Llión

Llión [ʎiˈoŋ] (en castellanu y oficialmente; León [leˈon]) ye un conceyu[1] y ciudá española allugada nel noroeste de la península ibérica, capital de la rexón y la provincia homónima, na comunidá autónoma de Castiella y Llión. Llión cuntaba en xineru de 2013 con 130.601 habitantes[2] repartíos nuna superficie de 39,03 km², y un área metropolitana de 208.899 habitantes según el mapa d'arees funcionales de la Xunta de Castiella y Llión (otros proyeutos dan cifres diferentes[3]), distribuyíos en quince conceyos, siendo asina la segunda más poblada de la comunidá.[4]

Nacida como campamentu militar romanu de la Legio VI Victrix hacia 29 e. C., el so calter de ciudá campamental afitóse col asentamientu definitivu de la Legio VII Gemina a partir de 74. Tres la so despoblación parcial con motivu de la conquista musulmana de la península, Llión recibió un nuevu impulsu como parte del Reinu d'Asturies. En 910 escomenzó una de les sos etapes históriques más destacaes al convertise en capital del Reinu de Llión, participando activamente na llucha contra los musulmanes. La ciudá acoyó les primeres Cortes de la historia d'Europa en 1188, baxo'l reináu d'Alfonsu IX, gracies a ello, en 2010, foi proclamada pol profesor John Keane, el rei d'España y la Xunta de Castiella y Llión como Cuna del Parllamentarismu.[5] Dende la Baxa Edá Media la ciudá dexó de tener la importancia d'antaño, en parte debío a la perda de la so independencia tres la unión del reinu llionés -ente otros- a la Corona castellana, definitiva dende 1301.

Sumida nun periodu d'estancamientu pela Edá Moderna, na Invasión Napoleónica foi una de les primeres ciudaes españoles en llevantase, y años dempués del final de la guerra, en 1833, adquiriría'l so rangu de capital provincial. L'arribada del sieglu XX truxo consigo'l Plan d'Ensanche, que fixo esporpollar la espansión urbanística que venía esperimentando dende finales del sieglu XIX, cuando la ciudá se convirtió nun importante nuedu de comunicaciones del noroeste con motivu del auxe de la minería del carbón y de la llegada del ferrocarril.

El so patrimoniu históricu y monumental, asina como estremaes celebraciones que tienen llugar a lo llargo del añu, ente les que destaca la Selmana Santa, y la so situación como pasu obligáu del Camín de Santiago, consideráu Patrimoniu de la Humanidá pola UNESCO, conviértenla nuna ciudá receptora de turismu nacional y internacional. Ente los sos monumentos más representativos alcuéntrense la Catedral, el meyor exemplu del góticu clásicu de estilu francés n'España, la Basílica de San Isidoru, una de les ilesies romániques más importantes d'España, tumba de los reis de Llión medievales y considerada como La Capiella Sistina del Arte Románicu, el Monasteriu de San Marcos, primer exemplu de l'arquiteutura plateresca y renacentista española, el palaciu de Los Guzmanes, el palaciu de los Condes de Ḷḷuna, la ilesia del Mercáu o del Camín l'Antigua, la ilesia de Palat del Rey, la Casa de les Carniceríes y la Casa Botines, d'estilu modernista y realizada pol arquitectu catalán Antoni Gaudí; toos ellos declaraos Bien d'Interés Cultural.[6] Exemplu destacáu d'arquiteutura moderna, y ún de los museos de la ciudá, ye'l MUSAC, de Mansilla + Tuñón Arquitectos.[7]

Llión dispón d'una rede desenrollada de carreteres y ferrocarril, amás de cuntar con un aeropuertu con vuelos nacionales y internacionales (de momentu namás a París) que tres les obres d'ampliación, inauguraes n'ochobre de 2010, cuenta con una nueva terminal y ye capaz d'atender al triple de pasaxeros qu'hasta entós.[8]

En 2013 tán llevándose a cabu distintos proyeutos na ciudá talos como la llinia d'alta velocidá AVE, la reconversión del Feve en tranvía y el palaciu de congresos, ente otros. El proyeutu del tranvía provocó delles crítiques per parte del Partíu Popular, entóncenes na oposición municipal, qu'alegaba que'l so desendolcu nuna ciudá como Llión yera un proyeutu faraónicu y de vidabilidá duldosa[9][10] y anunciaron que baxo'l so gobiernu nun desenrollaríen tal proyeutu.[11]

La Universidá de Llión, fundada en 1979 como escisión de la Universidá d'Uviéu, cuntaba nel cursu 2006-07 con 13.217 alumnos; tien la so sede na ciudá y ta catalogada, a partir de criterios como la demanda universitaria, los recursos humanos o los planes d'estudiu,[12] como la 2ª universidá de Castiella y Llión, tres la Universidá de Salamanca, y la 30ª d'España.[13] Dende'l 4 de mayu de 2010, la ciudá acueye la segunda sede de la Universidá de Washington n'Europa, tres la so sede de Roma, con capacidá pa 500 alumnos interesaos nel aprendizaxe del castellanu.[14][15] La ciudá cuenta tamién con una sede del Institutu Confucio dende 2011.

Llión
Catedral Gótica de León
Bandera de León (ciudad) Escudo de León (ciudad)
Alministración
PaísBandera d'España España
AutonomíaFlag of Castile and León.svg Castiella y Llión
ProvinciaBandera de León.svg Provincia de Llión
Tipu entidá conceyu d'España
Nome llocal León
Códigu postal 24001–24010
Xeografía
Coordenaes 42°35′56″N 5°34′01″O / 42.5989°N 5.5669°OCoordenaes: 42°35′56″N 5°34′01″O / 42.5989°N 5.5669°O
Llión is located in España
Llión
Llión
Llión (España)
Superficie 39.03 km²
Altitú 837 m
Demografía
Población 124 772 hab. (2018)
Porcentaxe 26.77% de Provincia de Llión
Densidá 3196,82 hab/km²
Más información
Fundación 29 e. C.
Prefixu telefónicu 987
Estaya horaria UTC+01:00
www.aytoleon.es

Toponimia

L'orixe del nome de la ciudá remanez de la pallabra llatina legio, que fai referencia a la llexón que fundó la ciudá nel so allugamient actual. Esta tesis, comúnmente aceptada, refuérzase col -tovía válidu- xentiliciu leguionense pa referise a los habitantes de la ciudá. La evolución de Legio a Llión esplícaca fácilmente, pos en llatín clásico, la gi pronúnciase como si fora una gui,[16] polo que la pronunciación de Legio sedría Leguio, dalgo qu'acabó derivando nel Leio o Leionem, qu'al tiempu acabaron nel nombre actual de Llión.

Símbolos

Coat of Arms of the City of León
Versión del escudu usada pola ciudá de Llión.

L'escudu de Llión ta compuestu por un campu de plata nel que figura un llión rampante de púrpura, llinguáu, uñáu, armáu de gules y coronáu d'oru. Apaez timbráu con una corona abierta d'oru (la forma de la vieya corona real, usada hasta'l sieglu XVI). Nel escudu de la ciudá de Llión apaez representada una corona marquesal en cuenta de l'antigua real y el llión nun figura coronáu.

Al producise la unión nel añu 1230 de les Corones de Llión y Castiella con Fernandu III el Santu dispúnxose que nel escudu del rei los elementos heráldicos castellanos (un castiellu almenáu d'oru sobre un campu de gules) y llioneses formaren un escudu cuarteáu. Ye de destacar que nos cuartelaos nun había sitiu pa dos lliones, hasta aquel moment pasantes, polo que se los asitió como rampantes pa ocupar dafechu los cuarteles que-yos correspondíen. Esta ye la disposición que llegare a l'actualidá. L'usu de la corona sobre la cabeza del llión nun apaeció documentáu hasta'l reináu de Sanchu IV de Castiella y Llión (1284-1295).

Anguaño l'escudu de Llión ye'l símbolu de la provincia y, acompañáu por adornos esteriores, de la ciudá de Llión.

Historia

Nacida como campamentu militar romanu de la Legio VI Victrix haza 29 e.C., el so calter de ciudá campamental consolidóse col asentamientu definitivu de la Legio VII Gemina a partir de 74. Tres la so despoblación parcial por mor de la conquista musulmana de la península, Llión recibió un nuevu impulsu como parte del Reinu d'Asturies. En 910 empezó una de les sos etapes hestóriques más destacaes al convertise en cabeza del Reinu de Llión, participando viviegamente na Reconquista escontra los musulmanes, aportando a unu de los reinos fundamentales na configuración d'España.

La ciudá allugó les primeres Cortes de la hestoria d'Europa en 1188, sol reináu d'Alfonsu IX, gracies a lo cual en 2010 foi proclamada pol profesor John Keane, el rei d'España y la Xunta de Castiella y Llión como Trubiecu del Parllamentarismu.

Dende la Baxa Edá Media la ciudá dexó de tener la importancia d'antaño, en parte por cuenta de la perda de la so independencia tres la unión del reinu llionés a la Corona castellana, definitiva dende 1301.

Sumida nun periodu d'estancamientu mientres la Edá Moderna, na Guerra de la Independencia foi una de les primeres ciudaes en sublevase de toa España, y años dempués del fin de la mesma, en 1833, adquiriría'l so rangu de capital provincial. La llegada del sieglu XX traxo consigo'l Plan d'Enanche, qu'amontó la espansión urbanística que venía esperimentando dende finales del sieglu XIX, cuando la ciudá conviértese nun importante nuedu de comunicaciones del noroeste con motivu de la puxanza de la minería del carbón y de la llegada del ferrocarril.

Arte

El monumentu más famosu de Llión ye la so Catedral gótica, anque tamién tien otros edificios de gran valor como la Colexata Real de San Isidoro o la Casa de Botines, que diseñó Antoni Gaudí.

Política

Estos son los resultaos de les eleiciones (24 de mayu de 2015):

  • PP - 31,76% de los votos y 10 conceyales.
  • PSOE - 24,75% y 8 conceyales.
  • C's - 13,27% y 4 conceyales.
  • León Despierta - 8,17% y 2 conceyales.
  • León en Común - 7,1% y 2 conceyales.
  • UPL - 5,3% y 1 conceyal.

Anguaño l'alcalde ye Antonio Silván (PP)

Enllaces esternos

Referencies

  1. Ministeriu de Facienda y Alministraciones Públiques. «Rexistru d'entidaes llocales». Consultáu'l 24 de payares de 2013.
  2. INE. «Institutu Nacional d'Estadística» (castellanu). Consultáu'l 2 de febreru de 2009.
  3. European Spatial Planning Observation Network. «Study on Urban Functions (Project 1.4.3), Final Report, Chapter 3, (ESPON, 2007)]» (castellanu). Consultáu'l 3 de xunu de 2009.
  4. «Según Xunta de Castiella y Llión. Hai otres estadístiques qu'ofrecen cifres distintes Ver Área metropolitana de Llión» (castellanu). Consultáu'l 8 de xunetu de 2014.
  5. Error de cita: Etiqueta <ref> non válida; nun se conseñó testu pa les referencies nomaes CUNA
  6. Ministeriu de Cultura d'España. «Base de datos de bienes inmuebles» (castellanu). Consultáu'l 23 d'abril de 2009. Información na so páxina oficial.
  7. El País. «El MUSAC entra na élite de l'arquiteutura» (castellanu). Consultáu'l 23 d'abril de 2009.
  8. Europa Press. «La nueva terminal del aeropuertu de Llión cuasi triplicará la so capacidá y les tases se reducirán un 22%» (castellanu). Consultáu'l 11 de payares de 2010.
  9. Diario de León. «El PP reclama que'l tranvía de León se dexe pa más alantre» (castellanu). Consultáu'l 23 d'abril de 2009.
  10. Diario de León. «El PP cuestiona la validez del estudiu de vidabilidá del tranvía» (castellanu). Consultáu'l 23 d'abril de 2009.
  11. El Mundo. «El PP nun desenrollará'l proyeutu del tranvía en Llión por 'innecesariu'» (castellanu). Consultáu'l 29 de xunetu de 2011.
  12. El Mundo. «Criterios de seleición» (castellanu). Consultáu'l 29 de mayu de 2009.
  13. El Mundo. «Ranking Universidaes Públiques d'España» (castellanu). Consultáu'l 6 d'abril de 2009.
  14. «UW to open second European campus in Leon, Spain.» (inglés). Consultáu'l 6 d'abril de 2009.
  15. Leonoticias.com. «Los Reis abren la puerta de Llión a la Universidá de Washington» (castellanu). Consultáu'l 4 de mayu de 2010.
  16. en La Crónica 16 de León: Historia de Llión, Prehistoria-Edá Antigua-Edá Media I, pax. 193. 84-920557-7-4.
Castiella y Llión

Castiella y Lleón (Castela e León en gallegu, Castilla y León en castellanu) ye una comunidá autónoma española formada poles rexones históriques de Lleón y Castiella la Vieya. Constituyóse formalmente en 1979 y adquirió dafechu'l so estatus efectivu en 1983. El so territoriu asítiase na parte norte de la meseta de la península ibérica y correspuéndese na so mayor parte cola parte española de la cuenca hidrográfica del Dueru. Ta compuesta por nueve provincies: Ávila, Burgos, Lleón, Palencia, Salamanca, Segovia, Soria, Valladolid y Zamora. Ye la comunidá autónoma más estensa d'España, con una superficie de 94 226 km², y la sesta más poblada, con 2 519 875 habitantes.

L'Estatutu d'Autonomía de Castiella y Lleón declara nel so preámbulu:

La Comunidá Autónoma de Castiella y Lleón surde de la unión moderna de los territorios históricos que componíen y dieron nome a les vieyes corones de Lleón y Castiella. Hai mil cien años constituyóse'l Reinu de Lleón, del que s'esbillaron en calidá de reinos a lo llargo del sieglu XI los de Castiella y Galicia y, en 1143, el de Portugal. Per estes dos centuries los monarques qu'ostentaron el gobiernu d'estes tierres algamaron la dignidá d'emperadores, como asinalo atestigüen les intitulaciones d'Alfonsu VI y Alfonsu VII.

L'Estatutu de'Autonomía define una serie de valores esenciales y símbolos de los habitantes de Castiella y Lleón, como'l patrimoniu llingüísticu —aludiendo a la llingua castellana y al restu de llingües fablaes na comunidá: l'asturllionés y el gallegu— o'l so patrimoniu históricu, artísticu y natural. Ente los símbolos alcuéntrase'l blasón, la bandera, el pendón, l'himnu -pese a que nun existe—, al tiempu que'l 23 d'abril queda afitáu como Día de Castiella y Lleón, en conmemoración de la derrota sufrida polos exércitos de les Comunidaes de Villa y Tierra castellanes na batalla de Villalar na Guerra de les Comunidaes, en 1521.

País Vascu

País Vascu o País Bascu (n'eusquera Euskadi y Euskal Herria) o Comunidá Autónoma del País Vascu (n'eusquera Euskal Autonomia Erkidegoa) ye una comunidá autónoma y nacionalidá histórica asitiada nel norte d'España, llendando al norte col Mar Cantábricu y Francia, al sur con La Rioxa, Castiella y Llión y la Comunidá Foral de Navarra, al oeste con Cantabria y al este con Navarra. La capital de facto ye Vitoria. Igualmente, Navarra tien derechu a integrase n'Euskadi, acordies col Estatutu d'Autonomía, el Amejoramiento del Fuero, y la disposición transitoria cuarta de la Constitución española. L'enclave de Treviño (Burgos) y el Valle de Villaverde (Cantabria) tienen tamién la posibilidá d'integrase nel País Vascu.El nome de País Vascu, pa delles persones, tamién ye una rexón cultural asitiada en dambos llaos de los Pirineos ocupando, los territorios de Vizcaya, Guipúzcoa, Álava y Navarra n'España, y de Zuberoa, Baxa Navarra y Lapurdi en Francia, nomada Euskal Herria ("Pueblu Vascu") n'euskara. Les provincies nel Estáu Español nómense Hegoalde ("Fastera sur") y les provincies nel Estáu Francés, Iparralde ("Fastera norte").

Pese al pequeñu territoriu, la comunidá autónoma concentra un gran volume d'industries y ye una de les fasteres más riques d'España.

Provincia d'Ávila

Ávila ye una provincia española de la comunidá autónoma de Castiella y Llión. Llenda'l norte cola provincia de Valladolid, al sur con Toledo y Cáceres, al este con Segovia y la Comunidá de Madrid, y al oeste con Salamanca. Según el padrón de población del INE en 2017 la provincia cuntaba 160 700 habitantes (na nᵘ47 de les 50 provincies españoles) y con una densidá de población de 19,96 hab./km².

Provincia de Burgos

La provincia de Burgos ye una provincia de la comunidá autónoma de Castiella y Llión, n'España. Llenda al norte coles estribaciones orientales de la Cordillera Cantábrica, que la separen de les comunidaes autónomes de Cantabria y del País Vascu, al sur coles provincies de Segovia y Soria, al este coles comunidaes autónomes de La Rioxa y el País Vascu y la provincia de Soria y al oeste coles de Palencia y Valladolid.

La provincia de Burgos tien una superficie total de 14.269 km², lo que supón un 2,83% del territoriu nacional y el 15,19% del rexonal. Cuenta con cerca de 360.000 habitantes, de los cuales 170.000 se concentren na ciudá de Burgos, la capital.

Aparte de la capital, esisten dos nucleos industriales importantes, el d'Aranda de Duero y el de Miranda d'Ebro, esti últimu el segundu más importante de la provincia dempués de la capital.

Provincia de Llión

Llión o Lleón (León, en castellán y gallegu) ye una provincia española perteneciente a la comunidá autónoma de Castiella y Llión. Allúgase al noroeste de la península Ibérica y la so capital ye Llión. Llenda al norte col Principáu d'Asturies y Cantabria, al oeste con Galicia (concretamente coles provincies d'Ourense y Lugo), pel oeste; coles provincies de Zamora y Valladolid pel sur; y cola provincia de Palencia pel este. Creada cola dixebra provincial de 1833, foi adscrita a la rexón del Reinu de Llión.

Tien una enantu de 15.581 km². Posee una población de 498.223 (INE 2006). Densidá: 31,82 h/km².

Llugar de pasu ente importantes rexones de la península Ibérica, pela provincia llionesa discuerren dos grandes rutes: de sur a norte la Vía de la Plata, y d'este a oeste'l Camín de Santiago.

Provincia de Palencia

Palencia ye una provincia española perteneciente a la comunidá autónoma de Castiella y Llión, nel noroeste de la península ibérica. La so capital ye la ciudá de Palencia y cuenta con 191 conceyos; les llocalidaes más importantes de la provincia son Guardo (villa industrial minera), Aguilar de Campoo (villa galletera y turística del norte palentín), Herrera de Pisuerga (pueblu qu'abre les puertes del monte palentín nel que destaca la so actividá braniza y el so Festival del Cámbaru), Venta de Baños (importante nuedu ferroviariu ya industrial nel sur de la provincia), Villamuriel de Cerrato (pueblu al sur de Palencia que debe'l so gran desenvolvimientu a la factoría de Renault y a la so proximidá a Palencia), Cervera de Pisuerga (el corazón del monte palentín) y Barruelo de Santullán (pueblu mineru que foi'l más pobláu hasta los años 60). Llenda al norte con Cantabria, al oeste cola provincia de Llión, al este cola provincia de Burgos y al sur cola provincia de Valladolid.

Provincia de Salamanca

Salamanca ye una provincia llionesa, nel sudoeste de la Comunidá Autónoma de Castiella y Llión.

Ye una de les nueve provincies qu'encadarmen Castiella y Llión. Llenda al norte cola provincia de Zamora, al noreste con Valladolid, al este cola provincia d'Ávila, al sur cola de Cáceres y al oeste con Portugal. Na dixebra provincial de 1833, adscribióse a la rexón del Reinu de Llión.

La so superficie xeográfica ye de 12.336 km², lo que conviértela na tercer provincia de Castiella y Llión dempués de Llión y Burgos. L'altor mediu de la provincia ye de 830 m sobre'l nivel del mar.

El clima ye de tipu continental, con iviernos fríos y suchos y branos caldios. La temperatura medio ye de 3,7°C en xineru (pudiendo baxar, en díes de fuertes xelaes, a dellos graos baxo cero). Nel branu la temperatura medio ye de 24,2°C, magar que pue xubir hasta los 35° o 40°C.

Anguaño (INE 2005), la provincia cunta con 352.414 habitantes, de los que 160.331 (un 45%) vive na capital, Salamanca, allugada a orielles del ríu Tormes. Hai 362 conceyos na provincia, de los que más de la metá tienen una población inferior a los trescientos habitantes (ye la segunda provincia española con respeutu al númberu de conceyos, per darrera de Burgos). Los conceyos más poblaos de la provincia son, a parte de la capital, Béjar, Ciarrodrigu, Santa Marta de Tormes, Peñaranda de Bracamonte, Guijuelo, Alba de Tormes, Vitigudinu y Villoria.

Provincia de Segovia

Segovia ye una provincia española de la comunidá autónoma de Castiella y Llión. La so capital ye la ciudá Segovia.

Alcuéntrase asitiada al norte de la capital d'España, Madrid. Los sos principales nucleos de población son: Segovia, Cuéllar, San Ildefonso, San Rafael, El Espinar, Sepúlveda, Ayllón, etc. Trátase d'una provincia mui despoblada, con una densidá demográfica mui baxa.

El clima ye mediterraneu-continental, con iviernos llargos, secos y fríos, y branos calorosos pero curtios.

Provincia de Valladolid

Valladolid ye una provincia española de la comuniá autónoma de Castiella y Llión. Tien una estensión de 8.202 km². La so capital ye la ciudá de Valladolid.

Tien una población de 508.000 habitantes (2003), repartíos en 255 conceyos.

Llenda'l norte cola provincia de Palencia, al leste cola provincia de Burgos , al sureste cola provincia de Segovia, al sur cola d'Ávila, al suroeste cola de Salamanca, al oeste cola de Zamora y al noroeste cola de Llión.

Tien un pequeñu enclave ente les provincies de Llión y Zamora.

Provincia de Zamora

Zamora ye una provincia española qu'anguaño forma parte de la Comunidá Autónoma de Castiella y Llión. Llenda al norte cola provincia de Llión, al oeste con Galicia y Portugal, al sur con Salamanca y al este con Valladolid. La so capital ye la ciudá de Zamora.

Reinu de Castiella

El reinu de Castiella foi ún de los reinos medievales de la Península Ibérica. Castiella xurdió como entidá política autónoma nel sieglu IX baxo la forma de condáu vasallu de Llión, algamando la categoría de «reinu» nel sieglu XI. El su nome debióse a la gran cantidá de castiellos que s’atopaben na zona.

Reinu de Llión

El Reinu de Llión foi ún de los reinos medievales de la península Ibérica, socesor del antiergu Reinu d'Asturies, que tuvo un papel protagonista na Reconquista y formación de los socesivos reinos cristianos del occidente peninsular.

Rexón de Lleón

Llión o Lleón ye una rexón histórica d'España allugada nel noroeste de la península Ibérica. Definida dende la división territorial de Javier de Burgos en 1833 la so referencia histórica ye tradicionalmente'l Reinu de Llión.

El so cuerpu territorial abarca la mayor parte de les provincies de Llión, Salamanca y Zamora, anque por razones históriques o culturales suelen incluyise dalgunes árees de la provincia de Valladolid o la Tierra de Miranda. En dalgunos periodos de los sieglos XIX y XX, llegaron a incorporase tamién les provincies castellanes de Palencia y Valladolid.

Nel contestu de la Transición Española Carlos Cabañas acuña'l términu País Llionés pa denomar a esti territoriu. Esta voz tendrá más tarde un usu estendíu n'aquellos movimientos sociales cercanos al llionesismu.

Salamanca

La ciudá de Salamanca ye la capital de la provincia de Salamanca. Tien 160.331 habitantes censaos y al rodiu de 25.000 estudiantes non recoyíos nel censu.

A los habitantes de la ciudá conozse-yos como salmantinos o charros.

Segovia

Segovia ye una ciudá española allugada na estaya meridional de la comunidá autónoma de Castiella y Lleón, capital de la provincia del mesmu nome. Asítiase na confluyencia de los ríos Eresma y Clamores al pie de la sierra de Guadarrama. Ye una ciudá monumental que ye patrimoniu de la Humanidá pola UNESCO dende 1985.

Sieglu XI

El sieglu XI d. C. (sieglu undécimu dempués de Cristu) o sieglu XI EC (sieglu decimoprimeru de la yera común) empezó'l 1 de xineru de 1001 y terminó'l 31 d'avientu de 1100. Ye llamáu'l sieglu de les cruzaes».

Sieglu XII

El sieglu XII d. C. (sieglu docenu dempués de Cristu) o sieglu XII EC (sieglu decimosegundu de la yera común) empezó'l 1 de xineru de 1101 y terminó'l 31 d'avientu de 1200.

Zamora

Zamora ye la capital de la provincia de Zamora. Allúgase al noroeste de la Península, cerca de la llende con Portugal. Percuérrela'l ríu Dueru.

Ye conocida pol arte románicu, yá que ye la ciudá del mundu que de xuru tien más ilesies nel so centru urbanu[ensin referencies], y pola celebración de la Selmana Santa, fiesta llocal d'interés turísticu.

Ávila

Ávila (Ávila de los Caballeros), ye una ciudá española, en Castiella y Llión, capital de la provincia d'Ávila. Ta allugada a 1.128 m d'altor, nuna estaya rocosa na oriella drecha del ríu Adaja, afluyente del Duero, siendo la capital de provincia más alta d'España. Carauterízase por tener una muria medieval, completa, románica. Ye patrimoniu de la Humanidá dende 1985.

N'otres llingües

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.