11 سبتمبر

11 سبتمبر هو اليوم ال254 (ال255 فى السنة الكبيسة) من ايام السنة فى التقويم الجريجورى . و فيه بعده 111 يوم لحد نهاية السنة.

مناسبات وأعياد

مصادر

احمد الطيب

الإمام الأكبر احمد محمد احمد الطيب ، دكتور ( اتولد فى القرنه ، الاقصر سنة 1946 ) شيخ الازهر السادس و الاربعين ، اتعين فى المنصب فى 19 مارس 2010 بعد وفاة الشيخ محمد سيد طنطاوى. معروف بالاعتدال و الاستناره و سعة العلم و عايش بشكله و هدومه و افكاره فى العصر الحديث ك " اكاديمى " مع انه شيخ الطريقه الاحمديه الصوفيه فى صعيد مصر و بيعتبر من ابرز المتصوفين من علما الازهر.

اتولد احمد الطيب فى قرية القرنه فى الاقصر سنة 1946 و اتعلم فى المدارس الازهريه و هو عنده عشر سنين. اتخرج من كلية اصول الدين فى القاهره سنة 1969 ، و قضى فتره من حياته فى فرنسا و اخد الدكتوراه من الازهر الشريف عام 1977 فى العقيده و الفلسفه الاسلاميه ، و اشتغل محاضر جامعى فى فرنسا. بيتقن الفرنساوى و ترجم كذا كتاب من الفرنساوى.

اشتغل مدرس فى الازهر و وصل لمنصب رئيس قسم الفلسفه. و شارك فى مؤتمرات حوار الاديان. اتعين مفتى للديار المصريه من 10 مارس 2002 لغاية 2003 و بعدين من سنة 2003 بقى رئيس جامعة الازهر و عمل تطويرات مهمه و وأنشأ كذا كليه و معهد فوق متوسط. بيرأس لجنة حوار الأديان فى الازهر و عضو فى مجمع البحوث الاسلاميه. تعيين رئيس جامعة الازهر شيخ للازهر حاجه بتحصل لاول مره. فى فترة شغله كمفتى للديار المصريه لبس اللبس الازهرى ( العمامه و الجبه ) لكن بعد ما ساب المنصب لبس الهدوم العاديه و بعد ما بقى شيخ الازهر حايلبس الزى الازهرى تانى لانه - حسب ما قال - زي خاص بشيخ الازهر و بالمفتى.

احمد الطيب عمل انفتاح بين جامعة الازهر و جامعات اوروبيه عن طريق عقود شراكه علميه بين جامعة الازهر و جامعات فى بريطانيا و المانيا و فرنسا و ايطاليا ، و بعت بعثات كتيره للجامعات الاوروبيه من خريجي و خريجات جامعة الازهر حتى فى التخصصات الدينيه.

بيعتبر الطيب النقاب لبس عربى قديم مالهوش علاقه بالدين و فى يناير 2010 شدد على ان الطالبات ما يلبسوش النقاب ده فى الامتحانات و جوه الحرم الجامعى.

فى سنة 2006 دان و دعا لاحتواء اى فكر متطرف فى جامعة الازهر بعد ما قامت جماعه من الطلبه المتطرفين التابعين لجماعة الاخوان المسلمين بعمل عرض " قتالى " فى ساحة الجامعه على طريقة المتطرفين فى منطقة الشرق الاوسط ، و قال ان الطلبه المتطرفين دول صورو جامعة الازهر على انها بتصدر الارهاب و الفكر المتطرف و دى حاجه مش ممكن يقبلها الازهر ، و ان الطلبه دول كانو ملثمين على طريقة الجماعات اللى بتتهم بالارهاب فى الشرق الاوسط ، و طرد عدد من الطلبه دول من الجامعه.

فى الذكرى التالته لاعتداءات 11 سبتمبر 2001 صرح لجورنال ايچيبت توداى بقوله : " ادركنا ان الخطاب الاسلامى محتاج مراجعه "

شارك فى مؤتمرات تحاور الاديان و اكد فى حوار مع اسقف كانتربري روان وليامز بإن الاختلاف فى الدين او الفكر او اللغه المفروض ما يكونش سبب للصراعات بين البشر.

البابا شنوده التالت بطريرك الكنيسه المصريه القبطيه زار الدكتور احمد الطيب على راس وفد من الكنيسه المصريه عشان يهنيه بتنصيبه شيخ للازهر. الدكتور احمد الطيب قال فى وقت استقبال الوفد إن وحدة مسلمين و أقباط مصر امر مش ممكن التفريط فيه.

بطبيعة الحال ، بخلفية احمد الطيب و توجهاته المعتدله من المرجح انه حايواجه تهجمات من المتطرفين و الظلاميين و دعاة القهر و الاستبداد فى منطقة الشرق الاوسط. بدأ احمد الطيب يواجه اول معاركه بمجرد تعيينه بتوجيه الاتهمات ليه بإنه درس فى جامعه حديثه (السوربون) و انه صوفى و انه بيلبس بدله و كراڤته و مش مربى دقن.

بعد ثورة 25 يناير اتعرض الدكتور الطيب لمضايقات اتسببت فى انه يقدم استقالته للمجلس العسكري مرتين لكن طلبه اترفض. فى 22 مارس 2011 منع موظفين الازهر الدكتور احمد الطيب من دخول مكتبه فى المشيخه و طالبوا برحيله هو و كل المستشارين اللى اتعينوا فى عهده و فضل واقف فتره على الباب مش قادر يدخل فزعل و راح على مقر القوات المسلحه و قدم استقالته لكن رفضت من المجلس العسكري.

ارباد ميكلوش

ارباد ميكلوش (11 سبتمبر 1967 - 3 فبراير 2013) ممثل بورنوجرافى مجرى ، اسمه الحقيقى پيتر كوزما (Peter Kozma) .

اتولد ارباد ميكلوش يوم 11 سبتمبر 1967 فى بودابيست عاصمة المجر ، وهو اصلا مهندس كيميائى . وفى سنة 1994 هاجر لامريكا واستقر فى مدينة نيويورك بولاية نيويورك الامريكية .

فى سنة 1995 دخل ارباد ميكلوش فى مجال البورنوجرافى بعدما مثل اول فيلم بورنوجرافى ليه وهو فيلم The Vampire of Budapest ومثل بعد كده أكتر من 50 فيلم بورنوجرافى .

اسبانيا

اسپانيا (اسپانى: España; نطق: [esˈpaɲa]) او "مملكة اسپانيا" هى دوله أوروبيه بتطل على البحر المتوسط من ناحية الجنوب و المحيط الاطلنطى من ناحية الغرب. و ليها حدود مع فرنسا و اندورا و البرتغال و المغرب.

اسپانيا دوله ملكيه دستوريه و ديموقراطيه برلمانيه و عضو فى الاتحاد الاوروبى من سنة 1986 و عضو فى الناتو من سنة 1982. اسبانيا دولة متقدمة و اقتصادها الإتناشر بين أكبر اقتصادات دول العالم و الخامس فى الاتحاد الاوروبى و سنة 2005 كان مؤشر نوعية الحياه فيها عاشر اعلى تصنيف فى العالم.

عاصمة اسپانيا هى مدريد اللى هى كمان أكبر مدنها, و الإسپانى او الكاستييانو هى اللغه الرسمى للدوله حسب الدستور الاسپانى بس فيه لغات تانية بتعترف بيها الدولة زى الباسكى و الجاليسى و الكاتالانى. سنة 2006 89% من الاسپان اعتبرو الكاستييانو لغتهم الام.

عدد سكان اسپانيا 46951532 نسمه كان حسب تعداد سنة 2010, و مساحتها 504،030 كيلو متر مربع و بكدا بتكون تانى اكبر دولة فى غرب اوروبا بعد فرنسا حسب المساحة،و رابع أكبر بلد فى قارة اوروبا بعد روسيا, و اوكرانيا, و فرنسا , متوسط ارتفاع اراضى اسپانيا 650 متر فوق مستوى سطح البحر ده خللاها خامس أكبر بلد جبلى فى أوروبا بعد سويسرا, النمسا, أندورا و ليختنشتاين.

اراضى اسبانيا بتضم معظم شبه الجزيرة الايبيرية و ارخبيل جزر البليار فى غرب البحر المتوسط, و ارخبيل جزر الكنارى فى شمال شرق المحيط الاطلنطى و كمان فى شمال افريقيا, زى اماكن سيادة الحكم الذاتى فى ثيويتا و ميلييا, و أصغر المناطق جزر تشافاريناس اسبانى: Chafarinas, صخرة فيليز ديجوميرا وصخرة الحسيمة. اسبانيا بتشارك فرنسا فى السياده على جزيرة الفزان فى مصب نهر بيداسا و خمس فيساريات فى البيرينيه.

أراضى اسبانيا طول تاريخها اتعرضت لمؤثرات خارجيه كتير بسبب مكانهاو كتير من التأثير ده كان بيحصل فى وقت واحد من عصور ما قبل التاريخ و بدايات اسپانيا كبلد . و بالعكس البلد فى حد ذاته كان مصدر مهم للتأثير فى مناطق تانيه و على راسها خلال العصر الحديث لما بقت امبراطورية عالمية و سابت أكتر من 400 مليون واحد بيتكلمو اسبانى دلوقتى و ده خللا الاسبانى تانى اكبر لغه ام حسب عدد اللى بيتكلموها.

اسپانيا عضو فى الأمم المتحدة, الاتحاد الأوروبى, حلف شمال الأطلنطى, منظمة التعاون و التنميه الاقتصاديه, و منظمة التجاره العالميه. مدريد (اسبانى: Madrid نطق: [maˈðɾið], و بالعامية فى اسبانيا [mað̞ɾi]) هى العاصمه واكبر مدينه فى اسپانيا . و تالت أكبر بلديه فى الاتحاد الأوروبى بعد لندن و برلين, و مدريد الكبرى هى تالت أكبر منطقه حضريه حسب عدد سكان المناطق الحضريه فى الاتحاد الأوروبى بعد باريس الكبرى و لندن الكبرى.

اشرف عبد الباقى

اشرف احمد عبد الباقى، ممثل و مقدم برامج مصرى من مواليد 11 سبتمبر 1963 , عاش طفولته فى منطقة حدايق القبه فى القاهرة، اتخرج من كلية التجارة جامعة عين شمس ، وبعد ما خلص دراسته فى الجامعة دخل المعهد العالى للفنون المسرحية ، نشاطه الفنى ابتدا من هو صغير فى المدرسه وبعدين مع فرقة كلية تجارة و مع فرق الهواه ، ومثل فى حوالى 80 مسرحية مابين سنة 1979 و1984 ، اكتشفه المخرج هانى مطاوع وقدمه فى مسرحية خشب الورد وكان وقتها شغال فى المقاولات و شغل الديكور . عمل مسلسلات كتيره زى راجل و ست ستات و يوميات زوج معاصر و من غير ميعاد و مش الف ليلة وليلة و غيرها .

الكسندر مارسيل

الكسندر مارسيل (Alexandre Marcel , (1860 - 1928 مهندس معمارى و مصمم مبانى فرنسي فى القاهره

كان هو و ارنست جاسبر مصممين لمعظم مبانى هليوبوليس الاصلية فى 1907-1914

امبراطوريه عثمانيه

الامبراطوريه العثمانيه (بالعثمانلى دولتْ علیّه عثمانیّه و بتتنطق Devlet-i Âliye-yi Osmâniyye) (بالتوركى: Osmanlı İmparatorluğu) كانت امبراطوريه استمرت من 1299 لحد 1923 لما اتحلت و جت مطرحها الجمهوريه التوركيه فى 29 اكتوبر 1923.

الامبراطوريه العثمانيه فى عزها (القرنين الستاشر و السبعتاشر) كانت بتمتد على تلات قارات: اسيا و اوروبا و افريقيا و كانت مركز للتفاعلات بين الشرق و الغرب على مدى ست قرون و العاصمه بتاعتها كانت الاستانه (استانبول دلوقتى).

بعد احتلال العثمانليه ل مصر (1517) اتدهورت احوالها الثقافيه و بعد ما كانت فى العصر المملوكى دوله مستقله متقدمه و متطوره أكتر من اوروبا نفسها بقت دوله محتله تابعه للباب العالى الإستانبولى و اتضمحلت احوالها و اتقهقرت ثقافتها و ما فاقتش من غيبوبتها الا على اصوات مدافع الفرنساويه بعد وصول حملة نابوليون.

بدر الدين ابو غازى

بدر الدين محمود أبو غازى (14 مايو 1920 - 11 سبتمبر 1983) هو وزير الثقافة المصري في الفترة من نوفمبر 1970 ل مايو 1971. أشرف على إصدار المسح الاجتماعي الشامل للمجتمع "1952 – 1980"، واللي أطلق عليه البعض "وصف مصر الثاني" .

بشار الاسد

بشار الاسد (اتولد 11 سبتمبر 1965) رئيس الجمهورية العربية السورية والأمين القطري لحزب البعث الحاكم والقائد العام للجيش والقوات المسلحة السورية، وابن الرئيس السورى السابق حافظ الاسد، وصل الى الحكم فى سوريا البعث سنة 2000 م بعد مانتخبته القيادة القطرية بتاعت حزب البعث الحاكم بعد ما اتوفى ابوه الرييس حافظ الاسد.

بشار الاسد اصلاً دكتور عيون واتخرج من جامعة دمشق ودرس لفتره قصيره فى لندن وبعدين رجع لسوريا بعد وفاة أخوه الكبير باسل الاسد فى حادثة عربيه فى دمشق سنة 1994 .

تقويم قبطى

التقويم القبطى او تقويم الشهداء هو تقويم معتمد أساسا على التقويم المصري القديم وهو تقويم شمسي وضعه قدماء المصريين لتقسيم السنة إلى 13 شهر، ويعتمد على دورة الشمس. ويعتبر التقويم المصري من أوائل التقاويم اللي عرفتها البشرية. كمان أنه ادق تقويم حاليا من حيث ظروف المناخ والزراعة خلال السنه؛ فيعتمد عليه المزارع المصري في مواسم الزراعة والمحاصيل اللي بيقوم بزراعتها ، من آلاف السنين ولغاية دلوقتى.

تهانى راشد

تهاني راشد (11 سبتمبر 1935 )، ممثلة مصرية.

اتخرجت من كلية الاداب جامعة القاهره قسم اللغة الإنجليزية، أبنة الطبيب حسن حسنى راشد. اختارها المخرج محمد كريم فى دور صغير فى فيلم دليلة. وفيلم جميلة. وكان عاطف سالم هو اللى خلى اسمها يلمع فى فيلم احنا التلامذة وصراع فى النيل. ركزت نشاطها فى التليفزيون ومن اشهر اعمالها الاخيرة. رأفت الهجان، التوأم، بنات افكارى. تزوجت من المخرج الراحل يحيى العلمى ودورها فى هدى ومعالى الوزير من أهم ادوارها.

داليدا

يولاندا كريستينا جيجليوتى (طليانى: Iolanda Cristina Gigliotti) المشهوره بـ داليدا (Dalida) (17 يناير 1933 – 3 مايو 1987) كانت مغنيه مصريه من اصل طليانى (من جزيرة كالابريا) اتولدت و اتربت فى مصر فى حى شبرا فى القاهره و سافرت سنة 1954 لفرنسا و عاشت هناك معظم حياتها. داليدا غنت اغانى ناجحه كتير بالانجليزى و الفرنساوى و الاسبانى و الطليانى و المصرى و الالمانى و العبرى و الهولاندى و اليونانى و حتى باليابانى.حياة داليدا الشخصيه كانت سلسله من المشاكل في حياتها العاطفية على الرغم من الشهره العالميه الكبيره اللى وصلتلها، في 8 ابريل 1961 اتجوزت من لوسيان موريس سبب شهرتها في فرنسا لكن ماكنش الا زواج عمل ماكنش في شهر عسل ماكنش بيكلمها الا عشان اغنيها حست داليدا أن هو مبقاش يحبها زي الاول و في مدينة كان في يوليو 1961 قابلت داليدا الممثل جان سوبيسكي ووقعت في حبه و في يناير 1962 طلقها لوسيان موريس بسبب اكتشافه لخيانتها لي و عاشت داليدا من جان و انفصلوا عن بعض في سنة 1963 و في أكتوبر 1966 قابلت داليدا كاتب الاغاني و المغني الايطالي لويجي تينكو و اتخطبوا في يناير 1967 و أعلنوا عن خطط زفافهم اللي هيتم في شهر أبريل من نفس السنه و تطوعوا في مهرجان في مدينة سان ريمو في ايطاليا 27 يناير 1967 كانت الأغنية ciao amore ciao وكانت ليلة مأسوية لان بعد فشلهم في المهرجان انتحر لويجي في اوضته في فندق و داليدا اول من اكتشف جثته فحاولت داليدا الانتحار في 27 فبراير 1967 في نفس الاوضه بجرعة زائدة من الحبوب المنومه لكن تم انقاذها بمعجزة و فضلت في غيبوبة لمده خمس ايام و تعرضت داليدا الاكتئاب في أكتوبر 1967 قابلت شاب ايطالي و حملت منه بعد شهرين وقررت الإجهاض سرا الا بمعرفة اخوها وبنت عمها وبعد الإجهاض اصبحت عاقم بسبب محاولة الانتحار الاولي قررت داليدا العلاج النفسي حتي انها سافرت الي الهند للعلاج النفسي في 21 اكتوبر 1972 عن طريق باسكال سيفران قابلت ريتشارد شانفري المعروف باسم الكونت دي سان جيرمان كانت داليدا بتعاني من الاكتئاب بسبب انتحار طليقها لوسيان موريس في 11 سبتمبر 1970 و انتحار لويجي تينكو ده غير وفاة والدتها في 1971 وقعت داليدا في حب ريتشارد بسرعة و كان ريتشارد بيدعي أنه يقدر يحول الرصاص لدهب كانت داليدا معجبه بشخصيته الملونه و حبه ليها و سجلوا اغنية et damour, في عام 1975 و رغم حبهم لبعض الا أنهم انفصلوا في سنة 1981 بعد سنتين من انفصالهم انتحر ريتشارد في 20 يوليو 1983 بقت داليدا وحيده لا زوج ولا اطفال في سنة 1986 سجلت الأغنية الفرنسية Les homme de ma vie واللي بتشرح فيها عن حياتها العاطفية الفاشلة و عن كل الرجالة اللي كانوا في حياتها انتحروا عانت داليدا الاكتئاب الحاد في سنة 1987 و قررت الانتحار في ليلة 2 مايو 1987 اخدت حبوب زائده من المنوم و كاس كحول لزيادة تأثير المهدئات و توفت في نهار 3 مايو و كتبت قبل متنتحر رسالة (سامحوني....الحياة مابقتش تحتمل) اتدفنت في مقابر مونمرتر بباريس و بني لها تمثال بالحجم الطبيعى لها

صالح سليم

صالح سليم (11 سبتمبر 1930. - 6 مايو 2002) هو لاعب كورة قدم مصرى وهو من اهم لاعيبة النادى الاهلى المصرى و اشترك فى افلام سينما.

قناة الجزيره

قناة الجزيره هى قناه تليفزيون فضائيه مقرها فى مشيخة قطر. ابتدو يبثوها سنة 1996 و حققت شهره و انتشار على مستوى العالم كله بعد احداث 11 سبتمبر لانها اذاعت كذا شريط فيديو و تسجيل صوتى لاسامه بن لادن و دراعه اليمين ايمن الظواهرى القياديين فى تنظيم القاعده.

شبكة قنوات الجزيره فيها قنوات كتيره زى الجزيرة الاخبارية (عربى و انجليزى) و الجزيره مباشر و الجزيره الوثائقيه و الرياضيه 4 قنوات والاطفال و براعم.

من الانتقادات اللى اتوجهت للقناه دى ، جنب برامج الصراخ و الخناق اللى تشبه صراع الديوك ، انها بتعرض كمان مناظر مريعه لمقاتيل و مشوهين و ما بتحترمش حرمة الضحايا زى القنوات التانيه و ممكن تأثر على نفسية المشاهدين و خاصة الاطفال.

بتختلف الاراء حوالين قناة الجزيره، وهي قناة بتمول برامجها شركات الجاز والغاز الغربيه، فيه ناس بيعتبروها قناه حره حسنه النيه لكن فيه بيشكو فى طبيعتها و اهدافها و بيعتبروها اداه فى ايد مشيخة قطر و ممكن جهات تانيه اتسخرت ليها الاموال و الاجهزه و الدعايه و الامكانيات للوى دراع الدول اللى مش على هواها و تشويه صورتها و ابتزازها خاصة ان القناه على الرغم من انها بتنتقد بلاد معينه و بتحاول تثير شعوبها ضد حكوماتها لكن عمرها ما بتنتقد أى حاجه فى مشيخة قطر و اللى بتنتمى ليها وكإنها اتعملت لأهداف معينه. بيتقال ان القناه مسيطر عليها الاخوان المسلمين .

بيقول الكاتب عادل درويش فى جورنال الشرق الأوسط العدد 11260 إن فيه دويلات صغيره بتحاول تضخم شخصيتها، و بيقول الباحث و المحلل مأمون فندي فى العدد 9442 إن قوى الظلاميه بتسيطر على قناة الجزيرة، و بيقول الكاتب محمد على ابراهيم أن قناة الجزيرة إعلام بعين واحده " يري عيوب الاخرين ويجسدها ويضخمها ويعجز عن رؤية عيوبه وثقوبه التي تملأ الجزيرة الصغيرة التي يعرفها العالم باعتبارها المكان الذي توجد فيها أكبر قواعد عسكرية امريكية خارج الولايات المتحدة، كما أنها تحظي بأكبر تواجد للجنود والضباط الامريكيين الذين يصل عددهم إلي 45 الف جندي وهم رقم أكبر من الجيش القطري نفسه".

فى مقاله عنوانها " جزيرة الشيطان " بيقول الصحفى نصـــر القفــاص : " اذا كان فى الوطن العربي قناة اسمها قناة الجزيرة فعلينا أن نحذر من المستقبل بكل ماتهب علينا رياحه من خبث وخبائث ومؤامرات!!" مع فقدان المصداقيه و عرض صور العنف و برامج الصراخ و العنف الصوتى و ظهور قنوات فضائيه كتيره تانيه ضاع من قناة الجزيره بريقها اللى بدأت بيه.

من أغرب مشاكل الجزيره كان اتهام قناة العربيه ليها بإنها بتحرض على مذيعيها و قالت قناة العربيه : " صدم الوسط الإعلامي بنشر دعوات تتهجم على برنامج "صناعة الموت" الذي تبثه اسبوعيا قناة العربية. وكان موقع حواري لقناة الجزيرة سمح لمشاركيه بالتهجم على قناة "العربية" وبرنامجها وتضمن الهجوم الكلامي دعوات صريحة بقتل المذيعة ريما صالحة التي تقدم البرنامج ".

الجزيره اختلقت مشكله مع مصر بعد ما زعمت ان مصر شوشت على افتتاح مؤتمر عربى اتعمل فى قطر و بعدين اتهمتها انها شوشت على القمر الصناعى المصرى اللى كان بينقل مباريات كرة القدم بتاعة كاس العالم 2010 اللى بتذيعها الجزيرة و بعد كده اتهمت الأردن.

فى 29 اكتوبر 2010 قفلت المغرب مكاتب قناة الجزيره فى المغرب بعد ما أتهمتها بإنها انحرفت عن قواعد العمل الصحفي الجاد والمسؤول. و وصفتها انها اتمادت فى قصد الإساءه للمغرب و التركيز على الجوانب السلبيه فيه و المساس بوحدة التراب المغربى.

وقت مظاهرات و احداث يناير 2011 فى مصر شنت الجزيره التابعه لمشيخة قطر حمله منظمه ضد نظام الحكم فى مصر بطريقه استغلاليه مش حياديه و كإنها طرف فى الأحداث بيحاول يثير الجماهير و بيوجها مش مجرد جهاز إعلامى بينقل اخبار لدرجة انها كانت بترشد النهابين عن الاماكن اللى مفيهاش حراسه زى المتاحف و المستشفيات الكبيره ، و فتحت خط تليفونى لتلقى اللى سمته " استغاثات ". نتيجة كده اضطرت السلطات المصريه فى 30 يناير 2011 لقفل مكتب الجزيره القطريه فى القاهره و وقف ارسالها على القمر الصناعى المصرى نيل سات. فى 4 فبراير 2011 قناة الجزيره حطت فى الصفحه الاولى فى موقعها على الانترنت شعار " معاً لإسقاط مصر ". الجزيره بعد ما شالت الشعار قالت ان الموقع كان مخترق.

اظهرت وثايق سريه نشرها موقع " ويكيليكس " فى نوفمبر 2010 إن قطر بتستخدم قناة الجزيره كأداه للمساومه فى مفاوضاتها مع الدول.

محمد على فهمى

المشير محمد علي فهمى (11 أكتوبر 1920 - 11 سبتمبر 1999), قائد عسكري مصرى, شغل منصب رئيس أركان حرب القوات المسلحة المصرية وكان أول قائد لقوات الدفاع الجوي المصري من 23 يونيو 1969، واستمر قائد لها أثناء حرب الاستنزاف وحرب اكتوبر 1973.

نيكولا پيترانجيلى

نيكولا پيترانجيلى لاعب تنس من ايطاليا

وزارة نور الدين طراف

وزارة الدكتور نور الدين طراف أو (المجلس التنفيذي للإقليم المصرى) هي الوزارة 87 في تاريخ مصر وتشكلت في 7 أكتوبر 1958. وهو ثاني تشكيل وزاري بعد الوحدة العربية بين مصر وسوريا. اتشكلت الوزارة كمجلس تنفيذي للإقليم المصري على أن يرأس نور الدين كحالة المجلس التنفيذي للإقليم السوري, ويخضع المجلسان للوزارة المركزية برئاسة جمال عبد الناصر.

يوسف جوهر

يوسف جوهر (12 ديسمبر 1912 - 11 سبتمبر 2001) روائي متميز.. وصحفي وكاتب سينمائي وكاتب قصصي مصرى وأستاذ بمعهد السينما.

اتولد يوسف جوهر في مدينة قوص بمحافظة قنا في سنة 1912 ، اتخرج من كلية الحقوق سنة 1935، وعمل لسنوات في مجال المحاماة، شارك في كتابة السيناريو والحوار لعشرات الأفلام المصرية، من أبرزها: (الروح والجسد، سماعة التليفون، مصطفى كامل، دايمًا معاك، الرجل الثاني). بالإضافة لعمله السينمائي، كتب يوسف جوهر العديد من المجموعات القصصية والروايات. توفي في سنة 2001 عن عمر 89 سنه.

خريج كلية الحقوق 1935

اشتغل بالمحاماة

عضو فى مجلس ادارة مؤسسة السينما

قام بتدريس القصة السينمائية

مقرر لجنتي السينما والقصة بالمجلس الاعلى للفنون والآداب

عضو المجالس القومية المتخصصة شعبة الادب، ولجنة القصة

السكرتير العام لجمعية الادباء

رأس تحرير مجلة السينما والمسرح

شارك فى انشاء معهد السينما وفي اعادة قانون اتحاد الكتاب

ظهر انتاجه الادبي أكتر من250 قصة قصيرة نشرت فى مجلات السياسة الاسبوعية، والثقافة والرسالة وآخر ساعة وأخبار اليوم من سنه 1932وحتى سنه 1961

بلغات تانيه

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.