Galicia

Galicia[1] (en gallegu, tamién Galiza) ye una Comunidá Autónoma con estatutu de "nacionalidá hestórica" como marca la Constitución española y el so Estatutu d'Autonomía (ver Estatutu de Galicia) dientro del Reinu d'España y allugada al noroeste de la Península Ibérica. Llenda al este con Asturies y Castiella y Lleón, al oeste col Océanu Atlánticu, al norte col Mar Cantábricu) y al sur con Portugal.

Tien como llingües oficiales el gallegu, perteneciente al troncu galaico-portugués, y el castiellanu, que ye oficial en tol Estáu.

A Galicia pertencen l'archipiélagu de les Islles Cíes (formáu poles islles del Faro, de Monteagudo y de San Martiño), l'archipiélagu d'Ons (formáu pola islla d'Ons y la islla d'Onza), o archipiélagu de Sálvora (formáu poles islles de Sálvora, Vionta y les Sagres), asina como otres islles como Cortegada, Arousa, les islles Sisargas o les Malveiras; les más d'elles pertenecen al Parque Nacional de les Islles Atlántiques.

Galicia tien el so aniciu cultural na cultura megalítica de la fachada atlántica europea y na cultura castrexa. Los primeros pobladores de Galicia foron los nativos oestrimnios y otros pueblos d'orixe indoeuropéu. La fusión d'estos pueblos nel noroeste peninsular dará llugar a la cultura de los castros ente'l macizu galaicu y el ríu Dueru, cultura na que dexaron la so impronta tamién los romanos.

Dimpués, Galicia sedrá invadida por delles foleaes xermániques. Nun primer momentu los Suevos fadrán de Galicia'l primer Reinu independiente d'Europa, posteriormente esti reinu será anexonáu polos Visigodos. Galicia recibirá tamién nel trescursu de la so hestoria a viquingos, bretones y musulmanes. Cola llegada de los musulmanes a la Península Ibérica, dos ciudaes gallegues sedrán atacaes: Santiago de Compostela y Lugo. El repartu del antiguu reinu visigodu, que se fai ente árabes, sirios y bérberes, dá-y a estos últimos la estaya noroeste. Les condiciones climátiques incomoden a esti pueblu, procedente del Magreb, asina que deciden nun asentase. Galicia igual qu'otros territorios de la Península Ibérica tamién llegaría a tener en delles ciudaes una comunidá xudía importante, principalmente na zona de Rivadavia y Ourense. Tamién cueye destacar na cultura gallega la influyencia cultural llegada dende América Llatina, dende les Islles Britániques y dende'l centru d'Europa gracies al Camín de Santiago.

La cultura gallega, entós, ye frutu de la fusión d'elementos culturales allegaos por mui estremaos pueblos que s'afincaren en Galicia al llargo de la so hestoria.

Tien unos 2,8 millones d'habitantes (2002) con una distribución poblacional qu'aglomera la mayor parte de la franxa ente Ferrol y Vigo. Santiago de Compostela ye la capital con un estatutu especial, dientro de la provincia d'A Coruña.

Galicia
Cabo Ortegal (Spain)
Flag of Galicia Escudo de Galicia.svg
Bandera de Galicia Escudu de Galicia
Alministración
Nome oficial Galicia
PaísBandera d'España España
ISO 3166-2 ES-GA
Capital Santiago de Compostela
Presidente de la Xunta de Galicia Alberto Núñez Feijóo (PP)
Llingües oficiales gallegu y castellán
División
Xeografía
Coordenaes 42°45′N 7°53′O / 42.75°N 7.88°OCoordenaes: 42°45′N 7°53′O / 42.75°N 7.88°O
Localización de Galicia
Superficie km²
Llenda con Distritu de Braga, Distritu de Vila Real, Principáu d'Asturies, Castiella y Lleón, Distritu de Viana do Castelo y Distritu de Bergancia
Demografía
Población 2 708 339 hab. (1 xineru 2017)
Densidá Error d'espresión: Operador < inesperáu hab/km²
Xentiliciu Gallegu, gallega
Representación parllamentaria
Congresu 25 escaños
Senáu 16 escaños
Más información
Estatutu d'autonomía 28 d'abril de 1981
Estaya horaria Hora central europea y CEST
www.xunta.gal/

Xeografía

Galicia divídese en cuatru provincies:

A Galicia pertenecen l'archipiélagu de les islles Cíes (formáu pola islla de O Faro, islla de Monteagudo y la islla de San Martiño), l'archipiélagu d'Ons (formáu pola islla d'Ons y la d'Onza), l'archipiélagu de Sálvora (formáu poles islles de Sálvora, Vionta y Sagres), así como otres islles como Cortegada, A Arousa, les Sisargas, o Malveiras; la mayor parte d'elles pertenecen al Parque nacional de les Islles Atlántiques.

Denominación

Na Antigüedá los griegos llamábenla "Kallaikia" (καλλαικια) y a los sos habitantes "kallaikoi" (καλλαικoι), que yera'l nome con que los habitantes de la cultura castrexa coñocíense a sí mesmos. El topónimu evolucionó a Gallaecia baxo alministración romana. Na época medieval costiruyóse como reinu independiente, col nome de "Reinu de Galicia" formando parte integrante más sero del Reinu de Lleón, pesie a caltener el so calter de reinu (Reinu de Galicia) hasta l'arrivada del absolutismu nel sieglu XIX, momentu nel que se criaron les provincies gallegues d'anguañu y crióse como tal la corona española, xunciendo les estremaes corones de "les españes", que'l monarca poseyía. Nel periodu transicional ente la Edá Antigua y la Edá Media, Galicia foi llamada ocasionalmente Suevia por mor a qu'esti territorio foi el noyu nel que s'afincaren les etnies invasores de los xermanos suevos (o suavos).

El topónimu «Galiza»

El términu Galiza ye un topónimu históricu emplegáu na Edá Media en gallegu. Anque, esti desavezó en pro de Galicia (que se caltuvo como'l topónimu oficial), el más habitual tanto en gallegu como en castellán, asina lu recueye l'Estatutu d'autonomía de Galicia), siendo esti terminu recuperáu dende ámbitos culturales nel s.XIX, como se reflexa nel "Sempre en Galiza" del escritor en llingua gallega Alfonso Daniel Rodríguez Castelao. Galiza ye tamién el topónimu únicu pa Galicia pa los reintegracionistes, una corriente llingüística ya ideolóxica minoritaria y tamién el toponimu usáu pol nacionalismu gallegu.

Tres l'aprobación por parte de la Real Academia Gallega de la normativa de la concordia en 2003, Galiza foi aceutáu tamién como un topónimu en gallegu. Esisten postures que defienden que Galiza ye tamién un topónimu oficial, ya que dao que la Llei de Normalización Llingüística gallega establez que los topónimos oficiales sedrán los topónimos en gallegu, y que Galiza fora reconocida como topónimu correchu en gallegu, ye yá de fechu un topónimu oficial, al mesmu nivel que Galicia. Sicasí, les denominaciones de les comunidaes autónomes nun defínense per aciu de lleis de rangu autonómicu, ensinon al tresvel de lleis orgániques (los estatutos d'autonomía), que deben ser aprobaes poles Cortes Xenerales españoles (la Costitución española determina, nel so artículu 147.2, que «Los Estatutos d'autonomía deberán contener ... la denominación de la Comunidá que meyor correspuenda a la so identidá hestórica»), polo que, en tanto que nun se reforme l'Estatutu d'Autonomía de Galicia y éste encluya esplícitamente esta denominación, el topónimu Galiza nun designa oficialmente a la comunidá autónoma de Galicia, en nengún idioma (adicionalmente, el propiu testu de la reforma normativa establez una distinción ente dambos topónimos, aludiendo únicamente como oficial a Galicia: «Caltiénese Galicia como voz llexítima gallega, denominación oficial del país y forma mayoritaria en la expresión oral y escrita moderna. Galiza se considera tamién una forma llexítimamente gallega, ampliamente documentada na época medieval, que foi alitada nel gallego contemporaniu»).

Economía

Galicia ye una tierra de contrastes económicos. Mientres la costa oeste, sede de los mayores noyos de población, y tamién de les industries manufactureres y de derivaos de la pesca, ye abondosa y incrementa la so población, la zona rural de les provincies d'Ourense y Lugo basa la mayoría de la so economía na agricultura tradicional, asentada nel minifundiu, o pequeñes esplotaciones agrícoles y/o ganderes. La medría del turismu, aprovechamientu forestal sostenible y agricultura orgánica y natural, asina como esplotaciones ganderes de ciertu tamañu tán aumentando les posibilidaes de la economía gallega.

Aséntense en Galicia poques grandes industries. Cueye cuntar ente elles cola planta d'Aluminiu que la multinacional Alcoa tien en San Cibrao, la industria manufactureres d'automóviles de la tamién multinacional Citroën en Vigo, la mina y les centrales térmiques y de ciclu combináu d'Endesa d'As Pontes de García Rodríguez, la refinería de La Coruña o los astilleros de Ferrol y Vigo, con desigual suerte y en procesu de reconversión cuasi de cutio na so mayoría de magar los años 80. Nos años 90 una industria gallega tase a desenrollar de xeitu internacional, la manufauturera téstil Zara, con sede n'Arteixo.

Les industries manufactureres de produtos agrícoles tán en plenu retrocesu, cayendo en manes foriates les industries de derivaos llactios y otres sufriendo una reestructuración, como-y pasó a l'antigua industria estatal 'FRIGSA' ('Frigoríficos Industriales de Galicia') qu'acabó siendo desmantelada y tratando d'acupar el so llugar una riestra d'empreses munncho más pequeñes.

La pesca, na que tradicionalmente Galicia ye una potencia, vien mermando'l númberu de captures dende va años tanto pol desaniciu de les pesqueríes tradicionales como poles condiciones polítiques d'acesu a les mesmes. Tase entamando a desenrollar los cultivos marinos, dellos siguiendo la llinia tradicional de les moxoneríes (qu'inda güei representen la mayoría del valir d'especies cultivaes) o les cetaries.

La agricultura y gandeiría pasaron nuna xeneración de ser practicamente de subsistencia a ser de comercialización, y siguen a sufrir cámbeos debido al impautu de la incorporación na UE y a les condiciones d'entrada. El númberu d'explotaciones agraries ta cayendo rapidamente, asina como se ta concentrando la cuota llechera, por citar dos indicadores.

El turismu, de desarrollu més tardío que n'otres zones de la península, representa güei en día una importante fonte d'ingresos, cola peculiaridá de que se concentren na costa (principalmente nes Ríes Baxes) y Santiago. Durante l'añu 2007 Galicia recibió 5,7 millones de turistes, un 8% más que nel añu 2006[5], y un 11% més que nel 2005 y 2004. El turismu supón el 12 por cientu del Productu Interior Brutu (PIB) gallegu y emplega un 12 ó 13 por ciento de los trabayadores. La cuarta parte de los turistas que visiten Galicia proceden d'otres partes de Galicia, el restu procede de Madrid y Cataluña, seguidos por castellano-lleoneses, andaluces, vascos y asturianos. Durante'l 2007 1,2 millones de turistes estranxeros visitaron Galicia, frente al 25% que lo fizo nel 2005[6], ente ellos destacaron los portugueses, alemanes, británicos, italianos y franceses y, d'ente los procedentes d'América, los más numberosos foron arxentinos, venezolanos y estauxunidenses.

La balanza exterior gallega tien signu positivu, obteniendo 600 millones de euros de superávit nel añu 2002. Los principales socios comerciales de Galicia atópense na Unión Europea.

Casi la mitá de los emplegos en Galicia tán dedicaos al sector servicios (582.000 persones d'un total de 1.072.000 trabayadores, (2002)), seguido pola industria (más de doscientos mil), y agricultura y construción con aproximao la mesma cantidá de trabayadores. Curiosamente, ye nel sector agrariu onde ye menor la tasa de paru: 2,9%, tando nel sector terciariu nel 9%.

Bibliografía

  • Diccionario Gallego-Castellano, de Marcial Valladares, añu 1884.
  • Colección de Cantigas da Mahía, de Luis Tobío Campos, editorial O Castro, añu 1880.
  • O Galiciano. Paróla Gallega publicada todol-os días 1, 8, 15 e 23. Nᵘ 105, del 15 d'ochobre 1886.

Referencies

  1. Lletres Asturianes Númb. 110. Delles notes d'exonimia próxima Héctor García Gil, Academia de la Llingua Asturiana.

Enllaces esternos

Autonomíes d’España
Comunidaes autónomes Bandera de Andalucía.svg Andalucía · Flag of Aragon.svg Aragón · Flag of Asturias.svg Principáu d'Asturies · Flag of the Balearic Islands.svg Islles Baleares · Flag of the Canary Islands.svg Canaries · Flag of Cantabria.svg Cantabria · Bandera Castilla-La Mancha.svg Castiella-La Mancha · Flag of Castile and León.svg Castiella y Llión · Flag of Catalonia.svg Cataluña · Flag of the Land of Valencia (official).svg Comunidá Valenciana · Flag of Extremadura (with coat of arms).svg Estremadura · Flag of Galicia.svg Galicia · Flag of the Community of Madrid.svg Comunidá de Madrid · Flag of the Region of Murcia.svg Rexón de Murcia · Bandera de Navarra.svg Comunidá Foral de Navarra · Flag of the Basque Country.svg País Vascu · Flag of La Rioja (with coat of arms).svg La Rioxa
Ciudaes autónomes Flag Ceuta.svg Ceuta · Flag of Melilla.svg Melilla
España · Europa
1987

Abreviatures

° : fecha de nacencia

† : fecha de la muerte

A Coruña

A Coruña o La Coruña ye la capital de la provincia d'A Coruña (Comunidá Autónoma de Galicia, España). Ta allugada na fastera noroccidental del país. Ye una ciudá atlántica con clima suave.

Alfonsu VII

Alfonsu Raimúndez, L'Emperador, (Caldas de Reis, 1 de marzu de 1105 - Fresneda o El Viso del Marqués, 21 d'agostu de 1157, foi un rei de Galicia, Lleón y Castiella, el primeru de la dinastía de Borgoña. Yera fíu de doña Urraca (fía a so vez d'Alfonsu VI) y del so primer maridu, el conde Raimundu de Borgoña.

Alfonsu VII integró na monarquía llionesa aquel sector de la nobleza gallega rebelde que representaba la Casa de Traba. Pero tamién foi'l rei qu'inauguró la política de sofitu a la Ilesia, y polo tanto foi el primeru qu'aplicó un ciertu criteriu de centralización política.

Castiella y Llión

Castiella y Lleón (Castela e León en gallegu, Castilla y León en castellanu) ye una comunidá autónoma española formada poles rexones históriques de Lleón y Castiella la Vieya. Constituyóse formalmente en 1979 y adquirió dafechu'l so estatus efectivu en 1983. El so territoriu asítiase na parte norte de la meseta de la península ibérica y correspuéndese na so mayor parte cola parte española de la cuenca hidrográfica del Dueru. Ta compuesta por nueve provincies: Ávila, Burgos, Lleón, Palencia, Salamanca, Segovia, Soria, Valladolid y Zamora. Ye la comunidá autónoma más estensa d'España, con una superficie de 94 226 km², y la sesta más poblada, con 2 519 875 habitantes.

L'Estatutu d'Autonomía de Castiella y Lleón declara nel so preámbulu:

La Comunidá Autónoma de Castiella y Lleón surde de la unión moderna de los territorios históricos que componíen y dieron nome a les vieyes corones de Lleón y Castiella. Hai mil cien años constituyóse'l Reinu de Lleón, del que s'esbillaron en calidá de reinos a lo llargo del sieglu XI los de Castiella y Galicia y, en 1143, el de Portugal. Per estes dos centuries los monarques qu'ostentaron el gobiernu d'estes tierres algamaron la dignidá d'emperadores, como asinalo atestigüen les intitulaciones d'Alfonsu VI y Alfonsu VII.

L'Estatutu de'Autonomía define una serie de valores esenciales y símbolos de los habitantes de Castiella y Lleón, como'l patrimoniu llingüísticu —aludiendo a la llingua castellana y al restu de llingües fablaes na comunidá: l'asturllionés y el gallegu— o'l so patrimoniu históricu, artísticu y natural. Ente los símbolos alcuéntrase'l blasón, la bandera, el pendón, l'himnu -pese a que nun existe—, al tiempu que'l 23 d'abril queda afitáu como Día de Castiella y Lleón, en conmemoración de la derrota sufrida polos exércitos de les Comunidaes de Villa y Tierra castellanes na batalla de Villalar na Guerra de les Comunidaes, en 1521.

Comunidá autónoma

Una comunidá autónoma ye, n'España, caúna les rexones con autonomía política, garantizada per aciu d'un estatutu d'autonomía.

Conceyu

Conceyu pue referise a:

Una conxusta asamblearia o muérganu desliberativu:

Conceyu abiertu, sesión que faise en públicu, convocando a elli a tolos vecinos del pueblu.

Conceyu municipal, muérganu que de cutio, xuntu al alcalde, compón una municipalidá o ayuntamientu.Una demarcación alministrativa:

N'Asturies y Galicia, conceyu y concello respeutivamente, son los nomes que reciben los municipios. Dixébrense al empar a efeutos alministrativos en parroquies. Los conceyos esistieron tamién na Lleón demientres tola Edá Moderna y en Cantabria hasta 1822.

N'Álava y Navarra, Concejo ye'l nome que reciben los pueblos que posein cierta autonomía dientro d'un municipiu. El conceutu de conceyu inviértese respeutu al esistente n'Asturies o Galicia, siendo equivalentes a les parroquies d'aquellos llugares. Ver: Conceyos de Navarra

En Burgos, Concejo o Lugar ye una dixebra qu'ha'l so propiu rexidor y forma parte d'un Partíu o agurupación de dellos Llugares de la Merindá. Cada Merindá (municipiu) cunta, dende llueu, con un alcalde. Anguaño la denomación Merindaes engloba'l norte de la provincia de Burgos en Castiella y Lleón.

En Portugal, Cabo Verde y Brasil esisten dixebres alministratives semeyantes baxo'l nome de Concelho.Otros:

Conceyu ecuménicu, xunta d'eclesiásticos d'una relixón, para tratar y decidir sobre dogmes y doctrina.

Conceyu de la Mesta, asociación gremial de pastores y dueños de ganaos qu'axuntábense en xunta añalmente pa tratar de los negocios concernientes a los ss ganaos o gobiernu económicu d'ellos, la xestión de les cañaes y pa distinguir y separtar les oveyes qu'amezárense coles de so.

Eleiciones municipales d'España de 1995

Les eleiciones municipales españoles de 1995 fueren convocaes el 28 de mayu de 1995 y fueron les quintes eleiciones municipales convocaes n'España dempués de la dictadura franquista por aciu eleiciones por sufraxu universal. A les eleiciones optaben les llistes de los rexidores de los distintos partíos, y los electos finalmente votaben l'alcalde. Coincidieron coles terceres eleiciones autonómiques de 13 comunidaes autónomes (esto ye, toes salvu Cataluña, País Vascu, Galicia y Andalucía) y al Conseyu Xeneral del Valle de Aren.

El partíu que llogró más votos y rexidores en tou España foi'l Partíu Popular, que ganaría por mayoría simple les eleiciones xenerales españoles de 1996. El PSOE perdió casi mediu millón de votos y pasó a ser la segunda fuercia político municipal. Izquierda Xunida consolídase como tercer fuercia político aumentando nun millón de votos, siguíu de CiU y EAJ-PNV. El CDS dexa de ser una fuercia político de primer orde.

Eleiciones municipales d'España de 1999

Les eleiciones municipales españoles de 1999 fueron convocaes el 13 de xunu de 1999 y fueron les sestes eleiciones municipales españoles según la regulación de la Constitución Española de 1978 por aciu eleiciones por sufraxu universal. A les eleiciones optaben les llistes de los rexidores de los distintos partíos y los escoyíos finalmente votaben l'alcalde. Coincidieron coles terceres eleiciones autonómiques de 13 comunidaes autónomes (esto ye, toes salvu Cataluña, País Vascu, Galicia y Andalucía) y al Conseyu Xeneral del Valle de Aren.

El partíu que llogró más votos y rexidores en tol país foi'l Partíu Popular, que ganaría por mayoría absoluta a les eleiciones xenerales españoles de 2000. El PSOE caltúvose como segunda fuercia político municipal pero con solu 40.000 votos menos que'l PP y recuperando bastantes posiciones. Izquierda Xunida siguió como tercer fuercia pero perdió casi la metá de votos por cuenta de delles dixebres y al fechu que ICV presentar pola so cuenta; dempués quedaron CiU y EAJ-PNV (que se presentó en coalición con HALA). El CDS perdió inda más votos anque caltuvo una alcaldía.

Idioma gallegu

El gallegu (galego), ye una llingua románica, que desciende del llatín, y del galaicoportugués. Ye una llingua que tien el so orixe nuna parte de la provincia romana de Gallaecia, no que ye'l territoriu de la Galicia actual, el norte de Portugal y El Bierzu y Zamora. Tamién podría incluyise la fastera más occidental d'Asturies, teniendo en cuenta el cálter de tresición ente el gallegu y l'asturianu d'estes fales occidentales asturianes, polo que nun sedríen propiamente gallegues, pa más información güeyar eonaviegu. El gallegu ye la llingua románica de la que te tien constancia escrito de más vieyo, xunto col italianu y anterior en más d'un sieglu al castellanu. Conformó como llingua propia independiente del llatín nel sieglu IX no que ye la oralidá y nel sieglu XII na escritura.

Foi la llingua de cultura na península ibérica na Edá Media, componiendo'l rei Alfonsu X el Sabiu, les sos «Cantigas de Santa María». Tres la independencia de Portugal l'idioma dixebróse en dos: el portugués, que pasó a ser la llingua vehicular del país, y el gallegu, que quedó arrequexáu como llingua popular ensin cultivu lliterariu dende finales del sieglu XV hasta el sieglu XIX.

Anguaño'l gallegu ye faláu por cuasi trés millones de persones en Galicia, siendo cooficial (xunto col castellán). La normativa de la que se manden ye isolacionista respeutu al restu del dominiu llingüísticu gallegu-portugués.

Dende l'añu 1963, coincidiendo col centenariu de la primer edición de Cantares Galegos, de Rosalia de Castro (17 de Maio), celébrase ca 17 de mayu'l "Día das Letras Galegas". Los años siguientes viense dedicando esta data a un escritor en gallegu fináu:

1963 Rosalía de Castro

1964 Alfonso Daniel Rodríguez Castelao

1965 Eduardo Pondal

1966 Francisco Añón Paz

1967 Manuel Curros Enríquez

1968 Florentino López Cuevillas

1969 Antonio Noriega Varela

1970 Marcial Valladares Nunes

1971 Gonzalo López Abrente

1972 Valentín Lamas Carvajal

1973 Manoel Lago González

1974 Xoán V. Viqueira Cortón

1975 Xoán Manuel Pintos Villar

1976 Ramón Cabanillas

1977 Antón Vilar Ponte

1978 Antonio López Ferreiro

1979 Manuel Antonio

1980 Alfonsu X, El Sabiu

1981 Vicente Risco

1982 Luis Amado Carvallo

1983 Manuel Leiras Pulpeiro

1984 Armando Cotarelo valledor

1985 Antón Losada Diéguez

1986 Aquilino Iglesia Alvariño

1987 Francisca Herrera Garrido

1988 Ramón Otero Pedraio

1989 Celso Emilio Ferreiro

1990 Luis Pimentel

1991 Álvaro Cunqueiro

1992 Fermín Bouza-Brei

1993 Eduardo Blanco Amor

1994 Luis Seoane

1995 Rafael Dieste

1996 Xesús Ferro Couselo

1997 Ánxel Fole

1998 Martim Codax, Joham de Cangas y Meendinho (en conxuntu, son autores de delles cantigues medievales)

1999 Roberto Blanco Torres

2000 Manuel Murguía

2001 Eladio Rodríguez

2002 Frei Martín Sarmiento

2003 Antón Avilés de Taramancos

2004 Xaquín Lorenzo Fernández

2005 Lorenzo Varela

2006 Manuel Lugrís Freire

2007 María Mariño Carou

2008 Xosé María Álvarez Blázquez

2009 Ramón Piñeiro

2010 Uxío Novoneyra

2011 Lois Pereiro

2012 Valentín Paz-Andrade

2013 Roberto Vidal Bolaño

2014 Xosé María Díaz CastroLes asociaciones de reivincicación lingüística más importantes son:

AGAL - Associaçom Galega da Língua

MDL - Movimento de Defesa da Língua

A Mesa - A Mesa pola Normalización Lingüística

Mar Cantábricu

El Mar Cantábricu o Mar Cantábrica ye'l mar llitoral del océanu Atlánticu que baña la costa norte d'España y el postreru suroeste de la costa atlántica de Francia; forma la parte sur del golfu de Vizcaya. Estiéndese dende la punta estaca de Bares, na provincia d'A Coruña, hasta la ciudá de Bayona na boca del ríu Adur inclusive, nes costes del departamentu de Pirineos Atlánticos, nel País Vascu Francés. Na so parte más oriental, xunto a les costes del País Vascu, recibe'l nome de golfu de Vizcaya o tamién de golfu de Gascuña. Baña 800 kilómetros de costa compartida poles provincies d'A Coruña y Lugo (Galicia), Asturies, Cantabria, Vizcaya y Guipúzcoa (País Vascu), y Labort, yá en Francia .

Ourense

Ourense ye la capital de la provincia d'Ourense (Galicia, España). Ye la tercera ciudá gallega por población, tres Vigo y La Coruña, y ta allugada nel sureste de Galicia (el ríu Miño pasa per esta ciudá).

Provincia d'Ourense

Ourense (Ourense n'español) ye una provincia del noroeste d'España, na parte sureste de la comunidá autónoma de Galicia. Llenda coles provincies de Pontevedra al oeste, Lugo al norte, Llión y Zamora al este y con Portugal al sur. La so capital ye la ciudá d'Ourense.

Tien una superficie de 7.278 km² y ye la única provincia de Galicia ensin salida'l mar.

La población de la provincia ye de 343.768 habitantes (2002), de los cuales el 30% viven na capital. El restu viven en 92 conceyos.

Provincia de Pontevedra

Pontevedra ye una provincia del noroeste d'España, na parte sudoeste de la comunidá autónoma de Galicia. Llenda coles provincies d'A Coruña, Lugo y Ourense, con Portugal y col Océanu Atlánticu.

La so población ye de 937.538 habitantes (2005), de los cuales unos 80.000 viven na capital, Pontevedra. Vigo ye la ciudá mas grande de la provincia y de Galicia, con unos 300.000 habitantes. Na provincia de Pontevedra hai 62 conceyos.

Nesta provincia alcuéntrase'l Parque Nacional de les Islles Atlántiques de Galicia.

Provincia de Zamora

Zamora ye una provincia española qu'anguaño forma parte de la Comunidá Autónoma de Castiella y Llión. Llenda al norte cola provincia de Llión, al oeste con Galicia y Portugal, al sur con Salamanca y al este con Valladolid. La so capital ye la ciudá de Zamora.

Provincies d'España

España divídese alministrativamente en 17 comunidaes y dos ciudaes autónomes, con estremaos graos d'autogobiernu.

A un nivel inferior al autonómicu, hai 52 provincies, la mayoría tienen el nome de la so capital. Sólo dos ciudaes son capitales d'una comunidá autónoma y nun lo son de provincia: Mérida n'Estremadura y Santiago de Compostela en Galicia.

Cada comunidá autónoma divídese en varies provincies. Siete sólo tienen una: Principáu d'Asturies, les Islles Baleares, Cantabria, La Rioxa, Comunidá de Madrid, Rexón de Murcia y Comunidá Foral de Navarra.

Nes comunidaes con más d'una provincia, hai una institución intermedia ente la comunidá y los conceyos llamada Diputación Provincial.

Real Club Deportivo de La Coruña

El Real Club Deportivo de La Coruña ye un club de fútbol español de la ciudá de La Coruña (Galicia). Fundóse en 1906 y na temporada 2017-18 xugará na Primer División d'España.

Foi'l novenu club español n'algamar un títulu de Liga, a lo qu'hai qu'amestar dos Copes del Rei y tres Supercopes d'España.

Santiago de Compostela

Santiago de Compostela ye la capital de Galicia.

El conceyu de Santiago de Compostela tien 223 km² y la población ye de 92.298 habitantes, ciudá histórica y universitaria asitiada nel centru de la provincia d'A Coruña, a 66 km de la capital provincial. Conocida pola so catedral y por ser el destín del camín de Santiago. El cascu vieyu de la ciudá ye Patrimoniu de la Humanidá pola UNESCO dende 1985. Nella tien la so sede'l gobiernu autónomu gallegu (Xunta de Galicia) y el Parllamentu. Ye un importante llugar de peregrinación cristiana, xuntu con Xerusalén y Roma, ya que según la tradición ellí diose sepultura al Apóstol Santiago'l Mayor. Destaca la so Catedral dedicada a este Apóstol, de gran importancia artística. Ye tamién relevante la so universidá, de más de 500 años d'hestoria.

Vigo

Vigo ye una ciudá de la provincia de Pontevedra (Galicia, España).

Tien una salida a la ría de Vigo. Ye una ciudá turística, industrial y de servicios. Vigo ye la ciudá mas grande de la provincia y de Galicia, con 293 642 habitantes (2018) .

N'otres llingües

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.