Confuciu

Confuciu (孔夫子, pinyin: Kǒng Fūzǐ, significa lliteralmente: "Maestru Kong") (tradicionalmente 551 e.C. - 479 e.C.) foi un filósofu chinu, creador del confucianismu y una de les figures más influyentes na hestoria China. Les enseñances de Confuciu lleguen a los nuesos díes gracies a les Analectes que contienen dalgunes de les discusiones que caltuvo colos sos discípulos.

ConfuciuPicto infobox character.png
Confucius Tang Dynasty
Vida
Nome completu 孔丘
Nacimientu Qufu551 e. C.
Nacionalidá Lu
Sepultura Campusantu de Confuciu
Causa de la muerte causes naturales
Familia
Padre Shu-liang He
Madre Yan Zhengzai
Fíos/es
Hermanos/es
Estudios
Oficiu
Oficiu filósofu, profesor y escritor
Trabayos destacaos Analectes de Confuciu
Movimientu Confucionismu
Creencies
Relixón Confucionismu
IMDb ch0054073

Biografía

Ñació nel pueblu de Qufu nel antiguu país de Lu, autual provincia de Shandong, nel noble clan de los Kong. So pá morrió trés años depués que Confuciu ñaciere, y dexó a la familia na probitú; Confuciu, ensin embargu, recibió una esmerada educación.

Aínda de bien mozu, trabayó pa la alministración del estáu de Lu y llegó algamar el rangu de Ministru de Xusticia. Dimitió del cargu años depués, yá que nun taba d'alcuerdu cola política prauticada pol príncipe.

A los 50 años encomencipíó les sos enseñances. Solía viaxar d'un llau pa otru y instruyir a los sos cuntaos discípulos a los que reuniere en tornu a él. Con fama d'home de saber y caráuter, con gran veneración pa coles idees y vezos tradicionales, ceo s'espardieron pel principáu de Lu, y llueu a tola China.

Nun entamu les sos idees nun fueren bien aceutaes hasta que los gobernantes descubrieren que les enseñances de Confuciu aseguraben qu'ellos yeren los únicos que teníen que gobernar al pueblu. De magar la dinastía Han, diversos emperadores inspiráronse na obra de Confuciu pa organizar la sociedá china. Nos sieglos postreros les sos enseñances exercieron una poderosa influencia na filosofía china y na hestoria de China.

Filosofía

La esencia de les sos enseñances son la bona conducta na vida y el bon gobiernu del estáu, al traviés de la práutica de les virtúes principales (caridá, xusticia, amor filial y respetu pola xerarquía), el cuidáu de la tradición, l'estudiu y la meditación. La meyora de cada individuu conducirá al recobramientu del orde social, al traviés del exemplu y les aiciones virtuoses.

Pa Confuciu, en cualesquier sociedá tien d'existir bones y harmóniques rellaciones ente: gobernante/súditu; home/muyer; pá/fíu; maestru/discípulo; y ente collacios. Les obligaciones nestes rellaciones tán siempre equilibraes y si daquien tien d'obedecer al so superior tamién pue alertalu nos equívocos d'esti. Una sociedá próspera algamaráse namás si les rellaciones se caltienen en dafecha harmonía.

Confuciu creyía tamién qu'una parte mui importante p'algamar l'harmonía yeren la música y los rituales. Según Confuciu, dambes coses sirven pa la comunicación del home col so contestu y p'alimentar y equilibrar les rellaciones sociales.

1

Esti artículu ye pal añu 1. Pal númberu 1, ver Un.L'añu 1 (I) foi un añu común entamáu en sábadu del calendariu xulianu, y el primer añu de la era común/cristiana. Ta precedíu pol añu 1 e.C., nun esiste l'añu 0 nin nel calendariu gregorianu nin nel xulianu. La numberación de los años tien como aniciu'l númberu 1 yá que se trata de númberos ordinales. Pol mesmu motivu, nun esiste'l sieglu 0 nin el mileniu 0.

Analectes de Confuciu

Les Analectas (chinu tradicional: 論語, chinu simplificáu: 论语, pinyin: Lún Yǔ) son la versión por escritu d'una serie de charres que Confucio dio a los sos discípulos según los discutinios que caltuvieron ente ellos. El títulu orixinal en chinu, Lún Yǔ, significa “discutinios sobre les pallabres" (de Confucio).Escrites mientres el periodu de Primaveres y Serondes, les Analectas son el mayor trabayu del confucianismu. Siguen teniendo influyencia ente los chinos y en dellos países asiáticos entá anguaño.

Artes marciales de China

Les artes marciales de China, conocíes tamién pol términu chinu mandarín de wushu (武術, 武术, wǔshù) y pol más popular de kung fu (功夫, gōngfu), son una riestra d'estilos de llucha qu'aniciaron en China a lo llargo de sieglos.

Campusantu de Confuciu

El Campusantu de Confucio» (en chinu: 孔林; lliteralmente «Monte de los Kongs»), ye un campusantu de la cla Kong (los descendientes de Confucio) en Qufu, ciudá natal de Confuncio. Él y dalgunos de los sos siguidores tán soterraos ellí, según munchos miles de los sos descendientes.

Dende 1994, el Campusantu de Confucio foi parte del patrimoniu mundial de la UNESCO del «Templu y campusantu de Confucio y residencia de la familia Kong en Qufu». Los otros dos componentes del sitiu son el Templu de Confucio, dedicáu a la memoria del filósofu y la residencia de la familia Kong, onde vivíen los sos descendientes. Los trés sitios son conocíos colectivamente como Qufu San Kong (三孔), esto ye, «Los Trés [llugares] confucionistas».

Confucionismu

El confucianismu, dacuando tamién llamáu confucionismu, ye'l conxuntu de doctrines morales y relixoses predicaes por Confuciu. El nome en chinu de la so escuela podría traducise como Escuela de los Lletraos. El confucianismu exerció una gran influyencia sobro China, Corea, Vietnam y Xapón. Foi la relixón oficial de China fasta'l sieglu VII. El canon de la filosofía confuciana compónenlo los Cuatro Llibros. El so pensamientu formóse mientres un llargu periodu que toma les dómines de Primaveres y Serondes y Reinos Combatientes (sieglos VII al III adC). Cuando China foi reunificada por Qin Shi Huang (221 e.C.) yá yera una doctrina perfectamente formada y definida, con munchos siguidores y un gran corpus testual. Depués de la curtia dinastía Qin, el so nucleu fundamental caltúvose intactu, sacantes por posibles errores de tresmisión y amestadures que namás afecten lo accidental. Como la mayor parte de los sos contemporáneos, los confucianos ven el cosmos como daqué harmónico que regula les estaciones, la vida animal, la vexetal y la humana. Si esta harmonía yera trestornada, habría graves consecuencies. Un exemplu común qu'utiliza'l confucianismu ye'l del mal gobernante que conduz al so pueblu a la ruina pente medies de la so conducta. El mal gobiernu contradiz l'orde natural y viola'l Mandáu del Cielu. El gobernante que se conduz asina pierde la so llexitimidá y pue ser depuestu por otru que va recibir esti mandáu.

Jinan

Jinan (chinu tradicional: 濟南, chinu simplificáu: 济南市, pinyin: Jǐnánshì, trescripción antigua: Tsinan) ye la capital de la provincia de Shandong na República Popular China. Trevesada pol ríu Mariellu, considérase'l centru económicu, políticu, cultural, comercial, educativu y de tresporte de tola provincia. La so área ye de 8117 km² y la so población ye de 6,99 millones.

Soo Bahk Do

Soo Bahk Do ye’l nome del arte marcial fundáu y enseñáu pol Kwan Jang Nim Hwang Kee, el so socesor Hwang Hyun Chul (conocíu como H.C. Hwang), y los instructores certificaos poles organizaciones miembros de la Organización Mundial Moo Duk Kwan.

N'otres llingües

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.