía y de la provincia de Sevilla. Ye, colos sos 704.198 habitantes (INE, 2010) la cuarta ciudá más poblada del país, tras Madrid, Barcelona y Valencia. El so conceyu, de 140,8 km², d'estensión, ta comprendíu dientro del área metropolitana de la ciudá, formada por 46 conceyos qu'axunten 1.508.605 habitantes nos sos 4.535,78 km² d'estensión.

El so cascu históricu ye, coles sos 335 ha d'estensión, ún de los mayores d'España. Ye bayurosu en monumentos, y eso, xunto cola abondancia d'espacios escénicos y culturales, fai de la ciudá un destín turísticu perimportante. Ente los sos monumentos, que dalgunos foron declaraos Patrimoniu de la Humanidá pola UNESCO en 1987, rescamplen la Xiralda, la Catedral, l'Alcázar, l'Archivu d'Indies y la Torre del Oro.

El so puertu ye l'únicu puertu fluvial d'España. D'elli al océanu Atlántic u'l ríu Guadalquivir percuerre 80 km, toos navegables. El tamañu de los barcos qu'aporten al puertu ta llimitáu por una presa que permite un caláu másimu de 8,5 m; el caláu aereu másimu, determináu pola ponte de circunvalación nomada V Centenario, ye de 42 m. Amás d'elli, la ciudá ta perbien comunicada, per tren (convencional y d'alta velocidá) y per carretera, col restu del país. Tien, tamién, un aeropuertu internacional. Tocántenes a la industria, hai que destacar la industria aeronáutica y militar, y tamién los sos astilleros.

El so desarrollu urbanísticu recibió un emburrión importante cola celebración de la Esposición Iberoamericana de 1929. P'aguapar la ciudá ficiéronse d'aquella conxuntos arquiteutónicos y parques tan nomaos anguaño como'l conxuntu d'edificios de la plaza d'España o el parque María Luisa. Años dempués, con motivu de la Esposición Universal de 1992, ameyoráronse enforma les infraestructures, tanto aeronáutiques como ferroviaries (abriose l'AVE que comunica la estación de Santa Justa cola madrilana d'Atocha, que foi el primeru d'España). En pasando aquella lliberáronse bien de terrenos yá urbanizaos que foron aprovechaos pa instalar empreses de nueves teunoloxíes, facultaes universitaries y el parque temáticu Islla Mágica.

La Universidá de Sevilla, fundada en 1505 y con más de 55.000 estudiantes, ye (xunetu 2011) la primera más importante d'España y la 116ª del mundu según un ránking de baremación internacional. Nel municipiu vecín de Dos Hermanas hai otra universidá, la Universidá Pablo de Olavide, que tien 10.000 estudiantes.

Tlalnepantla de Baz

Tlalnepantla de Baz ye un municipiu al centru del Estáu de Méxicu, en Méxicu. Llenda colos municipios mexicanos de Atizapan de Zaragoza, Tultitlán, Cuautitlán Izcalli y con Ecatepec de Morelos. La so área ye de 238.34 km², y la población de 77.831 habitantes. La capital municipal ye Tlanepantla, la segunda población ye Tequesquinahuac.

Ágreda

Ágreda ye un municipiu y villa española de la provincia de Soria (comunidá autónoma de Castiella y Lleón, España).

La villa exerce de centru comarcal de servicios del Noreste de la provincia de Soria, tamién conocío como comarca de Tierra d'Ágreda.

N'otres llingües

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.