Brasil

El Brasil[1], oficialmente República Federativa do Brasil, ye'l país más grande d'América del Sur y el quintu más grande y pobláu del mundu, con 8,5 millones de km2 d'estensión y una población de más de 208 millones d'habitantes. La so capital nacional ye Brasilia, que sustituyó a Rio de Janeiro en 1960, y la ciudá más poblada ye São Paulo. El país ta formáu por 26 estaos y un distritu federal, sodividíos en 5.570 conceyos. Ye'l país más grande que tien el portugués como llingua oficial, y ún de los más multiculturales y con mayor diversidá étnica del mundu.

Arrodiáu pol océanu Atlánticu al este, Brasil tien 7.491 km de costa, y llenda con toos menos dos de los países sudamericanos: Chile y Ecuador. Al norte llenda con Colombia, Venezuela, Guyana, Surinam y Guyana Francesa; al sur Arxentina, Uruguái y Paraguái; al este l'Océanu Atlánticu y al oeste Bolivia y Perú. La conca del ríu Amazones inclúi una xigantesca viesca tropical, bayurosa en recursos naturales y minerales, que ye l'hábitat de pueblos indíxenes que gocien de proteición llexislativa.

El Brasil actual taba habitáu por bien de naciones tribales primero de que, en 1500, aportara a elli Pedro Álvares Cabral, que reclamó les tierres nes que desembarcó pal Imperiu portugués. Siguió siendo una colonia d'esi país hasta 1808, cuando la capital del imperiu, nel contestu de les guerres napoleóniques, foi treslladada de Lisboa a Rio de Janeiro. En 1815 la colonia foi elevada al estatus de reinu cola formación del Reinu Xuníu de Portugal, Brasil y Algarve. La independencia brasileña produciose en 1822 cola creación del Imperiu del Brasil, un estáu xunitariu gobernáu por una monarquía constitucional y con un sistema parllamentariu. La ratificación de la primer constitución del país en 1824 llevó a la formación d'un parllamentu bicameral, niciu del actual Congresu Nacional. El país convirtiose nuna república presidencial en 1889, tres d'un golpe d'estáu. En 1964 xubió al poder una xunta militar, que gobernó el país hasta 1985. L'actual constitución brasileña, aprobada en 1988, define'l país como una república federal democrática.

Brasil ye una potencia económica emerxente: tien l'octavu productu interior brutu (nominal y en paridá de poder adquisitivu) del mundu, y suma a un sector agrícola perpotente un vigorosu sector industrial. Ye una potencia rexonal, considerada como una potencial superpotencia por dellos autores. Ye miembru fundador de les Naciones Xuníes, el G20, el BRICS, la Xunión de Naciones Suramericanes, Mercosur, la Organización de los Estaos Americanos, la Organización d'Estaos Iberoamericanos pa la Educación, la Ciencia y la Cultura y la Comunidá de Países de Llingua Portuguesa.

Brasil
República Federativa do Brasil
Mapa do Brasil com a Bandeira Nacional
Flag of Brazil Coat of arms of Brazil
Bandera de Brasil Escudu de Brasil
Lema nacional Orde y progresu
Himnu nacional Himnu nacional de Brasil
Alministración
Nome oficial Brasil
Capital Brasilia y Rio de Janeiro
Forma de gobiernu república federal, Democracia representativa y presidencialismu
Presidente de Brasil Jair Bolsonaro
Presidente de Brasil Jair Bolsonaro
Llingües oficiales portugués brasilanu, Llingua de Signos Brasiliana y portugués
Xeografía
Coordenaes 14°S 53°O / 14°S 53°OCoordenaes: 14°S 53°O / 14°S 53°O
BRA orthographic
Superficie 8515767 km² (puestu 5)
% agua 0,65%
Costes 7.491 km
Llendes 14.691 km
Llenda con Arxentina, Bolivia, Guyana Francesa, Guyana, Paraguái, Perú, Surinam, Uruguái, Venezuela, Colombia, Francia, Xunión Europea y Gran Colombia
Puntu más baxu Océanu Atlánticu
Demografia
Población 208 494 900 hab. (2018)
Densidá 24,48 hab/km²
Xentiliciu brasilanu y brasilana
Economía
Moneda Real brasilanu
PIB nominal 2 055 505 502 224,7 (2017)
PIB per cápita 9812 (2017)
Más información
Dominiu d'Internet .br
Códigu telefónicu +55
Códigu ISO 076 / BRA / BR
Estaya horaria UTC−02:00, UTC−02:00, UTC−03:00, UTC−03:00, UTC−03:00, UTC−04:00, UTC−04:00 y UTC−05:00
www.brasil.gov.br

Política y gobiernu[2]

Organización política

L'actual Constitución del Brasil foi promulgada'l 5 d'ochobre de 1988. Nella establécese que la República Federativa de Brasil, formada pola xuntura indisoluble de los estaos y los conceyos y del distritu federal, constitúise nun estáu democráticu de derechu.

El poder executivu exércelu'l presidente de la República col sofitu d'un gabinete de ministros. El presidente, xunto col so vicepresidente, tienen de ser elexíos por mayoría absoluta. El so mandatu dura cuatro años, y puede repetir namái una vegada.

El poder llexislativu exércelu el Congresu Nacional, una institución bicameral formada pola Cámara de Diputaos y el Senáu Federal. La cámara fórmenla 513 diputaos, elexíos al traviés d'un sistema proporcional nos 26 estaos y nel distritu federal pa un mandatu de cuatro años. El senáu fórmenlo 81 miembros: trés por cada estáu y trés más pol distritu federal. El so mandatu dura ocho años, magar que cada cuatro renuévase parcialmente.

No que cinca al poder xudicial, el so muérganu cimeru ye'l Supremu Tribunal Federal.

El sufraxu, nes distintes eleiciones, ye universal, secretu y obligatoriu. Los estaos, pela so banda, son autónomos, y escueyen caún el so gobernador y la so propia cámara llexislativa.

Gobiernu

El presidente del país ye, dende'l 31 d'agostu de 2016, Michel Temer. Los presidentes de la Cámara de Diputaos y el Senáu son, respeutivamente, Rodrigo Maia y Renan Calheiros.

La xestión del gobiernu del país articúlase (abril de 2012) en 25 ministerios, magar que hai tamién delles secretaríes especiales p'asuntos concretos (Rellaciones Institucionales, Derechos Humanos, Igualdá Racial, Polítiques pa Muyeres, Asuntos Estratéxicos, Aviación Civil, Comunicación Social y Puertos). Los ministerios son los que vienen darréu:

  • Casa Civil (Presidencia)
  • Rellaciones Esteriores
  • Facienda
  • Desarrollu, Industria y Comerciu Esterior
  • Agricultura
  • Desarrollu Agrario
  • Mines y Enerxía
  • Planificación
  • Integración Nacional
  • Defensa
  • Desarrollu Social y Llucha escontra la fame
  • Educación
  • Salú
  • Trabayu y Emplegu
  • Previsión Social
  • Tresportes
  • Comunicacione
  • Xusticia
  • Mediu Ambiente
  • Ciencia, Teunoloxía y Innovación
  • Cultura
  • Deportes
  • Turismu
  • Ciudaes
  • Pesca y Acuicultura

Partíos políticos

El mapa políticu ye percomplicáu, con bien de formaciones que lluchen, nes diferentes eleiciones, por algamar representación nes diferentes cámares estatales y federales. Los principales d'ellos, que tienen representación na actual cámara de diputaos, son:

  • Partido do Movimento Democrático Brasileiro (PMDB). El so presidente ye Valdir Raupp.
  • Partido Demócratas (DEM). El so presidente ye José Agripino Maia.
  • Partido da Social Democracia Brasileira (PSDB). El so presidente ye Sergio Guerra.
  • Partido Democrático Trabalhista (PDT). El so presidente ye Carlos Lupi.
  • Partido Trabalhista Brasileiro (PTB). El so presidente ye Roberto Jefferson.
  • Partido dos Trabalhadores (PT). El so presidente ye José Eduardo Dutra.
  • Partíu Comunista do Brasil (PC do B). El so presidente ye José Renato Rabelo.
  • Partido Socialista Brasileiro (PSB). El so presidente ye Eduardo Campos.
  • Partido Progresista (PP). El so presidente ye Francisco Dornelles.
  • Partido Popular Socialista (PPS). El so presidente ye Roberto Freire.
  • Partido Verde (PV). El so presidente ye José Luiz de França Penna.
  • Partido Social Liberal (PSL). El so presidente ye Luciano Caldas Bivar.
  • Partido Social Democrático (PSD). El so presidente ye Gilberto Kassab.
  • Partido Humanista de Solidaridade (PHS). El so presidente ye Paulo Roberto Matos.
  • Partido Socialista dos Trabalhadores Unificado (PSTU). El so presidente ye José Maria d'Almeida.
  • Partido Socialismo e Liberdade (PSOL). El so presidente ye Afrânio Radeu Boppré.
  • Partido Trabalhista Cristão (PTC). El so presidente ye Daniel Tourinho.
  • Partido Social Cristao (PSC). El so presidente ye Víctor Jorge Abdala Nosseis.
  • Partido Social Demócrata Cristao (PSDC). El so presidente ye José María Eymael.
  • Partido da Causa Operaria (PCO). El so presidente ye Rui Costa Pimenta.

Los sindicatos, pela so banda, son tamién numberosos. Destaquen, a nivel nacional, los que vienen darréu:

  • Central Unica dos Trabalhadores (CUT), dirixida por Artur Henrique da Silva Santos.
  • Força Sindical (FS). El so cabezaleru ye Paulo Pereira da Silva.
  • Uniao Geral dos Trabalhadores (UGT), dirixida por Ricardo Patah.
  • Central Geral dos Trabalhadores do Brasil (CGTB). El so presidente interín ye Ubiraci Dantas d'Oliveira.
  • Coordenação Nacional de Lutas (Conlutas), dirixida por una coordinadora colexada.
  • Central dos Trabalhadores e Trabalhadoras do Brasil (CTB). El so presidente ye Wagner Gomes.
  • Nova Central Sindical de Trabalhadores (NCST), dirixida por José Calixto Ramos.

Organización políticu-alministrativa

El territoriu de Brasil ta dividíu en 26 estaos y un Distritu Federal.

Economía

La so economía tien importancia a nivel americanu y mundial, cola agricultura (ye'l mayor productor de café, naranxa y zucre a nivel mundial), la ganadería (tien la mayor cabaña bovina del mundu y ye'l mayor esportador mundial de carnes), la minería (piedres precioses, fierro, niobiu, bauxita) y la industria (automóviles, aviones, ordenadores, etc.). El PIB de Brasil ye'l mayor d'América Llatina.

Demografía

Mapa de Brasil

Mapa de Brasil

Los 188.181.069 habitantes en 2007, según l'Institutu Brasilanu de Xeografía y Estadística (IBGE), distribuyíos per 27 unidaes federatives. Les principales ciudaes (36 con más de 500.000 habitantes) son:

Ciudá Estáu Población
São Paulo São Paulo 11.016.703
Rio de Janeiro Rio de Janeiro 6.136.652
Salvador Bahia 2.711.372
Fortaleza Ceará 2.416.920
Belo Horizonte Minas Gerais 2.399.920
Brasilia Distrito Federal 2.383.784
Manaus Amazones 1.927.346
Curitiba Paraná 1.788.559
Recife Pernambuco 1.515.052
Porto Alegre Rio Grande do Sul 1.440.939
Belém Pará 1.428.368
Guarulhos São Paulo 1.283.253
Goiânia Goiás 1.220.412
Campinas São Paulo 1.059.420
São Luís Maranhão 998.385
São Gonçalo Rio de Janeiro 973.372
Maceió Alagoas 922.458
Duque de Caxias Rio de Janeiro 855.010
Nova Iguaçu Rio de Janeiro 844.583
São Bernardo do Campo São Paulo 803.906
Teresina Piauí 801.971
Natal Rio Grande do Norte 789.896
Campo Grande Mato Grosso do Sul 765.247
Osasco São Paulo 714.950
Santo André São Paulo 673.234
João Pessoa Paraíba 672.081
Jaboatão dos Guararapes Pernambuco 651.355
Uberlândia Minas Gerais 618.968
Contagem Minas Gerais 613.289
São José dos Campos São Paulo 610.965
Sorocaba São Paulo 578.068
Ribeirão Preto São Paulo 559.650
Cuiabá Mato Grosso 542.861
Feira de Santana Bahia 535.284
Juiz de Fora Minas Gerais 509.125
Aracaju Sergipe 505.286
Les ciudaes con más de 500 mil habitantes según l'IBGE en xunetu de 2006.


En Brasil alcuéntrense grandes árees metropolitanes, 12 con más de 2.000.000 d'habitantes:

Área Metropolitana Estáu Población
São Paulo São Paulo 20.500.000
Rio de Janeiro Rio de Janeiro 11.351.937
Belo Horizonte Minas Gerais 4.975.126
Porto Alegre Rio Grande do Sul 4.184.042
Recife Pernambuco 3.589.181
Brasilia Distrito Federal, Goiás y Minas Gerais 3.500.000
Fortaleza Ceará 3.415.455
Salvador Bahia 3.350.523
Curitiba Paraná 3.251.168
Campinas São Paulo 2.634.000
Belém Pará 2.086.906
Goiânia Goiás 2.013.073
Santos São Paulo 1.476.820
Vitória Espírito Santo 1.437.711
São Luís Maranhão 1.300.000
Natal Rio Grande do Norte 1.240.734
Teresina Piauí y Maranhão 1.200.000
Maceió Alagoas 1.116.075
Joinville Santa Catarina 1.024.212
João Pessoa Paraíba 998.890
Les Árees Metropolitanes de Brasil con más de 1.000.000 d'habitantes según l'IBGE en xunetu de 2006.

Relixón

La relixón predominante ye la católica, anque hai llibertá de cultu.

Caltiénense tamién creyencies y costumes de los indíxenes, especialmente nel ríu Amazones.

Provenientes de la esclavitú negra, practíquense creyencies africanes como l'animismu, y otres como la macumba o candomblé y la umbanda.

Tamién suel dase'l casu d'amestar relixones, ritos y creyencies d'orixe africanu col cristianismu.

Porcentaxe d'adeptos:

  • Catolicismu: 73,6%.
  • Protestantismu y ilesies evanxéliques: 15,4%.
  • Espiritismu: 1,3%.
  • Unitarios Universalistes: 0,1%.
  • Relixones afro-brasilanes: 0,3%.
  • Otres: 1,8%.
  • Ensin relixón: 7,4%.

Referencies

  1. Cartafueyos Normativos. Nomes de los países del mundu y de les sos capitales y xentilicios, Academia de la Llingua Asturiana, 2010; ISBN 987-84-8168-500-8
  2. Los datos recoyíos nesti apartáu tán sacaos del Anuario Iberoamericano 2012 del Real Instituto Elcano y l'Agencia Efe. Disponible en http://www.anuarioiberoamericano.es/

Enllaces esternos

1960

Abreviatures

° : fecha de nacencia

† : fecha de la muerte

Alcalde

Un alcalde (árabe clásicu, قاضي qāḍī < árabe hispanu, قاضي alqáḍi: xuez) ye un cargu públicu que s'atopa al mandu de l'alministración política d'una ciudá, conceyu o pueblu. Esiste una amplia variedá de regulaciones xurídiques d'esta figura, tantu no relativo a les sos competencies y responsabilidaes como a la forma en que l'alcalde ye escoyíu.

L'alcalde puede ser reelexíu na mayoría de los países. La so obligación consiste en defender los intereses de los sos conciudadanos por aciu la execución de les polítiques locales que tengan por oxetivu la meyora de la so calidá de vida.

Arxentina

L'Arxentina , oficialmente República Arxentina, ye'l segundu país más estensu d'América del Sur y l'octavu de tol planeta. Llenda al oeste y al sur con Chile, al norte con Bolivia y Paraguái, al noreste con Brasil y al este con Uruguái.

Bolivia

Bolivia, oficialmente República de Bolivia (Pronunciación) , ye un país nel centru de Sudamérica. Llenda al norte y oeste con Brasil, con Paraguái y Arxentina al sur, y con Chile y el Perú al este.

Colombia

Colombia, oficialmente República de Colombia, ye un país asitiáu na fastera noroccidental d'América del Sur, lo que la fai poseedora de costes nos océanos Atlánticu (mar Caribe), Pacíficu y el ríu Amazones.

Llenda con Venezuela al este, Brasil al sudeste, Perú y Ecuador al sur, y Panamá al Oeste.

Conceyu

Conceyu pue referise a:

Una conxusta asamblearia o muérganu desliberativu:

Conceyu abiertu, sesión que faise en públicu, convocando a elli a tolos vecinos del pueblu.

Conceyu municipal, muérganu que de cutio, xuntu al alcalde, compón una municipalidá o ayuntamientu.Una demarcación alministrativa:

N'Asturies y Galicia, conceyu y concello respeutivamente, son los nomes que reciben los municipios. Dixébrense al empar a efeutos alministrativos en parroquies. Los conceyos esistieron tamién na Lleón demientres tola Edá Moderna y en Cantabria hasta 1822.

N'Álava y Navarra, Concejo ye'l nome que reciben los pueblos que posein cierta autonomía dientro d'un municipiu. El conceutu de conceyu inviértese respeutu al esistente n'Asturies o Galicia, siendo equivalentes a les parroquies d'aquellos llugares. Ver: Conceyos de Navarra

En Burgos, Concejo o Lugar ye una dixebra qu'ha'l so propiu rexidor y forma parte d'un Partíu o agurupación de dellos Llugares de la Merindá. Cada Merindá (municipiu) cunta, dende llueu, con un alcalde. Anguaño la denomación Merindaes engloba'l norte de la provincia de Burgos en Castiella y Lleón.

En Portugal, Cabo Verde y Brasil esisten dixebres alministratives semeyantes baxo'l nome de Concelho.Otros:

Conceyu ecuménicu, xunta d'eclesiásticos d'una relixón, para tratar y decidir sobre dogmes y doctrina.

Conceyu de la Mesta, asociación gremial de pastores y dueños de ganaos qu'axuntábense en xunta añalmente pa tratar de los negocios concernientes a los ss ganaos o gobiernu económicu d'ellos, la xestión de les cañaes y pa distinguir y separtar les oveyes qu'amezárense coles de so.

Guyana

La Guyana (oficialmente República Cooperativa de Guyana) ye un país del norte d'América del Sur. Sicasí, aveza a considerásela, polos sos fortes llazos culturales, hestóricos y políticos colos países caribeños de llingua inglesa, como parte de la rexón del Caribe. El país llenda al norte col océanu Atlánticu, al este con Surinam, al oeste con Venezuela y al sur con Brasil. Ye, colos sos malpenes 215.000 km² d'estensión, el tercer país más pequeñu de Sudamérica tres d'Uruguái y Surinam.

Guyana ye la más occidental de les Guayanes, nome que recibe la fastera de territoriu sudamericanu asitiáu al norte del cauce del ríu Amazones y al este del del ríu Orinocu. Habitada dende antiguo por dellos grupos d'indíxenes, el territoriu foi llugar d'asentamientu de colonos holandeses primero de que, a finales del sieglu XVIII, cayera embaxu del control británicu. Col nome de Guayana inglesa, y con una economía agrícola basada en plantaciones, foi gobernada por esti país hasta la década de 1950. Algamó la independencia en 1966, y convirtiose nún estáu soberanu perteneciente a la Commonwealth en 1970. La herencia británica espéyase na so organización política y nel amiestu de races (hindúes, africanos, amerindios y otres) que conformen la so población.

Guyana ye l'únicu país d'América del Sur que tien l'inglés como llingua oficial. La mayoría de la población, sicasí, fala en criollu guyanés, una llingua criolla de base inglesa, como primera llingua. El país pertenez al área cultural conocida como Caribe anglófonu, y nelli tien la so sé, na ciudá de Georgetown, la Comunidá del Caribe. En 2008 Guyana xuniose, como miembru fundador, a la Unión de Naciones Suramericanes.

Guyana Francesa

Pa otros usos del términu Guyana/Guayana: ver Guayana (dixebra)La Guyana Francesa (oficialmente "Departamentu d'Ultramar de la Guyana Francesa") ye un departamentu d'ultramar de Francia que s'alluga al norte d'América del Sur ente Brasil y Surinam, llendando al norte col océanu Atlánticu.

Identificador d'oxetu dixital

L'identificador d'oxetu dixital, conocíu n'inglés como dixital object identifier y embrivíu DOI, ye un sistema paecíu a los identificadores URI. L'oxetu puede ser cualquier entidá o cosa, física, dixital o abstracta. Una forma común d'emplegar el sistema DOI ye dar a les publicaciones científiques un númberu específicu que cualesquier pue usar p'alcontrar al traviés de la Rede'l citáu artículu. A diferencia del sistema URL, usáu nes páxines web, el sistema DOI nun camuda col pasu del tiempu anque l'artículu seya reasitiáu nuna direición distinta, yá que lleva la información incorporada en forma de metadatos.

El sistema de control DOI ellaborólu la Corporación Nacional pa Iniciatives d'Investigación (CNRI), una asociación estauxunidense non llucrativa destinada a promover el desenvolvimientu de les teunoloxíes de la información y la comunicación nel campu de la investigación científica.

En Brasil, la Plataforma Lattes nacional de Desenvolvimientu Científicu y Teunolóxicu (CNPq), por casu, usa'l DOI como una forma dixital de la certificación de la producción de lliteratura grabada polos investigadores nos sos C.V. Lattes. Cuando un programa navegador atopa un númberu DOI, utiliza'l prefixu p'atopar la base de datos del editor y asina tener accesu a la información sobre'l llibru o periódicu, que puede incluyir datos de catálogu, crítiques y enllaces. Esti sistema empezó a usase apocayá en Brasil, y ta aplicándose en delles soluciones DRM.

Idioma portugués

El portugués ye una llingua románica con un orixe común col gallegu. Fálase na Comunidá de Países de Llingua Portuguesa, qu'aconceya a Portugal, Brasil, Angola, Guinea-Bisáu, Mozambique, Cabu Verde, Santu Tomé y Príncipe y Timor Oriental.

Anguaño ye la llingua principal de Portugal, Brasil, Angola, Guinea-Bisáu, Mozambique, Cabu Verde, Santu Tomé y Príncipe y Timor Oriental, toos ellos países que formen la Comunidá de países de llingua portuguesa. Inda tien una pequeña cantidá de falantes en Macáu y en delles zones de la India que foron colonies portugueses: Goa, Damán y Diu y Dadra y Nagar Haveli; tamién se fala en dellos sectores de Ceilán (actual Sri Lanka), territoriu qu'enantes de formar parte del Imperiu Británicu formó parte del Imperiu portugués. De forma minoritaria, tamién se fala en colonies importantes de países de fala portuguesa establecíes en zones fronterices, por casu, en Venezuela o nes zones colindantes a Brasil d'Arxentina , Bolivia, Colombia, Paraguái y Uruguái por cuenta de la migración de brasileños na so mayor parte dedicaos al comerciu.

Paraguái

Paraguái (Pronunciación) , oficialmente Paraguay ye un país allugáu nel corazón d'América del Sur, dixebráu pol ríu Paraguái en dos rexones; Oriental y Occidental o Chaco. Comparte con Bolivia, n'América, la condición de ser los únicos países que nun llendan con dengún océanu. El so nome oficial ye República del Paraguay y la so capital ye la ciudá d'Asunción. Llenda al sur y suroeste con Arxentina, al este con Brasil y al noroeste con Bolivia.

Perú

La República del Perú ye un país allugáu na parte occidental d'América del Sur. Llenda'l norte con Ecuador y Colombia, al este con Brasil y Bolivia, al sur con Bolivia y Chile y al oeste col Océanu Pacíficu.

Ye un país de gran riqueza cultural y antropolóxica, conocíu sobremanera por ser el berciu del imperiu inca.

Portugal

Portugal (o Pertual, en mirandés y llionés), oficialmente República Portuguesa, ye un país continental y atlánticu asitiáu nel sudoeste d'Europa, na fastera occidental de la Península Ibérica y nel Atlántcu Norte. Tien una superficie de 92.391 km² y ye la nación más occidental d'Europa, llendando al norte y al este con España y al sur y al oeste col Océanu Atlánticu. El so territoriu inclúi los archipiélagos atlánticos d'Azores y Madeira, que son sendes rexones autónomes colos sos propios gobiernos rexonales.

Portugal ye l'estáu más antiguu de la Península Ibérica, y ún de los más vieyos d'Europa. Pol so territoriu pasaron y asentáronse bien de pueblos dende la dómina prehistórica: preceltes, celtes, cartaxineses, romanos, visigodos y suevos. Portugal, como país, estableciose demientres la nomada Reconquista cristiana, la guerra escontra los musulmanes qu'invadieran la Península Ibérica en 711. Pesie a los intentos d'independizase de magar foi fundáu como un condáu en 868, nun sedría hasta dempués de la batalla de San Mamede (1128) cuando los soldaos d'Afonso Henriques derrotaron a los que dirixía so ma, Teresa, cuando el Condáu de Portugal afitaría la so soberanía y el propiu Afonso se proclamara a sigo mesmu Príncipe de Portugal. Sedría proclamáu rei na batalla d'Ourique, en 1139, y reconocíu como talu polos reinos vecinos nel tratáu de Zamora (1143).

Nos sieglos XV y XVI Portugal estableció'l primer imperiu global, convirtiéndose nuna de les principales potencies económiques, polítiques y militares del mundu. Demientres esta época, conocida como Era de los Descubrimientos, los esploradores portugueses foron pioneros na esploración marítima, especialmente embaxu'l patrociniu del príncipe Enrique'l Navegante y del rei Xuan II, con viaxes tan notables como'l que llevó a Bartolomé Díaz más allá del Cabu de Bona Esperanza (1488), el descubrimientu de la ruta marítima a la India por Vasco da Gama en 1497-98 o'l descubrimientu de Brasil (1500).

Nestos sieglos Portugal monopolizó'l comerciu d'especias, y espardió'l so imperiu con campañes militares n'Asia. Por embargu, socesos como la destrucción de Lisboa por un terremoto en 1755, la Revolución Industrial, la Guerra de los Siete Años, la ocupación del país demientres les Guerres Napoleóniques y la independencia de Brasil (1822) foron acabando pasín ente pasu col poderíu portugués.

la revolución de 1910 acabó cola monarquía y estableció la Primer República Portuguesa, un réxime inestable que foi suprimíu pol réxime autoritariu de dereches conocíu como Estado Novo. La democracia habría volver dempués de la Revolución de los Claveles de 1974, que punxo fin a la Guerra Colonial Portuguesa. Perpoco dempués garantizóse-y la soberanía a cuasi tolos territorios d'ultramar; la devolución de Macáu a China en 1999 marcó'l final del que puede considerase l'imperiu colonial de mayor duración de tolos europeos.

Portugal dexó una importante influencia cultural y arquitectónica per tol mundu, un legáu de 300 millones de falantes de llingua portuguesa y de un garapiellu de llingües criolles de sustratu portugués. Ye un país desarrolláu, con un réxime republicanu xunitariu semipresidencialista, con una economía avanzada y altos estándares de vida. Ye miembru de les Naciones Xuníes, la Xunión Europea, la OTAN y la OCDE, y formó coles sos ex-colonies la Comunidá de Países de Llingua Portuguesa.

Rio de Janeiro

La ciudá de Rio de Janeiro (nome completu: São Sebastião do Rio de Janeiro, que quier dicir en llingua asturiana: San Sebastián del Ríu de Xineru, tamién conocida simplemente como Rio) ye la capital de l'estáu homónimu, la segunda ciudá más grande y poblada de Brasil dempués de São Paulo y tamién d'una de les más importantes ciudaes en Brasil; nómase A cidade maravilhosa ("la ciudá maraviosa") pola so belleza. A les persones nacíes na ciudá tienen el xentiliciu de carioca o fluminense. Foi la capital de Brasil dende 1763 hasta 1822, mientres Brasil foi una colonia portuguesa, y llueu hasta 1960 como una nación independiente, cuando la capitalidá del país camudó a la recién construyida Brasilia.

Ye famosa polos sos entornos naturales, poles sos prestixoses celebraciones d'antroxu, pola samba y otres músiques, poles sos playes turístiques enllenes d'hoteles (como Copacabana ya Ipanema). Dalgunos puntos d'interés sacantes les playes son la estatua xigante de Xesús, conocida como'l Cristu Redentor, asitiada na cima del cerru del Corcovado; el picu Pan d'Azúcar, col so teleféricu; el Sambódromu, una gran avenida utilizada pelantroxu; y l'estadiu de fútbol de Maracaná, unu de los más grandes del mundu.

El 2 d'ochobre de 2009, el Comité Olímpicu Internacional asignó a Rio de Janeiro la celebración de los Xuegos Olímpicos de 2016.

São Paulo

São Paulo ye un estáu de Brasil. La so capital ye la Ciudá de São Paulo. Les principales ciudaes son la capital, Campinas, Santos, São José dos Campos, Osasco, Jundiaí, Sorocaba, Ribeirão Preto, Franca, Marília São José do Rio Preto, Araçatuba, Presidente Prudente, Bauru, São Carlos, Piracicaba, Limeira, Paulínia, Rio Claro y Taubaté.

Venezuela

Venezuela, oficialmente República Bolivariana de Venezuela ye un país de la costa norte d'América del Sur. Llenda al norte col Mar Caribe y l'Océanu Atlánticu, al sur con Brasil, al oeste con Colombia y con Guyana al este.

N'otres llingües

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.